divendres, 24 de febrer de 2006

e i anavi pas per asard...




Uèi, 800 qm per far Carcin-Catalonha. Aprèp la frontièra, m'arresti per metre de gasolina. Es una gasolina de pre-pagament, es a dire que cal pagar abans de se servir...
Dintri per dire que pagui amb la Carta Visa Gold made in American Express 4 estèlas... :-D . Genre, pòdi pas pagar ARA. Las vendeiras, me fan comprene qu'es OK... e me demandan quina pompa... e abans que respondèsse, una ditz:
- Usted lleva el camión?
- Mmmmm, aquí detrás del coche blanco.
Ai pas precisat, Twingogogoallezallezallez, playmobil, en avant les histoires. Avián compres qu'èri pas del camion!!


Nota bene per mai tard: Pensar a me feminizar un pauc que sembli un camionaire , ouaf ouaf ouaf

dimecres, 22 de febrer de 2006

Vacanças, no job

pasmens, me cal:
- dormir
- planificar las sequéncias cap al mes de junh (se cal pas trufar)
- recaptar mon ostalet
- legir los libres qu'ai
- tornar los libres , encara en retard, encara una multa...
- classificar mos documents pedagogics (m'agrada aquesta expression)
- anar dançar
- veire los amics a Montpelhièr
- anar a Barcelona
- trabalhar lo nivel C de catalan que devi passar al mes de mai
- començar d'estudiar lo programa d'espanhòl en collègi per l'an que ven...
- faire de lagui per las mutacions
- pas despensar de moneda.
- magrir

Mission impossible, an escampat Tom Cruise per me prene a ieu :)

questionari nul

1 lo questionari que m’auriá agradat d’i respondre mas que pas degun m’envièt:

mmmm, pas degun me manda cap questionari, alara.... Doncas los que i a aquí dessus, los ai raubats sus de blogs franceses. Sequenon, m’auriá agradat de respondre a las questions dels questionaris faches pels candidats de Tournez Manège, kò’s grand!!

2 foguèsse un animal espotit sus la rota, seriái...

un eriçon, cf Wally “il ne faut pas demander de l’aide à un hérisson pour traverser la route”

3 mon dictator preferit:

mon caracter de merda!!

4 l’objecte sexual que m’agrada melhor :

la trompa d’elefant

5 ma deformacion fisica preferida:

la crampa de la boca de Dominique Lavanant dins los Bronzés 3. Mòrta de rire dins lo ciné (es çò que me ven primièr al cap, o veguèri ièr... )

6 deguèsse brutlar una veitura, seriá .....

totes los 4*4 del mond qu’an pas besonh d’un 4*4.!! 1-Contaminan. 2- Se pòdon pas rambar en vila. 3- Coma los menaires avián la costuma de menar una Twingogòla, te prenon tota la rota. Fuck los 4*4!!

7 deguèsse executar un Bisounours seriá....

Groscheri?

Bon, me cal avoar, agachavi pas los Bisounours a la television ( a l’epòca, n’aviái una), èri una filha, tant femenina, qu’agachaci Olive e Tom e Nicky Larson, èra plan mai rocok’n’roll que non pas lo necitge mais in orsland... Sequenon, los bisounours son braves, los anam pas killar. Podriam killar Gargamel melhor? O Candy? Òc, si, anam killar Candy!!!

Li 7 felibres de la lei….

Encara un questionari made in franch blogs...

7 causas que vòli far abans de morir...
- publicar quicòm
- montar un espectacle d’umor
- jogar d’acordeon o de cabreta o un autre instrument
- magrir, mas pas tròp tampauc
- aprene a cantar
- far d’autres estudis
- èsser capable de cambiar de mestièr

7 causas que las fau plan coma cal
- far rire
- romegar, rondinar, repotegar
- quequejar
- chucar.... ai pas precisat qual o qué....
- pausar de questions de blondas , lo mond sabon pas jamai se fau exprés o pas (ieu tampauc)
- me trufar del mond
- la lenga de pelha....

7 causas que sabi pas faire
- me levar quand lo revelh tinda
- la cosina
- me reténer de rire quand quauqu’un tomba
- una equacion-bilanç en quimia
- bricolejar o far que que siá sens far dins lo gacha empega’ style
- m’orientar. Lo nòrd est TOTJORN davans ieu. OK?
- estimar. Genre quants i a d’estatjants? Quants ia de quilometres? Quant de temps cal? etc

7 causas que m’atiran dins un òme
- son umor
- son agach
- son intelligéncia
- sa politessa, es a dire rire de mas conariás, emai siaguèsson pas risolièras
- sos pèls
- sos braces
- sos botelhs e sas cuèissas...


7 causas que disi sovent
- boudiiiiiiiiiii
- O putainnnnnnn
- Joderrrrrrrrrrrrrr
- Anda, Vete al mierda
- Chuis fatiguée
- Salut , ça va?
- Zo!

7 famous people que m’agradan
- Guizmo
- E.T.
- Mauri dins la serie Aquí no hay quien viva
- The crocodile Hunter (lo hunter, pas los crocodiles!! )
- ieu? Qual a dich que soi pas famosa?
- Flipper lo dalfin, Lassie lo colley, Belle dins Bela e Sebastien, JoliCoeur dins Remi sens familha ( morís al cap d’un brieu, bon dieu, qu’ai ploraaaaaaaaaat ), Demis Roussos ( es mòrt? En tot càs, ai pas plorat)
- Javier Bardem....

dimarts, 21 de febrer de 2006

ieu tanben ne vòli del quatre-quart

Dins la blogosfera francesa, lo mond se fan passar de questionaris, alara , ieu tanben i vau!
Se n'avètz, podètz faire virar!

4 còps fabuloses

- los còps de vièch
- un còp de mai
- aqueste còp! quand aguèri lo Kpès (d'un autre costat l'ensagèri pas qu'un còp!)
- un còp èra quand legissiái sus mon lièch

4 còps marrits

- non, donarai pas de nom , mdr
- un còp dins las colhas (enfin, es çò que dison, ieu ne sabi pas res!)
- un còp de tròp
- quand òm manca son còp

e doblides pas que los còps te fan pas sage!


4 posicions que m'agradan

- legir colcada
- dins mon lièch, sul costat, jos la coeta
- dins sos braces o jos el o sus el o a costat d'el
- assetada sus una taula al fons de la classa en trin de faire la colha per explicar als 6ª....

4 fantasmas

- capitar de gerir ma moneda
- aver 100 comentaris sus akeste blog mdr
- èsser capable d'èsser contenta amb çò qu'ai... Kò's plan conegut, "l'erba es melhor chas lo vesin", dison las vacas....
- Euromillions, i want U so much

4 mestièrs que faguèri:

- serviciala dins un restaurant... Òm se trufa pas. Aviái de succés! Ben òc, dins un canton pels toristas, fasiái plan autoctòna!
- segretària en catalan
- webmestresssa, animatritz ràdio e femna multifonccion!
- culhir de pomas... de las pomas maduras , quasi e poiridas...


4 films que pòdi veire e tornar veire:

- Tot Amenabar- d'un aute costat, es jove, n'a fach sonque 4
- Los films del Splendid
- 9 songs... per las cançons plan segur!
- Todo sobre mi madre, lo passatge que Agrada monta sus scèna e fa son show. Antologia.
- La soupe aux choux e sa cançon "Los caulets quand fa freg etc"

4 endreches que m'agradariá d' i èsser ara:
- ara ara ? sai pas

4 endreches que i ai viscut:
- gara de Vic-Mireval , tout le monde descend!
- Montpelhièr
- Barcelona
- las colhas de mon paire


4 endreches que i anèri en vacanças:
- Avairon
- Auvernha, mercés Marrida-Joana
- los Aups, mercés Carina
- merda, partissi pas jamai en vacanças!!!!

4 emissions de tele que m'agradan:
Fau cagar mon mond sus aqueste blòg en dire qu'ai pas la tele, pasmens m'agradan:

- Pasapalabra, jòc sus Telecinco que i cal devinhar los mots
- Ardisson, bon dieu que m'agrada la puta
- la pub
- the crocodile hunter
- los JT per me trufar del/ de la presentator/ presentatritz
- Des chiffres et des lettres, subretot lo generic
- Questions pour un couillon, per imitar Lepers


4 aliments ou plats que je préfère:
-
los iaorts
- la paella
- lo polet amb de maiò e de patatas fregidas
- lo coca

4 sits internet que cliqui sovent:

- los que son a drecha
- Gnomofónimo
- Ron
- Amazon

4 victimas:
- lo que vòl faire sa vida amb ieu, paure d'el

- los qu'an ensajat de passar un moment de sa vida amb ieu
- mos escolans e mos collègas
- mos amics
- mon gosset

dijous, 16 de febrer de 2006

COLERASSA!!

Vòlon massacrar mon país:

http://www.lesgardiensdelagardiole.com/

a z'Ais la mar....

Voliái escriure quicòm mas ai doblidat...

Alara vau anar manjar ma pasta e mon peis....

Mas TORNARAI!!!










PS: sètz en drech de demandar de qu'es aqueste títol....
Un potonàs al primièr que tròba...

divendres, 10 de febrer de 2006

Foguèsse amb de vaselina …..


Uèi, romègui.

Aprèp un esfòrç subre-uman per far tot plen de quilometres fins a dimècres amb tota la fatiga qu’aquò supausa, trobèri lo coratge de prene l’autò per anar a Caurs per prene lo trin per anar a Tolosa. Mas lo sòm me ganhèt, e acabèri dins un arbre.

Rassegura-te amic lector, ai pas res agut. La veitura pas grand causa. Pas res de grèu, fin finala. Telefoni quand meme a Inter Mutuelle Assitance que me manda son remorcaire de Gordon. Firmi un papièr que servís al garatge per se far pagar lo remorcatge. Enfin, es çò que pensavi. Firmi, doncas.

Sus la pagina de l’assegurança, vesi qu’aqueste garatge es pas agreat MYFE. Alara, telefoni ala MYFE, e me dison que lo polit garatge Re*naült es agreat. Òsca Manòsca! Que, coma chas la maire Toèna (1), al garatge Re*naült, i a de polits dròlles.

Telefoni a Re*naült e me dison qu’an pas pogut prene la veitura a l’autre garatge.

Sequestracion de Toingo-go-go-allez-allez-allez??

Akò m’agrada pas.

Aimi pas aquesta veitura de playmobil que chuca encara mai que ieu mas es pas una rason, macarèl!

Aqueste papièr que firmèri de matin, lo cap dins lo cuol, es un òrdre de reparacion… A mèrda. Telefoni al garatge sequestraire e me fan comprene que i a pas cap de diferéncia entre eles e Re*naült. Alara argumenti: lo garatge agreat a d’emplegats polits e aimables reçaup l’argent directament de la MYFE. Me dison Una secretària mal bicada me ditz qu’eles tanben. A!? Autre argument: lo garatge agreat me baissarà lo prètz lo jorn que voldrai comprar una veitura nòva a l’obligacion de me prestar una veitura pendent 3 jorns. Aquela radassa me ditz qu’eles tanben… Doncas li disi que me vòli quand meme “retractar sus l’òrdre de reparacion”. Me sortís que lo tip que me depanèt i es pas e ela pòt pas res faire. De qué servisson las secretàrias alara? E pren mon telefon en me disent que lo tipe arribarà deman, sachent perfèchament que Re*naült es barrat lo dissabte e que l’expert passa lo Diluns…. Putarassa…

Telefoni a la MYFE. La nanà, son totjorn plan simpaticas, èra furiosa perque aqueste garatge fa totjorn aquò! Es d’abús de fisança. Me ditz que daisse la veitura en cò del garatge-sequestraire-colhonaire e que me pagaràn eles a ieu tre que recebràn lo papièr de l’expert.

Aquò me fa bravament cagar de me faire sequestrar coma aquò, de veire lo pauc d’onestat del mond e de dever pagar io al garatge encuolaire!!

Riscan pas de m’i tornar veire al garatge aqueste! E vos pòdi que l’esperaràn mon chèc un bon brieu!!!!




(1) pels quatre qu’auriàn pas compresa la referéncia, cf la cançon tradicionala Chas la maire Toèna, i a de bon vin blanc, ia de bon blanc e de polidas dròllas, es una escotisha dobla.

Calimèra

Aquí i a pas gaire de mond que daissèsse de comentaris.
Aquò fa plan plaser de recebre al mens un comentari.

E ben n'i a PAS CAP sus las fòtos

Alara soi trista.

Vaquí

Poiriatz al mens dire, berk, wow, o kikòm coma akò.

Me'n vau plorar dins mon canton....