dimecres, 19 de juliol de 2006

Estivada Rodés - Jorn 2 - Lo primièr còp

1/4 de sègle e ai pas jamai fach de camping .
Una vergonha.

Fa un an que crompèri un tibanèl e que l'ai dins la mala de la veitura. "Se per cas". Ieu fonccioni al "se per cas". Mas bon i aguèt pas de "cas" ongan per utilisar mon tibanèl roge (òc es roge).
Alara per Estivada, me diguèri "Melania; es ara o jamai; te cal CAMPAR a Rodés!". M'avián dich que lo campatge de Rodés èra pas gaire car (confirmi: 4€ la nuèch).
Pensatz plan qu'èri tota contenta de poder campar enfin. De poder estrenar mon tibanèl roge e nòu.
Puèi me venguèt la paur... l'ànsia....
Arribas al camping, fas la quèqua a l'acuèlh, dragas un còp o dos, prenes ton emplaçament, dragas un còp de mai, un risolet akí, una galejada alai, decidisses jos kin arbre te metes, dubrisses la saca del tibanèl, o sortisses tot e te trachas qu'as pas jamai montat un tibanel de ta vida... Alara coma me voliái pas ridiculizar dabans la Tèrra tota (cossí? sètz pas totes a Rodés!), me desconflèri. Anavi pas montar mon tibanèl ieu soleta. Melhor dormir dins ma Toingo...

E Decathlon inventèt lo tibanèl-pels-colhons-de-las-mans. Sas, lo tibanèl que l'escampas e es ja montat, as pas que de dintrar dedins.
Anèri al Decathlon, tornèri, virèri e una vendeira plan aimabla me faguèt la demostracion. Per montar, i arribarai. Per desmontar e tornar plegar lo dakòs serà kikòm mai....

Ièr a miègjorn, vau a Layoule, lo camping de Rodés-Kpitala amb mon amiga la Blonda qu'ai totjorn l'esper que mas amigas blondas siaguèsson mai intelligentas que non pas ieu. Bon akeste còp i anèri amb la Blonda perque la Blonda sabiá ont èra Layoule. çò que sabiái pas, es que la Blonda es una experta del camping scot o caraca o benlèu los dos es una professionala del campatge. Alucini en tecnicolor.

Arribam. TRobam l'emplaçament, sortissi mon tibanèl "quechua". Quechua es la marca de Decathlon. Vai comprendre... Bon s'apela pas Quechua dins la vida vertadièra , s'apèla "Two seconds" perk l'escampas e se monta en two seconds, mas ieu li disi mon tibanèl quechua e li disi coma vòli k'es mon blòg e es mon tibanèl.
Doncas sortissi mon tibaèl quechua, deliram un còp amb la Blonda que coneis pas qkeste sistèma de tibanèl, deu pas agachar gaire la television La Blonda!
Escampi lo tibanèl dins los aires genre frisbee. Se desplega, s'estira puèi se dubrís. It's a kind of magic...
Tomba.
Sul teulat.
Segur, emai un dakòs tant aisit marcha pas amb ieu oaf oaf oaf.
La Blonda es bocabadada. Lo tibanèl es montat. Podèm tornar en vila.


Mas ço que m'avián pas dich es que quand arribas de nuèch, te cal un lum.
Ieu arribèri a 3.00 del matin. E vakí. Aguèsse sachut, auriái pres lo calelh vièlh de la cava...
En mai d'akò, aviái pas res recaptat. La saca de dormir èra desplegada dins la veitura, la saca amb los afars dins la mala. Jòia.
Tòrni trobar lo tibanèl (es ja un miracle). O dubrissi. Demandi a ma vesina lo sabon per la docha qu'ai doblidat, plan segur.
Vau pissar, fau lo torn per trobar lo canton per las dònas. Visiti los sanitaris del camping, mon primièr còp. Akò fa paur de visitar lo campatge la nuèch. Ausisses tot plen de bruch. E ausissiái tot plen de mond petar. Son de pòrcs lo mond que pensavi. D'un autre costat quand dormisses, te sentisses pas lofar. al cap de la cinquiena lofa qu'ausissi compreni que son pas de lofas mas es lo bruch de la barradura dels tibanèls...
Pissi un còp. Decidissi de me dochar pas per desrevelhar pas degun (finalament auriái mens fach cagar mon mond en me dochant que non pas en ronquant coma o faguèri oaf oaf oaf )
Torni dins lo tibanèl.
M'installi.

Pichonela soi estada traumatisada per los Bronzés e ieu pensavi que lo Camping akò marchava coma lo Club Med. Sas, que cada nuèch i a un tip que s'engana de tibanèl. Alara ieu aviái tot preparat: m'èri depilada, aviái recaptat tot plan coma cal, aviái daissat dubert que lo tip se faguèsse pas refolat un tibanèl reguèrgue, aviái sortidas las capòtas. Tot.
Pas degun me venguèt veire.
La soleta causa de tibada que sentiguèri akesta nuèch èra mon tibanèl.

Resolucion per akesta nuèch: dintrar mai d'ora que del mai demòri dins lo tibanèl mas ai d'astre que quauqu'un s'enganèsse...

Dobte del jorn: las barraduras qu'ausissiái quand passejavi dins lo camping a negra nuèch... èra que lo mond me volián pas dins son tibanèl o es la frucha de l'asard?

Lo blòg a la ràdio

Soi a la ràdio cada vespre a l'entorn de 8.00.
Fau partida tanben de las piòtas que fan l'emission de matin , a 10.30, "Lo Galinièr".

D'escotar de longa akí: http://www.radiolengadoc.com

dimarts, 18 de juliol de 2006

Estivada Rodés - Jorn 1

Rodés, vaquí, i soi!
Akò a començat!

Censi, lo conse, cada annada, a cada Estivada, ditz que Rodés es lo centre del mond, mmm, d'Occitània perdon que lo centre del mond es ja a la gara de Perpinhan... S'anam pas garrolhar amb los Catalans ara...
Rodés centre geografic d'Occitània.

O confirmi!
Vos expliqui:
Los legeires del blòg, o sabètz, èri perduda dins lo trauc del cuol de mond, mmm dins Carcin perdon! E Montpelhièr-Carcin de que i a mièg-camin? E?

E òc!
I a R O D E S!! Rodés èra l'estapa del camin Salviac-Montpelhièr o Montpelhièr-Salviac. Estapa a mièg camin doncas, per dire que sèm a la mitat del camin! Estapa per manjar, qu ei a 3 MacDo sul camin Montpelhièr -Salviac, e dos son a Rodés. Estapa per m'apasturar tanben! òc es una vergonha , o sabi. Mas ne soi pas a una conariá de mai!

E aqueste còp, aqueste matin, partiguèri de ma garriga, passèri Lodèva, lo viaducte e aqueste còp m'arrestèri a Rodés.
Non, aqueste còp, farai pas 2 oras de mai de camin. Non aqueste còp , me caldrà pas preparar a la borra lo cors dels 6ena...
Aqueste còp son las vacanças! Soi en vacanças! Una setmana de vacanças a Rodés per Estivada.
Vos anatz trufar... M'anatz dire aue Rodés akò's pas luènh, kò's pas erotic mmm exotic perdon...
Kò's pas exotic??? Vos fotètz de ieu?
Quand arribatz dins Avairon, las rotas son diferentas, e parli pas dels arbres o de las vacas. Parli de la DDE 12. Remarcaretz que fan de pinturas pel sòl un pauc estranhas e qu'aquí los punts redond son batejats: ja dison "giratòri" e an un nom "Giratoire de sai pas k" Quin exotism!

Soi en vacanças dins un autre país... a estivada a Rodés...
Shòrt, camisòt, tongs, besiclas de solelh. Son las vacanças. Soi en vacanças.
Arribada aqueste matin, anèri a Laguiola. LAguiola? Coneissètz!!! Es lo campiong de Rodés! Mas akí una autra aventura que contarai deman!

Soi a Rodés


Plan arribada a Rodés.

Lo blòg de Mela a Rodés sus Radio Lenga d'Oc cada vespre a 19.30.

diumenge, 9 de juliol de 2006

La vache, la vache...

Fa quauques jorns que podètz admirar aquesta polida vakòta ròsa:


Soi segura que vos demandatz d'ont sortís...
L'ai raubada a Matoo que granmercegi de me la daissar utilizar. Matoo ne parla akí, akí e akí.
Aital comprendretz d'ont ven aquela (puta de) vaca.


Un pauc de musica per acompanhar tot akò:




Ricoune, La vache, perque de còps que i a soi una dròlla plan cultivada.
(vau perdre los 4 legeires que contunhavan de creire que benlèu i aviá un quiconet d'inteligéncia dins mos polits uèlhs castanhs... )






Lo mp3 de Manamana per lo mond que vòlon pas telecargar la video sul blòg de Matoo (mas anatz veire la video que val lo còp!)










Lo generic del Muppets Show pels nostalgics.





Meti akò en linha pendent que lo Matoo es a Montpelhièr-capitala... WOW!

dissabte, 8 de juliol de 2006

Forza Italia

Aviái pas de preferéncias pel fotbòl de deman...
Mas aprèp akò:


la causida es facha :P

Mai de fòtos de la còla d'Italia gràcias a Ron...

E lo quitran foguèt mai fòrt...

Ai petat l'aparelh de fòtos.

La Vila.
Un tag en occitan.
M'arrèsti per lo fotografiar.
Aluqui l'otís.
L'otís tomba.
L'objectiu petèt en plen sul quitran.


Vakí. Es mai mòrt.






Ne comprèri un pas car (doncas de merda) per poder passar l'estiu e vos faire pasmens d'unas fòtos pel blòg.


La mèrda.

divendres, 7 de juliol de 2006

tant contents de me veire partir ...

Diluns, coma cada matin quand arribi al collègi, agachi dins ma brústia.
I A UN PRESENT DEDINS!!!
Lo pòdi pas dubrir ara
- i a de mond a l'entorn (òm sap pas jamai, es benlèu una declaracion...)
- es l'ora d'anar en classa.
Ne soi tota excitada.
A miègjorn, tòrni lèu per dubrir mon present. Agachi quitament pas çò qu'es. Qual m'aurà fach aqueste present? Cerqui la signatura sus la carta. Jipé. Ai la banana, me pòdi pas empachar de pensar "O sabiái". Jipé, l'aimi tant. Sembla qu'el tanben m'aima plan.
Alara de qu'es lo present de Jipé? Akí l'avètz:

Me fa plaser que non sai! Ara me lo cal legir lèu lèu que n'ai plan enveja per poder conflar lo paure Jipé amb lo super libre que me'n faguèt present.



Diluns, 17.00. "Aperitiu de fin d'annada", amb los presents pel personal que daissa l'establiment. Arribi en retard segur.
Mon present a ieu es plan pensat: un ensemble de dakòs per far de barbacoa. Idèa de Jipé que veguèt cossí me cramavi... Ara podrai far de grasilhadas sens virar la carn amb una forqueta e un tròç de bòsc trobat pel sòl...


Diluns 20.00. Sopar en cò de KRo. I a Jipé, laChòta e KRo (normal es a son ostal ...)

LaChòta e KRo me fan un present o puslèu tot plen de presents que me faguèron plan rire e tras que plaser.
Una vaca Kluga que monta e davala:

Un estilò oKupat per una vaca Kluga (una de mai...)

Un "marque-ta-page" feda rastaKluga:




Fòto dels presents recebuts per mos amics:





Me caldriá partir mai sovent ;P


Alara vos vau contar çò que lor faguèri coma presents ieu a akeste brave mond.
Cadun aguèt
- un "galet" de la platja dels Aresquièrs, personalizat al marker-verd-pel-tablèu-de-la-classa...
- un CD qu'aimi qu'ai ensajat de far correspondre a la personalitat de cadun (esperi que me soi pas enganada)
- una "conariá", un objecte de la vida de cada jorn per que m'oblidèsson pas...: un pèla-patatas, una culhieròta, una passoire...
Òc soi colha, mas lo papièr dels presents èra plan polit...

dijous, 6 de juliol de 2006

Jogar Bonito

En reaccion a akò e aprèp akò, una pichona nòta de fotbòl.





Lo fotbòl m'agrada, aviatz remarcat. Ai pas gaire agachat la Copa del Mond perque ai pas de television. Aguèsse agut una television auriái tot agachat, e mai los rescontres a 3 oras del matin.
(me dison que coma es en Alemanha, i a pas de rescontres a d'oras pas civilizadas... , o nòti pel còp k ven).
Pasmens ièr de ser, agachèri POrtugal - França sus la television de KRo.
Eriam de bidochònas completas: pizza, cervesa, coca, lèstas per agachar coma cal un rescontre de fotbòl sul clic-clac...

Ieu èri per Portugal, mai que mai per pas far coma los autres. N'ai mon confle de manjar del tricolòr de longa, entre Visca França, e allez les Bleus... Puèi dire Allez les Bleus quand jògan en blanc, tròbi akò completament con.
Aviái pas gaire d'arguments per èsser per Portugal... Pasmens ne trobèri:
- Ganhar, akò fariá de ben a l'imatge de marca del país... e me sembla que n'an de besonh...
- An un polit camisòt
Trobatz pas que lo costum de Portugal es lo mai polit de totes????
Francament? Sens chauvinisme (anti) franchimand, es polida akesta color roja, non?

Coma es mon blòg, e que cal provar qu' es un blòg femenin, vau exprimir mas pulsions de femela davant tant de mascles que susan a la television....


Los mascles del rescontre:
Zizou, e sos polits uèlhs... Pasmens m'agrada mens qu'abans, es magre, trobatz pas qu'es mai magre qu'abans? Mas sos uèlhs contunhan de brilhar... e son risolet...







Thuram. Es polit Thuram amb sas besiclas...
Puèi çò que m'agrada de Thuram es son discors, son engatjament per un fotbòl blós. Es la personificacion de l'expression "joga bonito".Es un tipe qu'a pas doblidat que lo fotbòl es abans tot un dakòs per far somiar...
Puèi es quand meme perque es un defenseire remirable que los Portugueses poguèron pas marcar


Figo, Luis Figo....
A un caracter de merda mas un tant polit morre...
(Ai vergonha mas o sabiái pas qu'èra pas mai al Real e que ara jòga al Milan. Mas de qu'es anat brandar al Milan??)





Sequenon,
las cuèissas de Roberto Carlos son...






Aimi plan Ronaldinho perque es simpa e que fa de causas magicas amb sos pès







Lo que faguèt de magia amb sos pès ièr foguèt Cristiano Ronaldo.

Te fa d'acceleracions espectaclosas, de jòcs de cambas, eça.
Mas agrada al femelum e o sap... (precisi qu'a ieu m'agrada pas....)


Meritava de metre un tòc pasmens...

Enfin, lo mai polit simpatic intelligent musclat bon jogaire, eça, es aqueste vascon pichonet:

Entre sos uèlhs, son risolet e sas cuèissas, pòdi pas causir...





La màger part de las fòtos, las ai presas sus fifaworldcup.com. N'i a tot plen de fòtos, e de plan polidas!




Tròces de vida de 2 bidochònas qu'agachan lo fotbòl

me lèvi en bramant "Gòooooooool" (òc, ai viscut a Barcelona, es un traumatisme lo "gòoooool" que braman), e compreni pas perque reagisson pas dins la television e KRo de dire:
- Mais non il est pas rentré...
Aviá tocat sonque la red...


dins la susfàcia del portièr, pendent un corner...
K- ils arrêtent pas de se toucher
M- Tu les toucherais pas toi s'ils étaient à côté de toi???




A pas res de veire, mas me pòdi pas empachar d'o contar.
Lo darrièr rescontre Barça-Arsenal. L'agachi en cò de mon amiga CelineDion. I a sos parents, dignes de far partida dels espectacles de Vilanòva, son òme american, Bon Jovi.
Una de las doas còlas tira, lo balon pren la transversala. E sa maire de dire
- Ah ben merde le ballon il est ressorti.







M'agrada akesta fòto
L'ai mesa en fons d'ecran....
:-DDDDD

au revoir les enfants

Vakí, son las vacanças.
Adieussiatz brave mond carcinòl. Adieussiatz mos primièrs escolans.
Adieu ma sala.


Escafi lo tablèu. Recapti las taulas e las cadièras.
Barri las fenèstras e los ridèus. Tòrni pegar una aficha que vòl tombar. Agachi tot akò de luònh. Direccion l'interruptor e la pòrta. Un darrièr agach.
Clavi la pòrta.


















E finalament, tòrni lo dimècres per prene de fòtos de ma primièra sala a ieu que de sala d'espanhòl venguèt per totes la sala d'occitan.




















diumenge, 2 de juliol de 2006

M... cerca sos gatons...

Blòg en pausa per causa de non accés a internet pendent quauques jorns...
Akò sentís las vacanças, trobatz pas??

dissabte, 1 de juliol de 2006

Sant Mikel

Daissi Carcin. :-(((

Çò mai dificil quand òm fa Sant Mikel, es de passar d'akò:



a akò:


Non, parli pas d'emplir los cartons, de qué se met dedins, cossí se met, eça.
Çò delicat per ieu, çò que me fa perdre de temps, es barrar aquela p**** de carton. Cossí cal faire???? I a los 4 tròces de carton. Aiceste es dejós akeste k'es dessús akel, mèrda, e lo 4en cossí fau per qu'aquò se dubrisca pas?
Me cal soscar a cada còp, analisar la situacion, calcular, se levi akí, se se dubrirà alai etc.
Es patetic!

Admiraretz:
- los polits cartons que me donèron los cosinièrs del collègi
- cossí marqui pas res sul carton e coma serà aisit de trobar las causas aprèp.








E la darrièra causa de desbrancar e recaptar... es benlèu pas necite d'o precisar:









lo primièr que ditz que la taula de l'ordenador es poirida, li disi qu'a rason...




Melania, al tòp de l'organizacion
:-DDD