dijous, 26 d’octubre de 2006

Soi dins la Setmana!!!

I a un article dins la Setmana suls blògs, e lo meu blòg i es citat!! (òc, soi tras que contenta, me la vau petar ara oaf oaf oaf)

Doncas, desiri la planvenguda als legeires de la Setmana!!


de legir dins la Setmana n°583, del 26/10 al 01/11/2006









La setmana que ven, quand tornarai, ne parlarai un pauc mai e n'aprofecharai per m'ocupar dels ligams e dels mp3. Vos o prometi.




Se vos volètz abonar a la Setmana, vos cal escriure a vistedit (at) wanadoo (punt) fr
:))

ABCDari. letra E

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.



E


estring:
1- fial conductor

2
- Tapa pecat.

3
- Al depart (e a la fin tanben, e tanben al mitan): bocinòt de teissut que deu remplaçar las bralhas de ma grand la bòrnha.

4
- String Security: pèça de teatre de la Rampe Tio escricha per CLaude Alranq.
L'avèm pas vista.
ESPERAM LAS CONVIDACIONS VIP.
Mercés.

dimecres, 25 d’octubre de 2006

Paura de ieu (2): Es polida la vida en colocacion

A taula, al sopar, la Pomponeta se bota a nos far una presentacion del bodisme, perque amb Marineta sèm d'inocentas, bon, ok, mai que mai ieu que coneissi pas res de res. Ieu aviái acabat de manjar, anavi manjar mon iaort.

- Après avoir atteint l'Eveil le Bouddha Shakymumi a fait un sermon que l'on appelle le Sermon de Benarès où il développait l'enseignement de la voie du milieu. Qu'est-ce que la voie de milieu? C'est la présentation des quatre nobles vérités du chemin octuple et...
- Il est bon ce yaourt.
- Non, mais on s'en fout de ton yaourt quand on parle des quatre nobles vérités du chemin octuple!

Brassens (1)

Supplique pour être enterré sur la plage de Sète

La cançon mai longa de Brassens. Poiriái dire quicòm de mai inteligent, rai!
Brassens es pas enterrat sus la plaja, mas al cementèri, al Ramassís. Pasmens, s'anatz "a la plage de Sète", veiretz akò:





Tantôt venant d'Espagne et tantôt d'Italie,
Tous chargés de parfums, de musiques jolies,
Le Mistral et la Tramontane,
Sur mon dernier sommeil verseront les échos,
De villanelle, un jour, un jour de fandango,
De tarentelle, de sardane.

Brassens

Me soveni d'un libre qu'aviá ma maire que se titolava "Un prénom pour la vie". Òi, lo libre de merda, rai, genre "los Joans son braves" "los Sergis son valents", eça. Me soveni pas de çò que disián de las Melanias... E dempuèi akeste libre (non, o legiguèri pas!) , me disi que lo pichon nom, akò te marca kauk'un. Vos arriba pas jamai de dire "Tè, ben , akeste a lo morre de s'apelar aital". Ieu o fau de longa. Akò deu voler dire que lo pichon nom, akò te condiciona per la vida.
Tot akò per dire, que ieu, que mon pichon nom oficial es Mélanie, soi ligada a Brassens.
Alara, vau parlar de Brassens.
Un pauc.
Pas tròp.
Pas de comentaris de textes de sas cançons.
Just d'unas fòtos made in Seta,
quauques MP3 quand aurai trobat un albergaire,
e benlèu kikòm mai, veirem :)))

dimarts, 24 d’octubre de 2006

Un present per Figura de Gòbi

Dijòus, es l'aniversari de Figura de Gòbi.
Alara, ai cercat un present.
E ai trobat de polits camisòts de comandar sus la telaranha:




Quin aimatz melhor?

Videoneta de la mar

L'autre jorn, amb la POmponeta, anèrem veire la mar...

Una videoneta de mos pès sus las ròcas. Es malaisit de filmar e de caminar suls rocasses!


Mas çò mai interessant, es quand meme de veire la mar...

dilluns, 23 d’octubre de 2006

Design urban setòri (1)

ABCDari. letra D

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.



D


dardalhon:
1-
Titolet femenin
Ponch estrategic
Caireforc dels desirs

Reprovèrbi:
Te pòt calfar o laurar,
es totjorn drech.

2
- Expression: Se trantolar lo dardalhon. La que se fa cagar, que s'enuèja e qu'a pas res de faire, se pòt trantolar lo dardalhon!

3- Al depart (e a la fin tanben, e tanben al mitan): atribut fisic femenin.
Biais de viure:
Tòca-me lo titolet
que te tocarai lo titolàs.

diumenge, 22 d’octubre de 2006

T coma Total Festum, T coma Moussu T e lei Jovents

Total Festum, Dissabte 15h45.
Èra un orari un pauc estranh. Aurián pogut preveire lo chocolat e las magdalenas pel vespertinar!

Lo concert de Moussu T e lei Jovents èra tarrible!

Soi impressionada pel jòc de scèna de Moussu T.
Me soveni de Massilia que tot lo mond sautava de pertot. Akí non. Son totes assetats.
Lo jòc de scèna es basat, de fach, sus la MAISSA. E akò m'impressiona. Admiri.
(sabi tanben que la musica es tras que bona, soi pas colha del tot tampauc)

Me cansarai pas de dire que Moussu T l'aimi, per tot çò que crea, çò que fa e çò que ditz, e per akeste còp:
los congés payés, Quand ça pite à l’hameçon On retire vite, vite, Sarkozy des élections, (refrin adobat de la cançon Les Plaisirs de la Pêche ), faire bramar a de montpelhierencs ***** (botatz l'adjectiu o lo complement de nom que volètz) "A LA CIOTAT", per me faire rire amb de jòcs de mots que deurián aver sa plaça sul blòg.

Akí d'unas fòtos que prenguèri:







A!
Cal que vos conte!!!
Abans lo concert, vau veire Moussu T:
- Moussu Tatou, pòdi faire una fòto de vòstre pè amb mon pè??
Responsa de Tatou:
- Auriás pas un blòg tu?
Akí, orgasma de la Mela. Moussu T coneis mon blòg e akò fa tras que plaser.
Bon, lo legís pas cada jorn, mas lo coneis...

Alara, ai lo drech de tornar dire: MOUSSU T , T'AIMI

:-))))





Moussu T, ne parlèri mai d'un còp, la tièra es akí.


Total Festum: lo pè!

Dissabte 21 d'octòbre, èra la fèsta sus la Comedia amb Total Festum... L'escasença de faire quauques fòtos de pè...


Amb la Marineta, plan segur!!



Amb Moussu T
que l'aimi e que coneis mon blòg,
mas ne parlarai un autre còp




Amb tres tolosans:
lo sartre, l'eretge e la collèga de l'eretge
perque l'eretge coneis lo blòg, e akò fa plaser.



Amb Chebchab e lo Drac
de Mauresca Fracas Dub




Amb M le Maudit
fòto presa pendent una sembla-borrèia...


Amb M le Maudit

dissabte, 21 d’octubre de 2006

ABCDari. letra C

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.



C


colha:
1- expression de Mela a cada fin de frasa:
"Colha, va!"
"Que siás colha!"
"Mas quina colha!"
"Colhaaaaassa!" (plan pejoratiu, o cal pas dire)
cada còp que disètz "colha"donatz e dreches d'autor a Mela.

"Colhonet" ditz la Marineta al mond qu'an pas agut lo temps de venir colha colha.

"Es pas colha colha mas ne manca pas gaire!!"

2- Al depart (e a la fin tanben, e tanben al mitan): atribut fisic masculin que se passeja en parelh.
d'akí lo reprovèrbi francés: Jamais 2 sans 3.


Recapitulatiu de las 3 primièras letras:
Coma lo sex asaga,
la colha beu
e es bandada!!!

Anarquia setòria

divendres, 20 d’octubre de 2006

Ratexterminatritz lo retorn

Ièr, Marineta arriba a l'ostal. Crida. Me crida. Sa votz tremola.
Davali (soi una Wonder Woman, a mon biais).
M'agacha, l'uèlh espaurugat (es pas bòrnha, es una figura d'estil)
- Agacha defòra, me sembla que i a un raton defòra, mas es pas mòrt.
- Es pas mòrt? E creses que me va esperar? oaf oaf oaf
- Bolega pas.
- A. (kò's ma super replica... )
Vau veire. (soi una Wonder Woman, a mon biais).
Marineta agacha de luènh. Pomponeta arriba perque es una curiosa. Mas es una curiosa que se caga dessús quand i a un rat, una mirga o un kikonet de 4 patas...

Observacion e analisi de la bèstia. Conclusion: es un rat pichon o una mirga gròssa, que malauteja, melhor n'acabar akí.

Me teni drecha, preni mon ton de sheriff e disi kikòm genre: "Femna, pòrta-me la pala".
- La vas tuar?
- Ben l'anam pas daissar agonizar akí. Pomponeta, tòrna trabalhar, zo, a ton burèu! Bon arriba akela pala???
Pomponeta dintra , sortís, vòl veire la mirga, mas non. Es un rat o una mirga? Sabèm pas. Li avèm pas demandat sos papièrs.

Fau l'espectacle a Pomponeta, amb ma pala:
"- Salut comment tu t'appelles?
- Léon
- Tu fais koi dans la vie?
- Nettoyeur "

Akò me fa rire a ieu, mas pas a Pomponeta. Es sensibla la Pomponeta. Ai un umor absurd colha e de còps que i a (sovent) negre e de marrit gost. Pas Pomponeta.

Me daissan sola. Amb ma pala e la mirga.


Lo netitge fach, dintri.
Pomponeta m'agacha, l'uèlh espauraugat e vuèg.
- O ai vist tot.
- Ben, perqué as agachat, colha?
- Per la fenèstra
- Ben, perqué as agachat, colha?
- Per veire cossí o fasiás.


Akeste matin, al dejunar, Pomponeta m'agachava d'un biais diferent.





Dins akeste ostal, me faguèron començar ma carrièra de ratexterminatritz akí.

Kuizzzzz

Mas qu'es aquò, qu'es aquò a costat de mon pè???

Paura de ieu (1) >> prene lo trin SOLETA

Dissabte, anam las tres a Montpelhièr. Las tres avèm un abonament ilimitat Seta-Montpelhièr alara, ne profecham. En tornant, davalam a la gara de Seta e la femna del micro fa "Sète, Sète, ici Sète (tè, akò me rementa una categoria de fòtos d'akeste blòg... ). Bienvenue dans notre ville. Verifiez de n'avoir rien oublié dans le train". Aprèp akesta frasa, sens escotar la seguenta que ditz de passar pels passatges jos-terrencs, comenci de me tocar las pòchas: las claus, lo telefonet, la saca, lo libre qu'èri a legir, la saca de las crompas se crompas i aguèt. De costuma, soi soleta, e li pòdi dire çò que vòli a la femna del micro e li respondi "Non, j'ai rien oublié dans le train".
Mas akeste còp, èri pas soleta.
La Pomponeta que marchava davant, se vira e me fa : "Si! DE TE TAIRE!"



Paura de ieu... :((((

roadmovie

Entre Seta e Agde (de còps que i a, anam a Agde per se sentir mai intelligentas), la mar es a quauques metres de la rota (Çò que fa que l'estiu, veses pas la mar perque i a tot plen de camping cars en rengueta). L'autre jorn, la mar èra en colèra.
Alara, videoneta d'akesta mar que nos seguís pendent de quilometres per anar cap a Agde...




La man que dubrís la fenèstra de la veitura es de la Pomponeta, la que mena tan lèu es la Marineta.

dijous, 19 d’octubre de 2006

òme dins ma cambra...

Es akí davant ieu.

Drech.

Vòl barrar la pòrta.

A caud.

Bufa.

Susa.

Quita son tricòt.
Lo camisòt seguís.

Vesi son pitre.
Sos pials plens de susor.

Cerca sa respiracion.

Sèm totes dos dins ma cambra.

Tòrna metre son camisòt coma cal.
L'ai vist son pitre, los ai vistes sos pials.
Una borra negra... e blanca un pauc.



Es vengut per me rabotar la pòrta que barrava pas mai.



Òc, sonque la pòrta.

ABCDari. letra B

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.



B


bandar:
1- tibar
exemples:
- En parlant de la camisa tròp pichòta de la Mela que i dintran pas sas popas, disèm "La camisa banda".
- quand es pas la camisa de Mela e que son las bralhas d'un òme, disèm que "l'òme banda"
Podèm dire los dos: "La camisa de Mela banda, l'òme banda" cf causa a efièch.

2- quand quauqu'un beu tròp.
- Arrèsta de beure que te vas bandar, colharon!
Reprovèrbis:
Òme bandat, jamai banda pas

Òme bandat,
Jamai serà chucat
(akeste darrièr reproverbi es de la Mela,
las autras declinan tota responsabilitat)

Expressions:
bandat coma un ase
bandat coma una raqueta
perque los ases e las raquetas aiman de beure!

3- far cagar
"Sas, me bandas! " çò ditz la Marineta a la Mela quand la confla.

dimecres, 18 d’octubre de 2006

ABCdari: presentacion e letra A

Coma soi un pauc malbiaissuda de la pensada, ai decidit de faire un abecedari. Vos sovenètz d'akò? Ben , vakí, aguèri l'idèa de far akò amb un mot per letra. E coma soi generosa, l'escrivèm a tres cervèlas: la meuna retòrsa, la de Pomponeta la filosofa e la de la Marineta la-plena-de-bon-sens.

La publicacion de l'abecedari serà pas regulara. Una letra per jorn? Cada dos jorns? Per setmana? Per mes? Akò dependrà de ieu e de çò qu'ai de metre en linha oaf oaf oaf. I aurà plan de textes, benlèu de dessenhs e segurament quauques mp3. Podètz plan segur completar nòstras definicions en comentaris.

Esperatz-vos a çò pièger.

Alara, armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.



1èra letra:



A


asagar:
1- çò que fa Pomponeta amb l'aiga que recupera de la pluòja: asaga sas ensaladas, son blat e sos caulets. O fa amb un asagador o una agasadoira, segon son umor. S'avètz pas encara comprés: abeurar las plantas.
Reprovèrbi:
S'asagas pas
L'ortalalha manjaràs pas

2- asagar un eveniment - exemple: quand Figura de Gôbi pòrta de cèpas, asagam l'eveniment amb una botelha de Sanch-Inhan.
Reprovèrbi:
Tròp asagar pòt èsser dangierós.

3- fenomen fisic de la femna provocat pel desir de l'èsser aimat, o pas aimat, mas sexuat... l'èsser desirat qué!
Reprovèrbi:
Femna qu'asaga,
que venga qual que siaga!


De pas confondre:

- Escampar d'aiga: pissar, urinar
- Los òmes asagan pas, eles, gotejan.
Reprovèrbi:
Òme que goteja
pren lo primièr cuol que cuoleja


dimarts, 17 d’octubre de 2006

Faula setòria de Joan de la Fònt Putanèla

Lo text que seguís es tirat de l'Almanac Setòri de 2005. Es pas brica meu, ai pas res a veire amb akò, levat que lo trobèri tarrible e qu'ai enveja de vos lo faire conèisser!

La Cigala e la Formiga

La cigala, que barrotlèt tot l'estiu,
L'ivèrn vengut, èra pus magra que Piu Piu:
Aviá fach quincanèla
Manjava de regardèlas.
Anèt, amb una figura de monina,
En cò de la formiga sa vesina,
Que iè prestèsse quauque gran
Per pas crebar de fam
Sens res a metre au cort-bolhon.

- Vos pagarai, diguèt ambé front,
Au temps polit de las majofas;
Se vos escane, prendrai de bofas.

- Vai te'n cagar, diguèt la formiga,
E la mandèt se gratar la figa.
De que fasiatz au calimàs?
Faguèt a la manja-recapte.
- Me solelhave a la plaja d'Agde,
Coma lo peis dins la sartan,
Tan detràs coma davant.
- Bronzàvetz? Me'n fote pas mau,
Ara lecatz-vos lo babau.



Per comandar l'almanac setòri:
Cuecle Occitan Setòri
43, carrièra de la Libertat 34200 SETA

Seta, Seta, akí Seta (6) : Seta by night

Zo, fòtos dels Canals de nuòch:









Akesta de jorn dona akò...


Visita al metge

Uèi soi malauta. Enfin, akò dura dempuèi quauques jorns, mas uèi, encara mai. Alara, coma cada còp que me sentissi a las pòrtas de la mòrt, me'n vau veire lo metge.
Sonnez et entrez.
Sembla que totas las vièlhas del barri an decidit de passar un brieu dins la sala d'espèra. Compti: 7 vièlhas e 1 vièlh. puta de vièlhs... Mas eles semblan pas malauts...
Dintrèri a 10.30, ne sortiguèri a 12.15.
L'avantatge de la sala d'espèra del metge es que fas lo plen de literatura femenina per 1 an o 2.
De creire que totes los metges son abonats a Voici o Femme Actuelle...
Prenguèri un numero d'Elle, aviái pas jamai legit akò. E finalament, legiguèri pas res. Pas un article que m'interessèsse. Auriái degut demandar al metge s'es grèu akò qu'Elle m'interesse pas...


Lo metge a dich qu'aviái una "drôle d'angine". Ouais, je sais, même quand je suis malade, je suis drôle.
I pòdi pas res :-P

dilluns, 16 d’octubre de 2006

Lo Pompon de la Pomponeta (2)

La Pomponeta me confla de longa per li donar de devers en occitan. Li diguèri d'escriure un tèxt per setmana pel blòg, aital akò la fa trabalhar. Alara, un còp per setmana, auretz un tèxt de la Pomponeta, akò farà montar lo nivèl del blòg. Vakí, li daissi la paraula:


A quin moment començan las causas?
A quin moment las comprenèm?



De còps, sovent, l'autan bufava.
Ma maire disiá: "Es l'autan de Caraman".
Ieu èri pro granda per comprene que lo vent veniá de Caraman.
L'autan de Caraman bufava e ieu èri sadola de questions.

Lo vent de Caraman se sona coma aquò perque nais a Caraman?
E sequenon, ont nais aquel vent?
E a Caraman, coma s'apèla l'autan de Caraman: l'autan d'aicí? Quina pretencion!!

Lo vent de Caraman pòrta de questions e de calor. Mai granda, ai pas encara trobat de responsas. Soi anada, dempuèi, qualques còps a Caraman. Ai pas res vist. Pas res sentit. Ai pas trobat la fòrça de pausar de questions. I a de causas que se demandan pas.
Fins ara, l'autan, quora bufa d'aqueste biais, es l'autan de Caraman.
I a pas grand causa a dire de mai.






diumenge, 15 d’octubre de 2006

Pès! Fasiá un brieu, non?

Lo Velhardon, finala, se trufa, mas akò li agrada las fòtos de pès. Alara, s'i es mes el tanben. E coma es grandàs, nos pòt faire de fòtos en contra-cabús interessantas. Vakí, el e ieu :) :





Es una fòto plan mens erotica qu'akesta d'akí, mas m'agrada fòrça! Lo còp que ven, nos la fas blosa Velhardon?!

Batèus a Seta (4)

De çò qu'aimi....

Comentari legit recentament:
Mela aima mielhs esser lemosinada que gasconizada...
Aima mielhs suchotar que quequejar...


Tossiment recapitulatiu.


Mela es coma la salada, aima d'èsser manjada, bolegada e remenada.
Aima d'èsser
potonejada,
aimada,
tremolada,
alisada,
escambarlada,
o trifolhada.


Mela aima
potonejar,
bolegar,
manjar,
chucar,
o asagar.


Aimi de prene mon pè.
D'akí las fòtos...!!!

dissabte, 14 d’octubre de 2006

Batèus a Seta (3)


Jòcs de mots melamitoses

Aimi plan de faire de jòcs de mots que fan pas rire...
Exemples:



En classa:
- Ben nos parlaràs de La Gardiole e tè, de Sita, pas la de Tarzan è, l'autra!




A l'ostal:


Pomponeta prepausa de far d'aiga bolhida. Reaccion:
- berk, berk berk, c'est degueu l'aiga bolhida, on en mange que quand on est malade.
- pffffffff, tu sais même pas ce kil y a dans l'aiga bolhida
- ben si, i a d'aiga, qu'es bolhida, de l'ail , e berk berk berk
Pomponeta comença de dire tot çò que i a dins SON aiga bolhida a ela. De tot biais akò cambia pas res, se siás pas malaut, akò te balha lo racavòmit, k'akò agrade o pas a la Pomponeta.
e la Marineta de resumir:
-Es de sopa a l'alh, finalament
e ieu:
- Ben òc, es lo ramadan, es una sopa hallal.
OAF OAF OAF

un pauc mai tard, dins la serada, akò tafura la Pomponeta que ieu, paura filha de la mar, coneguèsse l'aiga bolhida...
- D'où tu connais l'aiga bolhida?
- Chais pas, je le sais, c'est tout
- Mais d'où tu le sais?
- Je sais pas, c'est quelque part dans ma tête. Je le sais c'est tout
- Mais i a pas de traçabilité dans ta tête?
- Non, i a que de la debilité.



Vesètz plan que ne soi una de calamitat, e una gròssa!!!

divendres, 13 d’octubre de 2006

Memoria de mis putas tristes

Sai pas perqué mas aimi fòrça legir en espanhòl, mai que non pas dins las autras lengas.
Passèri a Sauramps per crompar quauques libres en espanhòl. N'an quauques uns, mas akò correspond pas gaire a çò que m'agrada. O compreni. An una practica d'estudiants, doncas an de libres mai que mai pels estudiants. Mas en esperant de davalar a Barcelona a la Casa del Llibre, m'acontenti dels libres prepausauts per Sauramps. Doncas, crompèri un libre que i passèri davant 50 còps a Barcelona sens aver cap interés per lo legir... Mas akí a Montpelhièr, ben lo comprèri e doncas lo legiguèri..

Legiguèri pas la quatrena de coberta.
Lo comencèri a l'ostal, dins mon lièch, coma de costuma.
La primièra frasa
"El año de mis noventa años quise regalarme una noche de amor loco con una adolescente virgen."

me donèt enveja de contunhar... Alara contunhèri:
Me acordé de Rosa Cabarcas, la dueña de una casa clandestina que solía avisar a sus buenos clientes cuando tenía una novedad disponible. Nunca sucumbí a ésa ni a ninguna de sus muchas tentaciones obscenas, pero ella no creía en la pureza de mis principios. También la moral es un asunto de tiempo, decía, con una sonrisa maligna, ya lo verás. Era algo menor que yo, y no sabía de ella desde hacía tantos años que bien podía haber muerto. Pero al primer timbrazo reconocí la voz en el teléfono, y le disparé sin preambulos:
- Hoy sí.
Ella suspiró: Ay, mi sabio triste, te desapareces veinte años y sólo vuelves para pedir imposibles. Recobró enseguida el dominio de su arte y me ofreció una media docena de opciones deleitables, pero eso sí, todas usadas.
Es l'istòria d'un vièlh intelectual, preciós, coquet, que tomba amorós a ne venir baug d'una pichòta que li dona la Rosa Caracas, paga per passar la nuòch amb la jovenòta, e la tòca pas jamai... Es plen d'umor, de sensualitat, de demència senila tanben, de coqueteria...
Ma'anatz benlèu dire que son los fantasmas d'un autor vièlh de quasi 80 ans, d'un vièlh porcàs, ben benlèu, mas es fòrça plan escrich , alara li perdoni! ;)

Ai pas res legit de García Márquez, es una vergonha, o sabi. Adolescenta, comencèri sai pas quants còps 100 ans de solitude en francés e l'acabèri pas jamai. M'o caldriá ensajar en VO.
Memoria de mis putas tristes es cortet, o legiguèri amb plaser, leugieretat, e risolet als pòts de longa.

Zo, un extrach pichonet:

p.72 "La noche de su cumpleaños le canté a Delgadina la canción completa, y la besé por todo el cuerpo hasta quedarmesin aliento: la espina dorsal, vértebra por vértebra, hasta las nalgas lánguidas, el costado del lunar, el de su corazón inagotable. A medida que la besaba aumentaba el calor de su cuerpo y exhalaba una fragancia montuna. Ella me respondió con vibraciones nuevas en cada pulgada de su piel, y en cada una encontré un calor distinto, un sabor propio, un gemido nuevo, y toda ella resonó por dentro con un arpegio y sus pezones se abrieron en flor sin tocarlos."

Soi a legir la traduccion en francés per comparar... e per saber se lo vau prestar o pas...
De veire se trobatz qual serà lo primièr que li prestarai lo libre...

dijous, 12 d’octubre de 2006

Cambiament d'escais o pas?

Marineta, l'autre jorn, al Camp, se crompèt akò:Ieu disi qu'amb sas pantoflas nòvas, sembla Porcinet, l'amic de Winnie the Pooh.
Cal dire que ieu correspondi mai dins mon caracter al Porcinet, mas ai pas de pantoflas tant polidas coma Porcinet... Porcinet, pels vièlhs que coneisson pas, es l'amic de Winnie the Pooh, en anglés s'apèla Piglet, en espanhòl es Puerquito... (vos o disi qu'o tornaretz plaçar dins una conversa...) Es brave que non sai Porcinet, mas a pas gaire fisança en sa personeta e quequeja de longa, un pauc coma ieu qué!


Ara la question: gardam Marineta o cambiam per Porcineta???





NB: se deman i a pas de nòtas sul blòg , es que Marineta-Porcineta-Porqueta me fotèt defòra o que dormissi a la soda...

NB2: ieu quand èri pichòta, èri amorosa de Tigron. Mas vos en fotètz...


Totes ensems cantem e dançem akesta polida pò(l)(r)ka k'aprenguèri dins Carcin:
Nautres n'avèm un teisson
Manjarem de gògas
Nautres n'avèm un teisson
Manjarem de gratons!!!


Kikòm de seriós, per cambiar...

Legit uèi sus Vilaweb.cat, akesta nòva

DIJOUS, 12/10/2006 - 06:00h
Els museus d'art contemporani de l'Euroregió s'associen
N'hi ha quatre de Barcelona i Es Baluard de Palma

Una sèrie de museus de l'àrea de l'Euroregió Pirineus-Mediterrània han decidit associar-se i treballar conjuntament en alguns àmbits, com ara l'intercanvi d’exposicions, la comunicació, la reflexió sobre l’art contemporani i la millora de la relació entre els públics, entre d'altres. Els museus del país que s'integren a la xarxa són Es Baluard de Palma, i el Centre d'Art Santa Mònica, la Fundació Miró, el MACBA i la Fundació Tàpies, de Barcelona.

La resta de museus són el Centro de Arte y Naturaleza d'Osca, Le Carré d’Art de Nîmes i Les Abattoires de Tolosa de Llenguadoc. La decisió d'associar-se la van prendre ahir els directors i representants dels museus, que faran la primera sessió de treball el proper 12 de gener.

Ajuts econòmics a iniciatives

Per altra banda, la Generalitat ha presentat una convocatòria general d’ajuts econòmics a iniciatives culturals euroregionals de Migdia–Pirineus, Llenguadoc-Rossellò i Catalunya. Els ajuts volen impulsar les relacions institucionals, econòmiques i socials entre les diferents regions. N'hi ha de tres tipus: ajuts per a activar xarxes euroregionals de cooperació, ajuts per a la realització d’estudis econòmics i socials, i ajuts a iniciatives que impulsin l’espai mediàtic euroregional.


Akí una bona idèa!
Enfin, disi akò, mas ai pas mes un pè dins los musèus citats. E òc... ai vergonha... Quantas annadas visquèri a Barcelona ja??? E ben visitèri pas res! Bon, i vau tornar, farai la torista gabacha que se tapa totes los musèus...
Ara k soi a Seta, ai pas res visitat tampauc, ni lo MIAM , ni l'Espaci Brassens (èra barrat per òbras, ai quasi una excusa), ni al Musèu Paul Valery, ni lo CRAC, que i passèri dabans l'autre jorn amb ma bicicleta!

Per tornar a l'Euroregion, quand parlan d'un espaci mediatic euroregional, ieu sòmii d'aver l''equivalent d'Arte mas suls Pirenèus: occitana, catalana e aragonesa.
Segur nosautres, per çò qu'es dels mèdias locals, sèm un pauc garrèls mas l'idèa es d'aprigondir, s'akò marcha entre Alemanha e França... pòt marchar en Occitània, Catalonha e Aragon.
Benlèu que tornariái agachar la television aital...

Ne parlarem al Charrabis.

Sequenon, vos aconselhi, se n'avètz l'escasença de veire la mòstra de Wally "L'art content pour rien". oaf oaf oaf mòstra que se pòt veire sus un de sos DVDs.
(ai ja parlat de wally sul blòg... )

Tornar per akò...

Vos sovenètz d'akeste moment de tristum e desesper qu'aviái dimenge per veire Marineta e Pomponeta manjar kikòm de manjable???
Ben, dimenge de ser, quand totas las pensionàrias d'akeste ostal i èran, la Pomponeta faguèt lo sopar. E faguèt akòooooooooooooooooooooaarrrrrrrrrrrrrrrrrrrkkkkkkkkk (sabi k'akò se fa pas de racar sus un blòg, mas es mai fòrt que ieu... ):


E dins "sopar" , i a "sopa"...
D'aiga bolhida.
Ieu las espèri la fam l'ànsia al ventre, e Pomponeta nos fa d'aiga bolhida!!!!!

totes ensems, cantem e dançem akesta polida escotisha dobla:
L'aiga bolhida te farà racar pichona
L'aiga bolhida te farà racar.
Te farà racar akela aiga akela aiga
Te farà racar akela aiga d'akí.




pfffff, aimi melhor mon iaort al vòmit-del-cochavestit-del-canal-de-la-marina...


la seguida de l'aventura de l'aiga bolhida dins pas gaire...

dimecres, 11 d’octubre de 2006

ajuda tecnica

Coma vòli metre tot plen de mp3 en linha, me cal trobar un albergaire...
Doncas cerqui un albergaire, que pòsca gerir lo PHP per poder faire una ràdio blòg coma cal.
Alara s'avètz de conselhs de me donar.... Akò me geina pas que siaguèsse pagant, basta que marchèsse e que siaguèsse de bon utilisar.
Mercés :))))

Batèus a Seta (2)

Lo Canal,
Sant Loís amont naut qu'o vei tot
e Sant Clar que se devinha dins lo fons, darrièr los ostals.

Melamitat

Vau Al Camp faire las comissions. Ieu quand fau las crompas, rabali pas. Sabi de que me cal crompar e fai tirar. Rabali pas a agachar akò, akò o lo demai. Traçi ma rota. (es pas un comportament femenin , akò, o sabi).
E quand arribi a la caissa, sortissi las crompas del carreton e las meti en òrdre a la caissa. Lo mond t'amolonan tot akò "tant que tomba pas, ne pòdi metre". Ben ieu non. Ieu meti las causas dins l'òrdre: las botelhas en primièr, apuèi çò dur e cairat, puèi çò dur mas pas cairat, e acabi pel mens dur. I a tanben lo criteri "frigo/pas frigo". Mas es complicat d'explicar la teoria... Bon, avètz compres. Akò o fau per ganhar de temps. Aital, akò arriba dins mas mans dins l'òrdre que deu dintrar dins la saca, aital, un còp a l'ostal, mas manòtas prenon las causas dins l'òrdre que devon èsser recaptadas. Lo problema es qu'akò, la caissièra o sap pas e de còps que i a ven trebolar mon òrdre, la puta.

Cada còp que vau Al Camp, me desespèri tota sola. Mai que mai per çò que devon pensar de ieu las caissièras.
Ja, l'òrdre sul tapís de la caissa, semblan una casèrna militària mas crompas! Se devon dire "tè, encara una psicorigida maniaco-recaptaira". E quand ensagi de saludar... Es patetic. Quequegi.
Non, quequegi de verai. Es pas que meti de "que" a la (gas)cona, quequegi coma un quequejaire vertadièr qu'as enveja de ne li fotre una perque lo sortiguèsse son mot, macarèl!. Akò dona "B... B... B... Bo.... Bo... Bon Bon Bonjour". Patetic. Vos o disi. Es afrós. E dins l'istòria, la quequejaira qu'as enveja de ne li fotre una perque lo sortiguèsse son mot, soi IEU.
De còps que i a quequegi. Quequegi grèu. E lo mond son plan ensenhats, rison pas. Me disi que lor devi far pena. È, vos rasseguri, Figura de Gòbi e Marineta rison eles, se trufan, lor devi pas far pena a akeles dos... (Pomponeta, braveta que l'aimi, se trufa pas ELA. Li fau pena). E quequejar al restaurant, akò te fa sentir coooooon. Mas tòrni a mas crompas...

Pensatz:
mania per pausar las crompas sul tapís + quequejadís
de qué pensan de ieu? Soi segura qu'a la pausa cafè de las caissièras d'Al Camp parlan de ieu. Benlèu que me filman amb las camèras de seguretat e s'o tòrnan passar regularament per s'escalassar sus mon eskina. Un jorn, arribarai al Camp e serai "clienta del jorn" per totas las petadas de rire que prenon dins la sala de la pausa cafè e Seta tota saurà que soi una maniaca del tapís de caissa e que quequegi.



E çò pièger, es que dins la vida vidanta vertadièra de cada jorn, en mai de roncar e petar, parli de loooooonga, quiti pas de charrar, e soi bordelica qu'es al limit de la legalitat.



Soi una calamitat.

dimarts, 10 d’octubre de 2006

Batèus a Seta (1)

Mon vesin lo papet

Al-meu-ostal-de-Marineta-e-Pomponeta-e-ieu, ieu ai la cambra al primièr estanci.
Ai una cambra grandarassa, perque i soi de longa embarrada dedins, amb doas fenestras grandarassas. Per una de la fenèstra, la que fa dintrar lo solelh la tantossada, vesi un arbre. Se'n fotèm. Es un auseral me sembla, mas se'n fotèm. Per aqueste ostal, i a tot plen d'arbres, mas se'n fotèm ai dich... pffff. Doncas per una de las fenèstras, te vesi un arbre, e per l'autra fenèstra, la que fa dintrar lo solelh de matin, i a Sant Clar, e abans Sant Clar, i a d'ostals. E just en dejós, a un vintenat de metres, i a un ostal al design un pauc particular. Sai pas de qu'avián fumat los arquitectes... Vos fau un dessenh de çò que vesi:
Comprenètz ara perque mon blòg es pas un BD-blòg??

Vos expliqui lo dessenh: es la faciada que vesi de ma fenèstra.
De'n primièr, i a la veitura, qu'es dins un sembla-garatge qu'ai pas dessenhat per complicar pas la mesa en scèna (e qu'o sabiái pas faire), es una Pijòt nòva (lo primièr que ditz que la veitura dessenhada sembla pas una pijòt nòva....). Mas çò que me truca a ieu es pas la Pijòt nòva ( enfin si, akò me fa cagar que ieu t'ai una ronha que li bastariá al papet d'en fàcia. Tè, li podrai prepausar... ). Non, çò estranh dins aqueste ostal, son las fenèstras. Semblan de balestièras o de fenèstras de cagadors. Alara ieu compti amb mos dets. N'i a cinc de fenèstras d'aquesta mena, en rengueta. A, çò vèrd dabans las fenèstras, son d'arbres, mas o aviatz comprés... Alara, compti amb mos dets e dins mon cap. Una fenèstra pel cagador, una fenèstra per la sala de banhs, una per la cosina. E las doas autras?????
Alara, podètz demandar cossí sabi qu' i a un cagador, una sala de banhs e una cosina? Ja perque n'i a dins totes los ostals, arquitecte fracàs o pas. E perque o veguèri de mon uèlh marron e aluserpit (non , soi pas bòrnha, es una figura d'estil! ). Òc, perque lo papet, m'agrada de l'espinchar. E l'autre jorn, lo veguèri dins sa cosina, enfin me disi qu'es sa cosina, qu'aviá una caçairòla dins la man ("o veguèri dins sa cosina"... i a d'erotisme akí dedins...) E i a una fenèstra que de matin es tampada e s'i vei pas res que lo veire es trebol, si , s'i vei la siloeta de mon vesin lo papet, mas cervèlas ne dedusisson qu'es la sala de banhs. E coma son de fenèstras de cagadors, i deu plan n'i aver un de cagador! De que pensaviatz??? Que li aviái vist lo cuol al papet? E ben non!! Malpensats!
Alara de qué son las doas autras fenèstras? E perqué 5 fenèstras en rengueta que en mai de semblar de fenèstras de cagadors, semblan de fenèstras de preson amb los barròts?
Per la segonda fenèstra (es la cosina), pel primièr còp, ièr, capitèri de veire luènh. E veguèri una television, e sus la television, i aviá de flors. Sai pas s'èran de plastic o naturalas. Pensi que de plastic. Que los vièlhs son pas cons, sabon que las flors las cal asagar, e se las metes sus la television e asagas, adieussiatz Lepers e Drucker...
Mas akò respond pas a ma question: de qué son totas aquelas fenèstras mila dieus?! E encara, me vòli pas pausar la question de la graaaaaaaaanda fenèstra amb de barròts qu'es pas jamai alucada...
Sus la brústia del corrièr del papet... A a doas brústias lo papet, a akò cal que lo compte. Quand vos disi que l'espinchi lo vesin. Voliái agachar son nom d'ostal. E te vesi una brústia gròssa "PUBLICITÉS". A una brústia per son mail corrièr, e una per la publicitat. Doas opcions: o es psicorigid o perd lo cap e escampa la publicitat amb lo corrièr. Coma soi optimista, preni la segonda opcion. E sus sa brústia de las letras, i aviá "Sénher e Dòna son-nomd'ostal-qu'ai-ja-oblidat"(soi pas una bona lenga de pelha), mas ieu, sa femna l'ai pas jamai vista. Pasmens, una pijòt nòva, akò's una causida de femna.
Alara, ai pensat qu'èra vèuse.
M'anatz dire que me'n fau de films sul papet d'en fàcia. Vos podètz pas imaginar, me fau de scenarios entièrs dins mon sicap a ieu. Auriatz paur. Me los caldria escriure. Me caldriá faire un blòg de mai, que i auriá pas pro de plaça sus akeste: mosfilmsdinsmonsicap.blogspot.com. Nòti l'idèa.
Normalament, per arrestar mos films, çò que fau, m'acari a la veritat reala de la vida vidanta. E los que me coneisson, e los que me coneisson pas vos o disi, sabètz qu'ai un bon feeling amb los vièlhs, los papets o los mai de 50 ans en general (me vau faire incendiar pels mai de 50 ans comparats a de papets oaf oaf oaf). Seriá aisit per ieu d'anar charrar amb lo papet. Benlèu qu'es un setòri de la bòna, benlèu que parla occitan, e me fariá visitar son ostal, me donariá de pastissons qu'a dins son armari dins sa cosina de la segonda fenèstra. E aital o saupriái, o saupriái se las flors de dessús la television son falsas o pas, o saupriái de qué son las doas autras fenèstras de la rengueta de la 5 fenèstras misteriosas. O saupriái de qu'es aquesta fenestra grandarassa pas jamai alucada.

Mas lo papet, li pòdi pas parlar. Lo papet, capiti pas de lo rescontrar. Perque lo papet sortís pas jamai.

L'autre jorn, i aviá los policièrs a son ostal.

De còps que i a me disi, qu'un jorn crebarà, e o saurem pas: saurem pas se parla setòri, saurem pas de que i a darrièr akeles barròts e saurem quitament pas qu'es mòrt. Alara l'agachi e me disi un jorn serà mòrt.
E me demandi de qu'agacharai lo matin quand me levi.
E de còps que i a, me demandi çò qu'el pensa de ieu.

E me disi que sap pas qu'existissi.

dilluns, 9 d’octubre de 2006

Seta, Seta, akí Seta (6)


Avètz lo drech de:
- dire qu'es polida la fòto
- far una peticion per aver pas mai de fòtos de l'Étang de Thau
- me pagar un viatge ont volètz per faire de fòtos de kikòm mai que non pas de Seta!

Lo Pompon de la Pomponeta (1)

La Pomponeta me confla de longa per li donar de devers en occitan. Li diguèri d'escriure un tèxt per setmana pel blòg, aital akò la fa trabalhar. Alara, un còp per setmana, auretz un tèxt de la Pomponeta, akò farà montar lo nivèl del blòg. Vakí, li daissi la paraula:


Bon, primièr, me cal far una mena d'introduccion per vos dire que soi fièra d'aver una cronica sul blòg de Mela, emai se me cal far los devers d'escòla en linha. Ensajarai de far un pauc de filo que la filo es çò que fau melhor aprèp la tarta al citron!
Alara per mercejar Mela, vau dedicar ma primièra cronica a Mela e subretot a una expression qu'arrèsta pas de repapiar: "Un còp fa pas puta".

"Un còp fa pas puta". Mela n'es convençuda. Aquela expression manca pas de me tafurar. Alara..., un còp de qué? S'es un còp de Rivesaltas, auriam dit un còp fa pas bandari. S'es un còp de "poce", auriam dit un còp fa pas la man e çò mesme per los campairòls, un còp de trapar los campairòls fa pas camparolaire.

S'agacham plan la fin de l'expression i podèm trobar un indici. Lo mot puta pòt servir per explicar lo còp, benlèu. Tot lo mond pòt alara espepissar d'un biais teoric, segur, la natura d'aquel còp.

Lo problèma, -que n'i a un- , es que al contrari de l'expression, la definicion de la puta es de fonccionar per còp. Perque las dònas que trepadejan van de còp en còp! Es a dire es pas una continuacion d'un grand còp. Mas es un còp aprèp un còp aprèp un còp, aprèp un còp. La tarificacion es al còp.
Donc l'expression "un còp fa pas puta" foncciona pas!

Per sortir d'aquel problèma (meta)fisic, prepausi de cambiar la natura del còp.
Un còp de se prene en fòto sus una bicicleta fa pas puta perque avèm pas jamai vist una puta se prene la basquet (!!!) en fòto sus un VTT (!!!).
Rassegura-te Mela, pòdes donc contunhar a prene las teunas basquets en fòto. Quaranta còps fan pas puta.

E tenètz-vos fièrs!

diumenge, 8 d’octubre de 2006

Quand decidissi de far far las colhas als autres...

Dimècres passat, amb Figura de Gòbi, anèrem als campairòls. Ne trobèrem tot plen. Rectifiqui: FdG ne trobèt tot plen , e ieu ne trobèri d'unes. N'aviam, sai pas, quicòm coma 20 o 30 quilos. FdG me'n dona una caissa. Ne fau la tria, e dins ma granda generositat, decidissi de ne donar al mond qu'aimi. E prepari 3 saketas:
- una per Dardalhon lo Bèl (urosament que legís pas lo blòg, oaf oaf oaf...)
- una per la bèla valenta pas mai jovenòta (urosament que legís pas lo blòg, oaf oaf oaf...)
- una per La Tiela Lemosina, qu'es un pauc la vesina (mas sai pas s'es coquina)

Per La Tiela Lemosina, bastava d'anar a son ostal, que demòra a 3 carrièras d'akí, e de li daissar la saketa. Levat, que La Tiela Lemosina i èra pas a son ostal! Alara, comencèri d'agachar per li poder daissar la saketa. Podiái pas penjar la saketa al portalh, lo primièr vesin que passava, l'auriá presa! Tè, pensatz plan, una saketa de cèpas penjada a un portalh, a SETA... Lo mond te la prenon e romegan qu'as pas daissats los uòus per faire la moleta.
Alara, agachi, viri a l'entorn de son ostal, e pas mejan de daissar la saketa. Me calguèt escalar, òc, avètz plan legit, ES -CA-LAR, ieu amb mon aire colhon, mos pès e mas mans pas conectats a mas cervèlas absentas... Monti sus la paret. Podètz metre lo generic de Mission Impossible? tatatatatan tan tatamtan Sus la paret , i a de barròts, mas se daissi la saketa penjada als barròts, i aurà plan un con mai sople que ieu per la venir prene... Puèi cal que La Tiela Lemosina la posquèsse agantar la saketa! Te vesi un arbre darrièr los barròts. E pensi "òsca, vau penjar la saketa a una branca!".
Bon vos ai pas dich que un còp amont de ma paret, me trachèri qu'aviái daissada la saca pel sòl e me calguèt davalar e tornar montar (òc escaladèri dos còps) . Vos conti pas tampauc l'agach del mond que passavan... Passi lo braç coma pòdi a travès los barròts, passi ma saketa, te daissi la saketa penjada a una branca copada. Orgulhosa la Melania.
La saka tombèt pel sòl. Tot akò per pas res. Auriái fach melor d'escampar la saca per dessús lo portalh... E en sautant sus la rota per davalar de la paret, me nikèri un pauc lo genolh, qu'èra ja nikat del fotbòl que faguèri mai jovenòta... Mas bon, se cal regaudir de kikòm: urosament que li donèri pas tanben los uòus...
Bon, La Tiela Lemosina èra contenta que non sai. Akò compensa. Perque ieu disi que dins la vida akò fa plaser de faire plaser.

Mas amb akesta espròva digna de Fort Boyard, ai despassat mon quota d'espòrt, de conariás e d'aventuras del mes. Mas me caliá encara donar las saketas a la bèla valenta pas mai jovenòta e al Bèl Dardalhon.
telefonada: banda de figuras, vos cal venir a la gara de Montpelhièr, que vòli plan donar los campairòls trobats per FdG (e un pauc ieu), mas fau pas de servici a domicili, e coma pagui pas lo trin entre Seta e Montpelhièr... L'ora e lo luòc son donats.
Devon arribar per prene la saketa: Dardalhon lo bèl e El maño qu'eskuata en cò de la bèla valenta pas mai jovenòta. Èra el maño que la bèla valenta pas mai jovenòta podiá pas venir a la gara, que 1-akò la fasiá cagar, 2- i aviá un òme a son ostal e dins la vida , i a de prioritats , 3- aviá piscina (podètz causir, ela me pretextèt las 2 darrièras... cercatz l'error :P).

PAUSA dins l'accion Arrestem-nos un pauc per tornar metre en plaça lo context.

Preni lo trin a Seta per anar a Montpelhièr. Ai donat rendepè a 2 òmes per lor donar una saca a cadun. Dins aquestas sacas, i a de campairòls e de fuèlhas de falguièras. Totes amassa: "elle descend de la montagne à chevaaaaaaaaaal". Ne vesètz vosautres de mond a la gara de Montpelhièr k se rabalan amb de sacas de campairòls???

Tornem a l'accion

Arriban al meteis moment Dardalhon lo bèl e El Maño. Es lo primièr còp en 8 ans que lo coneissi que Dardalhon lo bèl arriba a l'ora.... Vièlha puta que me fa totjorn esperar, e akí , per aver quatre campairòls, arriba quasi en avança.grrrrrr.
Lor dòni a cadun sa saca.
Mas coma soi conscienta del surrealism de la scèna, ne pensi plan aprofechar.
Tròp de mond, tròp de trins... normal, sèm dins una gara... Pòdi pas faire la fòto que vòli, pasmens, capiti de far faire akò al Maño e a Dardalhon:

OAF OAF OAF
e i aviá un TGV clafit de mond just dabans. De còps que i a, m'aimi.


E Dardalhon lo bèl qu'es pas en manca de conariás:








Urosament que Figura De Gòbi es partit quauques jorns, perque se sap qu'ai fach akò, m'escampa coma una daurada poirrida. L'ausissi d'akí "non, mas , òu, un cèpa!?, fant de puta, c'est un produit noble, fagues pas akò, amb un cèpa! Oh, mais tu viens d'Agde!". L'imiti plan Figura de Gòbi. Subretot quand a rason.

Moments de solesa

Quand me demandan dins los jòcs colhons de Femna Actuala de qu'es mon caracter, marqui sovent "solitària". Aimi la solesa. Aimi d'èsser sola. Soi capabla de mandar cagar lo mond en tecnicolor per èsser sola, tranquilla. Vos en dobtaviatz pas , è? Ben òc, de fach soi una salvatja.

Akesta dimenjada, soi soleta a l'ostal.
Marineta e Pomponeta son partidas veire caduna sa familha. Ieu pensavi d'anar faire un torn a la SPA per me trobar un amic, mas coma soi sensibla, soi capabla de tornar amb un parelh de chins e un eiriç garrèl, e Marineta vòl pas d'animals a l'ostal que dison amb la Pomponeta que coma animal de companhia m'an ja a ieu... Alara daissi tombar l'idèa de la SPA.
M'anatz dire de telefonar a Figura de Gòbi per anar faire un torn als campairòls, E BEN NON, perque el tanben es partit. Puta de vièlh, partís pas jamai levat quand i son pas las doas del plan-pè.

Bon, me planhissi pas. Pòdi metre la musica a fons, pòdi petar dins la cosina, montar, davalar, davalar montar, tè akò lo daissi al mitan, tè, me vau jocar sul cliclac, tè monti, tè davali, tòrni , viri, canti a fons. Ai fach un CD per Figura de Gòbi que se titola "A Tue Tête", lo meti en bocla, e canti. Un espectacle vertadièr. D'akí pas gaire, La Coquina se va plànher. A La Coquina, es la vesina, i caliá plan trobar un nom a akesta tanben. Especial omenatge a la cançon "lo Babau" qu'aimi plan de la cantar.
M'anatz dire es lo moment per far venir un òme. Ben se n'avètz un de disponible, donatz-li mon numero, mon lièch es grandàs ( m'i perdi de còps que i a ) e los lençòls son ròses.

Alara soi soleta a l'ostal.
Akò fa estranh d'aver akeste ostalàs per ieu soleta.
Languissi.
Me languissi de Marineta e Pomponeta.
I cresi pas, mas es aital.

E mai que mai, quand i son pas, mangi akò:


Es pas de reciclatge del vòmit del cochavestit del Canal de La Marina, mas quasi...

Tornatz lèu, Fantonas!!! Que los legeires del blòg vòlon veire una fòto dels pastissons que me prepararetz tre que tornaretz.


oaf oaf oaf

dissabte, 7 d’octubre de 2006

Starring la Pomponeta

La Pomponeta a de facultats qu'ai pas: cosina, sosca, fa d'espòrts, e fa de rebombetas... Las rebombetas, ieu ai pas jamai capitat. Bon, si de còps que i a m' arriba per asard, astre o accident de ne far 3, e soi tras que contenta , un pauc quand tròbi un mot de mai de 4 letras a las Chifras e las letras... Mas Pomponeta en mai de trobar de mots complicats a las Chifras e Las LEtras e de trobar las responsas al TRivial Pursuit, te fa 7 o 8 rebombetas sus l'estanh de Taur!

Alara, ieu, qu'admiri lo mond qu'an de facultats qu'ai pas, prenguèri de fòtos.
Benlèu o sabètz pas mas las rebombetas son pas de bon fotografiar... Pasmens, i arribèri:


Galerèri perque la fotografa e l'aparelh son pas bons. La Pomponeta se plegava a l'exercici... E quand capitavi de prene la foto al bon moment, la pèira rebombissiá pas. pfff. Galeraviam.
Gèni de Mèla: "pffffffff, avèm pas que de far una vidèo!" I auriái pogut pensar un pauc abans rai... que un pauc mai, demoravan pas mai de pèiras per far rebombir...
Alara, faguèri maitas videos. Akí n'avètz una.
e se bolega l'imatge, ai d'excusas: mon aparelh fòto es pichonet, es malaisit per filmar... e mai que mai èri petada de rire...

divendres, 6 d’octubre de 2006

dijous, 5 d’octubre de 2006

Mos pès, mas cauçetas, e l'estanh....

Vakí d'unas fòtos... Avètz lo drech d'admirar l'estanh , non, avètz lo DEVER d'admirar l'estanh. Puòi, avètz lo drech de vos trufar de mas basquets rojas de racalha e/o de mas cauçetas :


(fòto de Pomponeta)


(fòto de Pomponeta)



Sant Clar al fons :)
(aimi fòrça akesta fòto)



Pomponeta e ieu
Compausicion artistica de Pomponeta



Pomponeta en accion