dimecres, 28 de febrer de 2007

Itsibitsipetibiquinin, l'aimi

Itsibitsipetibiquinin es un òme
Itsibitsipetibiquinin es tot blanc (es son costat marial, mas chut, o cal pas dire)
Itsibitsipetibiquinin es poliiiiiiiiiiiiiit
Itsibitsipetibiquinin es intelligeeeeeeeeeent
Itsibitsipetibiquinin sentís bon
Itsibitsipetibiquinin es sensible
Itsibitsipetibiquinin me fa rire
Itsibitsipetibiquinin cosina regde plan

E, mai que mai,
Itsibitsipetibiquinin faguèt PER IEU akò:




Alara, ieu li faguèri: "Itsibitsipetibiquinin, t'aimi!!"
Akò li faguèt un pauc paur.

E li faguèri encara: "Itsibitsipetibiquinin, te vòls pas maridar amb ieu?"
"NON"


Lo problèma dins l'istòria, es pas que un dels melhors cosinièrs del país se volguèsse pas maridar amb ieu, lo problèma es que ARA, me cosina pas res mai!



Akò's doncas una crida oficiala:

ITSIBITSIPETIBIQUININ , TÒRNA-ME COSINAR QUICÒM!





.

dilluns, 26 de febrer de 2007

Brassens - Misogynie à part....

E una videoneta de Brassens...
Vau començar de la parlar de las cançons de Brassens que m'agradan...

"Misogynie à part" fa partida de las cançons sus las femnas que me fan petar de rire. La pòdi escotar 20 còps a de reng. Coma totas las cançons que metrai aquí.

Sus la video, agachatz coma Brassens es mòrt de rire! A la debuta , es tot seriós, puèi quand baissa lo cap, s'agachatz plan, veiretz que ritz ... e puèi a la fin de la cançon, capita pas mai de cantar. Soi fan!




Per l'istorieta, lo títol marcat a la debuta de la video , es l'escritura de Brassens. ;)



"Elle m'emmerde, vous diiiiiiiiiiiiiiiiiiiiiis-je"











Je Danse le Mia - lo clip

Perque podèm pas parlar de la cançon sens parlar del clip...











.

diumenge, 25 de febrer de 2007

un de mai!

Vakí un blòg de mai!

Es un polit blòg ròse!
Anatz-faire un torn e se vos agrada, daissatz un comentari!
Bona lectura ;)


la nuòch...

4 oras del matin.
L'òme dormís pas. Me desrevelhi.
Ieu: - On va pique-niquer?
El: - mmmm, là, je voudrais pique-dormir!





.

dissabte, 24 de febrer de 2007

Marsiho

Ièr acabèri Total Kheops de Jean Claude Izzo... Aviái ja legit Chourmo e Solea i a belcòp d'akò. E voliái legir lo primièr tòm de la trilogia del Sénher Montale. Soi fan fan fan



Mas , akeste còp, es pas per vos parlar del libre, es k, coma de costuma, ai aprés quicòm!
Vos sovenètz de la cançon d'IAM "Je danse le mia"?!?
Me cal precisar qu'aquestes 3 libres d'Izzo, los tròbi plan sonòrs, e an un ambient musical tarrible. "Total Kheops" fa referéncia a una cançon d'IAM, "Chourmo" fa referéncia a Massilia Sound System, e Solea a Miles Davis.
Doncas, vos sovenètz de la cançon d'IAM "Je danse le mia"?!?
M'agrada qu'es pas de creire ;). Aviái 13 ans, èri en 4ena... "on monte sur les tables, on lève les bras bien haut, allez c'est parti... Je danse le Mia, pas de pacotilles, chemise ouverte, chaines en or qui brillent!"... Pels nostalgics que l'an pas sus son disc dur, anatz faire un torn akí, la deuriatz poder escotar... (de res ;) )
Alara, dins Total Kheops, aprenèm de qu'es un mia! O sabiatz vosautres???


Le type du bureau feuilletait une revue porno, d'un air las. Un parfait mia. Cheveux longs sur la nuque, brushing d'enfer, chemise fleurie ouverte sur une poitrine noire et velue, grosse chaîne en or où pendait un Jésus avec des diamants dans les yeux, deux baguouses à chaque main, des Ray ban sur le nez. Cette expression, mia, venait d'Italie. De chez Lancia. Ils avaient lancé une voiture, la Mia, dont l'ouverture dans la fenêtre permet de sortir son coude sans avoir à baisser la vitre. C'était trop, pour le génie marseillais!
Des mias, il y en avait plein les bistrots. Frimeurs, magouilleurs. Beaufs. Ils passaient leurs journées devant leur comptoir, à boire des Ricard. Accessoirement, il leur arrivait de travailler un peu.
Celui-là, il devait rouler dans une Renault 12 couverte de phares avec Dédé & Valérie écrit devant, des peluches qui pendent, de la moquette sur le volant. Il tourna une page. Son regard s'arrêta sur l'entrecuisse d'une blonde plantureuse. Puis il daigna lever les yeux vers moi.
- C'est pour quoi? dit-il avec un fort accent corse.

in Total Kheops, Jean-Claude IZZO,
Folio Policier nº194, p.159



Per crompar los libres, Total Kheops o la Trilogia, es çai-sota:



Per ne saber mai sus Jean Claude Izzo: jeanclaude-izzo.com, un sit fach pel filh de l'escrivan que vos i regalaretz...

dimecres, 14 de febrer de 2007

Es mai mòrt

Lo papet Colom es mòrt. Aviá 93 ans. Normalament, dins aquestes cases, disi "pro vièlh per faire lo mòrt". Mas aqueste còp, o dirai pas...

Alara, del còp, me vau metre sul divan, anam tornar enrè, e vos vau contar.....


Quand èri pichòta, demoraviam a la gara del vilatge, que ma maire trabalhava a la gara, èra la cap de gara. La gara èra un pauc luènh del vilatge. Aviam coma vesins pas qu'un ostal vièlh, amb un parelh de vièlhs dedins. Demoravan dins un ostal vièlh vièlh vièlh, encara mai vièlhs qu'eles. Lo vièlh èra retirat de la SNCF, e èra un ostal de la SNCF qu'esperava que crebèsson los vièlhs per poder tombar son ostal..

La femna aviá lo pèl blanc e un solex.
L'òme èra bòrni d'un uèlh e bramava de longa.
Passavi plan de temps a son ostal. I beviái de limonada. Èra lo solet endrech que coneissiái que i aviá de limonada. Sai pas perqué, mas coneissi pas de mond qu'agèsson de limonada a son ostal, ne coneissètz vosautres?
Èra l'ostal de la limonada. E èra l'ostal del ramí. L'ivèrn, i anaviam amb ma maire, ieu èri pichòta, aviái 6 ans, e passaviam la tantossada del dimenge a jogar al ramí amb lo papet e la mamet Colom. I ai pas mai jogat dempuèi. La tele èra totjorn fòrta. La pèça totjorn escura.
Lo vièlh romegava de longa. La vièlha lo mandava cagar.
Quand començava de far jorn tard, aprèp lo sopar, anaviam lo paire, la maire e ieu davant son ostal, qu'èra a la broa de la rota, que i aviá un banqueton. Los adults s'i assetavan, ma maire parlava amb la vièlha, mon paire amb lo vièlh. Ieu, jogavi o amb la tartuga, qu'avián una tartuga dins son òrt, o amb la grava de la broa de la rota. E escotavi.

Me trachi 20 ans aprèp de tot plen de causas... Lo vièlh parlava pas que patoès, un montpelhierenc dels bòns. E amb mon paire parlavan pas que patoès. E i aviá la mameta Pinel qu'es pas encara mòrta, qu'a 94 ans... Totes parlavan pas que patoès entre eles.
Mon paire es mòrt fa d'annadas.
La mamet Colom es mòrta fa d'annadas.
Lo papet Colom es mòrt la setmana passada.
Un brave tuèrt quand la maire m'o diguèt. Fa un brieu que disiái que lo voliái anar registrar... e recuolavi. En me disent "as lo temps". Un pauc coma se de l'anar registrar li donèsse lo drech de morir, enfin. L'esperava sa mòrt lo papet Colom. E ieu me disi que non, qu'aqueste mond morisson pas, que vòli pas que moriguèsson.
Mon paire es mòrt fa d'annadas.
La mamet Colom es mòrta fa d'annadas.
Lo papet Colom es mòrt la setmana passada.
Demòra pas que la Mameta Pinel per anar registrar los vièlhs occitanofòns de mon enfància. Demòra pas qu'ela per me parlar de mon paire.

L'aurai lo coratge?




.



Figura de Gòbi es un artista...

Vos sovenètz d'akò?
Ben prenètz los meteisses, mas akeste còp avèm manjat akò:

dimarts, 13 de febrer de 2007

avec Mélanie, ça fait pas un pli ( quiiiiiiiina riiiiiiiiiiiiiiiiiima!!!)

Soi a trabalhar dins ma cambra.
La Jefa me sona: " Me pòdes venir ajudar defòra?"
òc, arribi...
E me mòstra del det akò:

Es pas perque un logicial a la con ditz que sembli Indiana Jones que cal creire tot çò que se legís sus internet, Mila Dieus!!
Los rats, las mirgas, vòli plan. Mas las canilhas...
Pòdi pas.
Los invertebrats son pas mos amics. E aquelas causòtas borrudas , boooooooooo, pòdi pas!!

Mas, o aviatz remarcat, soi l'eroïna d'aqueste ostal, soi la coratjosa, l'aventurièra, la qu'a lo gost de la risca.... e ai mai que mai un orguèlh e una reputacion. Alara vakí me calguèt trobar una solucion...

La trobèri.

E tuguèri tot aqueste mond.
Aimi pas tugar las canilhas perque quand las tuas, lo liquid verd que ne sortís fa un bruch que m'agrada pas...


My name is Lecter, Hannibal Lecter.



.

dilluns, 12 de febrer de 2007

La Talvera

La TAlvera, ne soi fan fan fan.
Un jorn vos explicarai totas las rasons que fan que ne soi fan fan fan.
Es pas sovent qu'ai de rasons bonas, soi pas quauqu'un de racional ieu, mas akí òc.

akí una video de la Talvera a Pesenàs, que i soi dessús , benlèu me reconeisseretz , benlèu pas ;)



Soi fan ;)

aquesta dimenjada, anèri a Còrdas e escotèri l'album novèl en exclusivitat!
1- soi tras que contenta
2- me la peti grèu d'aver agut l'oportunitat d'escotar lo disc.
3- soi encara mai fan.
I a una suspresa sul disc...
Alara, la soleta causa que vos pòdi dire, es de venir a Castres, al Bolegason, lo 21 d'Abrial per la presentacion del disc novèl... Ieu i serai!

Sits internet:
- talvera.org
- www.myspace.com/latalvera
- Lo Bolegason, sala castresa




.

Cauçaduras

Vòli las meteissas:

Son los pès de l'Ariejés ;)

diumenge, 11 de febrer de 2007

U're talking to me?

A Seta, i a una librariá.
I comandi un libre. La librària nº1, que l'apelarem la Camionaira, comanda lo libre sus son ordenador e fa:
- Lo nom?
- Kin nom? Lo meu? Mon nom a ieu?
pffff, passi per una colha un primièr còp.


I tòrni per l'aniversari de la Pomponeta, amb lo Figura de Gòbi... Nos aculhís la librària nº2 que l'apelarem l'Estafeta.
ieu: - Bonjorn, que vòli un libre per un present
FdG: - Òc, es per l'aniversari de Pomponeta (se'n fot l'Estafeta de l'aniversari de la Pomponeta!)


Demandi a la Camionaira de qu'a coma libre de Carrese (perque ai pas jamai legit de Carrese... e aquela librària, coneissía pas Carrese, a , puta de franchimands....). Cerca sus son ordenador.
Amb lo FdG, agacham los libres e charram de la nòstra Pomponeta, genre "akò li agradarà a la Pomponeta?"
"La Camionaira: - De qu'es son pichon nom?
Ieu: - A la Pomponeta?!?!?!?!
La Camionaira: - Non, lo pichon nom de CArrese
Ieu: - A! Philippe... "
L'Estafeta, Figura de Gòbi e la Camionaira èran mòrts de rire.



Aviái ja remarcat que quand me veson arribar l'Estafeta e la Camionaira començan de risolejar...
Mon cas es definitivament perdut.




.

dissabte, 10 de febrer de 2007

stars

Aimi plan los questionaris a la con e los jòcs nècis d'Internet... La darrièra conariá trobada es per saber a quin eròi del cinèma semblas... Ieu dison que soi Indiana Jones. Me manca sonque lo capèl.

Indiana Jones : 76%
T'agrada l'aventura, e aimas pas la vida normala de cada jorn.
Yoda (Star Wars) : 74%
Forrest Gump : 73%
Schrek : 73%
Jim Levenstein (American Pie) : 72%
Eric Draven (The Crow) : 70%
Hannibal Lecter : 69%






Quel héros de film es-tu ?
Ben ieu m'agradava melhor d'èsser Iòda de Star Wars, perque Iòda es un tip coma cal. Mas creba lèu dins lo film, val pas lo còp. E se parlèsse coma Iòda? Plaser vos fariá? Puèi, a Iòda, sembli, que pichòta soi... mas verda, o soi pas!
Hanibal Lecter, soi fan.
American Pie, òc, de per mon desesper sexual actual...
Forrest Gump, li sembli cada jorn mai cresi, levat que ieu corrissi pas. E que son la Jefa e la Pomponeta que manjan lo chocolat.
Shrek, a fons! Soi la meteissa, en mens verda!



Mas, aviam pas dich qu'èri Bridget Jones, ieu?

divendres, 9 de febrer de 2007

A Seta, sèm al nivèl de la mar

Ieu aimi plan de faire l'aperitiu.
L'aperitiu, akò's de vin per la Jefa e la Pomponeta , de còca per per ieu e per totas 3, de "humus" e de dakòs grecs que i trempam las chips dedins... Ieu crompi las chips pas tròp caras mas bonas de la marca Carrof o Alcamp.
La Jefa me crompèt un paketon de chips per dire de pas manjar de longa mas patanas.
Vau per ne manjar.
E èran de la marca Vico.
Son bonas las patanas Vico. Mas son caras. Mas son bonas.
Conversacion entre la Jefa e ieu:
Ieu: - Bon Dieu, as crompat las Vico! Son caaaaaaaras!!!!
La Jefa: - A òc? Son de las VIco?
- E òc
- Mas son bonas
- Òc, m'agradan las Vico. Mas ieu , çò que m'agrada es la Patana Vico, es polida la Patana Vico, l'aimi plan.
Trobatz pas qu'es polit lo patanon de Vico???




.

Bon Aniversari Pomponeta!

Uèi es l'aniversari de la nòstra Pomponeta


BON ANIVERSARI POMPONETA!!!




:)

dijous, 8 de febrer de 2007

Calamitat²

Ièr, amb la Frecolha, anèrem passejar a PInet, qu'es lo vilatge que s'i fa lo Pica-Pola de Pinet, un vin blanc plan bon, lo vin blanc del país...
Doncas passejada las 2 + son filh qu'a 6 ans.
Amb son dròlle, jogam al balon, perque ieu ai pas l'instinct mairal, mas soi bona al balon, alara los enfants m'aiman... Doncas, lo dròlle de la Frecolha, fa "e jogarem al balon?" "e prendrem lo balon?" " e jogarà al balon amb ieu la Melania"...


Lo balon, es pas brica un balon de fotbòl.
Perque los balons de fotbòl an un defaut bèl: quand mancas la cibla, lo balon se'n va a perpeta. E te cal córrer, córrer, per lo recuperar. La merda.
Doncas lo balon es un balon de rugbí. Mas mèfi, un MINI balon de rugbí. La classa.

Ieu soi fan de mon mini balon de rugbí, en mai es jaune fluo.

Passejam e amb lo dròlle, se fasèm de "candèlas" made in Occitània-lo-país-del-rugbí.

Puèi, de mon wonderful còp de pè, te quilhi lo balonet amont naut d'un pinàs. (akò tomba mal a Pinet oaf oaf oaf).

La Frecolha, qu'es pas colha colha del tot, decidís que l'agantarem a còps de calhaus... A HUM DE CALHAU , es un pauc (gas)cona de còps que i a.

Ensagèt amb totas las pèiras que trobèt dins un ròdol de 50 metres. Capitèt de tustar lo balonet un còp o dos... Mas lo balonet jaune fluo demorava quilhat....
Puèi partiguèrem, perque anaviam pas passar la nuèch a escampar de pèiras.
Quand partiguèrem , i aviá tot plen de pèiras sul camin, coma s'aguèsse plogut de calhaus. La Grava sul camin, es en quilhant un mini balon de rugbi que Bodon trobèt lo títol, vos o disi ieu.


Puèi me venguèt l'idèia.

"Dins la veitura, ai un balon de basquet, se fasèm vibrar la branca amb lo balon, akò farà tombar
lo balonet".
T'ai una logica implacabla ieu.

Prenguèrem lo balon de basquet. Frecolha lo mandèt amb las mans, mas montava pas pro naut.
Lo prenguèri ieu, te li fotèri un còp de pè... e ...
d'unas brancas vibrèron, lo balon de basquet tombèt, solet, son companh lo mini balon tombèt pas.
2 nd ensag, un còp de pè mai fòrt akeste còp.
E lo balonàs de basquet tornèt pas davalar...

2 balons de quilhats.

La Frecolha, que se desespera pas jamai, tirèt un vintenat de pèiras per ensajar de desquilhar un balon, un, al mens... mas nani, volguèron pas tombar!

Puèi, la Frecolha quilhèt la pèira, e aquí, decidiguèrem de daissar tombar...


Balanç de la jornada:
- 2 balons de quilhat
- 1 peira quilhada (akò o cal faire, saique!)
- 1 virada a Decatlon per poder crompar dos balons, per los poder quilhar tre qu'anarem passejar!











.

dijous, 1 de febrer de 2007

Seta, Seta, akí Seta (10) : Seta vista dempuèi Sant Clar



Dijòus 1er de Febrièr

Uèi es l'aniversari de CelinaDion (qu'es mon amiga dels EstatsUnits),
a 27 ans

Li desiri un plan bon aniversari!

(de tot biais, legís pas lo blòg...)



Es tanben l'aniversari de Boulet, a fach un dessenh tras que bon!


Aqueste vespre, a 7.55, atudarem lo lum.