dijous, 31 de gener de 2008

Nadau e ieu

Es pas perque m'agrada pas Nadau qu'an pas son importància dins ma vida.

Nadau Episòdi 1
Rodez - Estivada - Me soveni pas kina annada- Concert de Nadau.
ieu que me pensavi "oooooo, genial, sautarem, cantarem, riurem, e me trufarai" uhuhu.
ben non, ieu èri drecha dabans la scèna (per veire lo fenomèn de mai pròche), e i aviá 10 000 personas darrièr que me tirèron de pèiras per que m'assetèsse. Los fans de Nadau son pas sautaires, son cantaires, e van un pauc a la messa, van escotar la blaga de Jan que l'an ja ausida 55 còps...
La grava sul camin del pargue de l'Estivada me la prenguèri dins l'esquina pel concèrt de Nadau.

Nadau Episòdi 2
Concors per faire professor - espròva de didactica-
ai las paraulas d'aquesta cançon remirabla tirada del disc pels enfants Plumalhon
boomp3.com
akò's una giga ( coma Lèva lèva lèva la camba, lèva lèva lèva lo pè )

D'aver capitat lo concors mercés a Nadau, me fa un pauc mal al cuol quand meme. oaf oaf oaf
Qu'ei la vita e qu'ei atau.

dimecres, 30 de gener de 2008

Meme

Lo psicopat del Peiroton me manda un meme (mas de qu'es aqueste mot?), anem zo, i vau.

1 . Quant de temps portes com a blocaire?
Comencèri en novembre de 2005, qu'èri professora dins lo Far West. Aviái escrich 2 tèxtes per l'Iuefaema e me semblavan tant bons que los voliái far conéisser a la planeta tota, mas la planeta se'n tampona lo dardalhon. Un dels dos tèxtes es en linha, l'autre lo metrai en linha dins la setmana.
A l'ora d'ara, 801 pòsts. :)

2. Com vas saber l'existència dels blogs?
Per internet. Perque perdi(ái) de temps sur internet. Perque aimi plan saber la vida del mond, es l'espòrt nacional setòri. Comencèri amb Ron e Angel.

3. Digues 5 blogs que segueixes diàriament.
Pas tant qu'aquò finalament. Lo de Ron, lo meu, lo de Soph', lo del Peiroton mas compreni pas tot, lo del Tam que fa un brieu que branda pas res akeste fenhantàs. E d'autres, mas bon, vos o disi pas, es un secret.


4. Ets lector anònim d'algun bloc?
De totes. Daissi pas gaire de comentaris perque ai l'impression d'aver pas res d'intelligent de dire.

5. Alguns autors que et generin especial simpatia.
Ben, coma lo Peiroton, los que me son pas simpatics, los legissi pas. Soi pas masoquista.


6. Amb quins 5 blocaires aniries de marxa?
No vaig de marxa. Sóc la cosa més avorrida d'aquesta part de la ciutat.

7. Amb quins 3 blocaires passaries una nit de bogeria sexual?
Se son 3 , n'i a plan un que farà l'afar!
(es cona aquesta question, completament cona... )
Les nits de bogeria sexual, les tinc amb el meu AmorósMaiContent. :-DDDD
(qu'es per akò que l'ai!)

8. T'has enamorat mai d'algun blocaire?
Non. Mas...
bon non, vos o conti pas :P

9. Estàs satisfet amb el teu bloc?
Òc. Poiriá èsser mai.... o mens.... Me preni pas mai lo cap amb akò. Lo fau quand n'ai enveja, lo fau pas s'ai pas res de dire o mostrar. Me preni lo cap amb kikòm mai ara :D. Cf lo pòst dels dos ans. Cf lo pòst del 15 de Març de 2008.


10. Escull entre 3 i 5 blocaires per a què facin aquest meme.
Que lo prenga qual vòl.
Anem, mon Tamonet, pren-lo!



.

dimarts, 29 de gener de 2008

Scrabble

Amb MonAmorósMaiContent, pendent nòstra dimenjada sexuala amorosa sus la Còsta Brava, conilhegèrem joguèrem a l'Scrabble. MonAmorósMAiContent es tras que fòrt a l'Scrabble, ja, tròba totjorn un mot e, çò que m'enràbia, es que lo sap plaçar per aver lo maximum de punts, genre amb 4 letras te fa 68 lo tipe, qu'amb sas 4 letras a capitat de fargar 3 mots, e amb una Z e una X dedins. M'enràaaaaaaabia.



(Ganhèri ieu)



(Ganhèt el)
Agachatz coma es viciós lo tip: agachatz ont placèt "Crani". E "hàbits" , zo compta triple... Me'n bati: faguèri un scrabble amb "loquaces", e mot triple amb "pam" e "fusteries". Mèfi al primièr que me ditz quicòm sus l'usatge abusiu de la letra blanca....

JÒC: pels catalanofòns, i a una error (gròssa coma un castèl), trobatz-la!

diumenge, 27 de gener de 2008

un trin que se'n va....

Ai lo sentiment de passar ma vida dins lo trin, preni lo trin per anar trabalhar, preni lo trin per tornar de trabalhar, preni lo trin per anar al cinèma, preni lo trin per tornar del cinèma, preni lo trin per anar a una reunion, preni lo trin per tornar de la reunion, preni lo trin per anar veire MonAmorós, preni lo trin per tornar, malurosa, del país de MonAmorós. Es lo primièr còp de ma vida que passi mai de temps dins lo trin que dins ma veitura, akò se festeja en fòto e en musica!

boomp3.com




boomp3.com




boomp3.comboomp3.com










boomp3.com

Quatre mots sul mp3 pel mond que coneisson pas:
- Nadau, Un trin que se'n va de Pau. Nadau lo grop mitic bearnés, Olimpia, Zenit, bus, camionàs per un concert, de fans per Occitània tota e per la planeta tota (soi segura que n'i a de fans de Nadau dins d'autras galaxias tanben, mas es pas que mon vejaire). Lo succés: mesclar boha (la cornamusa (gas)cona) e la guitarra electrica (cf la cançon boha e guitarra), un cantaire genialissim e de cançons que m'agradan pas. Vakí , es dich , NADAU M'AGRADA PAS. (veni de perdre la mitat de mon lectorat occitanofòn... ). Akò dich, akò m'empacha pas de bramar los cançons subreconegudas de Nadau. Un trin que se'n va de Pau es una de las cançons mai conegudas de Nadau. Alara, amic catalan, se te vòls plan integrar a Occitània te cal conèisser akesta cançon tant pregonda. las paraulas son akí es dempuèi akesta cançon que me podètz ausir dire o escriure Qu'ei la vita qu'ei atau (mas soi pas la sola d'o faire...). Jan, lo cantaire de Nadau, seriá-ti un grang goro?

- Richard Anthony, Et j'entends siffler le train, una orror franchimanda coneguda per França tota dempuèi 1962.

- Sau, El tren de mitjanit. Sau es un dels grops de rock catalan mai coneguts. M'agrada pas. Vakí es dich , lo ROCK CATALAN M'AGRADA PAS (veni de perdre la mitat de mon lectorat catalanofòn...). Akò dich, amb los grops de rock català, tròbas totjorn una cançon que parla de çò que t'interessa.

- Lluís Llach, akeste tot lo mond lo coneis, bon, ben, m'agrada pas akeste tampauc , vakí es dich, Lluís Llach m'agrada pas (veni de perdre l'autra mitat de mon lectorat catalanofòn...), akò dich, amb Lluís Llach, tròbas totjorn una cançon que parla de çò que t'interessa.

- Massilia Sound System, Triste es lo trin, grop marselhés nascut dins las annadas 80, emblematic de sa ciutat, Marselha, una revolucion dins la cançon occitana, carrièra internacionala, de fans de'n pertot (dins las autras galaxias tanben pas de dobte) es la Chourmo , troces festejaires, cançons denonciairas, fargaires d'expressions e d'eslogans. Amb MSS, tròbas totjorn una cançon que parla de çò que t'interessa. Un potonàs pel LuxB!

- Moussu T e lei jovents, La Madòna dau TER. Aaaaa, Moussu T, alias Tatou, un dels fondators dau MSS. Pas de mots, ieu escoti akò e la vida es tras que polida. E òc. Qu'ei la vita qu'ei atau.



divendres, 25 de gener de 2008

Resumit fotografic d'una dimenjada
































Capelan d'ara (2)

Dimars, una escolana arribèt amb akò:
:)

(deu saber mon escolana que Pomponeta ne fa pas mai! uhuhu)

dijous, 24 de gener de 2008

Le monde d'uèi

D'interessant dins Le Monde datat del 24 de genièr doas causas:

- Platon a gratis per 1,30€ , e un polit libre!

- un dorsièr sus las eleccions municipalas a Marselha (amb una fòto panoramica tras que polida).
Faràn (o an ja fach?) un dorsièr semblant sus 9 ciutats, las ciutats occitanas concernidas: Tolosa, Bordèus , Marselha.


Vos còpii-pegui un text de Frederic Valabrègue que soi segura vos parlarà...

De l'eau dans la couleur locale

On ne renonce pas facilement au mauvais esprit. Il est notre vigilance. Cependant, tandis que le visage d'un homme se ravine, ses paroles se polissent. Ainsi, cette "marseillitude" sur laquelle nous insistions autrefois, ce décalque de la négritude où nous affirmions notre droit à la paresse, s'est-elle essoufflée. Et notre "massilienne" attitude, où nous nous vantions d'être moins caves que la plupart des citoyens français, elle aussi s'est rangée des voitures.

Il faut dire qu'entretemps, la ville, grâce au TGV, a brassé des arrivants qui ont mis de l'eau dans la couleur locale. L'identitarisme s'est dilué. Revendiquer notre personnalité n'a prouvé que notre inquiétude. Jouer à la bête curieuse pour racoler le touriste n'a pas arrangé nos problèmes. Marre de ce masochisme compliqué qui consiste à faire le rigolo...

Alors Marseille aujourd'hui, est-ce vraiment "comme" ? Comme Bilbao dont le tramway nous a inspiré le gazon ? Belle idée que le gazon sans le climat océanique. Bon, nous avons le tramway, fin prêts pour les municipales. Il m'a rappelé mon enfance : nous mettons nos rails dans les rails de nos parents.

Comme Lille, puisque nous concourons pour le titre de capitale européenne de la culture, ce qui a paru être un gag, mais ne l'est pas tant, quand on considère sa définition nouvelle ? La culture, c'est le contraire de l'élitisme. Ça n'est pas fait pour la recherche ni par les "beaux esprits", mais pour le fun et par les teufeurs de la Fiesta des Suds. Marseille, capitale européenne de la culture de divertissement ? Il faut le souhaiter.

Est-ce vraiment la même jardinière rue Saint Ferréol que partout en Europe ? La même. L'Europe est venue à nous. Elle ressemblait à un banquier. On s'est essuyé la main avant de la lui tendre. Elle arrivait avec plein de beaux immeubles remplis de sociétés rutilantes. Un Trade Center, comme partout dans le monde libre. Il était occupé par des gens qui ignoraient notre différence. Il est vrai que les aboiements des pauvres ne sont pas méchants.

Comme d'habitude, on est restés devant la vitre. On ne s'est même pas demandé comment on faisait pour accéder à de tels emplois. On était déjà persuadés que ça n'était pas pour nous. On allait râler contre tous ces braves gens si compétents qui ont du boulot et du fric. C'est comme ça qu'on est restés capitale du RMI.


Frédéric Valabrègue, 56 ans, est né et vit à Marseille, où il enseigne l'histoire de l'art aux Beaux-Arts. Il a joué du jazz, beaucoup voyagé et enseigné au Niger. Il a publié six ouvrages, dont Les Mauvestis (POL), chronique d'une cité marseillaise.


dilluns, 21 de gener de 2008

Acabat!


Quand aqueste turrón tant bon que ton amorós te portèt quand venguèt al mes de Decembre s'acaba, akò vòl dire que ....

a- lo turrón èra bon?
b- las fèstas son acabadas ?
c- te'n portèt pas pro?
d- siás finalament pas tant gormanda k'akò?


.

divendres, 18 de gener de 2008

LO JÒC MUSICAL - nº 7

Me'n vau en dimenjada faire de torism sexual amb MonAmorósMaiContent a Girona e sus la Còsta Brava.

Pendent mon abséncia, vos daissi un jòc musical aisit: son las 2 primèras segondas de cançons subreconegudas, coma de costuma lo títol e l'artista per aver lo punt!

boomp3.com

1- Manu Chao - Clandestino , trobat per Quequejaire
2- Boby Lapointe - ARagon et CAstille, trobat per Marieta e lo Pèire de la Sauma
3- Bob Dylan - Don't think Twice it's allright, trobat per Marieta e lo Pèire de la Sauma
4- The Beatles - Let it Be, trobat per Angramainju
5- Jacques Dutronc - La fille du Père noel, trobat per Quequejaire
6- Boris Vian - Fais moi mal, Johnny trobat per Aura
7-
8-
9- Lou Reed - Walk on the Wild Side trobat per Angramainju
10- Massilia Sound System - Pauvre de Nous trobat per Quequejaire
11- Nirvana - Come as you are trobat per Quequejaire
12- The Doors - Light my Fire trobat per Quequejaire
13- Amadou e Mariam - Beau Dimanche - trobat per La Jefa e Pomponeta
14- Bob Marley - Could you be loved - trobat per Quequejaire
15- Claude François - Alexandrie Alexandra trobat per Quequejaire

Bon coratge a totes.
Daissatz los comentaris, los validarai quand tornarai!

e bona dimenjada!!

La Marca actuala:
Quequejaire: 26 punts
Marieta e Lo Peire de la Sauma: 23 punts
Lo Guilhèm: 16 punts
Pomponeta e La Jefa: 16 punts
Aura: 14 punts
Joan deu Peiroton: 6 punts
L'òmi : 4 punts
La Blonda: 3 punts
Angramainju: 2 punts
Alan: 1 punt
Lucie: 1 punt


La Marca abans lo jòc musical nº7:
Marieta e Lo Peire de la Sauma: 21 punts
Quequejaire: 19 punts
Lo Guilhèm: 16 punts
Pomponeta e La Jefa: 15 punts
Aura: 13 punts
Joan deu Peiroton: 6 punts
L'òmi : 4 punts
La Blonda: 3 punts
Alan: 1 punt
Lucie: 1 punt

dijous, 17 de gener de 2008

ai, los joves....

L'argument que tua:
"Comprendretz, segur, es çò que Melania m'a dich."

Ièr, la professora ditz:
"Vos doni mon numèro mas me sonatz sonque se i a un problèma..."
I a cinc minutas, lo telefonet:
"Soi Toneskolan, es per te dire qu'ai capitat.... (patin cofin)".



Trantalhi.
O me prenon per una colha, o me fan una fisança totala.



.

dimecres, 16 de gener de 2008

los 70 ans de la SNCF

Le temps nous égare,
Le temps nous étreint,
Le temps nous est gare,
Le temps nous est train

Es amb aquestes 4 vèrses de Prévert que se dubrís la mòstra itineranta L'art entre en gare - Quand les trains et les gares inspirent l'art - La Tournée qu'èra uèi a Montpelhièr.

Es genial!
Es una idèa geniala! Dins los vagons d'un trin, veses l'istòria de la SNCF dempuèi 70 ans, vestits, reclamas, trens, fotografias, imatges, sons, tot akò sus una longor de trin. Una idèa excellenta.
Òsca als museografs qu'an capitat de mesclar popularitat, publicitat, art, visuals, sons e k capitan de te faire recordar coma la SNCF es ligada a ta vida... (dins mon cas, es benlèu normal, passèri mon enfància dins una gara)

E, ieu, coma una colha, t'aviái pas l'aparelh!

Es, kand meme, de fach, un gròs còp de reclama per la SNCF.


Lo trin se passeja e demòra un jorn dins una gara.
Es en Occitània d'aquesta passa, alara ANATZ-I!!!
Èra ièr a Clarmont d'Auvernha, èra uèi a Montpelhièr, es ja passat a Marselha
deman lo 17 de Genièr serà a Tolosa de 14h00 a 19h00
divendres lo 18 de Genièr serà a Lemòtges
e dissabte lo 19 serà a Bordèus.

Bona Visita!


Lo ligam SNCF

dilluns, 14 de gener de 2008

Bon Aniversari!

Uèi es l'aniversari dau Tam!

BON ANIVERSARI MON TAMONET
E LONGAMAI!!


e un brave potonàs!!!



Per li dire, es akí
.

divendres, 11 de gener de 2008

La resolucion per 2008.

Ma resolucion per 2008, es una resolucion seriosa, es un problèma de fons que me lo cal reglar.

Alara primièr lo torn de las resolucions rasonablas que diguèretz vosautres:

- arrestar d'escriure lo blòg, e apondi: arrestar d'internetejar: seriá sanitós, mas non, es pas akò.

- arrestar de beure de Còca -Còla: contunharai de ne beure en 2008. Pasmens, cal senhalar la baissa de consomacion que, ara, me teni mai o mens a 1 botelha per setmana.

- arribar a l'ora: ben, es dins l'idèa. Alara, la ponctualitat serà per un autre jorn, mas es decidit, farai d'esfòrces ;)
Es dins l'idèa , òc, perque ai un problèma grèu amb lo temps, las oras, las duradas e tot akò. Fenomèn empejorat per l'abséncia de relòtge dins ma vida...

Alara la resolucion:
ME LEVAR QUAND LO REVELH TINDA

Colhona la resolucion pensatz? (parli coma Ioda se vòli), ben pas tant qu'akò.
Lo revelh tinda e ieu me levi pas. Es cada matin la meteissa causa. E n'ai mon confle.
Ara, me levarai TRE que lo revelh tindarà, es marcat akí blanc sus vèrd!

Alara, vos expliki, çò que fasiái fins ara per luchar contra ieu..., i aviá tota una tecnica.
E-xem-ple: devi préner lo trin a 06h57.
Meti lo revelh a 05.00 (òc!). Lo revelh bipbipbipa a 05.00. L'atudi. Tornarà tindar cada 10 minutas fins a 05.45 e akí disi ò mèrda e regli lo revelh per que tinde a 06.00, e a 06.00 es çò parièr, tòrna tindar cada 10 minutas fins a 06....35? k me levi, e of course, lo trin se'n va de Pau sens ieu.
E de k fau de 05.00 a 06.35? ben dormissi pardina! o alara soski, pensi o pantaissi.

Mas akò's acabat.
Ja , uèi, akeste matin, a 07.50, kand lo revelh a tindat, me soi levada.

I arribarai.

Es decidit.

Parce que je le vaux bien!







(putan, es insuportable akò, finala, es plan k cantèsse pas mai akela)


Kekejaire me fa passar akò:


huhuhuhu, fau coma akò amb mon plumon ieu tanben :) genre "se cambii de costat, l'ora cambiarà pas..."


.

dijous, 10 de gener de 2008

Roland Pecout : Laissarem degun







L'Ostau dau País Marselhés farga un libre-cd dels poèmas del grand Roland Pécout.

Languissi de lo recebre lo libre! Aimi fòrça lo trabalh que faguèron ja los de L'Ostau sus Victor Gelu e me regaudissi ja de poder legir e escotar Pecout!
Ieu donèri mon chèc de soscripcion a Estivada akest estiu, alara, anatz-i vosautres tanben, es akí



Ara, un pauc de poesia del Pecout!
Voliái metre tanben un poèma tirat de Mastrabelè, mas l'ai pas akí, doncas n'auretz pas qu'un de poèma, un que dempuèi que lo coneissi, me'n lassi pas... Es dels 70's, data un pauc... Dempuèi akesta epòca, escriguèt plan plan de causas diferentas



Avèm decidit d'aver rason

Despolhats de tot, emai dau nom nòstre
tot çò nòstre perdut
tot contra nautri justificat
Creson que la terra es a-n-aqueli que la viòlan.
Tròp d'espèra a enganat l'esper
degalhat tot çò que demòra
mai li montanhas restan drechas.
Desliurats de nòstri darrièri pelhas,
e receptius l'esperit macat,
siàm venguts fòrts de nòstra misèra
nus e gigants...
L'esclau lparà pas pus la man dau mèstre
pr'amor que i a pas pus d'esclaus!
Venèm de nàisser,
de-la-man-d'ailà de toti li vielhi paurs
e di vielhs silencis,
òmes revòutats
es-a-dire
òmes
Ren que còmpte
de si promessas e de sis amenaças
de sa poissança d'aur, d'armas e de mits
ren que vaugue
contra lis òmes de mans nusas
puèi que
avèm decidit d'aver rason.
Rotland Pecout



se kaukun a "Amb vòstrei lengas de cabra", poèma from Mastrabelè, seriá plan brave de lo metre en comentari....

Wally

"vous regardez trop la télévision, bonsoirrrrrrr"*

Anatz agachar lo Bulletin du Moi mais pas que de Wally.

Soi fan d'akeste òme. E akesta idèa m'agrada!

Lo Myspace de Wally




* frasa que ditz lo presentator dels Guinhòls :D

dimecres, 9 de gener de 2008

la Trobaretz?

Ai trobada MA resolucion per 2008.


Alara, de qué pòt èsser?


.

Capelan d'ara

Dimars, primièr jorn d'escòla.
Una escolana arriba amb un Tupperware encara caud que dedins i aviá

d'aligòt!!!
E amb una saucissa!
Puèi la dòsi d'aligòt!
E puèi èra booooooon.

TRòp contenta.

L'ora d'aprèp, n'arriba una autra d'escolana amb una brústia de chocolat per ieu. Yes!!!

Agachi lo mail: "je tiens à te remercier pour ta bonne humeur et ta disponibilité" , oh ben de rien :) e "només et volia dir que és un plaer tenir com a professor una persona tan amable com tu, de veritat", gràcies, gràcies :)

Sembla que 2008 comença plan :)


(ben òc, son de causòtas colhonetas, mas ieu akò me fa plan plaser, me fa kitament plorar!)
.

dimarts, 8 de gener de 2008

Teaser del disc novèl de Mauresca Fracas Dub


Sus l'espaci MySpace de Mauresca fracas Dub, i a un teaser del disc novèl, e coma soi brava, akí l'avètz:



Akò serà tras k bon :)

S'akò vos dona enveja, lor podètz mandar un chequonet (o un checàs) per recebre lo disc quand sortirà, per akò far es akí o akí

Los podètz anar veire en concert que fan una polida virada.

Òsca a eles!!!

dilluns, 7 de gener de 2008

Mascles per començar coma cal 2008

MadameLeFigaro-prout-prout nos presenta los 20 esportius que fan frenir los tetés de la borgesa parisenca. Anatz veire akí...




aquesta lengòta...


aguèsse pas lo tatoatge, m'agradan pas los tatoatges...



es la fòto que m'agrada mai... e pas per sa cara ;) !



.

LO JÒC MUSICAL - nº 6

Akí lo Jòc Musical nº6!!!

Alara tòrni explicar:
Son 20 extraches de cançons e vos cal trobar lo nom de l'artista/del grop e lo títol exact per aver un punt. Es una idèa raubada a Q1

Bon astre!!

E arrestatz de daissar ganhar La Marieta e lo Pèire de la Sauma que son de psicopats dangieroses!!




1- Yannick Noah - Donne moi une vie, trobat per Quequejaire

2- Du Bartàs - Sus la restolha, trobat per la Marieta e lo Pèire de la Sauma

3- Dupain- Camina, trobat per Aura

4- Nirvana - Smells like teen spirit, trobat per Quequejaire

5- Sangria Gratuite - El VeloSolex, trobat per Quequejaire

6- Dumballa Canalla - Cinc minuts , trobat per Joan deu Peiroton, granmercé a tu de m'aver fach descobrir akò!

7- Nux Vomica - Carnevale FlaFla, trobat per Aura

8- Pierre Perret - Le Zizi, trobat per Quequejaire

9- FAmilha Artús - Dharma

10- Duo Brotto Lopez, Dessús lo pont de Nantas from l'album HDQ, trobat per Quequejaire

11- Yael Naim - New Soul , trobat per Quequejaire

12- Tenarèze Los Aucèls Passatgièrs (revirada d'una cançon de Brassens , Les Oiseaux de Passage)

13- Philippe Vialard - Sanflorada per deman - La Valentinon, trobat per La Jefa e Pomponeta

14- Obrint Pas - Viure

15- Paco Ibáñez - El lagarto está llorando - trobat per La Jefa e Pomponeta

16- Lou Dalfin - Calant de Vilafranca, trobat per La Jefa e Pomponeta

17- L'Ham de Foc - Tocs Occitans, trobat per Joan deu Peiroton

18- Moussu T - Boulevard Bertolucci, trobat per Quequejaire

19- Maria Roanet - Pica Relòtge, trobat per La Jefa e Pomponeta

20- Patric - L'estaca, trobat per Quequejaire

La Marca actuala:
Marieta e Lo Peire de la Sauma: 21 punts
Quequejaire: 19 punts
Lo Guilhèm: 16 punts
Pomponeta e La Jefa: 15 punts
Aura: 13 punts
Joan deu Peiroton: 6 punts
L'òmi : 4 punts
La Blonda: 3 punts
Alan: 1 punt
Lucie: 1 punt



La Marca abans lo jòc nº6:
Marieta e Lo Peire de la Sauma: 20 punts
Lo Guilhèm: 16 punts
Quequejaire: 12 punts
Pomponeta e La Jefa: 11 punts
Aura: 11 punts
Joan deu Peiroton: 4 punts
L'òmi : 4 punts
La Blonda: 3 punts
Alan: 1 punt
Lucie: 1 punt

diumenge, 6 de gener de 2008

Discoteca infantil

Sus mon Itunes, soi a escotar los podcasts de la Discoteca Bàsica. Es un plaser d'escotar l'Albert Puig de Catalunya Radio.
Vos prepausi d'escotar la cronica del 28 de decembre sus la musica pels dròlles:






Puèi me diguèri "merda, avèm pas akò en occitan.... e finalament, quand meme!
Pels mainatges, de memòria, trobèri :
- Ua, Miduna, Mitrena dels Menestrèrs Gascons
- Turlututu de la Talvera
- Quincarelet de la Talvera
- Plumalhon de Nadau
- los dos tòms: Canta Canta neneton e Lo resson de la Peira avètz un ligam?
- Occitan children's songs

Ne coneissètz d'autres??


.

[REC]


Amb MonAmorósMaiContent, anèrem veire [.REC], un film de terror.

L'istòria: L'animatritz de "Mientras Usted Duerme" e son cameraman fan un reportatge sul trabalh dels pompièrs la nuèch. Seguisson una còla de pompièrs sus una intervencion dins un immòble que los vesins telefonèron perque ausiguèron una vesina vièlha cridar fòrt fòrt. E totes demoraràn embarrats akí dedins.



Me caguèri dessús. Of course. Mas ps de merit per akò, soi bon public :).

Al nivel dels contenguts, es un film d'orror amb de causas plan vistas: huis clos (aimi plan akesta expression), zombies umans contaminats/contaminaires que totes i passaràn.
Al nivel de la realizacion: camera al ponh que tre los primièrs imatges , pensam a Blair Witch Project
De qué pòrta de nòu finala o de qué i a de positiu?
- Es un film espanhòl. Akò fa de ben d'aver un film de terror que siá pas american. Amb una autra estetica, d'autras referéncias, un public cible diferent tb.
- Los dialògs, los tròbi bons. Plan realistas.(Un prèmi de "melhor que natura" pel policièr huhuhu).
- Sembla que lo tip a fach lo film amb sos vesins de l'immòble! Un rendut realista que nos fa encara mai flipar
- La camera al ponh. çò k fa de [REC] un film diferent dels autres e akí n'es l'interés finalament, es que TOT es filmat (doncas copat o suggerit) per la camera del cameraman, es a dire, per una soleta camera, portada per un dels personatges embarrats (e espaurugats); akò vòl dire tanben una vision estequida e movedissa. E la trama tota es suggerida amb akest solet agach, e akò's genial. Passejatz sul sit oficial e vos ne faretz una idèa!

La question:
es un film catalan, filmat a Barcelona, amb los pompièrs de Barcelona, d'unes personatges an l'accent catalan, tot lo staff es catalan. Lor auriá fach mal al cuol de lo faire en catalan lo film?






Sembla que los americans n'an ja previst un remake que lo títol ne seriá "Quarantined"... pfffff.... akò me fa enrabiar.... Abre los Ojos d'Amenábar venguèt Vanilla Sky amb Tom Pouce Cruise

Per veire lo film (screener) en streaming, es akí. (sai pas per quant de temps...) , òc, o sabi, soi geniala :)

dissabte, 5 de gener de 2008

l'amor en negre e blanc...


Es grand e magre.
Soi pichona e gròssa.

Es vièlh.
Soi jove.

Es plan penchenat.
Mon perruquièr s'apèla "batalha".

Es calm.
Soi over excitada.

Es un paucparla.
Charri que ne pòdi pas mai.

Ai un rire comunicatiu.
Ritz en silenci.

Vestís coma cal.
Desbralhadissima.

M'enfadi per qué que siá.
Agacha, vira lo cap e espera.

Tranquillon, tranquillon, tranquillon.
Zo, Zo, Zo.

Li agrada la musica classica.
Me regali amb de pom tchac bom.

Contempla.
Bolegui.

Compatís.
Foti de còps de pè al cuol.

"T'estimo, t'estimo, t'estimo.... i tu????"
Què no ho saps que t'estimo? Doncs pk preguntes?

SMS lo matin, mail a miègjorn, telefonada, SMS jornada, MSN, SMS nuèch.
SMS quand li tomba un braç.

Monta-davala.
Constància.

Yin
Yang



divendres, 4 de gener de 2008

Mon primièr sex shop

Pel primièr còp de ma vida, entrèri dins un sexshop.
Un moment istoric de ma vida supausi.

Vesi dins vòstres uèlhs aluserpits los punts d'interrogacion, coma dins las bendas dessenhadas:
De qué brandava dins un sex shòp?

E ben, èra per crompar pardina!

Per crompar un dildo, un consolador, un vibro, un gòd, apelatz-lo coma volètz, d'ara endavant, apelarai akò un chivre de plastic, que tròbi akesta expression plan poetica.

Dintri. Vau directament a las laissas que i son dessús totes los chivres de plastic. E akí l'alucinacion.
De chivres, ne vòls, akí n'as, de gròsses, de cortets, de largs, de tòrts, de bòrnis, de giboses, de negres, de blaus, de blancs, de roges. Alucini, e en color!
alara, t'agachi tot akò. E tòki pas res.
Ai la costuma de pas tocar las causas dins las botigas que quand èri pichòta, ma maire me disiá "Tòques pas, que se i a kikòm de copat, lo caldrà pagar!", alara toki pas (volidriái pas èsser responsable de la mòrt d'un chivre de plastic òu), mas agachi!
E alucini suls chivres de plastic vertadièrs. M'expliki: semblan un vièch vertadièr. Coma se foguèsson estats copats del còs e pausats akí sus la laissa...
Berk.
Me'n vau mai luènh.
E t'agachi los en color: tèn n'i a un en fòrma de drac, un autre en fòrma de dalfin (ieu quand vesi un dalfin, pensi totjorn a Flipper le Dauphin, deu èsser mòrt lo paure d'el ara), francament, inventan qué que siá... O sabiatz vosautres que la pachòla aviá la fòrma d'un dalfin? LOL
I a de chivres de plastic tot pichonets... mas a de qué servís akò tan pichonet?
i a de chivres en fòrma d'S.... mas cossí dintra akò?
Enfin, te passi un bon detzenat de minutas a agachar tot akò, e a tornar agachar e a tornar , e a virar...

Lo vendeire m'a vista. Lo vendeire a vist qu'agachi tot akò amb interés e curiositat. Lo vendeire a comprés qu'i compreni pas res ieu als chivres de plastic. E lo vendeire se pensa que soi una paura femna desesperada, desconsolada e mòrta de fam pendent las fèstas (mas, akí dessús, s'enganava lo tipe).
Lo vendeire arriba...
- Vos pòdi entressenhar?
- Òc! Vòli un chivre de plastic!
- De quina mena?
- Ben, un chivre de plastic! un kikòm que sembla un vièch.

Notaretz que normalament, quequegi de longa, e akí quequegèri pas!

E lo tipe me mòstra los chivres de plastic vertadièrs. E m'explica. M'explica que n'i a de tota mena per revertar la realitat... e agachi dins lo detalh, un festenal de vièchs! Puèi lo vendeire me fa tocar la causa...
Ò macarel! Mas sembla un vièch de vertat!!!
Puèi akò vibra!
Mankèri de lo faire tombar!

REVELACION:
Avèm un chivre de plastic que reverta completament lo vièch d'un òme...
DONCAS:
Avèm pas mai besonh dels òmes!
òsca manòsca ;)

E lo tip m'explikèt: lo dakòs pichonet a de qué servissiá, lo dakòs en fòrma d'S a de k servissiá, m'o explikèt tot, semblava un vendeire de veituras qu'explicava las opcions dels diferents modèls! Escotèri plan, foguèt malaisit de pas rire, pausèri de questions, agachèri lo prètz

e ne crompèri un de plan polidet!

Marcha plan?

Ma fista, ne sabi pas res, es un present de Nadal!

:-DD






Ligams:
Per veire un pauc la causida que i a, anatz veire per akí...
Per aver de causas polidas, es per akí
Se'n pòdon crompar tb suls sits de capòtas: Condozone, Durex.
.

dimarts, 1 de gener de 2008

BONA ANNAAAAAADA!!!

Visitaires, legeires e amics,
vos desiri a totes una
BONA ANNADA
PLAN GRANADA E PLAN ACOMPANHADA!!!


imatge de la campanha menada per l'Institut Occitan


.