dimecres, 26 de març de 2008

Lo vièch penjat

A las islas balears, an de costumas estranhas...
Quand an un convidat, li copan lo vièch fan una saucissa que penjan :
Es la sobrassada.




Manjan una causa pas bona que sembla un vièch...
Vai-te'n comprene.




.
(veni de perdre l'integralitat de mon lectorat mallorquin,
e la mitat de mon lectorat catalan)

dimarts, 25 de març de 2008

Question del jorn

Akesta nuèch, ai somiat de longa de longa, amb tot plen de sòmis diferents amb tot plen de detalhs, me soi desrevelhada 4 o 5 còps, e ara ai lo cap dins lo cuol.

En mai d'akò, ai fach un sòmi erotic amb un collèga. Enfin, li diguèri de non dins lo sòmi, cal pas desconar, ai mon onor ieu.

Pasmens, akò me tafura: compta kand meme coma erotic o pas?


.

Dinnar en co de la Marieta e del Pèire de la Sauma

La Marieta e lo Pèire de la Sauma me devon veire magrostèla que quand vau manjar a son ostal, me servisson una sietarassa:




Pel Quequejaire, qu'es aquò, qu'es aquò que i a dins la sièta??

dilluns, 24 de març de 2008

Bolegam a l'ostal

Amb la Marieta e lo Peire de la Sauma, anèrem al Festenal Boulegan a l'ostal a Sant Joan de Gard. Sant Joan de Gard, ont es akò? Es a costat d'Andusa. Andusa, coneissètz, es lo solet luèc d'Occitània que i a de bambos! (òbra d'una cevenòl que sabiá pas de qué faire de sa moneda e que decidiguèt de plantar de plantas exoticas). Per anar a Sant Joan de Gard, podètz daissar la veitura a Andusa e prene lo tren a vapor. Nosautres, es pas que siaguessiam pas de fans de tren, mas akò pelava dimenge e prenguèrem la Cagona de Montpelhièr a Sant Joan.

Sant Joan de Gard "al sourel de la liberta" (en referéncia a akò, akò, akò, akò e a la resisténcia cevenòla pendent l'Ocupacion)
Lo Festenal Bolegam a l'ostal es un festenal de lutièrs e de musicas e danças tradicionalas. Es plan simpatic que s'ausís de musica e se vei dançar dins maites endreches. Puèi lo país es polit :) (freg, mas polit).
Lo problèma d'akestes ambients "folk" es que i veses totjorn los meteisses o se son pas los meteisses, se semblan totes, de barbuts, de pels longs, de hippies sul retorn o d'unes que i van. Coma ditz la PolidaNimesenca, "an besonh de semblar d'espaventals per venir dançar? ieu, emai amb de vestits a Emmaüs, auriái mai d'estil qu'eles". Enfin, los hippies e babacools de tota mena, an quand meme l'avantatge d'èsser polits, sexis e sensuals. Akò foguèt lo tema de conversacion amb la Marieta. E sèm las doas d'acòrdi per dire que rai, akò's sexi un hippie, mas akò PUDÍS e kand akò dança, akò pudís encara mai.... De tot biais, ieu danci pas jamai amb los hippies, soi pas pro sexi e pas pro hippie per eles.

akò's lo platèu-repais-sopar made in Sant Joan de Gard


Fau la rondinaira amb los hippies, mas me soi regalada. Fasiá moment qu'èri pas sortida, e akò fa de ben de sortir!

e per la Cultura, un Que sais-je de Monsur Cabanel, a Patrick Cabanel, quel bel homme...

Botigas vièlhas: Son e Lum

Fòto presa a Montpelhièr

dimecres, 19 de març de 2008

Sant Miquel

Lo Joan vos parla de sant Ciri, ben ieu vos vau parlar de Sant Miquel.
Ai fach Sant-Miquel! Ai mudat los gatons!
E òc, ai mudat, demòri pas mai a Seta amb La Jefa e Pomponeta.

Un an e mièg de vida amb elas, akò foguèt plan. Ne gardarai las discutidas, las conariás e los escacalasses. Bon, vau pas contunhar que me caldrà sortir lo mocador e vòli pas que las lagremas tomben sus mon ordenadoret. Me manca(rà)n akelas doas colhas, esperi que tot anarà plan per elas sens ieu!

Vakí!
Una pagina s'es virada.
Una vida novèla m'espèra.
Me la desiri urosa.



.

dimarts, 18 de març de 2008

La bèstia

L'ordenador qu'aviái se morís, lo disc dur marcha quand akò li peta (e manja pas de mongetas...). Prenguèri la decision fatala (per mon compte) de me crompar un ordenador portable perque akò m'agrada, per me la petar, e per poder trabalhar coma vòli quand me'n vau en viatge en cò de MonAmorósMaiContent.
Justament, MonAmorósMaiContent, que sabi pas de qué fariái sens el, m'escanerizèt lo catalòg amb los ordenadors portables en promocion a mediamarket, m'o escanerizèt pas tot, es pas colhon, me faguèt una seleccioneta e vakí. Doncas comprèrem comprèri akeste:

alara, los ordenadors es pas coma lo BigMac que quand veses la fòto, veses un dakòs que sembla bon e gròs, e quand l'as dins la man es pichòt e pudís e te balha lo racavòmit, l'ordenador, kand l'as a ton ostal es encara mai polit e encara melhor que sus la reclama, agachatz-me akò:

Pels geeks, LO sit oficial amb la presentacion oficiala de Lordenadoret (òc, soi tant colha que te bategi los ordenadors ieu).


Soi tròoooop contenta.

LAS RESOLUCIONS (oafoafoaf)
- cal pas daissar solet l'ordenadoret que d'ordenadoretofils malonèstes lo poirián raubar
- cal pas s'amusar a cargar descargar brancar desbrancar la batariá coma fau amb lo telefonet
- cal pas manjar mon entrepan, mon bichoco, mon tròç de chocolat, mas chips, ma pasta o autras substàncias que se micalhan per las tòcas del clavièr. D'aver de qué manjar per la mitat d'Africa dins lo clavièr, akò, o farai pas mai
- pas una beguda sus la meteissa taula que l'ordenadoret que sequenon t'arriba akò e es plan trist.



.

dilluns, 17 de març de 2008

Setmana contra lo càncer

Eri al cagador quand dins lo tv magazina tombèri sus akò:

Los Bidochons per vos rampelar que lo càncer del colon es un dels càncers mai espandits e que una coloscopia, akò pòt evitar un malur...

Akeste messatge s'adreiça mai que mai a nòstres amics los animals los òmes que son eles las victimas del càncer del colon e qu'an sovent de mal a anar mostrar son cuoleton als metges.
Per las femnas, las mamografias son plan dintradas dins nòstra vida. Cal dire que sèm pas cagantas, akò nos geina pas a nosautras de li mostrar la pachòla a un ginecològ o d'anar dins un camion que l'an batejat "mamobil" (o caliá faire kand meme!!) per que nos paupen las popas (aliteracion en [p])


Uèi comença la Setmana de la lucha contra lo Càncer engimbrada per la Liga Nacionala (francesa) contra lo càncer.


Per ne saber mai sus lo càncer del colon e las riscas de l'aver.
E pel mond que son pas ipocondriacs mas que o vòlon èsser, anatz faire un torn sus doctissimo... e vos conselhi d'anar gaitar las videos de l'emission excellenta le Magazine de la Santé sus France 5.


akeste blòg serà benlèu felicitat per akesta colha de Ròsalina

diumenge, 16 de març de 2008

divendres, 14 de març de 2008

Aver lo drech de morir...

Aquesta femna vol morir. Patis e a lo coratge de se mostrar dins los mèdias desfigurada per que sa volontat siague respectada sens aver besonh d'emigrar. E l'autre encloscat li prepausa "un nouvel avis medical". De qual se fot???





Pel mond que l'an pas encara vist, agachatz MAR ADENTRO d'Alejandro Amenabar. Es l'istoria vertadièra de Ramon Sampedro, tetraplegic que luchèt e mediatizèt sa lucha per se poder suicidar legalament e dins de condicions dignas (lucha que fracassèt...)

Per aquesta femna, e per totes los autres que son o seràn dins aquestes cases, que las lèis cambien dins nostres païses!


Mar Adentro:
Quauques extraches: (sai pas kant de temps demoraran sus youtube...)






Entrevistas de Javier Bardem e Alejandro Amenabar e subretot d'extraches del Ramon Sampedro.


Entrevista en galhèc de la k l'ajudèt a morir:




Sus internet:
- Association pour le Droit de Mourir Dignement
- La Federacion Mondiala per morir digne

dimecres, 12 de març de 2008

dimarts, 11 de març de 2008

Reclama!



:D

se signar: mòde d'emplec

Lo Vatican actualiza sa tièra de pecats, la glèisa anglicana conselha als parelhs de parlar de sexe.

Pichon retorn a las basas pasmens:
- Qual dins lo lectorat es capable de me dire los sèt pecats capitals sens anar sus Wikipèdia?

- A-z-Albi, sembla que los visitaires se sabon pas signar, alara a la dintrada, podètz trobar ako: (oaf oaf oaf)

Vist dins la catedrala Santa Ceselha a Albi (81)



Quand arribas sus la pagina dau Vatican, legisses "the holy see". Holy ako ven de hole , non?
e Hole... ako vol pas dire trauc??

(ako's la primièra leiçon d'anglés del blog...)
.

diumenge, 9 de març de 2008

E akò t'agrada a tu?

Lo Grelh del Coderc (puta de vièlh) me fa passar una cadena culinària. Faire 10 associacions de savors sens soscar. Bon, ai soscat... fa pas res?

01- Banana + nutella: la banana que trempas dins lo nutella... Sai pas s'es la referéncia pornografica mas akò m'agrada bravament. Mas ne mangi pas jamai. Perqué? Perque vòli poder passar per la pòrta macarel!

02- Bichoco - Aiga. Un prince trempat dins un gòt d'aiga. Ma merenda preferida. Primièr amb l'ongle del det gròs, partissi per la mitat lo bichocò, puèi trempi la primièra mitat dins l'aiga, puèi la segonda mitat. Es tròp bon. Aprèp, l'aiga, la bevi pas, que sembla que li an cagat dedins.

03- Pasta - Formatge: çò basic!

04- Cambajon de polet (òc apeli akò coma akò) + cantal. Lo tròç de Cantal pres entre la lèsca, mmmm.

05- Pan + tomata+ òli. Of course.

06- Pan grasilhat + alh + jolvèrt + òli mmmmmm LO MAL. Compri totjorn de saketons d'akò al supermercat de MonAmorósMaiContent. O rasclar l'alh sul pan grasilhat....

07- Pà amb tomàquet + Queso Manchego. Lo formatge manchèc! LoqueFoguètl'ÒmedemaVida un jorn me diguèt "se t'agrada pas lo formatge manchèc es que siás colha" perque li disiái que ma'gradava pas lo formatge e el me voliá far tastar lo manchèc. E ben, aviá rason. Soi pas colha. CQFD.


08- Cantal + pebre + èrbas de Provença e tot akò al forn.

09- Tomata + Ceba, un pauc d'òli, de pan per chucar, e fai tirar!

10- Ceba + ceses, un pauc d'òli, de pan per chucar, e fai tirar!

11- Ceba + mongetas , un pauc d'òli, de pan per chucar, e fai petar!


Fau passar la causa
- al Joan Deu Peiroton que soi segura qu'amb sa cosinièra de Peirotona nos ne dirà de bonas
- al Tam Tam, que quand manja pas pizza, macdo o quick, se lepa los dets
- a K, un pauc de causas bassament culinàrias nos cambiarà :P
- a La Rapieta perque es un bon per la mangiscla
e que los que nos vòlon dire çò que manjan o fagan!


.

dissabte, 8 de març de 2008

Dimenjada dins Tarn amb MonAmorósMaiContent (3/3): le nid d'amoureux

Sul sit del Gits de França, trobèri un ostalet polidet pensat pels amoroses.
Es un ostalet de pèiras, que foguèt fenhal un còp èra, que foguèt adobat, e decorat de roge.
Lo roge de la passion....



Es encara mai polit que sus las fòtos!!!!!

Vakí, passèrem 3 jorns ideals!
Loguèrem akeste ostalet e o regretam pas!


Per la fenèstra de la cambra

Per la pòrta


Per la fenèstra de la cosina



Un endrech magic.
Los proprietaris adorables.

Poiriái donar mai de detalhs, mas es pas la pena , tot èra PERFIÈCH!

Una sola causa d'apondre: anatz-i!
Ideal pels parelhs, eterosexuals coma omosexuals, nòvis, estudiants trentenaris o quinqua.
Perfièch per una persona sola (ieu vòli ensajar sola!)

Es pas una reclama amagada. Los dos tornèrem estrambordats de nòstra dimenjada a l'ostalet roge.

Veire la descripcion e logar lo git, a "numero de l'hebergement", picar "08".
(anatz-i! vos cal pas esitar!)

.

Dimenjada dins Tarn amb MonAmorósMaiContent (2/3)

A...MonAmorósMaiContent... Tot un poèma! Ne poiriái escriure sus el!

Quauques caracterisitcas de MonAmorósMaiContent
- es un pauc Pompeu, non, pas pompeta, Pompeu, coma Pompeu Fabra lo que faguèt la normalizacion del catalan
- es pas brica Ferran Adrià



Tornam d'una passejada bèla e longa que n'avètz vistas las fòtos. Soi crebada, solide, me vau a la docha , e m e meti al lièch amb un libre, trankilla per aqueste ser, qu'èra MonAmorósMaiContent que cosinava.
Pas la pena de faire "aaaaa" admiratius. Nos cosinava l'òme una esqueixada, un dakòs amb de bacalao (merlussa) over aisit de faire. Ten, akò semblava a akò:
Nosautres , anam dins Tarn per manjar de BA CA LA O.... cercatz l'error...

Enfin.
Ieu, amb mon libre, me dormissi quand te sentissi tot plen de potons que me dison "leva-te mon amor" una man que te remena lo pomièr per li dire d'arrestar de roncar e de se levar. Me mièg-desrevelhi
"mmm, quina ora es?"
e la responsa que tua sa raça:
- Dos quarts i mig d'onze.
EEEEE???
Los catalans an un sistèma per dire l'ora qu'es francament bastard. Si, pas la pena de romegar los catalans, avètz un sistèma per dire l'ora que quitament vosautres lo comprenètz pas.
Expliqui als pas catalanofòns:
Los catalans dison las minutas per quarts, se'n foton de l'exactitud minutesca, çò que compta son los quarts, e coma son un pauc complicats an tanben inventat lo mièg quart. E la referéncia oresca akò l'ora qu'arriba pas la passada. Exemple: 02.15 = un quart de tres. Sembla complicat mas cal prene lo biais. es plan explicat akí
Alara ieu sabi parlar e comprene l'ora catalana, normal escoti Catalunya Radio...
Mas quand soi a dormir e qu'òm me desrevelha amb un "dos quarts i mig", e ben , m'enfadi.
La scèna:
- Quina ora es?
- Dos quarts i mig d'onze.
- De qué?
- Dos quarts i mig d'onze.
- Mas te prenes per Catalunya Radio o qué??? Mas siás completament ensucat de me desrevelhar e de me dire akò te creses qu'ai lo cap per soscar ara a de qué vòl dire "dos quarts i mig" la pòs pas dire normalament l'ora que soi completament dormida!!!
Mièja vòlta, gèst dramatic del plumon, e me tòrni dormir (enfin, fau que dormissi, mas dormissi pas). E contunhi de romegar:
- E la taula, l'as mesa pel mens? (Aimable... et son orchestre)
E la responsa que tua sa raça dicha amb paciència e amor:
- Va, deixa de rondinar, aixeca't i mira-ho
e sentissi lo risolet trufaire de MonAmorósMaiContent....

Me levi, sens doblidar de rabalar lo plumon e de faire tombar lo libre.
Agachi la taula e te vesi akò:
De còps que i a, ai vergonha.










e istòria de dire que mangèrem pas sonque de bacalao (lo bacalao, akò pudís la pachòla pas lavada):

dimarts, 4 de març de 2008

Dimenjada dins Tarn amb MonAmorósMaiContent (1/3)

E vakí! Soi tornada del país dels Tarnagasses!
Una dimenjada fabulosa passada amb MonAmorósMaiContent!
Vos la contarai en 3 parts:
- çò que veguèrem o faguèrem (ara!)
- la vida amb MonAmorósMaiContent
- l'ostalet de Puech Noly qu'aviam logat (lo melhor per la fin!)

Alara, un pichon torn en fòtos de çò que veguèrem!

Dissabte, fasiá gris. La dòna del temps m'escotèt, mas pas del tot. ja, ploviá pas (o pas gaire); akò nos permetèt doncas de sortir!
Anèrem a la capitala , a Albi.Albi, sa catedrala, que i passèrem una brava orada! Es una de las catedralas mai bèlas e originalas d'Occitània (ex aequo amb la de Rodés). Seriá lo bastiment de bricas mai grand d'Euròpa. Un còr subreplan conservat e subrebèl: las dentèlas (esculpturas de pèiras finas que finas); las estatuas, tot... Pas de fòtos perque ne faguèri pas... Osca per l'audioguida contra los 2€ de la visita del còr ; me sembla un bon compromés d'aver una part de la catedrala gratuita e una autra part paganta.
Mai d'entresenhas sus la catedrala Santa-Ceselha d'Albi akí

Passegèrem per Albi, nos perdèrem per carrièras, Sant Salvi e son clastre, los jardins de sai pas de qué... Es polida Albi!


Puèi anèrem pas gaire luènh d'Albi a Castelnau de Levis, conegut per sa torre quilhada entre las roinas:

Montèrem en naut de la torre... mila dieus qu'es nauta, mila dieus que cal montar (mila dieus que fa un brieu que fau pas d'espòrt...)
En naut de la torre... qu'es pichona la Cagona!
MonAmorós e ieu... Albi dins la nèbla.

Aprèp anèrem a Castelnau de Montmiral:
Voliam anar a Còrdas e Puycelsi, istòria de faire lo torn de las bastidas mas aguèrem pas lo temps.

Lo dimenge, faguèrem una brava passejada sul GR36.
Lo proprietari de l'ostal nos prepausèt de nos menar a las Cascadas d'Arifat e de nos daissar tornar a pè a l'ostal, quina brava idèa.
Las cascadas d'Arifat; akò dona akò

Las fòtos son pas tarriblas, l'original es impressionant! Talament polit e qgradiu que i mangèrem:
Puèi la tantossada, la passèrem suls camins. La jornada èra solelhosa que non sai (mercé Dòna del temps) e se regalèrem:


Lo Diluns jorn de partença, demorèrem un brieu al Castèl de GrandVal perque nos agrada de faire de fòtos de las roinas:





Voliam passar pel Sidòbre mas ploviá bravament, alara tornèrem sus Besièrs en passant per La Cauna. 'fant k'akò's laidàs La Cauna!!! Pasmens me permetèt de faire de fòtos que veiretz dins los jorns que venon!

Dimenjada dins Tarn 1/3.
De seguir!



Voli granmercejar lo XAvier que me menèt primièr per akeste país
.