divendres, 25 de juliol de 2008

Pibola

Pibola es en vacanças e son mèstre tanben!

Lo blòg de Pibola vos farà viatjar... e rire...

Anatz-i faire un torn, ieu soi fan fan fan del mèstre de Pibola!

L'aura fai son vir


L'aura fai son vir / Il vento fa il suo giro èra a Estivada. Es remirable. Me'n tòrni pas metre.
E la banda sonòra que me pivela.
boomp3.com

Anatz faire un vir sul sit, a de prèmis coma un gos a de nièiras: ilventofailsuogiro.com

Anatz legir tanben çò qu'escriguèt lo Taban

dimecres, 23 de juliol de 2008

SCOOP - warning


LO SERIAL DANCER ES A RODÉS!!!



WARNIIIIIIIIIIIIIIING







jòc concors: de k'es son pichòt nom?

Bombay Sapphire Design Exhibition by Mariscal



Anèri a la mòstra Bombay Sapphire Design Exhibition by Mariscal a Barcelona.
Mariscal, lo coneissètz, es lo tip que dessinèt "Cobi" lo gosset dels jòcs olimpics de barcelona 92.
A fargat una mòstra suls objèctes importants del sègle 20, objèctes de cada jorn qu'a revolucionat lo sègle passat. Akò's fach en partenariat amb lo gin Bombay Sapphire, an fach tot un partenariat de design, mas ai pas ben comprés... Se'n fotèm, vos vau parlar de la mòstra.

La dintrada:

La causa se presenta coma akò:1er article expausat, lo Levis 501



L'interés tanben d'akesta mòstra son los tèxtes: las Gitanes e son invitacion als plasers, Levis e sa resisténcia, Bic que ara deu apréner lo reciclatge, eça. Es estat editat un libre de la mòstra amb una fòto de cada objecte acompanhat del tèxt de Mariscal. Mas... sai pas ont l'ai fotut :P.









Los ligams:
- Bombay Sapphire, lo gin.
- Lo sit de Mariscal

dijous, 17 de juliol de 2008

Lo Serial Dancer


Lo Serial Dancer es un òme.
Lo Serial Dancer te fa pas frenir los tetés.
Lo Serial Dancer a un look de las annadas 80.
Lo Serial Dancer, es sa maire que li compra los vestits.
Lo Serial Dancer trèva los balètis.
Al Serial Dancer, li agrada de dançar. Rabala pels balètis dempuèi de meses. A un margue dins lo cuol e a la gràcia d'un Robocòp. E l'agachas e te fa pena. E te'n fa encara mai de pena la femna que dança amb el. Es pas jamai la meteissa, segur. Te pensas plan que quand una femna a dançat un còp amb el, i vòl pas tornar. Alara, per cada dança, dança amb una femna diferenta. E amb la Marieta, se fotèm un còp de coide "tega-lo, s'es trobat una autra victima", d'akí lo nom del serial dancer.
Alara nosautres, quand te lo vesèm arribar lo Serial Dancer, viram lo cap o charram , genre "granda convèrsa". "es partit?" "non , es encara akí" "es bon, a trobat una victima" of, e akí bufam , risèm e disèm "pecaire". E los agacham. E compatissèm amb la paura femna.
A cada dança, es lo meteis film.
T'i acostumas. Siás pas tan vigilanta. Doblidas de virar lo cap e de charrar amb ton amiga. E lo Serial Dancer t'arriba dessús. T'agacha. Del cap als pès. T'escaneriza de son agach de Serial Dancer , alerta roja dins ton cap "e mèeeeeeèeeerda", puèi escaneriza ton amiga. Vira lo cap, se' va.
Puta, quitament lo SerialDancer vòl pas de nosautras. Akò te fot un brave còp al moral.
Urosament, ai laMarieta per dançar amb ieu e ela m'a a ieu per dançar amb ela.


.

dilluns, 14 de juliol de 2008

Chabat e sa conariá geniala

Anèri veire La personne aux deux personnes uhuhuhuhu es con que vira, es genial.
Chabat es excellent en cantaire de las annadas 80 que i crei encara. Daniel Auteuil i fa un comptable despassat. Es kitsch tot plen, es ridicul, es crudel. Chabat, Auteuil e Foïs son plan bons, pasmens, manca un kikonet al film perque l'alhòli prenga del tot. Sortisses del film que te dises "mouais bòf".

An butat lo baugum fins a myspace. Van luènh dins las conariás. Tòrnan faire la discografia de Gilles GAbriel, agachatz los títols Albi c'est fini , Comme un Airbus sans Elle ( oaf oaf oaf)

- Lo myspace de Gilles Gabriel - alain Chabat
- Lo sit dau film

e la banda anóncia de bon gost:

diumenge, 13 de juliol de 2008

Kung Fu Panda

Soi anada veire lo darrièr Dreamworks: KungFuPanda.
Ben me soi regalada. Mòrta de rire tot lo long.
Lo scenario es pas genial, pas de politica, pas de waltdisneyariá de merda, pas d'istòria d'amor, mas un bon encadenament de gags e de figuras de kung fu.
Ne soi sortida amb la patata!
D'anar veire per remontar lo moral.

La banda-anóncia sola:
mai d'infos sus aqueste film

Una entrevista dels comedians doblaires e dels realizators:
mai d'infos sus aqueste film

divendres, 11 de juliol de 2008

3637: con coma una banasta

Ma maire a quatre panièrs made in Cevena, ne fa pas res e ieu soi fan dels panièrs.
- Lequel tu veux?
- Tous, je les veux tous, ils sont tous à moi ( Gollum inside )
- T'aimes ça toi les paniers?
- Ben ouais
- Ça fait très gabachàs quand même!

Mamaire 1 - ieu 0

.

dijous, 10 de juliol de 2008

ooooooooooooo

Quand èri pichòta agachavi Mystères, una emission de la 1èra.
Èra una emission suls fenomens paranormals e autras conariás que los cartesians e mon amorós i creson pas.
De reportatges que te fan cagar dessús e que te fan pas dormir.
Ja, pas que lo generic, te cagas dessús... La musica e mai que mai aquesta S reversada.... niark niark niark

Soi segura qu'es dempuèi aquesta merda d'emission que i cresi a las trèvas e a totas aquestas causas.

Quand i a quicòm que tomba, disi "don't worry , es l'esperit poltergeist de l'ostal". E akí, sabes se lo mond agachavan Mystères o pas.

E akò m'amusa...o pas.

.

dimarts, 8 de juliol de 2008

Kepa Junkera, la Marieta e ieu

Hautes Terres - Dissabte, a 5 oras, preniam una insolacion a Sant Flor pendent lo concèrt de Kepa Junkera. Aaaa, Kepa Junkera. Quin òme!

Tot lo concèrt lo badèrem. Nos fasiam montar la pression. Montèt tant la pression que la Marieta se trobèt mal e li calguèt s'anar botar a l'ombreta per pas petar d'una pression erotico-transversalo-eusko-solelhada. (petite joueuse). E la Marieta, o sabiatz benlèu pas, mas parla (un pauketon) euskera. E abans de partir defuntar a l'ombreta, me diguèt cossí se disiá “una de mai”. Alara, a la fin dau concèrt, bramèri coma un buòu de Biscaia “BESTE BAT” ( es pas d'imperfach latin, es d'euskera!). E lo polit percussionista, Iñigo, faguèt un graaaaand risolet. Causa que sap pas faire lo Kepa Junkera que de tot lo concèrt, veguèrem pas un risolet. Akò càmbia pas res. Es tras que polit lo tipe. Ieu ne vòli lo matin, lo tantòst, lo vespre e la nuòch... Es basc: es musclat ( enfin, o sembla, aguèrem pas lo temps de tastar), a d'uèlhs de sabèm pas kina color, e l'eusko touch que se pòt pas explicar mas que te fa frenir los tetés.5 oras mai tard, a un autre concèrt, qual te vèsem pas????

LO Kepa Junkera e l'Iñigo!!

Libido en alèrta maximala!!

Començam de cuolejar cap a eles... Polka per akí , valsa per alai (la sabèm pas dançar mas un basc, akò i coneis pas res a la valsa, l'istòria es de se far veire e d'èsser oversexy). E akí, chifram. Cossí atacar? Pas complicat. Un òme, per que se sovenga de tu, te lo cal badar. Alara, faguèrem la gropia. Gropia que crompa pas los Cds mas los telecarga d'Emule. Non, li diguèrem pas al tipe genre “adieu, ai telecargat ton darrièr disc, es genial” noooooon. Lo tipe parlava de sos Cds e ieu , colha que soi, diguèri “Ai, si, lo tengo en el ordenador”. Soi colha que colha. Mas bon, nos en volguèt pas. Kal o fa pas? DONCAS. I anam en plan fan. Abans, LaMarieta calcula, pendent 10 bonas minutas la frasa clau, the key sentence, “e podèm faire una fòto amb tu?” en basc. Brave mond, en exclusivitat mondiala, vos donarem la revirada, se per cas volètz faire una fòto amb lo polit Kepa, akò en basc dona:
“ahal dugu egiten foto bat zurekin?”.

E çò melhor dins l'istòria, es que la comprenguèron la Marieta.
Ieu fasiái l'amiga qu'acompanha son amiga (un pauc coma la que li ten la pòrta quand va pissar). E lo tipe acceptèt! Alara, se peguèrem tot contra eles ( aquela puta de Marieta s'anèt espotir contra lo Kepa, mas un pauc de dignitat quand meme!). Abans, aviam donat l'aparelh a una femna blonda desconeguda. Pecat! Prenèm la pausa. La femna quicha lo boton. Pas de flash. Kepa Junkera e Iñigo demòran dignes, nosautres començam de panicar (faute de mieux... - lo jòc de mots es en francés). E akí, espectacle: bracejam , cridam per li explicar cossí la prene aquela puta de fòto, que la volèm dins nòstre album familial la fòto! Es important! Una fòto amb lo Kepa, akò se fa pas cada jorn. Marieta, aprèp un esfòrç mental gròs, se desescòtcha del polit basc e va veire la femna. “A ben, es en video, es normal!” Blonda inside. Ieu, francament, aviái vergonha, mas diguèri pas res, perque Kepa o pas Kepa, LaMarieta es mon amiga. Tornam a la pa

usa, e la femna nos fa la fòto- Coneissètz lo comic de repeticion? E ben lo flash sortissiá pas! E de rire e d'explicar. E los bascos, dignes, s'impacientavan pas ( de creire qu'avián pas qu'akò de faire, ieu, al cap d'un moment, auriái pensat a una camera esconduda o una conariá coma akò, perque tantas causas a l'encòp es pas possible). E la femna de quichar sul botonet, e pas de flash. Bon, al cap d'un moment, se trachèrem qu'akò marchèt sens lo flash. Ara avèm 50 fòtos de LaMarieta+Kepa+Iñigo+ieu, mas totas trebolas... de tant rire. LaMarieta, per ragantar lo còp, fa la conversacion. Ieu al cap d'un moment, disi, amb mon aire colh

on “¿puedo hacer una foto de pies?”. E lo tipe se n'estonèt pas! ( benlèu que coneis lo blòg e èra tròp esmogut de me rescontrar per m'o dire). Doncas faguèrem la fòto de pès... Bon vos passi los detalhs. And now, ladies and gentlemen, (traduccion en euskera en preparacion), e ara sénhers e dònas la fòtos de pès :

La Marieta, lo Kepa, l'Iñigo e ieu.
Un pè en espardelha, akò's es èsser sexy!

Puèi après charrèrem mièja-ora. E LaMarieta li diguèt de ieu “si ésta es de pueblo”, es akò l'amistat.

Son plan simpatics. Passèrem lo concèrt a son costat, arapetas inside. Ieu renèri que lo tip soriguèt pas, mas LaMarieta diguèt que riguèt a mas conariás. ÒU, FAGUÈRI RIRE KEPA JUNKERA!!


E coma son plan aimables, abans de partir al joc, nos faguèron lo poton!! Mankèrem de nos estavanir! LaMarieta vòl precisar que l'Iñigo li tokèt l'esquina, ela fantasma e pretend que te li alisèt l'esquina (e mon cuol es de caviar). Vòl testimoniar tanben que lo Kepa a la cara mofleta e qu'es plan agradiu quand fa lo poton. Ieu disi pas res.




Anem, un pauc de seriós!!

La conversa amb lo Kepa e L'iñigo foguèt plan agradiva. E ara, en exclusivitat mondiala, nos parlèron del disc novèl que sortirà en octòbre, que se ditz ETXE, akò vòl dire ostal (auretz aprés kikòm). Es un doble disc amb tot plen de cantaires de la peninsula iberica que cantan en euskera de cançons tradicionalas d'Euskadi. Ieu me lo comprarai. Perque parlar tota una serada amb de mond tant adragius, e ben akò s'amerita plan de pas telecargar la causa.



Kepa, Iñigo, Eskerrik asko!!


Los clips del darrièr disc Hiri, son excellents:

Lo ligam directe


Puèi una videoneta d'un tròç que m'agrada fòrça:


Luciano



Vist sus Luciano.fr , n'i a tot plen de videos e de conariás d'akesta mena.

dilluns, 7 de juliol de 2008

Satan es un omenet vèrd

Dins mon vilatge, avèm un pauc de tot. Avèm tanben de satanistas activistas.
Un satanista activista es un tip o una tipessa que te salopeja un dakòs sacrat en i marcant de conariás anticristicas e/o diabolicas.
Mas nosautres, avèm de satanistas activistas altermondialistas de la confederacion païsana.
Vos expliki.
Dimècres, sul mercat.
- Oooooooooo, as vist çò qu'an fach a la glèisa?
- E non! De qu'an fach?
- Vèni veire, te vau mostrar! Veiràs, oooooooooooo !

E akí, de k i a pas a la glèisa!?!?
TOTAS las flors son desterradas, pel sòl (sacrilègi , amb çò k còstan macarèl!)
E amb la tèrra de las flors, an dessenhat 2 croses reversadas e un 666.

Ecologisme butat a son extrem?

Çò bon dins l'istòria, es que pas besonh de far venir la brigada anti-tag del clapàs que passa sus Franceinfo que son de mond equipats per levar los tags pintrats. NON, pas besonh vos disi!
Lo policièr municipal faguèt un parelh de fòtos (la legenda dirà s'èra amb son telefonet). Puèi los emplegats municipals venguèron, 4 còps d'escoba e fai tirar marius. Las cameras arribèron que demorava 4 ensaladas al mercat.







.

dissabte, 5 de juliol de 2008

Cantalàs a Hautes Terres

blogariá escricha amb LaMarieta

Fòtos de LaMarieta


Çò melhor de hautes Terres, a despart del rescontre amb Kepa Junkera, foguèt l'espectacle de la Companhia CANTALÀS: La Mau Maridada.

Cantalàs, akò's una còla de dancaires amators que se recampan per faire d'espectacles que la basa n'es la(s) dança(s) del país.

A Sant Flor l'espectacle èra al mercat cobèrt (la Halle aux bleds en francés) que, de fach, es pas un mercat cobèrt, ni un fieiral, es una polida glèisa.

Lo mond, aviam pas lo drech de dintrar dins la glèisa desafectada abans l'espectacle e eriam totes amontonats defòra al solelh. Mas i aviá una rason artistica a akò.

Vos expliki: es l'istòria de doas familhas, e coma o aviatz comprés amb lo títol, i a una istòria de maridatge. E defòra, davant la glèisa, de cada costat, arribavan las doas familhas e i aviá un part pichoneta de l'espectacle que se fasiá defòra, LaMarieta ne faguèt d'unas fòtos:


Puèi dintrèrem totes, public e dançaires.

Per malastre, eriam pas plan plaçadas o benlèu es la configuracion de la sala-glèisa que permetiá pas de se congostar. Alara, a la debuta, comprenguèrem pas tot, perque vesiam pas tot. T'aviam doas auvernhatas dabans e vos o cal saber, las auvernhatas an lo cap gròs; ne veses pas lo solelh, e encara mens un espectacle.

Puèi, ensukèrem las auvernhatassas e i veguèrem e çò que veguèrem èra ... èra... ten, ben avèm pas de mots de tant qu'èra bon!

L'energia que sortissiá de l'espectacle te transportava e i èras talament dedins qu'aviás enveja de montar sus l'empont per èsser dins l'istòria e dançar amb eles.

Es tot plen de sensualitat, e daissatz-nos vos dire que lo Patrici Sauret quand dança es sensual sensual... E la borrèia a tres, la nòvia e los dos òmes , es d'antologia.


Per las doas representacions fachas a Sant Flor , la glèisa èra tròp pichòta per aculhir tot lo mond vengut veire Cantalàs!!


S'avètz mancat l'espectacle,

lo podretz veire a Rodés

lo dissabte 26 de Julh a la MJC a 16h.


Manquèssetz pas la nòça!!

divendres, 4 de juliol de 2008

Raconte forra-borra de la dimenjada a Sant Flor pel festenal hautes Terres

fòtos: LaMarieta
Passèri la dimenjada a Sant Flor amb la BelaValenta e la Marieta.
Hautes Terres, kò's un festenal creat 8 ans fa per un òme intelligent e polit (non, de còps k i a, es pas una antitèsi) : lo Guy Brun. Lo tipe volguèt faire un festenal intelligent: un festenal per valorizar lo país, sa lenga, sa cultura. Valorizar son país montanhòl e rescontrar las autras montanhas. Èra un festenal genialissim .Puèi un jorn lo conse de Sant Flor, li petèt de faire passar lo Torn de França dins son bled e d'escampar lo director artistic e creator del festenal que de còps que i a lo mond tròp intelligents, ben lo mond con los escampa. that's life.
Vakí per l'istoric.
Ongan, lo convidat èra Espanha (la decision foguèt presa abans qu'espanha siaguèsse campiona de balon). Alara los Espanhòls convidats: Alba Gutierrez, de Santander (cagar y volver!); Susana Senvana (la que leva lo det sus l'aficha), una galhega! ; Kepa Junkera, un basc; Roncos do Diabo, de portugueses; Stefano Valla e Daniele Scurati, d'italians. QUID?
Puèi i aviá tot plen de franchimands tanben, mas akò n'i a totjorn de'n pertot.

Fau que romegui, mas me regalèri!
Alara, forra borra, la descuberta que faguèt plaser:





boomp3.com
lo band de seilhac, un grop jove plen d'energia que peta plan!


Los portugueses, Roncos do Diabo
Los Roncos do Diablo, es sexi lo tipe pè-descauç

Dins las causas tras que bonas:
- la Companhia Cantalàs
- Kepa Junkera
mas akò ne parlarai dins quauques jorns amb de pòsts especials!

L'aficha anonciava Susana Seivane. Ieu la coneissiái pas aquesta e marcava mal, perque 1 es galhèga 2 jòga de gaita. ( pas de galhèc o de gaitero dins lo lectorat? ). E ben finalament, m'i regalèri al concèrt. Un concert grand public, la plaça de la Catedrala de Sant Flor èra comola e lo mond se regalèron. Me diretz, los Auvernhats, se lor metes un concèrt A GRATIS e amb una causa que sembla la cabreta, son contents!
Zo, un tròç per vos faire una idèa:
boomp3.com
La Susana es plan simpatica a tot plen de vam, e lo concert es un espectacle que val lo còp. On en a eu pour notre argent, vos o disi. E es plan mai polida que Carlos Nuñez.

Sekenon, dins la tièra de "las causas que se'n sovendrem":

- la scèna de la man, una idèa tras que bona, una man dubèrta l'artista es dins la man, a 3 metres del sòl. En practica, un artista que susa e que manca de crebar d'una solelhada e un public que fa "tombarà/tombarà pas/tombarà/ tombarà pas?. L'acordeonista sus la fòto èra genial. Coneissèm pas son nom, daumatge. Òc , foguèt un problèma del festenal, a despart dels "coneguts", pas de nom pels artistas de la scèna de la man e de la scèna descubertas...
- lo balèti dins la glèisa.
De fach, es una glèisa que fa moment que s'i vei pas lo còs dau Crist. Aquel bastiment foguèt glèisa, halle aux bleds e ara sala de las fèstas. Soi fan.
E dins l'exluòc sacrat, laMarieta nos fa de fòtos tarribles... Agachatz las trèvas auvernhatas que venon dançar la borrèia quand ausisson la cabreta...




mercé a LaMarieta per las fòtos!
mercé a laBelaValenta per la dimenjada!


Los ligams:
Hautes Terres:
Le Band de Seilhac: http://www.myspace.com/leband2s
Roncos do Diabo: http://www.myspace.com/roncosdodiabo
Susana Seivane: http://www.susanaseivane.com/
Kepa Junkera: http://www.myspace.com/kepajunkera / http://www.kepajunkera.com/




Es forra-borra mas ai la canha de m'esforçar un pauc.... Sorry ;)

Kolanta

Sus sai pas kina cadena de television, i a una emission que se ditz KohLanta. Es una emission de telerealitat de mas colhas, que doas còlas luchan per ganhar, sai pas de qué ganhan ni mai cossí ganhan perque ai pas jamai agachat.
L'an passat, La Jefa e Pomponeta agachavan KOhlanta perque i aviá un setòri que i èra dedins e me'n contavan de bonas!
Uèi, a la UNA de MidiLibre edicion Seta, i a una entrevista d'una bosigòta que serà a Kohlanta.
L'an passat, Seta, ongan, Bozigas (es de l'autre costat de l'estanh de Taur)... I a pas una pseudo-lei dins los jòcs per pas prene lo mond d'un meteis país? ( levat parís, mas parís es diferent, o sabètz plan!)
Ai pas legit l'entrevista, mas lo títol èra "Laurent (lo setòri que i aviá a Kohlanta) m'a donné envie". Me soveni que lo wonderful setòri voliá representar la region a Kohlanta. I a pas mai de videos interessantas sus lo net, mas lo tipe èra espés, valiá lo viatge, enfin, èra setòri qué! E un setòri, fòra de Seta, e ben akò's totjorn estranh.
Alara, la bosigòta se farà ambassadritz (se ditz comakò?) del país.

Soi segura que Frêche es sus lo còp e lor farà portar un camisòt "south of france".


dijous, 3 de juliol de 2008

Clip

Perque ai pas lo temps de metre kikòm mai, escotatz-me akò:

dimarts, 1 de juliol de 2008

nimportenawak

Conversa subrerealista entre LaMarieta e ieu.


- Vols suc de poma?

- Sííííí, de tant riure, estic amb sense coll

- Què?
- Que parlo amb sense coll
- Què?
- Que parlo com el Joan Clos
- Que tens mal de coll?
- Si
- i el Joan Clos té mal de coll?



-Que nooooo, el Joan Clos diu sempre “amb sense”