dijous, 25 de març de 2010

Youtube m'a sauvada

Quand ai pas lo moral o que dormissi pas, o los dos, vau sus youtube... e aquesta nuèch, ai trobat aquò


Aquela dança m'agrada FÒRÇA. L'aprenguèri quand èri al Far West, aquí, se fa pas dins los balètis, sai pas perqué, qu'es una borrèia que càmbia de las borrèias costumièras :)
Especiala dedicaça a LaJefa :)


Enfin, me vau pas plànher,ara, dins los balètis de Lengadòc Bàs, se son meses a jogar e dançar de correntas, òsca!

(e per l'istorieta, lo ligam sus youtube, e ben i èri a aquela nuèch de la correnta a Limon, mas poguèri pas dançar qu'aviái una entòrsa...)

E quand soi subredeprimida, vau veire aquò:

que me regali de la musica e la banketa me fa rire de tant qu'es afrosa.

dimecres, 24 de març de 2010

Babaus, parpalhons, formigas e aranhas

Coma o vos anoncièri anèri a Micropolis. Fasiá d'annadas que i voliái anar mas i voliái pas anar sola. Ne fau tot plen de causas sola, akò me geina pas, mas, sai pas plan perqué, a Micropolis i voliái anar acompanhada. Me trobèri un polit biologista musclat per m'acompanhar que l'apelarem per ara CambajonusAudencus.
Coneissi pas gaire de mond que siaguèsson anats a Micropolis, pasmens aquò's pas luènh! E los 2 que i èran anats èran pas brica estrmabordats. Fa pas res. I voliái anar quand meme. Soi aital.


E ben ieu me regalèri.
Lo sit es grand. An previst akò per recebre 50 cars de japoneses. Lo parking es imens e un pauc luènh de la dintrada... Saique, caminas abans de dintrar.  E un còp dintrat, caminas encara. Enfin, o vos cal saber, a Micropolis, cal caminar, sètz prevenguts. 

Prenes ta tiqueta. E sortisses e te passejas dins lo Carnaval das insèctes. E aquò m'agradèt grèu grèu grèu.... Aquí las fòtos... Imaginatz lo solelh de l'ivèrn e la musica de... Laurenç CAvalié amb la Fanfare du Minervois, regreti d'aver pas crompat lo disc! Quina suspresa de tornar trobar Laurenç CAvalié alai! Anem, plaça a las bèstias e a las colors :)
Montas un escalièr longàs e dintras dins una bauma de brancas de  castanhièrs. Es plan plan polit, ieu dintrèri a fons dins l'ambient. Pels dròlles es genial... e pels grands tanben :) E caminas, akò te conta una istòria: los insèctes que fan son Carnaval amb per cada insècte una istorieta e una mesa en scèna.
Un prèga-dieu, amb darrièr lo vilatge de Sant Leons, vilatge de Jean Henri FAbre, conegut internacionalament qu'es la referéncia en entomologia. Es per aquò que Micropolis es alai, perque lo tipe èra d'a costat de Milhau. N'aprenètz de causas amb mon blòg, è! Per l'istorieta, Jean Henri Fabre escriviá tanben de poèmas en lenga d'òc... Mèfi! De pas confondre amb Jean Baptiste Fabre qu'èra curat e qu'escriguèt Joan l'An Pres e que los babaus, el, los espotissiá de la poncha de la sabata. 
Alara oè, l'entomologista mai conegut dau mond parlava la lenga d'òc, aquò normal, èra de Sant Leons, mas en mai d'aquò fasiá de poesia. O sabiatz pas? E ben, normal, çò que fasiá èra un pauc merdós. Cossí o sabi? non, l'ai pas legida sa poesia, mas quand un tipe fa mens de mièja pagina dins la Nouvelle Histoire de la Littérature Occitane de Bob Lafont (e d'un autre autor que pas degun lo cita jamai), e ben aquò vòl dire que val pas lo còp. E coma soi brava e que vos vau esparnhar de vos levar per anar legir la pagina 651, vos la meti, akò serà lèu picat:
L'entomologiste Jean-Henri Fabre (1823-1915), rouergat installé à Sérignan, parlant la langue de ses voisins, a donné dans cette langue un ensemble de poésies moralisatrices, de fresques naturelles, de tableaux de genre, de fables, de chansons (Poésies françaises et provençales, Paris, 1925). L'essentiel de son inspiration est un sentiment vaste de la dignité populaire: 
Soulenne coume un diéu, l'ome à braio sarcido, 
L'ome à large pitre pelous,
Lou noble espeiandra, lou baroun di caussido,
Lou semenaire, usso frounsido
E péu esfoulissa sus li iue parpelous
Brassejo dins li champ.
Rai, dona pas enveja de s'empegar l'integrala... 

Per contunhar dins l'erotisme païsan del poèma citat, vaquí un 69:
Al cap de tres quarts d'ora de passejada, èri plan decebuda d'arribar a la fin dau Carnaval das Insèctes. E a la fin, i a una paret-generic amb totes los noms dels artistas qu'an participat a aquela òbra... e lo mèstre d'aquò es lo Guy Brun, l'auvernhat que te fa pantaissar, grand mèstre de mille lieux sur la terre, que tot çò qu'ai vist d'aquel òme es meravilha.


L'interior, akò's grand tanben, n'as per, al mens, 2 oras. I a un film en 3D que me'n soveni pas gaire, me soveni just qu'es lo primièr còp que vesiái un film en 3D e qu'aquò m'agradèt :)
Puèi i a de bèstias. De mòrtas, de vivas, de faussas, de vertadièras, d'explicas, de gags, d'òbras d'art. Soi fan.


Aquò's son de plantas carnivòras.


L'aquarium das parpalhons, qu'ai trobat un pauc pichon.


E ben ieu me regalèri a Micropolis, i passèri una bona tantossada e regreti pas brica d'i èsser anada! :)

E, per acabar, per las dròllas, doas fòtos fachas per lo CambajonusAudencus, que lo granmercegi de las aver mandadas :)

dilluns, 22 de març de 2010

Magalona

L'autre jorn que fasiá solelh anèri passejar a Magalona... 
Kò's totjorn un moment agradiu d'i anar.
Quauques fòtos forra borra çai jos, las en interior son pas genialas, l'aparelh es nòu, me'n sabi pas servir encara.

 




Catons

Aquela puta de cata a catonat dins mon armari... e a mudat los catons dins lo tirador de las caucetas.

Vos presenti Feliça, Pauleta e Gargouille :)


Pauleta e Gargouille an un problèma a l'uèlh, sus la fòto se vei, agachatz l'uèlh drech de Pauleta. Sai pas de qu'es, lor meti de coliri cada jorn dempuèi 3 jorns, aquò sembla d'anar melhor.
Los cats, akò's pas ma passion, mas quand son pichonets, los aimi grèu :)))

dijous, 18 de març de 2010

Pensada solelhosa


"On croit qu'on amène son chien pisser midi et soir. Grave erreur : ce sont les chiens qui nous invitent deux fois par jour à la méditation."
 Daniel Pennac

dijous, 11 de març de 2010

Lo primièr còp que ne vesi una de plantada...

Dimenge, veguèri pel primièr còp una cardabèla vertadièra. De costuma, las vesi sus las pòrtas...
e ben aquò me faguèt plaser :))))


Ne profiechi per la far la reclama: cardabelle.fr

dimecres, 10 de març de 2010

e foguèri pas malauta!

Dimenge, m'enganèri de camin per anar a Micropolis. Oè, o sabi, kò's indicat de'n pertot mas de còps soi un pauc nècia e anèri petar sai pas ont. Mas se perdre, akò's agradiu, kò te fa visitar lo país.

E, quand volguèri far mièja vòlta, te veguèri un panèu "font d'avairon". E me vakí sus una rota pichona per anar veire ont nais Avairon.
E oè, beguèri l'aiga de la sorga :) 
E ben es pas bona.

dilluns, 8 de març de 2010

Gèla dins mon còr coma nèva sus la Robina...

Fòto presa de matin:

probable m'i crosaretz...

Mon agenda marcesc






Dimècres 17 de Març
a la Fac de Letras a Montpelhièr:
concèrt de Familha Artús










Dimècres 17, dissabte 20, dimenge 21 a 16h al Teatre La Vista a Montpelhièr. Ieu i serai dimenge. L'aficha es tras que polida.









Dissabte 27 de Març, serai a Couiza (en òc?) dins Aude, entre Quilhan e Limós per jogar d'autbòi dins l'encastre de la fèsta Toques et Clochers ( dins mon cas: grosse cloche et toquée)





:)

dimarts, 2 de març de 2010

un cafard pour de l'aligot

Adieussiatz Monde, 

Dimenge vau a Micropolis. Auriatz pas un restaurant de me conselhar dins lo canton? (Sant Leon / Milhau). Los critèris: bon, pas tròp car e amb d'aligòt if possible.