Uèi, es lo darrièr pòst del mes de genièr.
Sabi pas s'avètz remarcat mas aqueste mes, ai fach un pòst per jorn. Ok, rai, per d'unes me soi pas gaire esquichada, mas n'i a agut un per jorn! Èra per donar un pauc de trabalh al Corrector per son mes d'ensag de Corrector Oficial del Blòg de Mela per veire se lo li fasiái lo CDI o pas.
Espèri que vos sètz pas acostumats a aquel ritme qu'ai pas previst de lo manténer!
Per Febrièr, serà l'opcion "Blòg light" qu'ai una molonada de causas en retard.
Coma de costuma, vos remandi suls blògs que i a a drecha mai que mai los de mos pichonets...
e per cambiar, anatz legir de blògs en lenga estranha:
Lemosina... ben en lemosin, pardina.
E doblidètz pas de lor daissar de comentaris, aquò fa totjorn plaser e motiva per contunhar :)Vos senhali que Pibola es a completar son blòg e recapta las causas coma cal amb de categorias plan organizadas. Anatz veire las fòtos, aquò's exotic.
Lo potonàs :)
'Mesfia goiata, los lemosins velhan. Lu cibercaier de la Lemosina © es l'un dau mai bra'e per los temps presents.
ResponEliminaEu es pas escrit dins 'na linga estranha, mas dins 'na meravelhosa linga e ne'n sei « fan ».
Grandmarcè per la descuberta dau blòg dau Violesi.
ResponEliminaAquò es plan agradiu.