Victòria

Granmercegi publicament:
- MonAmorósMaiContent qu'aguèt la paciéncia de me corregir cada deca, cada barbarisme, cada conariá (bon, de fach, o fa encara, corregir la question pausada es un biais per i respondre pas)
- La Marieta que m'oferiguèt de libres, que me motivèt, que me mandèt cagar, que me botèt un brave còp de pè al cuol en me dire que mon nivèl èra pas sufisent e que me caliá trabalhar.
- Victor e Jòrdi los examinators, me languissi de saber la nòta que me metèron... (vos teni al fial!)

:)

L'oral del nivel c de catalan

L'autra dimenjada, anèri a Barcelona per passar l'oral del nivel C de catalan...
Primièr, arribèri tard. Èra marcat 10h00 e arribèri a 10h10 e tot lo mond aviá acabat de preparar, èri la sola d'o aver pas fach... Solesa dins la sala de preparacion.
Una dòna simpatica me dona lo subjècte, son tres exercicis que me cal faire:
- lo primièr, cal donar los avantatges e los inconvenients sus un tèma
- lo segond, cal daissar un messatge en evocant un problèma
- lo tresen, lectura d'un tèxt.
Aguèri una idèa marrida que marrida: beure de còca-còla abans l'examen
E beure de còcacòla + l'estrés de l'examen.... Avètz drech a una Mela subrexcitada, que sauta de'n pertot, que charra a una vitessa supersonica e que ditz 120 conariás a la minuta....

Esperi assetada pel sòl del corredor de l'universitat d'estudis empresarials que me cridèsson.
Me cridan.
2 examinadors, yes, dos òmes. Doblidèri de metre mon sexappeal en marcha, daumatge.
M'asseti. Sortissi ma carta d'identitat. Quand la vei , lo que serà mon interlocutor me pausa de kestions:
- Perque lo passas a Barcelona lo nivèl C e pas a Perpinhan?
- Ben, perque ai un amorós aquí. ... Enfin, pas un, ai L'amorós akí.
Akò comença plan.

Puèi lo tipe m'explica, son collèga se ditz Victor, el se ditz Jordi (original tot plen, isn't it? mas ieu, li diguèri pas res), ieu li devi parlar a el, Victor escriu.

Donc parli. De grand Melania que ditz qué que siá perque es dins son quart d'ora "me'n bati los alibòfis". Çò qu'es de parlar, parlèri.... mas quantas conariás. Bon, cal dire tanben que los subjèctes son merdics. Ne parlatz vosautres dins la vida vidanta dels avantatges e inconvenients de pagar en likid o per carta? Non, francament, se'n brandam lo dardalhon.
E l'autre , lo Victor, arrestava pas d'escriure, macarel de macarèl! (Mas benlèu fasiá la tièra de las crompas vai te'n saupre ).
A la fin, eles, èran preissats de partir perque èra l'ora de la pausa e que fasiá ja un parelh d'oras que fasián genre d'escotar de mongolians qu'ensajan de parlar 3 minutas un catalan correct.
Doncas, ieu , que soi plan ensenhada e que sabi cossí se cal téner en societat, comenci de me levar. Lo Victor , l'escriba mut, dubrís la boca: "As un boton qu'es tombat". GLOP. Moment de solesa... que s'esperlonga , que lo tròbi pas aquela puta de boton. Amassi mon boton, digna.
Vau per partir, e abans que diguèsse "Adeu", lo Jòrdi me tend la man. Ieu , plan ensenhada e aimabla, tòcamaneta, te la li preni la man e francament, he, e li fau "adeu" amb un grand somriure (cal ganhar de punts d'un biais o d'un autre.).
M'agacha, mòrt de rire:
"Non, vòli sonque recuperar lo subjècte."

Grand grand moment de solesa.


.

Volètz saber çò k pensi del darrièr hamburger de Kuick?

A Perpinyà, lo Quick es en catalan...
mas me doblidèron lo bacon dins lo Quick'n'Toast... Pecaaaaaaaaaaat!

.

Catalan leiçon nº4: ser i estar

Per Merike

Ser i estar, akò's una tortura pel mond qu'an un vèrb e pas qu'un per akò...
Ieu de çò que n'ai comprés:
- se cal pas fisar de l'utilizacion en castellà, perque fonciona pas parièr ( seriá estat tròp aisit)
- en cas de dobte, cal metre ser.


Las utilisacions de ser i estar:

qualitat constatada >>> SER > El president és nerviós (lo tip es totjorn suls nèrvis)
qualitat transitòria >>> ESTAR > El president està nerviós (perque Carla vòl pas venir a Rungis)

Localització puntual >> SER > Ma mare és al mercat i tornarà més tard.
Localització de posició o de durada >> ESTAR > Ma mare està al supermercat perquè hi treballa, és la seva feina. Ma mar estarà a cals veïns fins a la tarda.


La roba estesa està humida, quan l'entrarem ja serà eixuta.
S'estan a Sabadell però avui són a Barcelona


Las expressions...

Ser de	Naixement	Sóc del Masnou
No ser-hi tot	Sense enteniment	El Lluís sembla que no ho sigui tot.
Tant ser a algú	No importar a algú	Tant m'és una cosa com l'altra
Som-hi	Decisió d'emprendre una acció conjuntament	Anem a la platja? Som-hi!

Estar amb	Estar d'acord	Estic amb tu!
Estar de	Fer de	Està d'auxiliar d'infermeria
Estar en	Consistir	El problema està en la redacció
Estar per	Atendre	Ara estic per tu!
Estar-se a /en	Residir	M'estic a Olot
Estar-se amb	Conviure	El meu germà s'està amb els meus pares
Estar a/en/per	Trigar	Vaig estar dues hores per arribar a casa
Estar-hi	Estar d'acord	Hi estàs o no, amb el que et proposo
Estar ne (de)	Apreciar	N'està molt, del seu germà
Estar-se'n (de)	Abstenir-se	Se n'està, de fumar.

.

Catalan leiçon nº3: los vèrbs qu'emmerdan

En catalan, i a d'unes vèrbs que t'emmerdan de longa.
Alara, uèi, veirem
1- los vèrbs velars
2- los vèrbs que càmbian de vocala segon l'accent tonic
3-los verbs purs

Orgasmes a repeticion, sètz prevenguts.


1-ELS VERBS VELARS, i les ordres....

2na conjugació + estar

+ dir / dur

+ tenir / venir

> Totes les persones al present subjonctiu amb -GU-

excepte viure que toca els collons i fa visqui

ENCENDRE ordre negativa	SER ordre negativa	SER ordre afirmativa	ENCENDRE ordre afirmativa
No encenguis	No siguis	Sigues	Encén <no hi ha -gu-
No encengui	No sigui	Sigui	Encengui
No encenguem	No siguem	Siguem	Encenguem
No encengueu	No sigueu	Sigueu	Enceneu <no hi ha -gu-
No encenguin	No siguin	Siguin	Encenguin

Verbs que tenen la 2na persona en -GU-

DIGUES SIGUES ESTIGUES SÀPIGUES TINGUES	Cf exemple bronca amb l'amorós ;) digues la veritat, sigues sincer estigues tranquil, sàpigues que t'entenc, tingues confiança en mi
PUGUES VULGUES VEGES

2-VERBS: A/E , O/U segons l'accent tònic

la síl·laba subratllada indica que és la síl·laba tònica

Els verbs del part: Jeure ajeure's treure néixer

+ derivats

Fan les vocals tòniques amb una E Fan les vocals àtones amb una A

Ella treia, nosaltres ens ajèiem, naixia, jaient, trauria, m'ajagués, traurem, elles neixen, jo m'ajec, vostè trauria, m'he ajagut, ha nascut, naixent, renaixeríem, distraguéssim

Sortir collir tossir escopir cosir

+ derivats

Fan les vocals tòniques amb una U Fan les vocals àtones amb una O

La història de la dona que tenia al·lèrgia:

Un dia, va sortir de casa a collir flors i vinga a tossir, i vinga a escopir. Tenia al·lèrgia. I va dir:

• Cap a casa, a cosir!

• 
  

Sortiré, collia, tossint, escopiré, tusso, sortim, escopia, descus, descosim, recolliríem, escopíssim, tossíssiu, tussen, ella cus, sortirem

3- ELS VERBS PURS

Pels vèrbs en "ir" (de la 3ena conjugason s'avètz plan seguit), lo catalan a dos modèls de vèrbs: los vèrbs incoatius e los vèrbs purs. Los incoatius fan "-eix-" dins la conjugason: llegir> llegeixo. Òc coma en occitan amb los vèrbs que fan "-iss" legir> legissi. E los que fan pas "eix", lor dison "vèrbs purs". Akesta raça pura de vèrbs es a desaparèisser que son pas qu'un trentenat ara, que ne vakí la tièra:

INFINITIU	P1PRESENT	P3PRESENT	PARTICIPI	Imperatiu (tu)	comentaris
Acudir	Acudo	Acut	Acudit	Acut!	acudo/acudeixo
Acollir	Acullo	Acull	Acollit	acull!
Ajupir	Ajupo	Ajup	Ajupit	Ajup!
Arrupir-se	M'arrupo	S'arrup	Arrupit	Arrupe't
Brumir	Brumo	Brum	Brumit	brum!
Brunzir	Brunzo	Brunz	Brunzit	brunz!
Bullir	Bullo	Bull	Bullit	bull!
Collir	Cullo	Cull	Collit	cull!
Consentir	Consento	Consent	Consentit	consent!
Cosir	Cuso	Cus	Cosit	Cus!
cruixir	Cruixo	Cruix	Cruixit	cruix!
dormir	Dormo	Dorm	Dormit	dorm!
eixir	Ixo	Ix	Eixit	ix!	ixo
escollir	Escullo	Escull	Escollit	escull!
escopir	Escupo	Escup	Escopit	escup!
Esmunyir	Esmunyo	Esmuny	Esmuniyt	esmuny!
fonyir	fonyo	Fony	Fonyit	fony!
fugir	Fujo	Fuig	Fugit	fuig!
funyir	Funyo	Funy	Funit	funy!
grunyir	Grunyo	Gruny	Grunyit	gruny!
lluir	Lluo	Lluu	lluït	llluu!	Dierèsi al participi! lluo/llueixo
mentir	Mento	Ment	Mentit	ment!	Mento /menteixo
morir	Moro	Mor	Mort	mor!	Participi irregular
munyir	Munyo	Muny	Munyit	muny!
obrir	Obro	Obre	Obert	obre!	Obre / obert
omplir	Omplo	Omple	Omplert	omple	Omple / omplert
percudir	Percudo	Percut	Percudit	Percut!
presumir	Presumo	presum	Presumit	presum!	presumo/presumeixo
pruir	Pruo	Pruu	Pruït	Pruu!	dierèsi
pudir	Pudo	Put	Pudit	Put!
recollir	Recullo	Recull	Recollit	Recull
resumir	Resumo	Resum	Resumit	Resum	resumo/resumeixo
Sentir	Sento	Sent	Sentit	sent!
Sortir	Surto	Surt	Sortit	surt!
Tossir	Tusso	Tus	Tossit	tus!

dintra pas dins la mesa en pagina del blòg

los que vòlon la causa polida, l'ai en .doc o .pdf,

mandatz un mail

Es orgamisc, eriatz prevenguts!

.

Catalan leiçon nº2: lo trèma

LA PUTA DIERÈSI

1- No és sempre a la sil·laba tònica

2- Sempre a la 2na vocal

Com sabem si hem de posar dierèsi?

>>> Hem de mirar si es pot accentuar la paraula (cf. Accentuació), si no es pot accentuar, posem la dierèsi.

Exemple:

GRATUIT: No pot ser *gratuít, no pot ser *gratúit >> gratuït

La dierèsi en els verbs= quan ens l'estalviem ?

1- Els verbs en -iar duen dièresi al present del subjonctiu i a l'imperatiu

cal que estudiï
cal que estudiïs
cal que estudiï
cal que estudiem
cal que estudieu
cal que estudiïn

Estudiï! (vostè)

2- Verb : vocal + IR

El futur i el condicional no duen dierèsi perquè estàn formats a partir de l'infinitiu que no en porta. Agrairé agrairia

El gerundi tampoc duu dièresi.

Exemples:

AGRAIR - la síl·laba subratllada és la síl·laba tònica

agraeixo
agraint	-IR/-INT són terminacions comunes a tots els verbs de la 3ª conjugació-
agraïm	ím no pot ser
agraïssis	Plana que acaba en “is”, no es pot accentuar, doncs posem la dierèsi
agrairia	Condicional , format a partir de l'infinitiu
Agrairíem
agraïes
agraït
agraís
agraíssiu	Acabar en diftong= acabar en consonant. + podem accentuar
agrairem	Futur, format a partir de l'infinitiu
agrairíeu	condicional
agraïda

TRUKITO= la dierèsi surt només als verbs de la 3era conjugació (-ir)... perquè=

2na conjugació + dir + dur	3ra conjugació (verbs en IR)
treia	Ell obeïa
s'ajeia	seduïen
vèiem	Jo obeïa
Fèieu
deia
duia
La I fa de CONSONANT [j]	La I fa de VOCAL [i]

NB: coure és de la 2na conjugació però porta dierèsi coïa

.

Catalan leiçon nº1: l'accentuacion

Me soi entestardida de passar lo nivel C de catalan. Perqué? Vai-te'n saupre!
O cal dire, ai pas lo nivèl. Parli sens problèma, legissi sens dificultats, escrivi sus MSN coma una liceana barcelonesa, mas lo nivel C i a tot plen de vocabulari e de gramatica, e me cal èsser realista, lo nivèl, l'ai pas. Enfin, me disi que sus un malentendut, aquò poiriá marchar.
Ai decidit de vos metre en linha çò que fau, se per cas pòt servir a quauqu'un mai...

Uèi l'accentuacion. Quora botar un accent en catalan? Dobèrt o tancat l'accent?

Agudes*:

à é è í ó ò ú

Vocal +s: às és ès ís ós òs ús

én èn ín

Planes: fan el contrari de les agudes...

S'accentuen les planes acabades per:

• diftongs decreixents

• ns

• an, on , un

Esdrúixoles: totes duen un accent. Accent obert sempre excepte:

córrer, estómac, fórmula, pólvora, tómbola, escórpora

església, feréstega, llépola, sénia, dénia

Era una senyora llépola i feréstega que anava a l'església i un dia li va tocar a la tómbola la fórmula de la pólvora

É / È >>> 90 % és È menys:

	Verbs			Mots
AGUDES	Futur menjaré Imperfet subj calia que cantés	Mots k fan plurals amb -essos- accés, progrés, congrés, excés, exprés, través, però interès , espès	Compostos de VÉ / BÉ / TÉ convé, malbé, reté	GalLicismes: puré, clixé ximpanzé, peroné després, només
PLANES	Imperfet subj féssim, traguéssiu, riguéssim, cantéssiu Infinitius néixer, ésser, péixer, créixer, prémer, témer			Cérvol,préssec, préstec, feréstec, llépol
ESDRÚIXOLES				Església, feréstega, llépola

Ó / Ò >>> 90% és Ó menys:

agudes: això, allò, però, espòs, repòs, arròs

Esdrúixoles: 90% es ò, mens: córrer, estómac, fórmula, pólvora, tómbola, escórpora

*
Se ditz d'un mot qu'es
- "agut" quand l'accent tonic es sus la darrièra sillaba ( aquí, ostal, canton, macarel)
- "plan" quand l'accent tonic es sus l'abans darrièra sillaba (dròlle, puta )
- "esdrúixol" quand l'accent tonic es sus l'abans abans darrièra sillaba. En occitan, n'i a sonque en nissart e en vivaro-aupenc. la música

Lo vièch penjat

A las islas balears, an de costumas estranhas...
Quand an un convidat, li copan lo vièch fan una saucissa que penjan :
Es la sobrassada.




Manjan una causa pas bona que sembla un vièch...
Vai-te'n comprene.




.

(veni de perdre l'integralitat de mon lectorat mallorquin,
e la mitat de mon lectorat catalan)

Els calçotets de MonAmorósMaiContent

MonAmorósMaiContent es catalan. Es pas mai un secret. Mas çò que vòli dire es que es fòrça catalan. De còps que i a, me disi que se caliá metre dins de formòl dins un musèu un catalan per gardar l'etnotip catalan, e ben poiriam prene MonAmorósMaiContent.

E a akesta epòca de l'annada, los Catalans an una costuma un pauc cona, pas francament bona, mas que lor agrada bravament: es la calçotada.
E akò manca pas, akò agrada a MonAmorósMaiContent.

Quand li diguèri "veni akesta dimenjada", estrambordat faguèt "Molt bé! Farem una calçotada". Alara la calçotada? Qu'es aquò?
Es un joiós rambalh per finalament aver talent a la fin. Enfin.

La calçotada, es lo mot que designa lo moment que preparas e manjas els calçots. Lo calçòt es una causa entre lo pòrre e la ceba, mai fina que lo pòrre e pas tant fòrta coma la ceba.

Cossí fan los catalans per faire la calçotada?
E ben, te prenon un ponhat de calçòts, te foton akò sus una grasilha, e tot akò, al fuòc!
A l'ostal de MonAmorósMaiContent, akò dona akò:


Un còp que te siás cramat los dets, qu'as pres de fum plen lo morre e qu'embocanas la ceba grasilhada e que lo calçòt es negre, lo pòs manjar.
Mas mèfi!
MEFI! Cal aver lo biais.
Lo calçòt es negre-cramat defòra e blanc-tendre dedins e te cal pas manjar la pèl de defòra!
Doncas dins l'òrdre d'aprendissatge:
- manjas tot perque o sabiás pas ... E es francament pas bon perque a gost a rabinat. Alara, comprenes e
- ensajas de separar lo negre del blanc amb ta forqueta e ton cotèl... mas of course i arribas pas
- demandas a ton AmorósMaiContent de te pelar lo calçòt perque es francament la merda. (e ne profiechas per romegar un pauc contra de costumas catalanas que t'i cramas los dets)

Un còp que l'as ton calçòt pelat, te lo cal anar trempar dins una salsa ESPECIALA :
e akí, lo manjas lo calçòt, mas mèfi akí tanben i a un biais.
Te lo cal pas manjar e pro. Non!
Te cal metre lo cap en arrièr, dubrir la boca amb un èr con, montar lo calçòt naut naut naut (enfin, akò depend de s'as los braces longs o pas - los meus per exemple son cortets) puèi lo davalas dins ta boca e l'engolisses.
Mas s'àvetz seguit coma cal, vos sovenètz que i a la salsa sul calçòt e de montar tant naut, la salsa vòl tornar davalar! E ont tomba aquela puta de salsa especiala??? e òc, sus ton camisòt!
Enfin, ieu disi que la ceba cramada, akò te leva pas la fam....
Es per akò que la calçotada es sovent acompanhada d'una costellada.

Mas quand as un AmorósMaiContent que manja pas de carn....

.

Catalunya (nord) triumfant

Lo Conselh General dels Pirenèus Orientals signa una carta a favor del català una primièra en França.
D'aplaudir! Un exemple que deurián seguir totes e mai que mai akesta puta de país qu'es França!

- la Carta sul sit del CG66

- las explicas de Christian Bourquin, president del CG 66, sus son blòg

.

Scrabble

Amb MonAmorósMaiContent, pendent nòstra dimenjada sexuala amorosa sus la Còsta Brava, conilhegèrem joguèrem a l'Scrabble. MonAmorósMAiContent es tras que fòrt a l'Scrabble, ja, tròba totjorn un mot e, çò que m'enràbia, es que lo sap plaçar per aver lo maximum de punts, genre amb 4 letras te fa 68 lo tipe, qu'amb sas 4 letras a capitat de fargar 3 mots, e amb una Z e una X dedins. M'enràaaaaaaabia.

(Ganhèri ieu)

(Ganhèt el)

Agachatz coma es viciós lo tip: agachatz ont placèt "Crani". E "hàbits" , zo compta triple... Me'n bati: faguèri un scrabble amb "loquaces", e mot triple amb "pam" e "fusteries". Mèfi al primièr que me ditz quicòm sus l'usatge abusiu de la letra blanca....

JÒC: pels catalanofòns, i a una error (gròssa coma un castèl), trobatz-la!

Discoteca infantil

Sus mon Itunes, soi a escotar los podcasts de la Discoteca Bàsica. Es un plaser d'escotar l'Albert Puig de Catalunya Radio.
Vos prepausi d'escotar la cronica del 28 de decembre sus la musica pels dròlles:






Puèi me diguèri "merda, avèm pas akò en occitan.... e finalament, quand meme!
Pels mainatges, de memòria, trobèri :
- Ua, Miduna, Mitrena dels Menestrèrs Gascons
- Turlututu de la Talvera
- Quincarelet de la Talvera
- Plumalhon de Nadau
- los dos tòms: Canta Canta neneton e Lo resson de la Peira avètz un ligam?
- Occitan children's songs

Ne coneissètz d'autres??


.

[REC]

Amb MonAmorósMaiContent, anèrem veire [.REC], un film de terror.

L'istòria: L'animatritz de "Mientras Usted Duerme" e son cameraman fan un reportatge sul trabalh dels pompièrs la nuèch. Seguisson una còla de pompièrs sus una intervencion dins un immòble que los vesins telefonèron perque ausiguèron una vesina vièlha cridar fòrt fòrt. E totes demoraràn embarrats akí dedins.



Me caguèri dessús. Of course. Mas ps de merit per akò, soi bon public :).

Al nivel dels contenguts, es un film d'orror amb de causas plan vistas: huis clos (aimi plan akesta expression), zombies umans contaminats/contaminaires que totes i passaràn.
Al nivel de la realizacion: camera al ponh que tre los primièrs imatges , pensam a Blair Witch Project
De qué pòrta de nòu finala o de qué i a de positiu?
- Es un film espanhòl. Akò fa de ben d'aver un film de terror que siá pas american. Amb una autra estetica, d'autras referéncias, un public cible diferent tb.
- Los dialògs, los tròbi bons. Plan realistas.(Un prèmi de "melhor que natura" pel policièr huhuhu).
- Sembla que lo tip a fach lo film amb sos vesins de l'immòble! Un rendut realista que nos fa encara mai flipar
- La camera al ponh. çò k fa de [REC] un film diferent dels autres e akí n'es l'interés finalament, es que TOT es filmat (doncas copat o suggerit) per la camera del cameraman, es a dire, per una soleta camera, portada per un dels personatges embarrats (e espaurugats); akò vòl dire tanben una vision estequida e movedissa. E la trama tota es suggerida amb akest solet agach, e akò's genial. Passejatz sul sit oficial e vos ne faretz una idèa!

La question:
es un film catalan, filmat a Barcelona, amb los pompièrs de Barcelona, d'unes personatges an l'accent catalan, tot lo staff es catalan. Lor auriá fach mal al cuol de lo faire en catalan lo film?






Sembla que los americans n'an ja previst un remake que lo títol ne seriá "Quarantined"... pfffff.... akò me fa enrabiar.... Abre los Ojos d'Amenábar venguèt Vanilla Sky amb Tom Pouce Cruise

Per veire lo film (screener) en streaming, es akí. (sai pas per quant de temps...) , òc, o sabi, soi geniala :)

Cançon

Lo Pèire de la Sauma me mandèt akò... e coma es una cançon polida que la votz de Miquel Gil m'agrada e que del Comelade ne soi fan fan fan... akí l'avètz!



las paraulas:

Com un record d'infantesa sempre recordaré a la Teresa, ballant el vals. Potser fou l'últim fet amb algú que estimés abans que un bombardeig la tornés boja. Tots els xiquets la seguíem i en un solar apartat ens instruíem al seu voltant. Mig descabellonada ens mostrava les cuixes i ens donava lliçons d'anatomia. Ella ens va dir d'on veníem. I que els reis de l'Orient no existien. Ni llops ni esperits.

Ens parlava de l'amor com la cosa més preciosa i bonica. Sense pecats. Ens ensenyà a ballar a cantar i a estimar. D'això ella era la que més sabia. Amb una floreta al seu cap i un mocador negre al coll i faldes llargues i un cigarret. Vas ser la riota dels grans, i la mestra més volguda. dels infants. Ara de gran comprenc tot el que per tu sent i et llence un homenatge als quatre vents. Com un record d'infantesa sempre et recordaré a tu, Teresa, ballant el vals.

e se per un jorn akò me peta de faire un jòc cultural, la cançon es d'Ovidi Montllor, un cantautor valencian, un de la nòva cançon catalana.






Question del jorn: cossí fasián lo mond abans, quand YouTube e Wikipedia existissián pas??????


.