Los Animals Fantastics

Version corta: Los Animals Fantastics o cossí m'endormiguèri dos còps o cossí quand as fach un cap d'òbra dins la vida, pòs pas far melhor.

Version longa amb benlèu de spoiling dedins: 
Los Animals Fantastics l'anèri veire perque sus l'aficha i aviá marcat "JK Rowling" e que i aviá de tipes amb una bagueta magica dins la man, que tot aquò me remembrava Harry Potter e m'agrada plan Harry Potter, tan los libres coma los films. E ben quina decepcion! 
Es pas mai question d'Harry Potter ni de Lo-que-cal-pas-escriure-son-nom e de fach, cap personatge fa resson a l'eptalogia. Pasmens, retrobam quauques formulas magicas semblantas per far d'embelinaments, retrobam los muggles que, als Estats-Units ont se debana lo film, los apèlan "los non-brueisses" e pas gaire mai. 
L'istòria: un anglés polidon que revèrta lo prince Harry (pas Potter, lo prince Harry de la familha reiala anglesa) arriba amb una valisa estranha als Estats Units. La vida dels brueisses als Estats Units es pas gaire agradiva: pas cap contacte amb los Muggles, al contrari los Muggles se'n mesfisan e sembla que la patz entre los dos mondes es precària. Dins sa valisa, l'anglés i garda d'animals fantastics qu'an pas drech de vida sul territòri american. 
Aprèp, quauques animals s'escapan, los cal trobar e en parallèl d'aquesta cèrca, un "animal" subrepotent traumatiza la vila. 
D'aventuras a còps de grands còps d'efièches especials, es un brave blockbuster. Vaquí.
I trobam pas la riquesa dels personatges, ni sa riquesa psicologica, que podiam apreciar dins Harry Potter. Los animals fantastics son simpatics, los personatges, un pauc innocents, nos i estacam, mas aviái tròp d'espèras e ne sortiguèri plan decebuda.

La debuta es longueta e ronquèri dos còps. Rai, èri lassa. 
Urosament, l'agachèri en version originala, perdèri pas completament la tantossada.

al cinèma

uèi amb MonAmorósMaiContent, sèm anats al cinema veire Madagascar 2

Mòrta de riiiiiiiiiiiiiire. Soi fan.





Dins la sala, eriam los sols qu'acompanhavan pas l'enfant al cinema.

De còps que i a, ai vergonha.

un dissabte de ser dins mon lièch

Ai agachat Pride and Prejudice. Quinas poliiiiiiiiidas istòooooooorias d'amooooooooor, acaaaaaaaba plaaaan.
Aviái l'impression de veire un remake del dessen animat Les 4 filles du Docteur

un divendres de ser dins mon lièch

Ier de ser, tota sola dins mon lièch, aprèp aver trantalhat entre dormir e pas res faire, veguèri Lo Perfum, istòria d'un murtrièr.
Lo libre, lo legiguèri fa d'annadas e me'n soveniái pas gaire, n'aviái un bon sovenir mas sens gaire detalhs.
Me regalèri de veire lo film e de tornar descrubir l'istòria en me dire qu'es pas un libre de bon adaptar al cinèma e tota la primièra partida es fòrça polida e plan capitada. Quand Grenouille es a descubrir lo mond, i a tot plen d'erostisme, d'imatges polits, de movement de camera o de zoom que nos fan capir çò que se passa dins lo nas e lo cap de l'eròi. Es quand meme un pauc longuet lo film, e la darrièra mièja-ora, n'aviái mon confle...

Coneissiái pas l'actor, Ben Wishaw... Sai pas perque, èri demorada amb l'imatge que Grenouille èra laidàs. E aqueste actor, es pas laid, es pas polit tanpauc, es un pauc estranh, finala... Trobatz pas qu'a un pichòt aire de Gollum?

En tot cas, un film de bon veire un divendres de ser tota sola dins mon lièch.

L'aura fai son vir

L'aura fai son vir / Il vento fa il suo giro èra a Estivada. Es remirable. Me'n tòrni pas metre.
E la banda sonòra que me pivela.
boomp3.com

Anatz faire un vir sul sit, a de prèmis coma un gos a de nièiras: ilventofailsuogiro.com

Anatz legir tanben çò qu'escriguèt lo Taban

Chabat e sa conariá geniala

Anèri veire La personne aux deux personnes uhuhuhuhu es con que vira, es genial.
Chabat es excellent en cantaire de las annadas 80 que i crei encara. Daniel Auteuil i fa un comptable despassat. Es kitsch tot plen, es ridicul, es crudel. Chabat, Auteuil e Foïs son plan bons, pasmens, manca un kikonet al film perque l'alhòli prenga del tot. Sortisses del film que te dises "mouais bòf".

An butat lo baugum fins a myspace. Van luènh dins las conariás. Tòrnan faire la discografia de Gilles GAbriel, agachatz los títols Albi c'est fini , Comme un Airbus sans Elle ( oaf oaf oaf)

- Lo myspace de Gilles Gabriel - alain Chabat
- Lo sit dau film

e la banda anóncia de bon gost:

Kung Fu Panda

Soi anada veire lo darrièr Dreamworks: KungFuPanda.
Ben me soi regalada. Mòrta de rire tot lo long.
Lo scenario es pas genial, pas de politica, pas de waltdisneyariá de merda, pas d'istòria d'amor, mas un bon encadenament de gags e de figuras de kung fu.
Ne soi sortida amb la patata!
D'anar veire per remontar lo moral.

La banda-anóncia sola:

mai d'infos sus aqueste film

Una entrevista dels comedians doblaires e dels realizators:

mai d'infos sus aqueste film

Elegy d'Isabel Coixet

Anèri veire Elegy lo darrièr film d'Isabel Coixet.
Es una adaptacion del The Dying Animal de Philip Roth, libre qu'ai pas legit mas que deuriái legir :)

L'istòria a la lèsta: un òme, David, ven baug d'amor per Consuela, una estudianta seuna, e el que foguèt totjorn independent, libertin, lubric, ven completament dependent d'aquesta relacion... e....

Lo Trailer: (ai pas trobat lo trailer en version originala) que dona pas gaire enveja d'anar veire lo film



Francament, me regalèri

- Ben Kingsley, ieu ne vòli lo matin, a miègjorn, lo vespre la nuèch d'aqueste òme. La Coixet a lo biais per lo mostrar bel que non sai, cada plan favoriza lo Kingsley e a cada minuta me pensavi "ò macarel qu'es bon".... Quin actoràs! Es el que pòrta lo film. - la banda originala, musica causida per la directritz, bona causida ;)

Aimèri fòrça la primièra mièja ora del film qu'es la mesa en plaça de la relacion amorosa: la seduccion, l'apròcha, los primièrs moments amoroses, l'addiccion a l'autre. Aprèp se fa longueta la causa... Puèi tòrna prene l'interés amb una polida fin... (pas joiós joiós)...

Òsca al director de fotografia!
E òsca a Ben Kingsley, o ai ja dich-? ben o tòrni dire!

Per Pasha e Quequejaire, anatz-i, s'i vei Penelope Cruz nusa.


Elegy dins l'emission Dias de Cine:


Un autre reportatge amb entrevistas de Ben Kingsley e Isabel Coixet que parla catalan (es lo primièr còp que l'ausissi parlar catalan!):



qualqu'un me pòt dire lo títol de la cançon?


.

[REC]

Amb MonAmorósMaiContent, anèrem veire [.REC], un film de terror.

L'istòria: L'animatritz de "Mientras Usted Duerme" e son cameraman fan un reportatge sul trabalh dels pompièrs la nuèch. Seguisson una còla de pompièrs sus una intervencion dins un immòble que los vesins telefonèron perque ausiguèron una vesina vièlha cridar fòrt fòrt. E totes demoraràn embarrats akí dedins.



Me caguèri dessús. Of course. Mas ps de merit per akò, soi bon public :).

Al nivel dels contenguts, es un film d'orror amb de causas plan vistas: huis clos (aimi plan akesta expression), zombies umans contaminats/contaminaires que totes i passaràn.
Al nivel de la realizacion: camera al ponh que tre los primièrs imatges , pensam a Blair Witch Project
De qué pòrta de nòu finala o de qué i a de positiu?
- Es un film espanhòl. Akò fa de ben d'aver un film de terror que siá pas american. Amb una autra estetica, d'autras referéncias, un public cible diferent tb.
- Los dialògs, los tròbi bons. Plan realistas.(Un prèmi de "melhor que natura" pel policièr huhuhu).
- Sembla que lo tip a fach lo film amb sos vesins de l'immòble! Un rendut realista que nos fa encara mai flipar
- La camera al ponh. çò k fa de [REC] un film diferent dels autres e akí n'es l'interés finalament, es que TOT es filmat (doncas copat o suggerit) per la camera del cameraman, es a dire, per una soleta camera, portada per un dels personatges embarrats (e espaurugats); akò vòl dire tanben una vision estequida e movedissa. E la trama tota es suggerida amb akest solet agach, e akò's genial. Passejatz sul sit oficial e vos ne faretz una idèa!

La question:
es un film catalan, filmat a Barcelona, amb los pompièrs de Barcelona, d'unes personatges an l'accent catalan, tot lo staff es catalan. Lor auriá fach mal al cuol de lo faire en catalan lo film?






Sembla que los americans n'an ja previst un remake que lo títol ne seriá "Quarantined"... pfffff.... akò me fa enrabiar.... Abre los Ojos d'Amenábar venguèt Vanilla Sky amb Tom Pouce Cruise

Per veire lo film (screener) en streaming, es akí. (sai pas per quant de temps...) , òc, o sabi, soi geniala :)

Serada amb Lou Tam (fau Skyblòg se vòli!)

Passère la serada dau dissabte amb mon Tamonet.
Dintrère dins sa veitura negra tras que polida e te vese qu'es assortida a mas bralhas:

	anèrem au cinèma veire L'Heure Zero, qu'es pas mau, mas es pas lo film de l'annada... òc, un film francés, o sabe, mas arribèrem a la borra e a aquesta ora, i aviá akò o de causas que ne sabiam pas res, alara, vakí. Enfin, siaguèt un bòn moment! Amb d'umor plen lo film...

puèi aneriam au Quick de la Comèdia. Es bòn Quick, es melhor que non pas lo Macdonald. E totes dos s'engoliguèrem un Quick 'n' toast, es bòn lo Quick'n'Toast. (pels que son pas de l'"exagòn", Quick es una cadena de restauracion rapida franco-belga, coma lo Macdonald, mas plan melhor!)

Puòi siaguèt l'ora d'anar prene lo trin que l'aguère de pas gaire... Es que siái una malinòta ieu... Agachère los oraris normals, e la dimenjada, as un trin quand te tòmba una dent...

E, siam dos blogaires, alara, of course, nos la caliá faire: LA FOTO DE PÈ!
dins los escalièrs mecanics:

(O sabe, ai las sabatas mai polidas d'Occitània!)

Mercé per la serada Tam! T'aimeeeeeeeeee :)
A lèu!


Ligam:
lou-tam-tam.blogspot.com



Anatz legir SA VERSION A EL
.

99 F

Amb la Pomponeta, sèm anadas aquesta tantossada veire 99 F, lo film adaptat del libre de Frederic Beigbeder. Aviái pas legit lo libre, e per maitas rasons lo Beigbeder, l'aimavi pas gaire. Ja, se la peta: penchenat-despechenat-soi-a-la-mòda, me-daissi-la-barba-per-dire-d'agradar, e aviái un sovenir marrit d'el: legissiái sas criticas literàrias dins lo Voici de ma maire, e lo torbavi missant e ieu aimi pas lo mond missant. Pasmens, a la biblioteca de Barcelona, legiguèri Windows on the world, un libre que me'n soveni pas gaire, mas que m'aviá agradat. Aviái pas decidit de l'anar veire lo film mas coma la Pomponeta i anava, me soi incrustada...Puèi me cal avoar que Jean Dujardin l'aimi plan, emai quand sembla Beigbeder...


E ben, quina bona suspresa!
Me soi RE-GA-LA-DA. La pròva: fasiá un brave brieu qu'èri pas estada suspresa per l'arribada del generic! Un film plen d'umor, amb una musica tras que bona (levat lo tròça del generic, daumatge!). Una realizacion que per Pomponeta reverta Tarantino, i ieu li vesi d'aires de Matrix... Enfin, las doas trobèrem akò tras que plan. De scènas pas totjorn tendras (i cal pas menar los felens....), un pauc d'umor de marrit gost, plan d'ironia e de "agachatz coma vos prenem per de paures cons" qu'aimi fòrça.

Una capitada cinematografica: capitada visuala, dins los dialògs, dins la BO, dins los efièches especials (matrixians vos disi), dins l'umor...

Doncas d'ANAR VEIRE sens faire cas de l'aficha qu'es pas çò mai capitat del film!
la reclama:

Benda anóncia 99 Francs

Per la cultura, vos sovenètz d'akesta reclama:e ben es Beigbeder que la faguèt!

(alara los òmes etèros, uroses?)

Una reclama facha tb per BeigBeder:

Ne devenez pas comme cette conne
mandat per petre



Messatge pel Tam: Veses qu'aquelas putas de franchimands fan de cinèma coma cal de quora en quora :DDDD

Garris, ai besonh de vòstra ajuda....

Pòst modificat lo 2 de septembre... tròp dura la vida ;)

l'estrip tease d'Alice Sapritch dins La Folie des GRandeurs (mercés Pomponeta! ;) )



Kim Basinger....





e ara per rire:





Granmercés per vòstra ajuda :-D

Mas perqué aquestas conariás m'agradan tant?

Lo trailer:


Un extrach long del film...




.

Sempre Vivu

Ai mancat Sempre Vivu

:-(((((




de legir çò k nos ditz lo Taban akí dessús

.

Persepolis

Divendres anèri veire Persepolis


Dirai pas qu'una causa: ANATZ-I




Ligams:
- lo sit MySpace de Persepolis
- un sit non oficial




La videoneta que va ben:



(o cal pas dire, mas soi fan de la cançon de Rocky....)


E per los que vòlon crompar la BD (tras que bona!!!)






Lo TamTam ne parla, akò se passa akí



.

Irina Palm

Irina Palm, a l'ora qu'anèri al cine, demorava pas qu'aquò de veire.
Akò me geinava pas, que Marianne FAithfull es quauqu'un per ieu, un nom, un morre, una votz, dins la meteissa casa que Janis Joplin o Patti Smith.



DE PAS LEGIR SE VOLÈTZ VEIRE LO FILM.

Es l'istòria d'una dòna que son felen es a morir e per pagar un tractament lor cal de sòus. E segur, vist son atge, vista sa non formacion, tròba pas de trabalh. Òc, es un pauc coma dins totes los films angleses, "la societat a de problèmas", crisi, caumatge, misèria, eça, levat qu'aquí es plan. Doncas, la nòstra paura Maggie passa davant una veirina que i es marcat "Cercam d'ostessas, bona paga". Alara, ela dintra. Lo patron, un iogoslav, li explica çò que vòl dire "ostessa"... Scèna d'antologia...

- Ostessa, akò's un eufemism. Sabètz de qu'es aquò un eufemism?

- Non

- Ieu tampauc sabiái pas, puèi mon avocat m'o expliquèt. Un eufemism, es quand dises un mot per un autre mot. Per exemple, akí, lo mot "ostessa" vòl dire "puta".

(...)

Puèi la question que tua: sabètz segar un òme?

De moments d'umor tarribles:
- quand la jovenòta que fa ja lo trabalh li explica cossí faire amb un aire completament indiferent
- quand arriba dins son cafocha amb sa blòda de l'ostal, lo cafè, las pantoflas
- quand legís las revistas people quand sega
- las lengas de pelha del vilatge que son filmadas d'un biais....
- quand a lo coide que li fa mal, e que li dison qu'a un "penis elbow" ( ne risi encara... de tornar plaçar dins lo fuòc de l'accion oaf oaf oaf)

Es un film qu'aviá totes los ingredients per èsser una merdassa digna de Voici, podiá tombar dins lo melodrama voyeur e ben non, es un plaser d'umor e sensibilitat.

El Violín

Dijòus, veguèri El Violín, un film de Francisco Vargas Quevedo.
Primièr film dempuèi un brave brieu! Akò fa de ben de tornar al cinèma!

L'ISTÒRIA: (de pas legir se volètz veire lo film)
Primièra scèna: De vilatgeses son torturats e violats per de soldats.
Puòi: un vièlh violonaire, son filh que jòga de la guitarra e son felen mendican en jogant en vila. La nuòch, lo filh va veire d'armas... Comprenèm que i a un trafec de kikòm.
Quand tòrnan al vilatge, los estatjants fugisson que los soldats son akí. Cercan los resistants que lo filh n'es un dels caps.
Lo vilatge es ocupat pels soldats, los abitants se son refugiats dins los bòsques
Problèma: al vilatge, dins lo camp de milh del vièlh, las municions per las armas de la resistència son enterradas ... Sens municion, pas de lucha armada possibla...Lo vièlh violonaire decidís d'anar al vilatge per poder metre dins la caissa del violon d'unas cartochas... Mas los militaris li gardan lo violon. Cada jorn, lo vièlh deu anar jogar de violon al centurion de servici. Sens pas jamai poder recuperar lo seu instrument, ostatge dels soldats. Cada jorn, lo centurion li fa mai fisança... Un jorn, pòt enfin anar al seu camp de milh. Un autre jorn, pòt enfin recuperar son violon. Alara, va a son camp de milh, emplena la caissa del violon, e daissa lo violon enterrat, a la plaça de las municions.... A capitat de recuperar las municions per son filh e sas tropas.
L'endeman, tòrna al camp de milh per recuperar lo seu violon...
Lo violon a desaparegut.
Puòi lo militari li fa, "Zo, jòga-me un kikonet". Lo vièlh rancona, a pas son violon...
"Alara, i a pas de musica uòi? Es daumatge, qu'es jorn de festa!" e lo centurion tòrna son violon al violonaire vièlh...
E akí, arriba una camioneta de l'armada...
ne fan davalar los caps de la resisténcia...
Lo vièlh plega son violon: "Se acabó la música".
Ecran negre.
Lo pichòt mendica e jòga de guitarra, canta una cançon que saluda la resisténcia.
Kand la cançon es acabada, partís sus la rota, guitarra a l'eskina....

DE QUÉ N'AI PENSAT:
Tras que bon.
- Esteticament, es un film fòrça ric e polit. Es en negre e blanc de la debuta a la fin. Akò m'agrada fòrça. Es filmat camera al ponh. Amb de plans gròsses suls visatges e de vistas generalas dels païsatges.
- Un film sens luòc ni data... l'idèa qu'es darrièr tot akò rapòrt a la lucha d'un pòble contra una armada e k'es lo pòble que perd es fòrta.
- La musica: tarrible, se kalkun me pòt faire present de la BO, serà amb plaser :)
- Los actors: son pas de professionals e son tarribles e tarriblament plan dirigits. Lo que fa lo violonaire, es un musician tradicional de la region Tierra Caliente, es vièlh que ne pòt pas mai. E son jòc (de musicaire e de comedian) es plen d'emocion. Un violonaire que li manca un man...
Quand arribèt lo generic de fin, n'aviái pres plen los uèlhs, plen las aurelhas, plen la tèsta...

LA DISCUTIDA AMB LO REALIZATOR
Èra una serada al Diagonal amb, a la fin de la projeccion, una discutida amb lo realisator, Francisco Vargas Quevedo, un jove mexican. Es son primièr film, e lo podèm sonque felicitar.
Entre tot çò que se diguèt, remembrarai:
- los latinoamericans presents dins la sala parlavan de la situacion politica en America del sud e de la sembla-democracia mexicana... e ne parlavan amb plan d'emocion... Los europèus, eles, parlavan de cinèma, d'estetica, de tecnica eça.
- "Prenes una mapa, barras los uèlhs, metes lo det sus la mapa, se tombas pas dins la mar, pòdes èsser segur que tombas dins un endrech ont çò que vesèm dins lo film, arriba cada jorn. Akò's valedor sus una mapa de Mexic, d'America Latina, e de quin país k siá que un pòble i es oprimit".
- Alucinèri d'ausir lo mond, an besonh de saber kin es lo messatge concret del realizator, lo perqué del cossí de la causa. Son fòrça maniquèus lo mond. Pas de messatge, cadun interpreta coma o sentís çò ditz lo realisator. "D'unes me dison, lo pichòt crebarà de fam, lor disi de òc. D'autres me dison que pòt cambiar las causas, e lor disi de òc."
- Kikòm mai que sabiái pas: lo cinema mexican es plan mal distribuit a Mexic!
Es per akò que Francisco Vargas a virar son film dins los festenals e a l'estrangier per aprèp lo poder estrenar a son país!

Alara, se lo Violon jòga per vòstre país, anatz-i, vos regalaretz!





.

Akeste blòg mancava d'espiritualitat...

Dissabte de ser, amb la Pomponeta, aviam decidit d'agachar Harry Potter 3 perque sèm de cinefilas e de nenetas cultivadas. Comença lo film, lo meti en anglés jos-titolat anglés, perque bon, sèm poliglòtas o pas? Al cap de 10 minutas, lo DVD se bloqueja, pas mejan de veire la seguida del film, mila dieus!
Prepausi a la Pomponeta de venir agachar mon catalòg de DVDs qu'ai dins ma cambra, e ela, se desmonta pas e me ditz anam veire Prima, Estiu, Auton, Ivèrn e Prima. Bo, qu'es longàs akeste títol... Ieu, soi plan brava, disi OK que lo voliái veire dempuèi un brave brieu akeste film.
Pas res de veire amb çò que voliam veire a la debuta...


Ben me regalèri, los imatges son tras que bèls, lo son impressionant de silenci e de calm, e lo contengut (vòli pas parlar d'istòria...) me pertoquèt. Lo disciple manjat per sos desirs daissa son mestre bodista e son ensenhament per i melhor tornar aprèp. L'estructura, las sasons per dire l'evolucion de l'òme, es una plan bona idèia.
Bon, es de veire e de tornar veire!

Ieu que soi una persona espirituala (lo primièr que ritz es fòrabandit per quatre generacions), me faguèt soscar a mon percors a ieu...

Alara, dimenge partiguèri a un endrech qu'es una font per ieu e per maitas personas: l'estanh de Taur...

E agachèri l'estanh un brieu, un pauc coma akeste monje bodista del film qu'a son ostal al mitan de l'aiga.

E comencèri de separar mon èime de mon còs.

E comencèri de levitar.


E coma sabi que me cresètz pas, prenguèri una fòto:

Levitacion sus l'estanh de Taur

Mercés a la Pomponeta per l'inspiracion per la fòto...

La Science des Rêves

Fasiá un brave brieu que vesiái pas un film francés. Aimi pas lo cinèma francés.
Mas aquí, i aviá lo polit Gael García Bernal:
Ja admirat dins Amores Perros (son primièr film, un film mexican de veire!!! ), dins Diarios de MOtocicleta que i fasiá lo ròtle del Che e La Mala Educación d'Almodóvar... (Veguèri un quatren film amb el mas me soveni pas del títol nimai de l'argument!)

Doncas coma i aviá aqueste polit mexicanòt, i anèri... E foguèri pas decebuda! Un film tot plen de poesia e d'umor amb plen de decòrs polits e de monds fascinants
Gael García Bernal es fabulós e Chabat fa pissar de rire...Qualques replicas d'antologia:

Chabat a Bernal que ven de respondre una conariá:
- Si tu sais pas, improvise pas

Chabat:
- Je comprends pas , je sens le sperme sous le bras.

García Bernal a Ch Gainsbourg:
GB: - C'est comme quand tu te touches le pénis de la main gauche.
CG: - Mais j'ai pas de pénis
GB: - Tu as une main gauche


Me daissèri portar pel film, li repròchi doas causas:
- un pauc longuet genre film francés quand meme! 1.45 de film , qu'amb una ora n'i aviá pron :P
- una aficha laidassa que reverta pas brica los decòrs del films que son remirables tot de long. Cossí an fach per far una aficha tant afrosa? I aviá pas mai de budget? La de la VO es un pauc mens laidassa, mas bon, quand meme





Lo sit oficiel del film per poder veire lo trailer en VO (Gael García Bernal que parla anglés, mmmm): http://wip.warnerbros.com/scienceofsleep/

Le grand mechant loup

Diluns, cinema.
Agachi lo programa...

Me decidissi d'anar veire un film enebit als mens de 16 ans, un film que fa paur. M'agrada pas d'anar veire de films que fan paur perque me cagui dessús. Ai paur, ai la petòcha, m'amagui jol sèti, t'aganti lo braç de la persona d'a costat e li destrusi. Cridi, sauti, akò, pendent lo film e aprèp lo film, vesi lo Mal de'n pertot: poltergeist o serial killers. E coma o sabi ja d'avança tot akò, i vau pas. Un film que fa paur, i vau pas. Me contenti dels trailers que me fan ja pro paur coma akò.
Mas Diluns, brieu de baujum e d'inconsciéncia, disi , tè, vau veire akeste, Wolf Creek.
O sabètz, agachi pas los trailers disponibles sus internet, nimai los imatges, legiguèri sonque un pauc la debuta del sinopsis... 3 joves van far una escorreguda sus un crater e legiguèri pas la seguida que me diguèri "bon es un dakòs d'extraterrestres, ET, lo retorn, etc, doncas pas de lagui, i vau!".
Perque lo dakòs d'extraterrestres me fan pas gaire paur ( mas un pauc quand meme ...)

Veguèri pas l'aficha, o puslèu l'agachèri pas...

Ja l'aficha, començi de balisar...

Bon, mas la veguèri pas.
Dintri, 6 personas dins la sala OK, es un film de merda....
Lo generic comença...
Tè, es un film australian. Super, aimi plan los Australians , son completament calucs! (cf Mad Max, Nick Cave, etc)
Based on true events Merda, vau flipar encara pendent 3 meses
30,000 are reported missing in Australia every year. 90% are found within a month. Some are never seen again. mmmm nota bene per mai tard: causir una autra destinacion qu'Australia per mas vacanças
Lo film comença coma un road movie , lo viatge de 3 joves (1 australian tras que bèu e 2 anglesas... que son plan polidas tanben), e lo "road movie" dura un pauc: s'i veson de païsatges australians (mas ont son los kangorons?) e ieu me disiái de longa que i anava aver una cagada de las gròssas. Perque mostrar 3 joves polits, uroses, intelligents, equilibrats, patin cofin e qu'al cap de 5 minutas los aimam ja, akò vòl dire que lor va arribar de malurs grèus grèus grèus.
Vos passi los detalhs de l'istòria. Lo malur grèu es que tòmban sus un serial killer killaire de toristas... Lo tip tortura las femnas pendent de meses e crucifica los òmes qu'acaban manjats per de pitbulls acarnassits. Se veson pas gaire de detalhs nimai de sang, tot es dins la tension psicologica. Me cagavi dessús, aviái lo baticòr. E de longa me disiái , "bon vau sortir" e finalament sortiguèri pas qu'ai de principis ieu mossur, sortissi pas al mièg d'un film, emai me faguèsse cagar... (dessús). Puèi me consolavi, me disiái que "happy end".
Mèfi, Spoiler, levat que i aguèt pas de Happy End, las 2 nenetas creban, lo polit australian se sauva mas pensan qu'es el a tuadas las filhas, e lo serial killer contunha de serialkillar...

Sortiguèri d'akò completament traumatisada. Lo paranormal me fa paur mas me traumatisa pas. Mas quand es un film que parla de l'orror de l'èsser uman, ben me cagui dessús.
Pasmens, ne sortiguèri contenta, perque trobèri qu'èra un bon film! Lo debanament de l'istòria es plan menat, los imatges dels païsatges plan polits, lo biais de filmar m'agrada (dins lo genre de The Blairwitch project). Vau un pauc anar veire quauques films d'orror qu'ai dins ma colleccion...

De veire s'aimatz lo genre.
Nhònhòtas, demoratz a l'ostau :)


Lo sit oficial: wolfcreekthemovie.com
Lo detalh del film donat per Wikipèdia
Lo trailer (se vos cagatz dessús, vos caldrà pas venir plorar... )