Verges sarladesas

A l'ombreta, que l'estiu arriba...

Engabiada, un còp de mai, que s'escapèsse pas de se minar tant...

Pròche Ròc Amador, i a...

Dimenge, doncas, daissèrem Sarlat, e tirèrem cap a Ròc Amador ( totjorn sens Mariam, òc, la farai a cada còp akesta..).
2 qm abans Ròc Amador, i a:



Akò's un molin de l'Edat Mejana, lo Molin de Conhaguet, le Moulin de Cougnaguet.

I serètz aculhit per Odette, de 83 ans, que vos parlarà patoès s'o volètz, que vos dirà que Mélanie, akò's pas un nom modèrne, e que ne cal cambiar. Son filh Hubert, vos aculhirà amb un risolet e los braces dubèrts e l'esquina un pauc plegada. Vos farà visitar son molin, vos o explicarà tot, en francés o occitan. E vos donarà de farina, e respondrà a totas vòstras questions amb paciéncia e passion. E coma parlatz patoès, "prendetz una pruna?".

Quauques fòtos del molin:












Mas çò mai polit es tot a l'entorn del molin:


















Òc, avètz lo drech de dire qu'es plan polit.

Es l'endrech ideal per legir. M'i cal tornar, sonque pel plaser de legir, abans de daissar Carcin.


Hubert es l'òme del molin, e es saberut... admiratz la tecnica:






Vakí!

Vos poiriái contar que l'Aurelheta (que siague akí granmercejada de nos aver fach coneisser akeste endrech) nos faguèt traversar lo riu per pas res, amb una aiga, plan freja, mas finalament, o contarai pas...


Lo sit oficial del Molin do Conhaguet, d'Odette e d'Hubert:
COUGNAGUET.COM

Animal totemic sarladés

pès dins la palha sarladesa

3 pofs a Sarlat
3 collègas en vacanças:
L'Astroneta, L'Aurelheta e ieu:

Lo tòp del bon gost sarladés....

E passèrem per Sarlat....

Sarlat, o sabètz i vau al cinèma e de còps que i a al Leclerc (òc, ma vida es passionanta, o sabi plan).

Aqueste còp, i anèri pas soleta: i menèri l'Astroneta, que pecairòta, sortís de sa Cevena e coneis pas Peiregòrd e, per nos acompanhar, l'Aurelheta.

Daissèri l'autò davant lo cinèma, aqueste famós cinèma...
Partiguèrem a pè cap al centre (sembla una expedicion quand o disi, mas èran 35 metres...) e l'Aurelheta de sentir que i aviá de mond e de contar: "cada an fan una fèsta de sai pas de qué". Bon ela, o sabiá de qu'èra la fèsta, mas ieu escotavi pas. Òc, de còps que i a, escoti pas brica. Es coma aquò. Ai lo biais: sembla qu'escoti, mas escoti pas res, aprenguèri la tecnica a l'escòla... e totes pensavan qu'èri atentiva oaf oaf oaf. Bon, tornem a Sarlat!!!

Arribam sus la plaça que i a la Boétie dessús.
E aquí, suspresa:


















Mas demorèrem pas a faire las colhas jogar a de jòcs medievals tota la jornada, partiguèrem cap al centre...
I veguèrem l'Ostal de La Boétie:

Puèi passejèrem d'una carrièra a l'autre...
E montèrem amont del "Hotel de Belleville", amontnaut de la tòrre.
I aviá una vista plan polida:

e en davalant, las filhas faguèron de bruch.
Una pòrta se dubriguèt.
E sortiguèt lo pintre. Un pintre falordet que nos faguèt visitar son talhièr ( aguèrem pas la causida) e nos parlèt pendent un moment e nos explicant sas pinturas, sos pegatges e son evolucion coma òme e artista (granmercejam l'Aurelheta que l'escotèt qu'amb l'Astroneta agachaviam las òbras).
Comprèri quicòm, de veire se trobatz sus son sit de qué crompèri...




Del còp, daissèrem Sarlat e Dordonha per tornar dins Òlt direccion RòC Amador (totjorn sens Mariam), mas anèrem pas a Ròc Amador, anèrem... tè o vos contarai deman!

Ma vida contada dins la blogosfera

Uèi, mentre perdiái de temps a legir totes los blògs que i a dins mon repertòri quand començavi de me dire que caldriá començar d'escriure totas las causas que devi escriure sus aqueste blòg, que n'ai ja doblidada la mitat, anèri sul sit de Gally, un bdblòg d'una nissarda.

Conta ma vida tanben: agachatz aquò. O podètz aplicar a ma personeta...

i'll be back

Non, vos doblidi pas.
Lo blòg es en retard

Ai tant d'idèas qu'espèran d'èsser mesas en linha, tant de fòtos, tant de conariás...
e tant de lectors qu'espèran!

Ara vau dormir qu'ai tròp de quilometres dins las patas mas tòrni deman amb plan de causas dins ma banasta...

pès per tornar!

Es per vos donar una idèa de la destinacion de mon "viatge escolar"...

on the road e dins lo trin again

Blòg en pausa fins al divendres per causa de viatge escolar...