Lo Secret de La Jefa (7)

Ieu sabi de causas sus Mela.
Qué te sabi ieu?


Mela, la susvelhi pas. Solament, ausissi los cagadors marchar de longa. De que pissa aquesta! Ara, ai comprés perque las botelhas se vuejavan soletas. Quand li disi que beu, me respond que non, que son los cagadors que marchan pas. E t'o vau creire aquò ieu!

Passejada per la garriga de Lopian

Amb la Pomponeta, lo dimenge, anèrem passejar a Lopian. Lopian, akò's pas luènh. Kò's de l'autre costat de l'estanh.
Ai un libròt de passejadas pel país. Es plan, mas de còps que i a es un pauc mal fotut... Alara avèm galerat, e pendent un quart d'ora, virèrem a l'entorn de la Cagona per trobar lo camin que caliá prene! Urosament, dins la Cagona, ai totjorn una bossòla. Ieu la sabi pas faire servir, mas la Pomponeta òc!

Doncas, passejada per la garriga lopianenca...

l'estanh, los pargues de las ustras, e Seta!

una jaça abandonada

lo lac de Combaillès

Vos ausissi d'akí. Que nòstre país es polit, que lo solelh, que la lutz, que sai pas de qué.

Alara, vos vau mostrar un pauc lo costat "merdós" del país...
Pendent la passejada, crosèrem tot plen de mond. E ieu quand me passegi, aimi d'èsser soleta. Ben akò semblava una autorota: de mond en pagalha, de 4x4 qu'akò semblava las jornadas pòrtas dubertas de Suzuki, de caçaires amb lo fusilh sus l'eskina e lo chin amb son eskilon e ne passi.
Sens parlar de las escobilhas!
Agachatz-me akò, boooooooo, que son cons lo mond!

Cementèris de veituras...

Figura de Gòbi is back!

Figura de Gòbi quand aprenguèt qu'èri una paura filha sens amor arribèt a l'ostal per me consolar.
Non, pas de gòds, nimai de vibro-vai-e-vèni-dins-ta-pachòla, nimai de bolas de geisha. Non, arribèt cargat de mangiscla, perque dins la vida, règla nº1, se cal pas daissar morir de fam.


Portèt l'aperitiu (lo beure e lo manjar)Portèt lo repais tot (lo manjar e un vin chilian)
Portèt tanben 4 pakets de chocolats...


E coma sètz lenga de pelha, me creiretz pas, mas ai pas acabat los chocolats!



.

Cap....òta

Caucetas: las caucetas de La Jefa e Pomponeta

Thau dempuèi Balaruc lo vièlh

Seta e Sant Clar dins lo fons

ABCDari. letra O

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.

O

Occitània


- Òc, anem, òc, totes a Besièrs lo 17 de Març!!

www.manifestarperloccitan.com

- País dels Occitans mas o sabon pas.

Discutida del comitat de redaccion:

- Pomponeta voliá far kikòm de grèu
- La Jefa se'n bat las colhas
- Mela vòl far risolièr
- Pomponeta precisa que Mela fa pas rire
- N'informam los legeires. cf 5 linhas akí dessús.



.

Passejada a Palavàs

Dimècres amb la Frecolha, voliam anar far una passejada bèla cap a la catedrala de Magalona (quand i anarai, vos farai un rendut compte). Mas te fasiá un ventàs e un freg que finalament decidiguèrem que non, anaviam pas anar se pelar en plen ventàs...
Alara, anèrem faire un torn al pargue novèl k'an fach a Palavàs, lo pargue dau levant o dau ponent, me soveni pas del nom...

Arribèrem, daissèrem la veitura, agachatz un pauc los lampadaris, soi fan!

Akeste pargue dau ponent o dau Levant es pròche del musèu Albert Dubout, qu'es lo castelet que se vei al fons de la fòto:
Lo musèu i anarai un d'akestes jorns... e ne parlarai akí!



Alara, akeste pargue, de qué i avèm vist?
De fach, es pas sonque un pargue amb d'èrbas e de bancs, es tanben çò que dison "un percors de santat". Sas, lo dakòs ont corrisses e ont fas quauques exercicis... (Ieu ai pas jamai vist degun o faire... ). E ben en mai d'i trobar d'èrba, d'arbres, de bancs, d'exercicis de faire, i a tanben d'aucèls e de ponts. Fòtos:





Vistas sus Palavàs:

Al fons, se vei lo fara-restaurant

Conclusion: un pargue agradiu, plan entretengut, en plen ventàs, agradiu pels enfants, mas un pauc akí al mitan del non-res e pas gaire estacat al demai del vilatge.
(me dison dins l'aurelheta que per Palavàs se parla pas de vilatge, emmerdi l'aurelheta, disi coma vòli...)

Circuladas - Balaruc le Vieux

Lo Secret de La Jefa (5)

Ieu sabi de causas sus Mela.
Qué te sabi ieu?

Mela a de muscles. O sabi, ai vist los altèris dins lo garatge. Mas i vesi pas jamai Mela dins lo garatge.
Verifiqui regularament, vau amb ela faire las crompas. Li empleni lo saquetàs de botelhas de vin. Pecaira! Lo carreja tota sola. Doncas, ne fa d'altèris. CQCD

Los pès a Palavas

Amb la Frecolha, ièr, anèrem passejar a Palavas e a Latas, akí las fòtos de pès... (las autras arriban lèu)

Frecolha e ieu

òc, soi mai pesuga que la Frecolha, e alara? grrrrr

Seta, Seta, akí Seta (9)

A Seta, sul baloard, i a d'òbras.
Es un pauc lo òai en veituras, mas fasèm anar.
Los Setòris, s'adaptam
Pasmens, nos explican ont cal passar, que nos prenon per de colhas!
E mai lo bus se deu adaptar...
E coma sèm colhas, nos explican:



:-D



.

Umor del jorn

Il pleure dans mon coeur
comme il pleut sur la ville

akò deu èsser de Verlaine

On commence par s'enlacer,
on finit par s'en lasser.

akò deu èsser de Guitry mas soi pas segura

micro ondas...

En metent los labels sul blòg tot, tornèri legir la debuta del blòg, quand èri dins aquel plan polit país, que i viviái plan urosa, dins Òlt... e tombèri sus çò k i a çai-jos, k doblidèri d'o metre en linha a l'epòca, ara es fach... Era la mòda dels questionaris...
Foguèt estranh de tornar legir tot akò... de tornar suls sentiments de ma vida d'"un còp èra". Ai l'impression que i a plan de temps, e non finalament, fa pas qu'un an!
Tornarai cabussar dins los arquius del blòg un d'aqueste jorn... e a totes los legeires novèls, anatz-i! Cal clicar a drecha , dins la colona "Arquius"

1/ La darrièra escòrna dicha
Merde, dins la frasa "merde chuis en retard"

2/ La darrièra garolha ?
Me garrolhi ieu soleta amb mos pròpris demons... Soi una catastròfa....

3/ La darrièra cançon ausida?
Moussu T e Laurent CAvalié sus Radiolengadoc.com

4/ La darrièra persona al telefon ?
La dòna del respondeire de France Telecon que ditz qu'ai pas de messatges...

5/ La darrièra beguda?
Coca, of course

6/ Lo darrièr rescontre plan polit?
Lo mond d'aqueste país, gaireben totes.

7/ La darrièra causa manjada.
Polet amb de patatas


8/ La primièra causa que fau quand me lèvi
Vau pissar. Aluqui l'ordenador, agachi lo mail e/o los comentaris del blog. Agachi l'ase. E me disi pffffff qu'ai sòm.

9/ La darrièra persona que li ai mandat un mail
Un collèga de trabalh.

10/ La darrièra odor niflada
Lo polet cremat

11/ Mon darrièr escacalàs
Ièr, amb los vièlhs de Lavercantièra que los aimi fòrça. N'i a un que parla totjorn per pas res dire. Amb una de las Vamps.... partiguèrem dins un escacalàs.
Fa de ben!!!

12/ Mon primièr amor?
Sai pas...

13/ La darrièra crompa
Netizen

14/ Lo darrièr petatge de plombs?
quauqu'un que se trufèt d'un tip grandàs...

15/ Lo darrièr mot
A demain ou a vendredi e a diluns

16/ Lo darrièr mot escrich sus l'ordenador:
ordenador lol

17/ La darrièra causa que fau abans de dormir
tòrni, viri dins lo lièch. Tòrni montar la coeta. E me disi qu'es plan tard e que me poirai pas levar....

18/ Lo darrièr sòmi?
Sai pas

19/ Lo darrièr CD crompat?
Sus l'ase, Kepa Junkera.

20/ Lo darrièr morre
Sai pas.

Vesètz, ai pas bona memòria de mos actes e discorses. Me cal far mèfi :-)

ABCDari. letra N

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.

N

Nas

1- Anatomia del còs uman masculin e femenin que servís a respirar, a flairar, e a faire tombar la mèca.
Servís tanben a mostrar quicòm.
cf l'expression "Es gròs coma lo nas al mièg de la figura"

2- Palm de nas
- Gèst d'enfant: es lo fuck del sègle passat!

- Librariá parisenca occitana e catalana
30, rue des Grands Augustins
75006 Paris
+(33)(0)1 43 54 04 84 (del dimarç aprep dinnar al dissabte aprep dinnar)
mail: jfcoche(at)libetysurf (punt) fr




.

nuòch

Aimi de l'agachar quand dormís.

Es d'eskina.

Passar ma man sus son espatla.
Sentir que sa pèl es pas indiferenta a ma man.
Contunhar.

Ma man se passeja sus son eskina.
L'omoplata, l'espatla... ara passa sul braç, sauta cap al pitre, sos pèlses.
Sa man ven alisar ma man passejaira.
A, dormís pas.

Contunhar coma se de res non èra...
Se sarrar.
Pegar mon còs al seu.
Un poton sus l'espatla.
Un poton sus l'omoplata.
Un poton dins lo còl.
Un poton sus la gauta.

E la man que contunha de visitar.

E los còsses que se tiban.


Sos pòts venon enfin trobar los meus...










.

Montpelhièr....

De l'ostal de la Bela Valenta pas mai jovenòta, avèm un polida vista suls teulats montpelhierencs...

Lo puòch Sant-Lop

ABCDari. letra M

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.

M

Macarel!
1- sinonim: putanièr



2- exclamacion:
- Macarel, ont a passat la clau?
Variantas tarnagassas:
- Macaron! - Pels poètas, rima amb "dardalhon"
- Macarin! - Pels poètas, rima amb trin.




3- Vendeires de drapèus, d'estring e camisòts en occitan! Anatz-i de nòstra part! macarel.org

4- Mac Arel, brave òme escossés que coneissèm pas.
Sénher, Mac Arel, se nos legisses, salutacions!
E lo poton a ton amic Ardí! (perque Mac Arel e Ardí.... )



5- Solet proparoxiton de la lenga d'òc (sens comptar lo nissard).
Un proparoxiton es un mot qu'a l'accent sus l'antepenultima silaba.
Alara, perqué sus akeste mot, avèm un accent sus l'antepenultima silaba?
Perque la penultima e la darrièra èran ja montadas amb un client!

Caucetas: las caucetas de la Loneta

Pensavi k lo personatge èra del dessenh animat Fraggle Rock, mas ai un dobte...

Quauqu'un per m'ajudar?

ABCDari. letra L

Armas sensiblas e joves de mens de 18 ans, arrestatz akí la lectura. L'autora d'akeste blòg es pas responsabla de çò que pòt provocar la lectura de l'ABCdari... Sètz prevenguts.

L

Lusèrp lubric
1- Personatge romanesc d'un roman qu'an legit la Pomponeta e la Jefa
2- Nom donat al compostaire vèrd qu'avèm dins l'òrt.
Akeste lusèrp lubric manja tot çò vegetal qu'escampam. Lo cal anar apasturar tre que la sieta o la saqueta de la cosina es comola. Mas La Jefa n'a paur. Alara es Mela o La Pomponeta que sortisson jos la pluèja, lo vent, la nèu, de jorn coma de nuèch.
Disèm als convidats "Avèm un lusèrp lubric" e los menam veire nòstra bèstia.
E akí lo romanesc rejonh la realitat: se cagan dins las bralhas!



Akí una fòto del nòstre lusèrp:Akí una fòto de las tripas del lusèrp lubric (bon ap!)




.

et vous parlez béarnais?

Diluns passat, venguèt François Bayrou a Montpelhièr.
Non, parlarai pas de politica sul blòg.
Alara, perqué vos ne parli?

Perqué prenguèri akela fòto top sexi:
Foguèri suspresa de la cool-actitud de Bayrou: pas de bodyguards, assetat trankilon sul burèu. Èra d'aise.

A vertadièrament un morre de Bearnés!!!



Bon, ne voliái parlar per la foto super sexi e tanben per una foto de pès!
Los pès de Bayrou:
Mon pè, lo de Bayrou e lo d'un tipe
Lo còp que ven, li demandi de me mostrar sas caucetas!

Lo Secret de La Jefa (6)

Ieu sabi de causas sus Mela.
Qué te sabi ieu?


Mela a d'idèias per la cosina mas las fa pas. Per se desculpabilizar, fa la tarralha. Mas de qué cresètz? Las caçairòlas cremadas, los plats rabinats, te los daissa! T'agacha en plen dins los uèlhs, e d'un aire inocent, te ditz "Los faràs, tu!" e ieu, pecaire, primièr ai tot fach rabinar, e puèi me lo cal lavar.

Caucetas: la cauceta de la Frecolha

La Frecolha es la vesina de MonAmorós...

As ganhat!

Amb la Jefa, sèm d'especialistas per faire cagar la paura Pomponeta que t'a una paciéncia...

- Amb vosautras doas, ganhi lo cèl!
- Fariás melhor de ganhar al Lotò, akò's mai util!

A... paura Pomponeta...



.

El Violín

Dijòus, veguèri El Violín, un film de Francisco Vargas Quevedo.
Primièr film dempuèi un brave brieu! Akò fa de ben de tornar al cinèma!

L'ISTÒRIA: (de pas legir se volètz veire lo film)
Primièra scèna: De vilatgeses son torturats e violats per de soldats.
Puòi: un vièlh violonaire, son filh que jòga de la guitarra e son felen mendican en jogant en vila. La nuòch, lo filh va veire d'armas... Comprenèm que i a un trafec de kikòm.
Quand tòrnan al vilatge, los estatjants fugisson que los soldats son akí. Cercan los resistants que lo filh n'es un dels caps.
Lo vilatge es ocupat pels soldats, los abitants se son refugiats dins los bòsques
Problèma: al vilatge, dins lo camp de milh del vièlh, las municions per las armas de la resistència son enterradas ... Sens municion, pas de lucha armada possibla...Lo vièlh violonaire decidís d'anar al vilatge per poder metre dins la caissa del violon d'unas cartochas... Mas los militaris li gardan lo violon. Cada jorn, lo vièlh deu anar jogar de violon al centurion de servici. Sens pas jamai poder recuperar lo seu instrument, ostatge dels soldats. Cada jorn, lo centurion li fa mai fisança... Un jorn, pòt enfin anar al seu camp de milh. Un autre jorn, pòt enfin recuperar son violon. Alara, va a son camp de milh, emplena la caissa del violon, e daissa lo violon enterrat, a la plaça de las municions.... A capitat de recuperar las municions per son filh e sas tropas.
L'endeman, tòrna al camp de milh per recuperar lo seu violon...
Lo violon a desaparegut.
Puòi lo militari li fa, "Zo, jòga-me un kikonet". Lo vièlh rancona, a pas son violon...
"Alara, i a pas de musica uòi? Es daumatge, qu'es jorn de festa!" e lo centurion tòrna son violon al violonaire vièlh...
E akí, arriba una camioneta de l'armada...
ne fan davalar los caps de la resisténcia...
Lo vièlh plega son violon: "Se acabó la música".
Ecran negre.
Lo pichòt mendica e jòga de guitarra, canta una cançon que saluda la resisténcia.
Kand la cançon es acabada, partís sus la rota, guitarra a l'eskina....

DE QUÉ N'AI PENSAT:
Tras que bon.
- Esteticament, es un film fòrça ric e polit. Es en negre e blanc de la debuta a la fin. Akò m'agrada fòrça. Es filmat camera al ponh. Amb de plans gròsses suls visatges e de vistas generalas dels païsatges.
- Un film sens luòc ni data... l'idèa qu'es darrièr tot akò rapòrt a la lucha d'un pòble contra una armada e k'es lo pòble que perd es fòrta.
- La musica: tarrible, se kalkun me pòt faire present de la BO, serà amb plaser :)
- Los actors: son pas de professionals e son tarribles e tarriblament plan dirigits. Lo que fa lo violonaire, es un musician tradicional de la region Tierra Caliente, es vièlh que ne pòt pas mai. E son jòc (de musicaire e de comedian) es plen d'emocion. Un violonaire que li manca un man...
Quand arribèt lo generic de fin, n'aviái pres plen los uèlhs, plen las aurelhas, plen la tèsta...

LA DISCUTIDA AMB LO REALIZATOR
Èra una serada al Diagonal amb, a la fin de la projeccion, una discutida amb lo realisator, Francisco Vargas Quevedo, un jove mexican. Es son primièr film, e lo podèm sonque felicitar.
Entre tot çò que se diguèt, remembrarai:
- los latinoamericans presents dins la sala parlavan de la situacion politica en America del sud e de la sembla-democracia mexicana... e ne parlavan amb plan d'emocion... Los europèus, eles, parlavan de cinèma, d'estetica, de tecnica eça.
- "Prenes una mapa, barras los uèlhs, metes lo det sus la mapa, se tombas pas dins la mar, pòdes èsser segur que tombas dins un endrech ont çò que vesèm dins lo film, arriba cada jorn. Akò's valedor sus una mapa de Mexic, d'America Latina, e de quin país k siá que un pòble i es oprimit".
- Alucinèri d'ausir lo mond, an besonh de saber kin es lo messatge concret del realizator, lo perqué del cossí de la causa. Son fòrça maniquèus lo mond. Pas de messatge, cadun interpreta coma o sentís çò ditz lo realisator. "D'unes me dison, lo pichòt crebarà de fam, lor disi de òc. D'autres me dison que pòt cambiar las causas, e lor disi de òc."
- Kikòm mai que sabiái pas: lo cinema mexican es plan mal distribuit a Mexic!
Es per akò que Francisco Vargas a virar son film dins los festenals e a l'estrangier per aprèp lo poder estrenar a son país!

Alara, se lo Violon jòga per vòstre país, anatz-i, vos regalaretz!





.

Dimenjada tarnagassa: A TAULA!

Dins Tarn, i sèm anadas per
1- cambiar d'aire
2- veire un diaporama de fotografias de païsatges tarnagasses , fòtos presas per la Menaça
3- passejar un pauc
4- manjar a l'ostal de la maire de la Pomponeta.

Alara la MairedelaPomponeta, en mai d'èsser la femna mai brava d'Occitània, es mai que mai la cosinièra melhora que coneissèm. Vos rapelatz benlèu d'akò...

Question que vos pausatz totes:
De qu'avèm manjat a l'ostal de la MairedelaPomponeta??

Avèm començat per d'ensalada verta,

e puèi d'endivas e de noses

e puèi un pan de peisses amb un alhòli tras que bon


e puèi un cassolet

e puèi una foaça
e puèi una ensalada de fruchas

e puèi un flan...




La tisana foguèt la benvenguda...






.