3637- Gòbiton: Ajuda: una femna per Figura de Gòbi!

Ai decidit d'ajudar lo Figura de Gòbi a se trobar una femna. E coma akeste blòg es mondialament conegut, l'anam ajudar, ok?

Alara, Figura de Gòbi cerca una femna:
- que fumèsse pas
- entre 40 e 60 ans
- pas tròp laidassa
- simpatica
Akò son sos critèris a el, mos critèris a ieu per la femna de Figura de Gòbi:
- que demorèsse dins lo canton, entre Seta e Montpelhièr ( perque vòli pas que se'n anèsse viure luènh)
- que siaguèsse pas pesolh revengut
- que m'aimèsse plan
- que s'ocupèsse plan d'el e que lo faguèsse rire al mens tant coma risèm totes dos
- que siaguèsse independenta
- que mangèsse pas totes los campairòls

Presentacion de Figura de Gòbi:
- es un òme (aviatz compres...),
- 60 ans
- brave que non sai
- polit (francament , fisicament ten plan la rota, vos o disi ieu, qu'aimi los vièlhs)
- fa rire
- o sap tot faire a l'ostal mas tot: alisa, neteja, cosina regde plan (èra cosinièr abans), per çò qu'es del bricolatge, es capable de te desmontar un ostal e de te lo tornar montar en encara melhor que çò qu'èra,
- tre que te pòt ajudar, te balha un còp de man
- a de conversacion
- es plan pròche de la natura
- es d'akí, parla montpelhierenc
- fuma pas.
- beu pas gaire (levat de muscat sec quand ven a l'ostal).

Ieu disi qu'es l'òme ideal.



Las interessadas, contactar lo blòg que farà passar :)


Podètz tornar trobar Figura de Gòbi akí, akí , akí, akí, akí, , akí, akí, o akí e lo mancaretz pas se vos passejatz sovent pels bòsques de SAnt Pons o pels canals de Seta.

Òbra de Joinessa

Vakí un text qu'escriguèri jos la menaça per mos estudis, èra en 2000.

A la discotèca

Aquesta nuèch serà terribla! Mon fraire me mena a la discotèca! Anam al Nit, la melhora del canton, ont i a de filhas polidas e un fum de musicas. Espèri que nos daissaràn passar qu’ai pas l’atge de m’anar embriagar. Pas de lagui, mon fraire e sos amics son d’acostumats.

Matiàs, un amic de mon fraire, se regala de me far biscar. Me ditz qu’aquí las filhas an de raubas cortetas e lo fuòc al cuol, e quand van al cagador, es pas per cagar. Me carpinha sus ma pubertat., s’ai lo “material” per anar veire las filhas… De tot biais, m’an dich que al Nit, i a de que beure e de que manjar per aver la santat. Espèri que serai pas tròp crebat.

Doas oras del matin. Ai enveja de desgobilhar. M’an balhat una potinga, pel mal de cap, que m’an dich. E mesclat amb de oisqui-iranja, de qué dona? Espèri. Fau tapissariá coma se ditz… Es pas uèi que lo perdrai. Fa pas res. Almens ai ma botelha de JB.

Vesi mon fraire, es un pauc fosc, deu èstre lo jòc de lums. Es a calinhar una pof cubèrta de pinturas. Matiàs m’a dich qu’anam partir, “qu’aqueste ser es mòrt, i a pas brica d’ambient”. Lo Matiàs tanpauc es pas gaire clar!

Lo parcatge. D’èr fresc. Mas cal dintrar. 25 quilomètres d’aquela rota. Mon fraire aviá lo carri. Cap a l’ostal!

Matiàs me fa cagar! “As furat? As furat? Te podràs totjorn faire la dama blanca qu’espèra los menaires ibronhas!” De qu’es aquela istòria? Se ditz qu’es una femna qu’espèra los carris, los arrèsta, dintra dedins e se buta a cridar al viratge d’aprèp lo pont; son carri seriá sortit de la rota…. Conariás de vièlhs e d’ibronhasses!

Ai lo cap que me dòl. Se vei pas gaire la rota. Tornarmai aquela enveja de racar. O disi a mon fraire. El s’espeta de rire dempuèi que siam partits. Lo pont. I es pas aquela femna. O sabiái qu’èra pas uèi qu’o perdrai. Mon fraire a un biais estranh de menar. La rota vira, bolega. Compreni pas. Mon fraire ritz, lo cais grand dubèrt. Se tracha pas pus de la rota. Gausi pas dire quicòm. I a una platana que se sarra, de que nos vòl aquela platana?

Bram del Matiàs.

Per que veguessiatz ma non-evolucion, escriguèri akò per mos estudis, jos la menaça encara un còp. Anatz conclure que sabi parlar sonque de cuol....

Quand Figura tròba un campairòl...

Encara una istòria de campairòls e de Figura de Gòbi...
Quand tròbi un cèpa coma un ase, apèli Figura de Gòbi qu'arriba , e vakí çò que fa:




Malastrosament, i a pas lo son sus mon aparelh fòto, mas sequenon, ausiriatz: "òu, agacha se i a pas son fraire tanben". E de còps tròbi la familha tota, e de còps, tròbi pas res mai. Començi d'aver l'uèlh! Qu'ara te vesi los campairòls dempuèi la veitura...





Una autra videoneta... perque aimi fòrça las 3 darrièras segondas :)

quand la Pomponeta s'incrusta sul blòg...

Per contunhar la rubrica gastronomica del blòg, Pomponeta faguèt una tarta al lemon... sens rason me sembla. A si, aver la medalha de la melhora tarta al lemon.

Li donam doncas la medalha de la melhora tarta.




















Mas çò que se merita plan la Pomponeta, es un oscar per aquesta video:

Mort aux vaches! non, als RATS, perdon!

Vos sovenètz de mon activitat del dimenge passat...
Ben , una setmana aprèp, caliá anar agachar un pauc los efièches de ma mission. Diluns o dimars de ser, aviam ausit un rambalh pas possible e de gisclets que fasián plan paur. Alara, se disiam qu'anavi trobar plan de mòrts amont!
Montèri, akeste còp amb de bralhas longas e un lum mai bèl, e trobèri pas res... Rai, akò pudissiá un pauc la mòrt, mas pas mai. Mos molonets de granòtas avián plan demesit e i aviá, en mai, de molonets de pecòlas. Tornèri emplenar los molonets (los de granòtas, è, pas los autres!)

E akeste còp, prenguèri de fòtos de pè... o puslèu, Pomponeta prenguèt de fòtos de pè!:
Te prenguèt los seus sus l'escala qu'èra mon coach dempuèi lo trauc que servís de pòrta per dintrar al granièr:

Son sex sas cauçetas jaunas.

e lo mèu davant l'arma dels crimis:




Podètz veire tanben l'evolucion de mas cauçaduras... cf akí o akí
Akeste blòg es genial , oaf oaf oaf

Dinnar d'un dimenge

Per contunhar nòstra dimenjada gastronomica, Marineta faguèt un tajine.
Èra plan bon:


Ieu vos o disi: AKÍ SÈM PLAN!

Seta, Seta, akí Seta (4)

Akeste matin, amb ma bicicleta blava, jos la pluèja, anèri veire l'estanh de Taur.
Perque? cf akí







Òu, francament, lo nòstre estanh?

Dinnar d'un dissabte...

Quand òm a un amic retirat un pauc caluc, lo tipe te desrevelha a 8.30 del matin per te dire que te portarà de campairòls que trobèt la velha.
E quand tu siás un pauc mai caluga, dises a Marineta e Pomponeta "Òu, disèm a Figura de Gòbi de demorar dinar mas es el que fa la cosina?!" Marineta e Pomponeta aplaudisson de sas quatre mans.
Telefonas a Figura de Gòbi qu'acepta. Lo tipe, en mai de te portar los campairòls trobats la velha, passa al Carrof del canton, e te pòrta de terrina, lo vin, lo formatge, lo rit - nosautras aviam las patatas- e t'o cosina tot.
Akeste òme es meravilhós, vos o disi.


Akò donèt akò:



E coma lo blòg es mondialament conegut (mai que mai per aqueste ostal), an totes pres la pausa per la fòto pel blòg. Coma o podètz veire, Marineta e Pomponeta an plan comprés l'èime de blòg: pès, pès e pès!
Ara , i podrem apondre la mangiscla...



Per manjar, Marineta e Pomponeta levèron los pès de la taula.
OF!

Brèva de professora...

Quand ausiguèt lo mot "adieussiatz", una escolana me ditz que l'a ausit dins la boca de son papet.
Alara, a la fin de son primièr cors, li disi "ben , n'auras de causas de li contar a ton papet"
M'agacha, amb un risolet: "Es mòrt".

Primièr cors e mòrta de rire. Akò fa pas seriós, trobatz pas?

Aresquièrs

akeste matin, passèri per la rota de la mar...
Poguèri pas m'empachar de m'arrestar e de sortir l'aparelh.
Akò's la platja dels Aresquièrs. Es mon país de totjorn:





A! coma soi brava, vos ai facha una videoneta... e I A MOS PÈS!!!
Podrètz admirar mas basquets de racalha ;). Akò mancava una video de mos pès, trobatz pas?

definicion

string= fial conductor

Seta, Seta, akí Seta (3)

Seta, Seta, akí Seta (2)

Coma Seta es bastida sus e a l'entorn de Sant Clar, de glacisses, n'i a de longa!

per un dimenge a miègjorn

A miègjorn, amb Pomponeta e Marineta, sèm anadas a la platja. Te fasiá un ventàs! Pasmens, las tres calugas qu'èran dins l'aiga, ben, eriam nosautras!
Akò fa de ben de se banhar!

per un dimenge de matin, me passejavi....

Akeste matin, a 9 oras del matin.
A, me cal arrestar lo raconte.
De k fasiái levada a 9 oras un dimenge de matin? Non, èri pas tombada del lièch... Me levèri a 7.30 (o juri! - ne jurez pas Marie Thérèse- Thérèse , je te prends, je te retourne.... ) que lo frèg me desrevelhèt. Perque cal pas creire, a seta, a 7 oras del matin , fa un frèg que pela!!
Tòrni prene:
Akeste matin, a 9 oras del matin, anèri veire jols teules de l'ostal. Me disiái que coma èra dimenge, èra un jorn per batejar los teules... I montèri amb un casco de bicicleta que m'obliguèt de cargar la Pomponeta, un lum pichonel, d'aiga benesida, d'alh, un cristo, de granas rojas, mas baskets, mas bralhas cortas del fotbòl, mon camisòt violet estivada/caissa de l'eskiròl.
Nota bene per mai tard: preveire un lum mai gròs, de bralhas longas. E Pomponeta me faguèt passar l'aparelh k'aviái doblidat, perque se vos o conti, me cresètz pas:

Doncas, i montèri pas per batejar los teules, soi colha, mas pas a aqueste punt (los qu'an cregut l'istòria, sètz fòrabandits del blòg per 4 generacions). I montèri pas perque sabiái ont anar passejar de bon matin. I montèri que Pomponeta e Marineta ausisson de rats. De rats dins lo granièr.
E qual es qu'a pas paur dels rats dins aqueste ostal??? Alara qual es que deguèt montar s'acarar als rats per lor explicar que, òu, n'i a pro de far de bruch. Los que seguissètz un pauc avètz compres que montèri ieu, foguèsse pas montada ieu, ne parlariam pas sul blòg de tot biais.

[Generic de Mission Impossible on]
Vòstra tòca se l'aceptatz serà de daissar de molonets de granas rojas crompadas dissabte a Moussu B per maites endreches del granièr. Per akò far, vos caldrà prene l'escala, butar lo frigò, dubrir la trapa, metre l'escala, montar a l'escala, arribar amont e plorar qu'aimatz pas brica la lana de vaira que lo granièr n'es tot plen. Puèi vos caldrà demandar a la proprietària cossí marchar akí dessús, e vos explicaràn que cal pas marchar pel sòl, cal metre de laissas entre las bigas gròssas per poder caminar, caminar es un mot bèl que i a pas un metre del sòl als teules... Gratipautas que gratipautaràs, arribarètz a faire 25 metres e daissar 4 molonets de granas rojas. Puèi, tornaretz a la dubertura de la trapa, en doblidant pas de far seguir lo lum, las granòtaa rojas que demòran e las laissas per poder avançar.
[generic de Mission Impossible off]


Moralitat:
- Ai lo drech de cantar lo generic de Fort Boyard tota la jornada
- Soi dispensada d'escoba pels 4 ans de venir (bon, ok la setmana de venir)
- Pomponeta me faguèt akò:



S'avètz de rats dins vòstre garatge, òrt, granièr, Ratexterminatritz es akí!

Seta, Seta, akí Seta (1)

En tornant del mercat, passi dabans:

Rebèla

Figura de Gòbi venguèt passar un parelh d'oras a l'ostal... Ieu quand soi a l'ostal, cargui de vestits encara pièger que quand soi per carrièras (ben òc, akò existís), vos fau pas lo detalh que vòli pas perdre mos legeires mascles.
Lo ser, amb Pomponeta, decidissèm de netejar quicòm amb de Javel (vos fau pas lo detalh que balhariá lo vòmit a mon lectorat femenin). Pomponeta, brava, me ditz que vòl pas que mos vestits prenguèsson de javel. Respondi que me'n foti , que son los vestits per rabalar a l'ostal... e li sortissi "As vist ma super tecnica per dragar Figura de Gòbi?!?" (lo tipe ven cada jorn me veire, e ieu lo recebi coma akò). Seretz d'acòrdi amb Pomponeta per dire qu'òm draga pas un òme amb de vestits coma akò, rai... Mas ai mon explicacion, e doncas expausi ma teoria digna de Confucius a Pomponeta, teoria que se resumís a una frasa: Quand aimas quauqu'un quand es laidàs e malaut, l'aimaràs quand serà polit e en bona santat.


Responsa de Pomponeta:
- SIÁS MALAUTA???!?!?!?!







E çò pièger dins l'istòria, es que partissiá d'un bon sentiment...

Forever Polida

Totara, a la television, sus la 2nda cadena (parli coma los vièlhs se vòli), i aviá MOUSSU T qu'èra lo convidat de las 5 minutas de la fin del JT de la blonda colha (qu'es colha mila dieus akesta d'akí!!! )

Tatou, t'aimi , ara es oficial. De qué? Es pas recipròc? A merda...

Tatou i èra per la promocion de son disc novèl, Forever Polida:




Auriái pogut metre una fòto de Tatou e ieu, mas coma soi pas forever polida ieu, ben vos meti Tatou solet e forever polit...



Sens doblidar akela fòto d'akí


Bon, tre que crompi l'album e que compri d'espaci per estocar los mp3, vos ne meti un parelh d'extraches.



Lo sit oficial: MOUSSUT.OHAIME.COM

Reclama de las vièlhas (6)

Fòto presa a la Salvetat sus Agot (34)

Mon primièr cèpa

Dimars, anèri als campairòls amb lo que presentam pas mai, Figura de Gòbi, cercaire de campairòls oficial d'akeste blòg.

Plan de nèbla per montar a l'Espinosa. Arribam al canton costumièr, i aviá pas res. Tornam partir per tirar cap a la Salvetat. Te vesi dempuòi la Maeva (es lo nom de la veitura de Figura de Gòbi, cal pas cercar d'explicas, es aital) de campairòls. s'arrestam. Prenèm lo parelh de Coprinus comatus. E dintri dins lo bòsc, e cridi a Figura: "Akí n'i a un de bèl". M'agacha e me fa "Òu, sas qu'as trobat un cèpa!?!". Akí l'avètz:

Pròche d'el, Figura de Gòbi ne trobèt un parelh mai. Alara contunhèrem de cercar dins akeste bòsc. E torna, vira coma un pòrc malaut, monta, davala, finta que fintaràs. Ieu ai pas brica lo sens de l'orientacion, ai una fisança totala en Figura de Gòbi per akò, e finti plan de lo perdre pas de vista (lo primièr còp me faguèt "mmm, daissa-me que vòli anar pissar..." ara, lo finti d'un pauc mai luònh...). Al cap d'un brieu, me fa : sai pas ont es la veitura, m'orienti pas mai. A merda, es con akò. Lo seguissi. Ensagi de reperar un pauc. Tornam viram. E decidissi de prene las causas en man... E vakí, tornèri trobar la Maeva... soi tròp fòrta o sabi. Emai Figura de Gòbi ne demorèt bocabadat. Alara, mèfi, comencèssetz pas de criticar lo cercaire oficial de campairòls d'akeste blòg, se perdèt dos còps dins sa vida: un jorn dins Avairon e ièr! e los dos còps en causa de la nèbla!
Rai que i aviá un fum alucinant... e virèrem dins los bòsques una ora e mièja abans d'arribar a la Maeva... Me fasiái pas tròp de lagui, qu'èran sonque 9 oras del matin, e qu'aviái de ret sul telefonet... mas quand meme, es pas brica agradiu de se perdre per un canton perdut ont un arbre reverta un arbre, ont un feuse reverta un feuse....




Video de la nèbla que i aviá a 11.00, video facha dempuèi Maeva. Los nòstres bosques èran plan mai escurs...
Mas... de fach, èra lo Blairwitch project akò!!!!



Per se'n tornar metre, partiguèrem a la Salvetat, Figura de Gòbi crompèt de k manjar e dinèrem assetats sus l'èrba d'un prat per las vacas. Coma o podètz veire sus la fòto, èra lo pè!!!

Los pès dins las nívols!

Sembla un montatge, mas n'es pas un :)

Necro: the Crocodile Hunter is dead

Agachi pas la television, mas aviái costuma de l'agachar amb mon òme a Barcelona. E aimaviam d'agachar Lo Caçaire de Crocodils sus Canal 33.
Aimavi plan akeste òme k'aviá un bon morre, k sorisiá de longa, que me fasiá rire e k fasiá paur. Era calugàs coma totes los australians, mas aviá un kikonet d'inocéncia, d'uèlhs d'enfant, e una coneissença dels reptils impressionanta que sabiá far passar.
ben, es mai mòrt.

Mai d'infos here, akí, ici.

Sopar de l'11 de septembre...

Amb los cepas que nos donèt Figura de Gòbi (akeste òme es meravilhós, o cal plan dire), Pomponeta faguèt akò:

Del còp, avèm manjat defòra, avèm descongelat de rit confit (raubat a mon fraire mas chuuuuuuut), un còp de vind e Caurs, e fai tirar!


Marineta èra mòrta de rire, Pomponeta acabèt pompeta, e ieu acabèri ma sièta (akò estona pas degun):


La serada s'acabèt en danças amb una escotisha amb Pomponeta que del còp foguèt pas mai pompeta...





Alara, NON, festejaviam pas res. MAs aviam de cèpas!

Per informacion, perque aqueste blòg de còps i a es cultural (de còps que i a , mas pas gaire), l'11 de Septembre es la festa nacional de Catalonha, que festeja la casuda de Barcelona... (pffff).
Informacions akí.
Podètz agachar akí tot çò k se pòt festejar un 11 de Septembre, mas bon se'n fotèm un pauc.

Vida de Vilatge...

La scèna se passa dins un vilatge lengadocian. A la fornariá.
Mélanie pren lo pan pel restaurant de son fraire. Sortís de la fornariá, rescontra una restauratritz del vilatge. Las doas charran dabans la fornariá.

La fornièra (que crida): - Mélaniiiiiiiiiie
Mélanie (que respond)- Òu?!?
La fornièra - Telephone! C'est ta mère. (silenci, aurelha al telefon). Que tu passes à la maison prendre les habits de ton frère.
Rires generals de totes
Torista (franchimanda, de la vila, neoretirada perque a akeste epòca de l'an, los toristas son de retirats) - C'est ça la vie de village!

del perqué de l'abséncia de textes sus akeste blòg

Avètz benlèu remarcat que d'aquesta passa, lo blòg es mai que mai fotografic. I a pas mai de tèxtes. I cònti pas gaire ma vida. Me trachi qu'ai pas grand causa d'i contar. Es pas que se passèsse pas res dins ma vida. Urosament, se passan de causas, contunhi de menar ma vida coma pòdi mas vos meti pas mai mos bons mots, ma conariá ambulanta...

Alara perqué? Perque, ieu, me la pausèri la question del perqué escrivi pas mai sul blòg... E l'ai trobada la responsa (o cal plan dire , soi un gèni). Doncas, la responsa es que ara ai de mond per escotar mas conariás. Arribi a l'ostal, m'asseti pas mai a l'ordenador per agachar mos mails e actualizar mon blòg. Non. Arribi a l'ostal e conti a Marineta e/o Pomponeta ma jornada, çò que me dison lo mond, çò que disi, vesi, pensi.
Se i a pas mai de tèxtes sul blòg, es la fauta de Marineta e Pomponeta. Vakí, es dich.

Al menut aqueste ser...

Figura de Gòbi es sortit de sa veitura totara amb akò dins las mans! Per ieu e Marineta e Pomponeta... akeste òme es meravilhós, trobatz pas?




E çò melhor es que aquesta nuèch li daissèri dins sa bóstia un present, akeste libre, e dins la dedicaça aviái escrich: Mercés per las oradas passadas a m'aprene de causas. Merci pour ta patience, ton sourire et ton savoir champignonesque que tu vas pouvoir agrandir avec ce petit livre. Au plaisir de goûter ton carpaccio de cèpes... Akeste colhon te trobèt lo libròt, mas veguèt pas la dedicaça!!! Coma o ditz Marineta, les grands esprits se rencontrent...

N'i a qu'an d'astre....

Figura de Gòbi, quand va als campairòls solet, ne pòrta 8 quilos...




Seriái-ti pas emmascada???


fòtò presa amb lo portable de Figura de Gòbi...

Als campairòls, tornarmai

Formigueta...

Los bòsques de l'Espinosa dempuèi la veitura

Dimars, soi tornada als campairòls amb Figura de Gòbi. Vos daissi admirar los bòsques. Es la debuta d'un remake de BlairWitch Project ;)

Es mon aniversari!

Uèi es mon aniversari.
Mas doas cologairas (se ditz coma akò?), Marineta e Pomponeta (òc, se dison coma akò) me faguèron una suspresa de las bèlas a 7.30 akeste matin:




26 ans...
pels quatre que, coma ieu, sabon pas comptar, una candèla bèla= 10 ans.

Lo pastisson èra plan bon, lo present me faguèt plan plaser...
Question de Melania:
- Mas... avètz botat un CIRI de MESSA??????

NB:
D'escotar dins la radio blòg la cançon de Georges Brassens....

Reclama de las vièlhas (5)

Fòto presa a Sant POns de Tomièras un jorn de solelh

Païsatges de pas gaire luènh...

Fòtos presas dempuèi la veitura pel país de Sant Pons de Tomièras ( 34)...

Reclama de las vièlhas (4)

Fòto presa a Sant Pons de Tomièras (34)

Mos pès e Goldorac

Dins la veitura de Figura de Gòbi, i aviá mos pès e :

Rescontres d'una autra epòca...

Ai passat l'estiu a trabalhar al restaurant de mon fraire . L'autre jorn arribi, e te vesi 3 vespas... Èran tres Italians qu'an fach Padova- Marròc en vespa, un idèia calugassa que m'agrada bravament!!!

Lo sit del trip: http://www.vespenologiche.com/

Campairòl, ont siás?

Ier de ser, Figura de Gòbi me prepausèt d'anar als campairòls aqueste matin. Pensatz plan qu'aceptèri...
Foguèt una jornada fabulosa, de caminadas, d'explicas saberudas, de rires, mas pas gaire de campairòls fin finala qu'èran pas sortits.

Una fòto de pès amb Figura de Gòbi:

Reclama de las vièlhas (3)

Fòto presa a Seta, una nuòch de Sant Loís...