Reclama pel cate

Campanha vista dins las glèisas de Catalonha Nòrd:

un pauc de cultura

L'autre jorn, expliquèri als pichons l'origina de l'expression "reviens léon j'ai les mêmes à la maison"



E 20 ans aprèp me disi qu'es francament pas bona aquesta reclama.

E 20 ans aprèp contunhi de cantar "allez hop on y va , en route pour l'aventure"... Per astre, lo mond que coneissi coneisson pas la referéncia...



puèi...

Maurice

Soi faaaaaaaan:Cerveses MORITZ

Setmana contra lo càncer

Eri al cagador quand dins lo tv magazina tombèri sus akò:

Los Bidochons per vos rampelar que lo càncer del colon es un dels càncers mai espandits e que una coloscopia, akò pòt evitar un malur...

Akeste messatge s'adreiça mai que mai a nòstres amics los animals los òmes que son eles las victimas del càncer del colon e qu'an sovent de mal a anar mostrar son cuoleton als metges.
Per las femnas, las mamografias son plan dintradas dins nòstra vida. Cal dire que sèm pas cagantas, akò nos geina pas a nosautras de li mostrar la pachòla a un ginecològ o d'anar dins un camion que l'an batejat "mamobil" (o caliá faire kand meme!!) per que nos paupen las popas (aliteracion en [p])

Uèi comença la Setmana de la lucha contra lo Càncer engimbrada per la Liga Nacionala (francesa) contra lo càncer.


Per ne saber mai sus lo càncer del colon e las riscas de l'aver.
E pel mond que son pas ipocondriacs mas que o vòlon èsser, anatz faire un torn sus doctissimo... e vos conselhi d'anar gaitar las videos de l'emission excellenta le Magazine de la Santé sus France 5.

akeste blòg serà benlèu felicitat per akesta colha de Ròsalina

Reclamas vièlhas - Albi (81)

Reclama vièlha: la cooperativa occitana

fòto presa a Viane(81)

Reclamas vièlhas a La Cauna (81)

Dimenjada dins Tarn amb MonAmorósMaiContent (3/3): le nid d'amoureux

Sul sit del Gits de França, trobèri un ostalet polidet pensat pels amoroses.
Es un ostalet de pèiras, que foguèt fenhal un còp èra, que foguèt adobat, e decorat de roge.
Lo roge de la passion....



Es encara mai polit que sus las fòtos!!!!!

Vakí, passèrem 3 jorns ideals!
Loguèrem akeste ostalet e o regretam pas!

Per la fenèstra de la cambra

Per la pòrta

Per la fenèstra de la cosina

Un endrech magic.
Los proprietaris adorables.

Poiriái donar mai de detalhs, mas es pas la pena , tot èra PERFIÈCH!

Una sola causa d'apondre: anatz-i!
Ideal pels parelhs, eterosexuals coma omosexuals, nòvis, estudiants trentenaris o quinqua.
Perfièch per una persona sola (ieu vòli ensajar sola!)

Es pas una reclama amagada. Los dos tornèrem estrambordats de nòstra dimenjada a l'ostalet roge.

Veire la descripcion e logar lo git, a "numero de l'hebergement", picar "08".
(anatz-i! vos cal pas esitar!)

.

Lo rei del condon: faire un polit present a Nadal

Rei de la capòta

Soi fan!!!

Lo sit internet de visitar: leroidelacapote.com
I trobaretz de qué faire un present util e original per Nadal.

Òc, me podètz granmercejar!


.

Fan de Youtube / Star Wars: trailer del tèma que ven!

Star Wars parlarà de... parlarà de... ?




se n'i a que comprenon pas l'anglés, digatz-o e vos escriurai lo dialòg...

80's magdalena

Ieu aimi d'anar amb MonAmorósMaiContent me passejar dins lo carrefour gròs que i a pròche de son ostal. 2 estancis. De qué manjar e beure per 50 ans.
Akò m'agrada de me passejar dins los supermercats catalans, perque son plan diferents dels nòstres. I trobam de causas que trobam pas akí: lo queso manchego (poiriái vendre ma maire per un entrepan de queso manchego... y amb tomàquet eh!), las galletas maria (akò m'agrada pas, mas lo nom m'amusa), de yogorts completament diferents, quitament los produches per netejar son diferents, lo primièr còp que veguèri Don Limpio mankèri de ne petar de rire. E lo dakòs que ne crompi cada còp: de pan torrat amb d'alh e de jolvert, akò's lo mal. 50 cents lo saket. Es lo mal. De pans a l'alh amb de salcissas al polet e que dequeso manchego, e soi la femna mai urosa del mond... Sabi, soi de bon contentar. Compreni pas que i aguèsse pas mai d'òmes per se voler maridar amb ieu....
Brèu.
Se passsejam , e anam a las begudas per crompar ma dòsi de Còca-Còla setmanièra jornalièra... e dins lo CarrefourCatalan de MonAmorósMaiContent crompi totjorn una caneta d'un kikòm que coneissi pas... amb l'excusa de "ten, akò o tastarai" e a l'ostal es totjorn parièr " ba, es pas boooooon" e MonAmorós ritz tendrament (sembla un album de Martine ma vida, non?...)

Puèi, quand èri a fintar quina beguda novèla podiái tastar, te vesi AKÒ:

e brami "aaaaaaaaaaaaaa, de taaaaaaaaaaaaaaaaaaaaaaaaaaaaaang".
E comenci de rire. Vos disi pas lo morre de MonAmorósMaiContent qu'el es d'un calm britanic e qu'a l'electrocardiogram d'Anibal Lecter e per lo suspréner, lo faire petar de rire, de paur o de que qué sia, se cal levar matin.
Puèi , akí las replicas que tuan...
"mas n'avètz encara d'akò?!?!?! òu en França akò se tròba pas mai dempuèi 20 ans!"
Magdalena efièch:
Ne fasiam amb mon fraire quand eriam pichòts. Metiam lo tang dins una garrafa roga Tupperware... Aaaaa... Tupperware, poiriái faire un blòg tot sus Tuperware... e pas la pena de rire, perque avèm totes una maire que, un jorn, anèt a un acamp Tupperware, e pièger, avèm totes una maire que, un jorn, organizèt a l'ostal un acamp Tupperware...

Doncas, amb lo fraire, fasiam lo tang dins lo pegal roge Tupperware que, coma sus internet se tròba de tot, l'ai trobat , es akeste:es en venda sus Ebay per 4$... plan mens car que nòu, o vos disi....

E eriam los mai uroses del mond, beviam akò coma las vièlhas de la glèisa te bevon lo vin a la comunion... Èra la jòia de la setmana faire lo tang. Lo crompaviam al Leclerc de Frontinhan qu'un jorn cramèt (aviái 11 ans), e, paf, acabat lo Tang.


20 ans mai tard, ne tòrni trobar.
"òooo, ne vau préner, ne beurem amb La Jefa e Pomponeta!"

Arribi a l'ostal e lor disi a las doas: "Agachaaaaaaaaaatz çò qu'ai compraaaaaaaaaat!"
Se vei qu'a l'ostal de la Pomponeta e a l'ostal de la Jefa, bevián pas tant de Tang coma al meu...
Mas ieu me'n chauti, me'n cal plan mai per me descoratjar...
e un dimenge que la Jefa i èra pas, amb la Pomponeta faguèrem lo Tang.
Lo problèma es qu'aviam pas lo pichièr roge Tupperware e lo faguèrem dins una botelha de plastic Alet .
Esperèrem lo retorn de La jefa que se cal morir, morirem totas.
E beguèrem lo tang per acompanhar una còca que faguèt la Pomponeta.

Moralitat:
lo tang es pas bon, lo tang es quimic, lo tang es chernobilian.

Question:
Quinas son las sequèlas del tang sus mas cervèlas?

Sindròm Orangina, segond del nom

lo primièr sindròm orangina èra akí.

Reclama!

99 F

Amb la Pomponeta, sèm anadas aquesta tantossada veire 99 F, lo film adaptat del libre de Frederic Beigbeder. Aviái pas legit lo libre, e per maitas rasons lo Beigbeder, l'aimavi pas gaire. Ja, se la peta: penchenat-despechenat-soi-a-la-mòda, me-daissi-la-barba-per-dire-d'agradar, e aviái un sovenir marrit d'el: legissiái sas criticas literàrias dins lo Voici de ma maire, e lo torbavi missant e ieu aimi pas lo mond missant. Pasmens, a la biblioteca de Barcelona, legiguèri Windows on the world, un libre que me'n soveni pas gaire, mas que m'aviá agradat. Aviái pas decidit de l'anar veire lo film mas coma la Pomponeta i anava, me soi incrustada...Puèi me cal avoar que Jean Dujardin l'aimi plan, emai quand sembla Beigbeder...


E ben, quina bona suspresa!
Me soi RE-GA-LA-DA. La pròva: fasiá un brave brieu qu'èri pas estada suspresa per l'arribada del generic! Un film plen d'umor, amb una musica tras que bona (levat lo tròça del generic, daumatge!). Una realizacion que per Pomponeta reverta Tarantino, i ieu li vesi d'aires de Matrix... Enfin, las doas trobèrem akò tras que plan. De scènas pas totjorn tendras (i cal pas menar los felens....), un pauc d'umor de marrit gost, plan d'ironia e de "agachatz coma vos prenem per de paures cons" qu'aimi fòrça.

Una capitada cinematografica: capitada visuala, dins los dialògs, dins la BO, dins los efièches especials (matrixians vos disi), dins l'umor...

Doncas d'ANAR VEIRE sens faire cas de l'aficha qu'es pas çò mai capitat del film!
la reclama:

Benda anóncia 99 Francs

Per la cultura, vos sovenètz d'akesta reclama:e ben es Beigbeder que la faguèt!

(alara los òmes etèros, uroses?)

Una reclama facha tb per BeigBeder:

Ne devenez pas comme cette conne
mandat per petre



Messatge pel Tam: Veses qu'aquelas putas de franchimands fan de cinèma coma cal de quora en quora :DDDD

per la Pomponeta

Zidane/Galthié - le match
mandat per orangerugby

Aimi plan akesta pub!
La pomponeta es fan fan fan de Galthié, cada còp que sortís o parla a la television, fa "il est booooooo". pfffffffffffff
(when a tarnagàs meet a tarnagàs....)


.

Boucherie Charcuterie e plantas dins la veirina

.

Pels reclamofils...

en francés : blog-objets-publicitaires.fr/

en español: blog-articulos-publicitarios.es/



.

Reclama de las vièlhas (8)

Fòto presa a Narbona,
avenguda Fredo Mistral


Vos remembratz del text de la reclama televisuala? Èra over sex: "chambourcy, oh ouiiiiiiiii"




dins la tièra de las reclamas de Chambourcy pas brica sex:




PUB Kremly de Chambourcy
mandat per GREG1205


ieu aimavi pas los Kremly.
Berk, berk , berk

Ieu çò que m'agradava, èra la DAnette...

On se lève tous pour Danette !
mandat per No_soucy



On se lève tous pour Danette, Daneeeeeeeeette.
Quand vau AlCamp e que passi dabans los iaorts, e ben, a cada còp, akò manca pas, canti On se lève tous pour Danette, Daneeeeeeeeette.
Mon cas es desesperat.


.

Reclama de las vièlhas (7)

Fòto presa dins un vilatjon
de Tarn entre Sant Pons e Masamet

Montlaur, èran de supermercats d'un còp èra, abans que Carrefour tornèsse crompar lo dakòs.
Èra la minuta istorica.



.

Especialitat setòria

LaTiela nos parlèt d'una especialitat setòria que s'apèla en francés "le torte". Coneissi pas lo nom en occitan ("lo tòrt" marca mal, non?). D'italians dins la sala per nos ajudar? Segon la maire de LaTiela qu'es una rebèla, se'n tròba pas mai, dins cap fornariá de la vila... Mas si!
Alara se volètz tastar lo torte , o cal faire abans Pascas, e vos cal anar a la fornariá Cerrato o al mercat o carrièra Garenne.

E es francament bon!

Akò se prepara ara, e se daissa secar e se manja lo dimenge de Pascas.


Mas ieu ne mangi uèi.

(e amb de chocolat, mas chuuuuuut)

.