Plan de nèbla per montar a l'Espinosa. Arribam al canton costumièr, i aviá pas res. Tornam partir per tirar cap a la Salvetat. Te vesi dempuòi la Maeva (es lo nom de la veitura de Figura de Gòbi, cal pas cercar d'explicas, es aital) de campairòls. s'arrestam. Prenèm lo parelh de Coprinus comatus. E dintri dins lo bòsc, e cridi a Figura: "Akí n'i a un de bèl". M'agacha e me fa "Òu, sas qu'as trobat un cèpa!?!". Akí l'avètz:
Pròche d'el, Figura de Gòbi ne trobèt un parelh mai. Alara contunhèrem de cercar dins akeste bòsc. E torna, vira coma un pòrc malaut, monta, davala, finta que fintaràs. Ieu ai pas brica lo sens de l'orientacion, ai una fisança totala en Figura de Gòbi per akò, e finti plan de lo perdre pas de vista (lo primièr còp me faguèt "mmm, daissa-me que vòli anar pissar..." ara, lo finti d'un pauc mai luònh...). Al cap d'un brieu, me fa : sai pas ont es la veitura, m'orienti pas mai. A merda, es con akò. Lo seguissi. Ensagi de reperar un pauc. Tornam viram. E decidissi de prene las causas en man... E vakí, tornèri trobar la Maeva... soi tròp fòrta o sabi. Emai Figura de Gòbi ne demorèt bocabadat. Alara, mèfi, comencèssetz pas de criticar lo cercaire oficial de campairòls d'akeste blòg, se perdèt dos còps dins sa vida: un jorn dins Avairon e ièr! e los dos còps en causa de la nèbla!Rai que i aviá un fum alucinant... e virèrem dins los bòsques una ora e mièja abans d'arribar a la Maeva... Me fasiái pas tròp de lagui, qu'èran sonque 9 oras del matin, e qu'aviái de ret sul telefonet... mas quand meme, es pas brica agradiu de se perdre per un canton perdut ont un arbre reverta un arbre, ont un feuse reverta un feuse....
Video de la nèbla que i aviá a 11.00, video facha dempuèi Maeva. Los nòstres bosques èran plan mai escurs...
Mas... de fach, èra lo Blairwitch project akò!!!!
Per se'n tornar metre, partiguèrem a la Salvetat, Figura de Gòbi crompèt de k manjar e dinèrem assetats sus l'èrba d'un prat per las vacas. Coma o podètz veire sus la fòto, èra lo pè!!!
B'aurí hèit un regalet deus tarribles dab aqueths cèths !
ResponEliminaQu'avetz chança de'n poder amassar... Per noste, que'us cau dalhar, de tant que n'i a !
Bearnés
Doas causas:
ResponElimina1- se los Bearneses an tròp de campairòls, ne volèm plan, qu'avèm de plaça dins lo congelator
2- Garris, akeste blòg vira INTERNACIONAL, i a kitament un bearnés k daissa de comentaris ;))))
Qu'ei hèra bèroi!
Melania la polidialectala :)))
beròi ! pffffffff
ResponEliminaCresi que los se vam gardar, los campairòls. es pas lo tot de los dalhar, los cal plan cossinar aprèp.
ResponEliminaMe'n sortissi en occitan central o pas brica ?
Es un assag. Me perdonaretz benlèu, non ?
Bearnés
Polit !!!!!!!!!!!!!!!!
Que parlas lengadocian hèra plan!
ResponEliminaMas contunha de bearnejar ;)
E èra pas la pena de nos far biscar amb los campairòls se nos los donaràs pas.
Acepti tanben los campairòls cosinats dins un tuperware :)))
(es çò que i a dins mon frigò ara... )