dimarts, 3 de gener del 2017

Bona annada!


Bona annada amics legeires, plan granada, plan acompanhada e melhora que la passada! 
Nos desiri plan de bonur a totes. Que lo mond ane melhor, sens Trump, ni guèrra en Siria e autres chaples capitalistas o religioses.
Nos desiri tanben d'aver un president d'esquèrra a las eleccions francesas.

Per ieu, 2017 serà l'annada d'un projècte bèl amb Mar e Montanha que s'apèla Arc Nòrd Mediterranèa, un projècte cultural e musical a l'entorn dels instruments tradicionals que jògan en parelh amb la cornamusa sus l'Arc Nòrd Mediterranèa amb de Catalans, de Calabreses e de Malhorquins. Una crana idèa qu'aguèri e que sèm a metre en plaça. 

Per ongan, contunharai ma filosofia de vida : se regalar de la vida tant que n'avèm.
Ma resolucion de l'annada es de quitar d'èsser a descobèrt, o al mens d'assanir ma situacion financièra - puta d'impòst! - amb a la clau la libertat de dubrir un compte dins una banca solidària.

Serai pas gaire presenta sul blòg fins al mes de febrièr per causa d'agenda, mas tornarai tre que poirai per d'autres Tròç de Vida, per vos parlar de quauques lecturas e puèi me cal vos contar çò que faguèri lo 27 de decembre!