dimecres, 30 d’abril del 2008

Star Wars - leiçon nº2: metre una capòta sens las mans

Serada agradiva. Agaches. Paraulas. Gèstes.
Serada cauda.Lièch. Vestits que tomban.
Ereccion. Asagatge.
Akò monta.
Daissatz tombar a l'aurelha del tip "as una capòta?".
- Ah non,(poton) mas sabes (poton), te'n fagues pas(poton), crentas pas res amb ieu(det)
- ....
A ten, sètz dins lo lièch d'un tip que capita de veire l'analisi sanguina en tocant las popas de las nenetas, òsca! Li poiriatz demandar se vòstre colesteròl a baissat.

- Puèi (poton) de tot biais (poton) , n'ai pas de capòtas ieu (det)
- Fa pas reeeeeeeeeees, n'ai dins ma saca
Siás ja partida dins lo salon furnar dins ta saca "ont èra aquela puta de capòta" que l'ausisses a pena marmossejar "mas akò me fa debandaaaaaaaaar las capòtas".

"Encore des mots toujours des mots les mêmes mots Rien que des mots" que cantava la Dalida

Tòrnas amb ta capòta amagada dins la man.
Los òmes son caparruts. E rai , las capòtas aiman melhor faire sens. Mas dins la vida i a quauques règlas de basa, e una d'ela es pas de sexe se i a pas de condon , òc un pauc coma pas de bras , pas de chocolat.

E, per faire cambiar de vejaire a un òme, cal faire diversion. E per faire diversion, vos remandi a la leiçon nº1 de Star Wars. (A ben òc, cal seguir!).
Li fasètz una piponeta.
Puèi una pipa vertadièra.
Levat que a la pausa entre la piponeta e la pipa, lo condon, vos lo metètz dins la boca, en posicion "Malabar-lèst-per-la-bodenfla", e quand començatz la pipa, li enquilhatz lo condon sul vièch e lo tipe i vei pas res. E se i vei kikòm, serà talament espantat per la tecnica, que gausarà pas res dire, e coma siás en plena pipa, debandarà pas....

Conselhs:
- mèfi a las dents, un còp de dent a un preservatiu es pas conselhat, un còp de dent al vièch es pas conselhat tampauc
- per enquilhar la capòta sus la causa quilhada son los pòts e la lenga k trabalhan, pas res mai!
- cal una bona ereccion, se lo tipe banda moligàs, pas la pena d'ensajar. Demandatz un cuni e dintratz a l'ostal.
- dire "ben veses plan que debandas pas amb una capòta" ...l'endeman sus msn. Pas abans!


.

3G Orange

Ma maire m'a crompat una clau 3G+ d'Orange. (Pensava de me faire plaser).
Es un dakòs per se conectar sus internet de'n pertot dins lo monddins las zònas cubertas per lo 3G D'orange, en France métropolitaine (cela va sans dire...), demandèri a la neneta d'Orange se marchava en Corsega, i aguèt coma un blanc...

Seguissi las indicas del papièr.
1- telefonar a Orange perque m'activen la makineta - checked
2- metre la carta sim dins la causa - checked
3- metre la clau usb dins lo trauc usb (quin erostism a cada còp) - checked
4- installar la causa - checked
5- reboot - checked
6- se conectar - colha dins la sopa

Telefoni a l'assisténcia comercialo-tecnica, primièr una colha. Tòrni telefonar: una blonda. Torni telefonar. A òc, vos o an pas explicat que quand as un tecnician colhon, te cal tornar telefonar en esperar tombar sus un que s'i coneis un pauc... ? Doncas me respond un que i compren pas res e que ditz que fa passar mon dorsièr al servici d'agents especials 3G e que me telefonaràn. OK. Me telefonaràn uèi deman dins una setmana? Sap pas.
Me'n bati lor vau telefonar al servici expert d'agents especials 3G que lor numero es marcat sus la plaqueta "orange m'escota".
Una femna me respond "bonjorn, vòstre numero de telefonet" puèi espèri 7 minutas (34 centimes la minuta). Ieu que soi totjorn aimabla e pacienta dins aquestes cases , n'aviái un pauc plen las popas de passar d'un operator a l'autre, n'aviái plen lo cuol d'esperar e n'aviái plen los ovaris que marchèsse pas. Puèi arriba mon sauvaire:
- Bonjorn
- Bonjorn Sénher, vos telefoni que ai un problèma, ma clau -3G se conecta pas, ai fach akò akò e çò autre... (d'una votz aimabla, mas pas tròp)
- Sètz Dòna Zetofre?
- Òc
- Ieu soi Joan-MiquelÀngel
- OAF OAF OAF OAF OAF OAF , akò n'es un de pseudò!
- mmmmmm non non es mon pichon nom vertadièr
- OAF OAF OAFNon? Seriós? OAF OAFOAF
- ben òc, es dur cada jorn, mas òc
- ò putaaaaaaaan, mas vòstres parents èran.... ?
- Son.... o son totjorn....

De còps que i a soi pas fina.

JoanMiquelÀngel, lo poton se me legisses que m'as sauvada (normal amb akeste nom...)
My name is Jones, Bridget Jones.


VDM o pas VDM
?


.

dilluns, 28 d’abril del 2008

Longamai

Uèi, es l'aniversari de la Marieta

LONGAMAI!

diumenge, 27 d’abril del 2008

3637: ma maire es un trobairitz


"Quand los aucèls cantan, s'ausís la prima."



.

divendres, 25 d’abril del 2008

Elegy d'Isabel Coixet

Anèri veire Elegy lo darrièr film d'Isabel Coixet.
Es una adaptacion del The Dying Animal de Philip Roth, libre qu'ai pas legit mas que deuriái legir :)

L'istòria a la lèsta: un òme, David, ven baug d'amor per Consuela, una estudianta seuna, e el que foguèt totjorn independent, libertin, lubric, ven completament dependent d'aquesta relacion... e....

Lo Trailer: (ai pas trobat lo trailer en version originala) que dona pas gaire enveja d'anar veire lo film



Francament, me regalèri





- Ben Kingsley, ieu ne vòli lo matin, a miègjorn, lo vespre la nuèch d'aqueste òme. La Coixet a lo biais per lo mostrar bel que non sai, cada plan favoriza lo Kingsley e a cada minuta me pensavi "ò macarel qu'es bon".... Quin actoràs! Es el que pòrta lo film.
- la banda originala, musica causida per la directritz, bona causida ;)


Aimèri fòrça la primièra mièja ora del film qu'es la mesa en plaça de la relacion amorosa: la seduccion, l'apròcha, los primièrs moments amoroses, l'addiccion a l'autre. Aprèp se fa longueta la causa... Puèi tòrna prene l'interés amb una polida fin... (pas joiós joiós)...

Òsca al director de fotografia!
E òsca a Ben Kingsley, o ai ja dich-? ben o tòrni dire!

Per Pasha e Quequejaire, anatz-i, s'i vei Penelope Cruz nusa.


Elegy dins l'emission Dias de Cine:


Un autre reportatge amb entrevistas de Ben Kingsley e Isabel Coixet que parla catalan (es lo primièr còp que l'ausissi parlar catalan!):



qualqu'un me pòt dire lo títol de la cançon?


.

dijous, 24 d’abril del 2008

Jornada per Collsacabra

Amb MonAmorós, trevèrem dissabte a l'entorn de Sant Martí Sacalm. Quauques fòtos, totas meunas akeste còp:


una masia (ostal de païsan, bòria) arroinada e darrièr, cinglera del Far



la ròllsblanca que passa de'n pertot
es quitament amfibi


l'ostal que i passam la dimenjada (es polit, oi?)

Vista generala de l'ostal que i passam la dimenjada
Ligams:
- Lo blòg del Lluís que fa de fòtos de las masies de Collsacabra
- Institut Cartogràfic de Catalunya pels afogats de mapas mai polidas que las de Google...
- Torism rural per la Garrotxa

dimecres, 23 d’abril del 2008

Feliç Sant Jordi a tothom!

Uèi, es la Sant Jòrdi, fèsta catalana subreimportanta, ba, ai la canha, anatz veire sus wikipedia
Sant Jordi lol.Çò que cal reténer, es un jorn tras qu'important pels catalans. Es tanben lo jorn dels amoroses: l'òme fa present d'una ròsa a la femna e la femna li fa una pipapresent d'un libre. Remarcaretz coma es plan mai tranquille per l'òme que non pas per la femna. VAi-te'n lo trobar tu lo libre que li agradarà a ton òme! Alara que la ròsa, es aisit, passa a la florista, e zo, un parelh de ròsas "t'aimi mon amor" e fai tirar marius....

Dos eveniments per aquesta Sant Jordi 2008 :
- lo cambiament de look del blòg, me diretz çò que ne pensatz
- Barça - Manchester. Los suportaires angleses seràn a Bcn per la Sant Jordi alara, lor caldrà explicar... Vos meti çai-jos una explicacion... Es la columna de la darrièra pagina de l'Avui, escricha per Albert Om. M'agrada plan son biais d'explicar la Sant Jòrdi.

Un lloc estrany

Sant Jordi explicat als seguidors del Manchester. Que sapigueu que demà arribeu a un país estrany. Que anglesos i catalans compartim patró -sant Jordi- i flor nacional -la rosa-, però poca cosa més.

Benvinguts a Catalunya, país de hooligans. De hooligans culturals. Els catalans arrasem amb tots els llibres que ens surten al pas, tal com vosaltres arraseu amb els barrils de cervesa. Els comprem de tres en tres i, amb els llibres ben agafats a sota el braç perquè ningú no ens els prengui, travessem tot Barcelona perseguint escriptors. I la travessem a peu perquè per Sant Jordi tampoc no hi ha taxis. Això és Barcelona, una ciutat sense aigua ni taxis. L'aigua ja ens l'enviaran de l'Ebre d'aquí a quatre dies. De taxis, també podríem demanar-ne un transvasament.

Els catalans perseguim escriptors i fem llargues cues per obtenir la seva signatura, per una foto amb ells, per veure'ls de prop, per tocar-los d'esquitllada, per creuar-hi quatre paraules. Perquè a Catalunya, en comptes d'adorar els futbolistes, adorem els escriptors. Per a ells són els contractes milionaris i la glòria mediàtica, hores i hores de programes especials de televisió que demà veurem dedicats a explicar la seva vida i miracles. Ronaldinho que marxi al Milan, però Carlos Ruiz Zafón -l'home que ha tornat a posar Barcelona al món, el responsable del cercle virtuós que viu aquesta ciutat- que ningú no ens el toqui.

Sant Jordi, a Catalunya, també és el Dia dels Enamorats, una mena de Sant Valentí però estalviant-nos de regalar joies. Demà se suposa que els homes hem de comprar una rosa a les dones, i elles, un llibre per als homes. Si vosaltres, els anglesos, la trobeu una tradició masclista, penseu que per a xulos i paritaris nosaltres, que tenim una ministra de Defensa catalana, dona i embarassada.

La mateixa ministra que es va quedar curta quan va parlar de la Catalunya optimista. Sapigueu que arribeu a un país eufòric. Ho podreu comprovar demà. Us semblarà que no hi ha prou carrer, que no hi ha prou ciutat per engolir tanta gent com hi passeja amb un somriure als llavis i una rosa a la mà. És la Catalunya enamorada i eufòrica. I treballadora, perquè el que ja no sé com explicar-vos és que tot això ho fem un dia laborable.

Un últim advertiment, benvolguts anglesos: demà, els catalans gosarem profanar el vostre espai sagrat. Per un dia us farem sentir estrangers a la vostra pròpia Rambla. Espero que ens ho sapigueu perdonar. L'endemà tot tornarà a la normalitat: vosaltres, nosaltres i la Rambla.

Notícia publicada al diari AVUI, pàgina 72. Dimarts, 22 d'abril del 2008

dijous, 17 d’abril del 2008

Eresia?

Question de fons:

E metre de burre sus una lèsca de pan e per dessús i metre de Ròcafòrt es eresia e merita lo fuòc?

.

dimecres, 16 d’abril del 2008

Ah si j'étais un homme....

I a de jorns coma aquò
Tot te pesa.
Tot te deprimís.
Tot t'emmerda.
De jorns que vòls demorar al lièch.
De jorns qu'as la canha de tot.
De jorns que te dises que finalament es benlèu pas un tipe per tu.
De jorns que (lo) vòls daissar tombar.

Puèi, vas dormir.

E l'endeman de matin, e coma cada matin, vas pissar.

E sul papièr igienic, veses una marca rosada que tira cap al rotge.

As l'explicacion ormonala del falorditge de la velha.

E aquí, maldises l'inconstància d'umor que i pòs pas res faire. Es ta condicion de segond sèxe que o vòl.

De còps que i a, los envegi los òmes.


.

dilluns, 14 d’abril del 2008

Lo jòc musical, lo retorn!!

LO GRAND RETORN DEL JOC MUSICAL

que pas degun demandava.... LOL


Tòrni metre lo comptador a zero.

ÒSCA a akesta puta de bearnés QUEQUEJAIRE qu'es un psicopat fan de Patric e Nadau e qu'a ganhat amb 26 punts!


Anem zo, akeste còp, un jòc musical de 16 cançons.
Lo principi es totjorn : 1 punt se trobatz l'artista E lo títol!
Sus una idèa de Q1





1-

2-

3- Massilia Sound System - Lo grand tramblament trobat per Quequejaire.... mas kina version??

4-Duo Brotto/Lopez - Luquejada trobat per Quequejaire

5-La Talvera - Far res o res far trobat per Quequejaire

6- TEST - Massey Ferguson trobat per Quequejaire

7-

8- classiiiiiiiiiiiic (pas peiraguda)

9-

10- classic venerable Sèm Montanhòls, mas pas Perlinpinpin Fòlc

11-

12- pas la conariá de KKj

13- Patriiiiiiiiiiiiiiiiiiiiiic

14-

15- Serge Gainsbourg

16- bandant.


BON ASTRE!!


La Marca:
Quequejaire: 4 punts



.

dijous, 10 d’abril del 2008

Arrestar d'agachar las informacions

A la bibliotèca

Lo chinés s'installa davant ieu.
Buti mos afars.

Pausa sa Grammaire progressive du français e la buta luènh d'el per i metre a la plaça son ordenador portable. Agacharà Yahoo China o Wikipèdia me disi. Visca lo Wifi a las bibliotècas!
Puèi sortís de sa saca:
- lo cable de red (ah ben non, son ordenador a pas lo wifi)
- lo cable per brancar l'ordenador
- la mirga sens fial + lo dakòs usb per que fa fonccionar la mirga sens fial
- lo tapís per la mirga.

Mas a de qué servís d'aver un ordenador portable s'es per se rabalar tot aquò?

Mas a pas acabat....
Sortís ara los escotaires per escotar la banda son dau film pòrno musica.

Es un chinés-cagaraula, pòrta son ostal dins sa saca... soi a rire de mas conariás... puèi l'idèa: e se li tombi dessús en li cridant "FREE TIBET"???


.

dimecres, 9 d’abril del 2008

En furgant dins la bibliotèca...


dins 4 vertats , dessenhs de Gèni JOÀS-AMSÀ, adaptacion en òc de Joan-Ives Roièr
l'annada de publicacion es pas marcada.

dimarts, 8 d’abril del 2008

Pès e mans a Massilhan

Darrièr los dets, de l'autre costat de l'estanh de Taur, Seta

Los pès del Peire de la Sauma



La Marieta, mon pè e la man del Pèire de la Sauma


e ara, agachatz lo pè de la Marieta sus las doas fòtos...
l'avètz vista la cauceta de vièlha??????


(soi espetaaaaaaaaada de rire
Marieta, TAIMI, TASTIMU,
TEKEROMUCHO,KOMOlaTRUCHAalTRUCHO)



.



dilluns, 7 d’abril del 2008

1 minut de meditació

Mon Itunes me descarga cada jorn quauques podcasts qu'escoti pas sovent.
N'i a un que manki pas de l'escotar es "la minuta de meditacion" de Catalunya Radio.
Un monge bodista, a 20h30 petantas, fa una minuta de meditacion. Ieu ai lo pòdcast, mas cada còp imagini Catalunya Radio, radio que s'arresta pas jamai de parlar, de charrar,de bracejar (òc, una ràdio braceja lol) e tot d'un còp a 20h30 las paraulas se fan mai lentas, las voses se fan mai doças, lo bodista es dins la plaça, es lo temps de la meditacion.
Veire l'aire dintrar e sortir pel nas, sentir la lutz montar, e faire profechar la planèta tota de nòstre bonur passatgièr. Una minuta. Puèi tòrna prene Catalunya Radio... "gràcies Ricard per aquest minut de meditació, el dimecres tindrem futbol"....e tornam brutalament a la vida vertadièra. La dels sòus, la dels bruches, la del lèu-lèu...

Per escotar la minuta de meditacion, aquò's aquí.

Pantà de Susqueda i Pantà de Sau

Amb MonAmorósMaiContent, anèrem passejar per las restancas de Susqueda e Sau en Catalonha. (per situar, clicar akí)

D'aquesta passa, i a un problema grèu grèu de secada en Catalonha que las reservas d'aiga son a 20%, son plan baissas coma o veiretz sus las fòtos.
L'ACA, Agéncia Catalana de l'Aiga, a mes en plaça un sit per informar sus la secada qu'es ara lo problèma nº1 de CAtalonha.

Coma totes los Catalans Barcelonins, anèrem faire un torn pels pantans.

Totas las fòtos son de MonAmorósMaiContent (ah quel bel homme...)



Lo barratge de Susqueda


Susqueda, l'aiga, una rèsta d'ostal e los cingles
Es estranh de veire las rèstas dels ostals, de veire una civilizacion sota l'aiga....

lo pont e la glèisa de Queròs
normalament lo pont se vei pas, es negat jos l'aiga,
ja en 2005 se vesiá un pauc, e ara , ben o veses ben...
agachatz, l'aiga que i passa sota:

(akesta de fòto es meuna)


;)


Païsatge desertic
(akesta de fòto es meuna)
Païsatge desertic
(akesta de fòto es meuna
mas vos en dobtaviatz)


la primièra catarineta de l'annada!
ne veguèri 4 o 5 (o benlèu èra 4 o 5 còps la meteissa?)
una catarineta , en catalan akò se ditz una marieta oaf oaf oaf.
(akesta de fòto es meuna
mas vos en dobtaviatz,
MonAmorós fa pas de fòtos trebolas el)



MonAmorósMaiContent me faguèt la visita dins sa Ròllsblanca qu'es una merda sus las rotas mas qu'es geniala pels caminòls que ma Cagona i metriá pas lo nas. MonAmorós estambordat "òooo, agacha quin caminòoooot, i anam?" e zo, Port Aventura a costat es de pipi de gata. Es genial, akò bolega, un pauc d'adrenalina, un pauc "mèèèèèèfi la peirassa" (kina copilòta k'a MonAmorós) e permet de prene los caminòts desfaches per la pluèja, lo temps que passa e los quads. Alara, akí l'avètz la Ròllsblanca:
Secada, avètz dich secada?
Agachatz la diferéncia entre lo nivèl maximum e çò que i a...


Glèisa de Sant Romà a Sau,
normalament, la glèisa es negada, se vei pas que lo campanal...





De fòtos qu'aimariam de las poder pas faire... Marcamal se passeja.


embalses.net per veire l'estat dels barratges de l'estat espanhòl. De senhalar que los barratges, es la soleta causa positiva facha per Franco.




Granmercé a MonAmorósMaiContent per aquesta dimenjada!!




paissièra: barratge sus una ribièra per reténer o desvirar una partida de l'aiga cap a un molin segon lo diccionari Tot en òc
reprovèrbi segon lo TdF : A cada paissìera fau un escampador

restanca: barratge sus una ribièra segon lo diccionari Tot en òc
reprovèrbi segon lo TdF: Faire restanca al valat: se coucher dans le ruisseau en parlant d'un ivrogne

diumenge, 6 d’abril del 2008

Aristofanada, las femnas al poder!

Tòrni del teatre La Vista que i ai vist Aristofanada la darrièra creacion de La Rampe.
E ben me soi regalada.



- Una pèça TOTA en lenga d'òc e de la bona, mossur, que lo tèxt foguèt escrich per Mossur Marcèu Esquieu d'aprèp l'òbra d'Aristophane
- 9 comedians, ò putan que fa de ben de veire tant de mond sus scèna, tant de mond a l'encòp, e totes de bramar o cantar en occitan. N'aviái mon confle de veire de pèças de teatre a pichòt mejan amb dos comedians e mièg, enfin una pèça que se dona los mejans...
- Teresa Canet jòga dedins, ò putan la Teresa Canet ne soi fan, (a pas pro de tèxtes a mon vejaire, mas mila dieus, que dança plan la borrèia!).

- una mesa en scèna de Claudi Alranc. Claude Alranq, se merita una estatua lo tip, per tota son òbra, per tot son trabalh, per tot çò que ditz, ieu soi d'acòrdi a 100% quand parla. Aqueste tip es un gèni, e pas degun li ditz. Ai l'impression que los teatroses lo coneisson pas, que parla patois, qu'es pas gaire reconegut quitament dins lo mitan intellectual occitanista, enfin, es l'impression qu'ai, e aimariái de m'enganar. Claude Alranq es genial, las darrièras pèças vistas mesas enscèna per el: Le Dit d'Alleuze, L'Armassièr, String Security e ara Aristofanada, e a cada còp, sortissi encantada, que i tròbi d'umor, de baugum e una soscadissa sul país.



Pels clapassièrs e vesins, i podètz anar tota la setmana que ven, alara profechatz-ne, val lo còp!
E per un còp qu'avèm una pèça en lenga d'òc, la cal pas daissar escapar!

Pels autres, esperi que passarà en cò vòstre ;)
Ba, se deuriá veire a Estivada e al Festenal Occitània de Tolosa.

Es tota en occitan e jostitolada en francés, seriá una bona idèa de los faire en català los jostítols! qué ne pensatz los catalans? Te, me'n vau lor dire al teatre de la Rampe!


FEMNAS AL PODER!
.

dimarts, 1 d’abril del 2008

Per molts anys!

Uèi es l'aniversari de MonAmorósMaiContent.
LONGAMAI!

:)