dimarts, 22 d’agost de 2017

10000 passes per montar al "colet" nauta val germanasca

Una passejada sul camin per montar al 'colet', colletto delle fontane. 1h30 de còsta, es un grand pas per ieu, sabi ben qu es pas gran causa per qui a la costuma de far de montanha mas èri ben fièra amont.
Ma Cagona ailà bas

diumenge, 20 d’agost de 2017

10000 passes per Torre Pellice - Val Pellis

Me sembla que se ditz La Tor en occitan mas ne soi pas segura.
Un torn dins la capitala dels Valdeses, jols conselhs del Danís totjorn. Visita del musèu dels Valdeses e musèu etnografic. Gastar d argent a la librariá per crompar dos diccionaris de l occitan d aquí. Me n pòdi mas empachar.

dissabte, 19 d’agost de 2017

10000 passes per Pineròl

Un torn rapid pel mercat de Pinerolo per escotar lo Danís. Sèm a la vila. Daissi lèu l agitacion per me passejar pel polit centre medieval. Monti sens saber çò que trobarai amont. Aquò s bravament penjarut. La vista val la susada. Vesi lo mont visol "una montanha ponchua coma la dessenhan li mainats" ditz un tipe dins una video que mòstri als escolans.

divendres, 18 d’agost de 2017

10000 passes per Salsa - Val Germanasca

Daissi Salsa los uèlhs plens de lagremas e amb la certesa de i tornar tre que possible. La freg canina me butèt a prene una cambra. Se passatz pas luènh venètz dormir o manjar a La Miando. Pierluigi e Renata son a do ra bles. Parlan occitan e an ben consciencia del país. Ai pogut parlar occitan amb un fum de mond.
Vòli pas partir.

dimecres, 16 d’agost de 2017

10000 passes per Perosa (don't cry for me) Argentina - Val Cluson

Botiga Oximòr 





La fabrica gunterman
qu a participat al non exòde del mond de la valada