dijous, 19 de juliol del 2007

Rodés: cronica blogesco-radiofonica n°2

De la proximitat umana al campatge....

Mon tibanèl Quechua2segonds es entre 4 tibanèls d'amigas. Una d'elas es La Jefa...

Ier de ser anèri al Cabaret, cap a la fin! Lo temps de dintrar al campatge, de me dochar (aviai plan dançat, doncas susat.... e embocanavi!), vira que viraràs, me colquèri a 03.30!

E aqueste matin, qualqu'un me tira lo pè. Es totjorn agradiu de se faire tirar.... mas lo pè.... pfffff.
La Jefa qu'avia dubert lo tibanèl e que me fa:
"Me podes donar las claus de la veitura?" Mmmmmmmmmmmmmmmmmm e doni las claus de ma veitura, de ma Cagona a ieu! E t'agachi l'ora sul telefonet que me servis mai de revelh que non pas coma telefonet e èran las 07.30 !! QUINA PUTA!!!
N'i a UNA de persona que se leva d'ora per Estivada e cal que siaga mon amiga.... Mas de qu'ai fach per meritar aquo??
Vos passi los detalhs del revelh, coma se trufèron totAs de ieu....


Non, vos vau contar directament lo retorn al camping aquesta tantossada per lo penequet. Abans d'anar al lièch, o sabèm totes dempuèi pichonets, cal passar pel cagador.
Vau doncas als comuns per Donas del campatge. Ieu, causissi totjorn lo comun per andicapats.....
Alara las marridas lengas, las ausissi: "segur, lo comun andicapat es mai bèl, coma es grossa, i dintra melhor" NANI MOSSUR!
I vau al comun andicapat perque es un comun normal que los per pas andicapats son turcs e ieu ai paur de tombar dins lo trauc....


E mèfi, aqui comença la rubrica escatologica.....
Los comuns del campatge son tot un poema.... o puslèu una sinfonia.
Pendent que tu sias a far ton estronc, a mandar d'SMS, n'i a una autra que fa sas causas a costat de tu.
Un troç de boès o de plastic fa de paret, quauques centimetres nos separan.... Passèsse lo pè per en dejos o la man per en dessus de la paret, la poiriai saludar aquesta companha comunarda (ako vol dire "dels comuns", poiriai dire cagadoresca?)...

E sias aqui a pensar aqui, dins un grand moment de lirisme filosofic quand l'ausisses petar, l'autra! Una ribambela de pets pichonets.
E aqui, mai dificila qu'Intervila, te cal reténer lo rire.
Perque ieu dins la vida, ai de principis:



ES PAS PERQUE LOS AUSISSES PETAR QUE TE DEVON AUSIR PETAR DE RIRE!!!!




.

dimecres, 18 de juliol del 2007

Rodés: cronica blogesco-radiofonica n°1

Arribèri ièr a Rodés....
Campatge / Tibanèl / cf l'an passat

Monti cap al pargue que lo festenal i es installat.
Charri amb un, l'autre.
Eri dabans l'estand de la ràdio,
entre dos amics.
Puèi un flash FLAAAAAAAAAAAASH (ako's lo bruch del flash...)
"E de qué me pren en foto aqueste?!?"
Un tip, a 10 metres de ieu.
Amb un aparelh de fotos.
Sabi que soi polida; mas quand meme....
Lo tip m'agacha e me soritz.
Se'n va.

QUID?



E lo tip, pendent una jornada que s'i passa pas grand causa qu'èra la primièra jornada amb un sol concert lo vespre, me lo crosèri al mens 6 cops.
E lo ser, ERA AL CAMPATGE!!!


Brave mond, aqueste ome me seguis!
Ai paur.

O seria-ti pas un fan del blog????



.

Soi a Rodés

BRAVE MOND


SOI A RODES PER ESTIVADA.

Me podètz escotar cada jorn sus Radio Lenga d'Oc
a 12.00 petantas amb Lo Galinièr e a 19.30 dins lo Forra Borra per la cronica bloguesca.


Lo programa d'Estivada aki

dilluns, 16 de juliol del 2007

Passejant per la Jungla








.

Pè-sejada amb MonAmorósMaiContent

Passejada amb MonAmorósMaiContent dins la jungla:






.

Exclusiu!

I a de causas allucinantas dins la vida.

Ben, ieu, veguèri d'ACACIAS BONZAIS.

Ça vous en bouche un coin, hein?

La pròva en imatge:



.

dilluns, 9 de juliol del 2007

Fòtos presas per la Sant Peire - Forra borra!

Vakí una tièra de fotos presas pendent la Sant Peire...


L'escala:










Las barcas de las ajustas
e dins lo fons, lo teatre de la mar








Mon pè, of course




Monstres industrials:













.

divendres, 6 de juliol del 2007

de la Sant Peire 2007

(per veire las fòtos en grand,
cal clicar dessús)


La dimenjada passada, a Seta, akò èra "le Grand Pardon de Saint Pierre" mai conegut jol nom de "la Saint Pierre". Es la festa dels pescaires. Los batèus sortisson pas. Es Sant Peire que sortís en mar... Anem, vos conti mos tres jorns passats a la SAnt Peire...

Lo divendres de ser, i a un passa carrièra dels pescaires de l'Amicale du Môle, passacarrièra musical mercés a la Peñadelsol (podètz cambiar lo nom, mas cal que faga espanhòl...) . Lo passa carrièra arriba a la glèisa dels Penitents qu'es pas luènh del cafocha que i crompi los kebabs. E akí, i a tot plen de mond: òmes, cagòlas, pescaires, setòris, pas gaire de toristas, enfants, vièlhs, tot la Get 7 setòria es akí. E a l'entorn lo mond son al balcon qu'agacha passar los cons lo passa carrièra
Alara, perqué la Gleisa dels Penitents? Perque dins la gleisa dels penitents , i a lo Sant Peire, e lo fan sortir:

Vakí tot lo mond es content. Los pescaires que pòrtan Sant Peire, lo montan cap a la glèisa de Sant Loís, al barri naut. E tot lo mond monta cap al barri naut.... Puèi dintran Sant Peire dins la gleisa. Doas videos, perque i a dos Sant Peire, un pichon e un gròs ( me demantdatz pas perqué que o sabi pas... se qualqu'un o sap....).
Entrada del pichon:

Entrade del gròs:



Puèi, la messa:

Ieu, pagana que soi, demorèri pas a la messa... Mas quand meme, cal pas desconar, ne caliá plan una, alara la faguèri a la sortida de la glèisa la fòto de pès, amb las tesas qu'èran pel sòl...
Lo dissabte de ser, ajustas nocturnas... vistas dempuèi la terassa del Bobar ont mangèrem de broquetas e de patatas fregidas...



Lo dimenge, de matin, rendepè a l'ostal de Do, per anar cap a la Criée. En camin, veses de mond que nadan dins lo Canal. Lo mond son calucs, vos o disi ieu.

Sus la Marina, passa carrièra, que ven de la gleisa Sant Lois ( me pensi...) e que va cap a la Criée ont i a los batèus.
A La Criée, de barrièras empachan de passar, sonque pòdon passar los VIPs, ieu soi amb Do, filha de pescaire, alara soi VIP, akí, biscam pas!
Do ditz que lo batèu es en dobla. Ieu sabiái pas qu'un batèu se podiá parcar en dobla fila. Alara, montam dins un batèu, lo traversam, e akí pòrta duberta sul canal, e pas en fàcia de la nòstra pòrta (seriá tròp aisit!), una autra pòrta duberta e un metre d'aiga entre los dos... La fòto:
Mas ieu soi Indiana Jones e ai pas paur, subretot que per ajudar lo mond, i aviá un òme tras que bèu, un pescaire coma m'agradan, li auriái degut tombar dins los braces... genre "ò, soi tombada!".

Alara perque montam suls batèus???
Ben lo dimenge es la sortida en mar de Sant Peire. Sus un chalutièr, lo mai vèlh, meton Sant Peire, e totes los batèus de pesca del pòrt de Seta sortisson en mar, per faire una pregària al sant dels pescaires, li escampan de flors, e pregan, pregan per lo mond mòrt en mar, pregan per crebar pas en mar, pregan per contunhar de poder viure de son trabalh de la mar.



Vakí d'unas fòtos presas dempuèi lo chalutièr:




Lo capelan, l'avesque sul batèu blau que fan la pregària a Sant Peire sul batèu blanc


Flors...
Klaxons de totes los batèus... Pas klaxons festius coma kand ganha lo Barça, non klaxons plens de tristesa, nostalgia, reculhiment benlèu...

Supersticion o religion, sai pas, mas es un moment plan important pels pescaires setòris.



Puèi tranquiletament, se tòrna al pòrt, que quand arriba mon batèu davant la CRiée, Sant Peire es ja estat desbarcat:
E tòrna partir, portat pels pescaires....


Sant Peire se'n va e ieu demòri
a l'apero sul batèu...


.

dimecres, 4 de juliol del 2007

dimarts, 3 de juliol del 2007

Sempre Vivu

Ai mancat Sempre Vivu

:-(((((




de legir çò k nos ditz lo Taban akí dessús

.

La Participacion de la Vielha

La Vielha me manda un mail e una fòto....

Mon amiga, de veire sus ton blòg totas aquelas bonas causas per manjar nos ajuda pas a faire lo regime per tornar dintrar dins un vestit de banh en 40.. e parli pas d'un bikini en 38 ni 36 (¡ni soñar!). Tè, veja aquela que te mandi! te la podiái pas mandar pel blòg, mas es polida, non? Èra per acabar lo repais de fin d'annada dels collègas, un demest tant d'autres que me disi que m'engajarián pus lèu per virar Willy the Whale que per virar Basic Instinct, mas fin finala, manjar de bonas causas, aquò's ben basic instinct, non?






.

dilluns, 2 de juliol del 2007

Ristorante italiano una notte di San Pèire



Ravioli 5 formatges, salsa pizzico (o kikòm coma akò...). tras que bon ;)
Al restaurant Il Cappuccino, carrièra Fredo Mistral a Seta... Amb una decoracion un pauc cinecittà....


.