Fòtos presas lo Dijòus 24 d'Agost pendent una passejada sus la Gardiòla, dins la garriga a l'entorn de l'abadiá Saint Felix de Monceau, sus la comuna de Gigean:
dissabte, 26 d’agost del 2006
divendres, 25 d’agost del 2006
36 37 donatz al teleton (5)
Mon grand, 87 ans, foguèt un menaire de caumas dins las minas cevenòlas... Las cambas lo vòlon pas mai téner, mas contunha de legir cada jorn la Marselhesa que lo factor ven exprès cada jorn, seguís la politica e, vos o disi, sap encara ont es lo nòrd...
En parlant de la Carta Vitala novèla amb la fòto:
- En 2007, on l'aura. D'abord, ils la feront pour le Nord, et puèi la Loire, puèi passarem los darnièrs.
(sic)
Classificacionatge:
teleton
Vida setòria (4)
Dimars, anèri al Palais des Légendes, un restaurant a Seta.... Èra plan bon, mai que mai los glaçets que son d'òbras d'art!
Son dins de copas fabricadas per un terralhièr que representan un objecte d'un conte (la banasta del Capairon Roge, eça). Ieu prenguèri "Le chaudron de Tagram", mon amiga prenguèt "le chapeau de Giminy Cricket". Las fòtos:
Lo sit del restaurant: lepalaisdeslegendes.com
Son dins de copas fabricadas per un terralhièr que representan un objecte d'un conte (la banasta del Capairon Roge, eça). Ieu prenguèri "Le chaudron de Tagram", mon amiga prenguèt "le chapeau de Giminy Cricket". Las fòtos:
Lo sit del restaurant: lepalaisdeslegendes.com
dijous, 24 d’agost del 2006
Reclama de las vièlhas (2)
Segonda reclama presa a Gigean, foto plan cadrada, o sabi...
Se n'i a que ne vòlon saber un pauc mai sus LU
Se n'i a que ne vòlon saber un pauc mai sus LU
Classificacionatge:
reclamas
dimecres, 23 d’agost del 2006
La garriga, l'estiu
La garriga, l'estiu, sovent, per malastre o per conariá, acaba coma akò:
Alara quand te passejas, veses akò:
E los pompièrs quilhats amont naut per passar lo temps, jògan a la petanca:
M'agradariá tant que passèsson l'estiu a jogar a la petanca....
Alara quand te passejas, veses akò:
E los pompièrs quilhats amont naut per passar lo temps, jògan a la petanca:
M'agradariá tant que passèsson l'estiu a jogar a la petanca....
Classificacionatge:
mon país
Pès a Rodés
Prenguèri de fòtos de pès amb lo mond que ne soi fan. Las cauçaduras negras son meunas, pels autres...
Amb Joan Pau Verdier
dimarts, 22 d’agost del 2006
La Science des Rêves
Fasiá un brave brieu que vesiái pas un film francés. Aimi pas lo cinèma francés.
Mas aquí, i aviá lo polit Gael García Bernal:
Ja admirat dins Amores Perros (son primièr film, un film mexican de veire!!! ), dins Diarios de MOtocicleta que i fasiá lo ròtle del Che e La Mala Educación d'Almodóvar... (Veguèri un quatren film amb el mas me soveni pas del títol nimai de l'argument!)
Doncas coma i aviá aqueste polit mexicanòt, i anèri... E foguèri pas decebuda! Un film tot plen de poesia e d'umor amb plen de decòrs polits e de monds fascinants
Gael García Bernal es fabulós e Chabat fa pissar de rire...Qualques replicas d'antologia:
Chabat a Bernal que ven de respondre una conariá:
- Si tu sais pas, improvise pas
Chabat:
- Je comprends pas , je sens le sperme sous le bras.
García Bernal a Ch Gainsbourg:
GB: - C'est comme quand tu te touches le pénis de la main gauche.
CG: - Mais j'ai pas de pénis
GB: - Tu as une main gauche
Me daissèri portar pel film, li repròchi doas causas:
- un pauc longuet genre film francés quand meme! 1.45 de film , qu'amb una ora n'i aviá pron :P
- una aficha laidassa que reverta pas brica los decòrs del films que son remirables tot de long. Cossí an fach per far una aficha tant afrosa? I aviá pas mai de budget? La de la VO es un pauc mens laidassa, mas bon, quand meme
Lo sit oficiel del film per poder veire lo trailer en VO (Gael García Bernal que parla anglés, mmmm): http://wip.warnerbros.com/scienceofsleep/
Classificacionatge:
cinema
dilluns, 21 d’agost del 2006
diumenge, 20 d’agost del 2006
Camping, mon primièr còp
A Rodés, per Estivada, faguèri de camping pel primièr còp, al camping municipal, Layoule, (4€ la nuèch), i tornarai l'an que ven....
divendres, 18 d’agost del 2006
Reclama de las vièlhas (1)
Ai decidit de prene en fòtos las reclamas vièlhas pintradas sus las parets... Es pas mon idèa. Es una idèa de LaChòta... Amb LaChòta, avèm totjorn l'impression que la fin del mond arribarà dins 5 minutas se fas pas akò. Doncas per empachar la fin dau mond, preni las reclamas vièlhas. S'avètz pas compres, vos en faguèssetz pas, ieu tampauc!
Primièra fòto per Yacco, presa a Gigean, vilatge de mon amiga de totjorn CelinaDion, dempuèi la veitura... Òc, lo còp que ven ensajarai de me parcar per poder prene una fòto coma cal, vos o prometi....
Alara, ieu , èri contenta, que me disiái que, en mai d'èsser una reclama de las vièlhas, es per una marca qu'existís pas mai. Shame on me, yacco-lub.com
Son-ti pas polidas aquestas colors jaunas e verdas?
I aviá un iaort tanben que s'apelava coma akò, vos en sovenètz?
Primièra fòto per Yacco, presa a Gigean, vilatge de mon amiga de totjorn CelinaDion, dempuèi la veitura... Òc, lo còp que ven ensajarai de me parcar per poder prene una fòto coma cal, vos o prometi....
Alara, ieu , èri contenta, que me disiái que, en mai d'èsser una reclama de las vièlhas, es per una marca qu'existís pas mai. Shame on me, yacco-lub.com
Son-ti pas polidas aquestas colors jaunas e verdas?
I aviá un iaort tanben que s'apelava coma akò, vos en sovenètz?
Classificacionatge:
reclamas
dijous, 17 d’agost del 2006
Vida setòria (1)
Me lèvi a 6 oras, vau sul canal e vakí.
Mon collèga pescador qu'apelarem Figura de Gòbi pòrta la fogaça, l'aiga, las canas e tot son material (precisi que lo sèti roge es seu, pas meu!), fa tot lo trabalh, e esperam trankilament en charrant....
Avèm pas res pescat. Me'n foti , la fogaça èra plan bona :P
Classificacionatge:
Seta
dimecres, 16 d’agost del 2006
Le grand mechant loup
Diluns, cinema.
Agachi lo programa...
Me decidissi d'anar veire un film enebit als mens de 16 ans, un film que fa paur. M'agrada pas d'anar veire de films que fan paur perque me cagui dessús. Ai paur, ai la petòcha, m'amagui jol sèti, t'aganti lo braç de la persona d'a costat e li destrusi. Cridi, sauti, akò, pendent lo film e aprèp lo film, vesi lo Mal de'n pertot: poltergeist o serial killers. E coma o sabi ja d'avança tot akò, i vau pas. Un film que fa paur, i vau pas. Me contenti dels trailers que me fan ja pro paur coma akò.
Mas Diluns, brieu de baujum e d'inconsciéncia, disi , tè, vau veire akeste, Wolf Creek.
O sabètz, agachi pas los trailers disponibles sus internet, nimai los imatges, legiguèri sonque un pauc la debuta del sinopsis... 3 joves van far una escorreguda sus un crater e legiguèri pas la seguida que me diguèri "bon es un dakòs d'extraterrestres, ET, lo retorn, etc, doncas pas de lagui, i vau!".
Perque lo dakòs d'extraterrestres me fan pas gaire paur ( mas un pauc quand meme ...)
Veguèri pas l'aficha, o puslèu l'agachèri pas...
Ja l'aficha, començi de balisar...
Bon, mas la veguèri pas.
Dintri, 6 personas dins la sala OK, es un film de merda....
Lo generic comença...
Tè, es un film australian. Super, aimi plan los Australians , son completament calucs! (cf Mad Max, Nick Cave, etc)
Based on true events Merda, vau flipar encara pendent 3 meses
30,000 are reported missing in Australia every year. 90% are found within a month. Some are never seen again. mmmm nota bene per mai tard: causir una autra destinacion qu'Australia per mas vacanças
Lo film comença coma un road movie , lo viatge de 3 joves (1 australian tras que bèu e 2 anglesas... que son plan polidas tanben), e lo "road movie" dura un pauc: s'i veson de païsatges australians (mas ont son los kangorons?) e ieu me disiái de longa que i anava aver una cagada de las gròssas. Perque mostrar 3 joves polits, uroses, intelligents, equilibrats, patin cofin e qu'al cap de 5 minutas los aimam ja, akò vòl dire que lor va arribar de malurs grèus grèus grèus.
Vos passi los detalhs de l'istòria. Lo malur grèu es que tòmban sus un serial killer killaire de toristas... Lo tip tortura las femnas pendent de meses e crucifica los òmes qu'acaban manjats per de pitbulls acarnassits. Se veson pas gaire de detalhs nimai de sang, tot es dins la tension psicologica. Me cagavi dessús, aviái lo baticòr. E de longa me disiái , "bon vau sortir" e finalament sortiguèri pas qu'ai de principis ieu mossur, sortissi pas al mièg d'un film, emai me faguèsse cagar... (dessús). Puèi me consolavi, me disiái que "happy end".
Mèfi, Spoiler, levat que i aguèt pas de Happy End, las 2 nenetas creban, lo polit australian se sauva mas pensan qu'es el a tuadas las filhas, e lo serial killer contunha de serialkillar...
Sortiguèri d'akò completament traumatisada. Lo paranormal me fa paur mas me traumatisa pas. Mas quand es un film que parla de l'orror de l'èsser uman, ben me cagui dessús.
Pasmens, ne sortiguèri contenta, perque trobèri qu'èra un bon film! Lo debanament de l'istòria es plan menat, los imatges dels païsatges plan polits, lo biais de filmar m'agrada (dins lo genre de The Blairwitch project). Vau un pauc anar veire quauques films d'orror qu'ai dins ma colleccion...
De veire s'aimatz lo genre.
Nhònhòtas, demoratz a l'ostau :)
Lo sit oficial: wolfcreekthemovie.com
Lo detalh del film donat per Wikipèdia
Lo trailer (se vos cagatz dessús, vos caldrà pas venir plorar... )
Agachi lo programa...
Me decidissi d'anar veire un film enebit als mens de 16 ans, un film que fa paur. M'agrada pas d'anar veire de films que fan paur perque me cagui dessús. Ai paur, ai la petòcha, m'amagui jol sèti, t'aganti lo braç de la persona d'a costat e li destrusi. Cridi, sauti, akò, pendent lo film e aprèp lo film, vesi lo Mal de'n pertot: poltergeist o serial killers. E coma o sabi ja d'avança tot akò, i vau pas. Un film que fa paur, i vau pas. Me contenti dels trailers que me fan ja pro paur coma akò.
Mas Diluns, brieu de baujum e d'inconsciéncia, disi , tè, vau veire akeste, Wolf Creek.
O sabètz, agachi pas los trailers disponibles sus internet, nimai los imatges, legiguèri sonque un pauc la debuta del sinopsis... 3 joves van far una escorreguda sus un crater e legiguèri pas la seguida que me diguèri "bon es un dakòs d'extraterrestres, ET, lo retorn, etc, doncas pas de lagui, i vau!".
Perque lo dakòs d'extraterrestres me fan pas gaire paur ( mas un pauc quand meme ...)
Veguèri pas l'aficha, o puslèu l'agachèri pas...
Ja l'aficha, començi de balisar...
Bon, mas la veguèri pas.
Dintri, 6 personas dins la sala OK, es un film de merda....
Lo generic comença...
Tè, es un film australian. Super, aimi plan los Australians , son completament calucs! (cf Mad Max, Nick Cave, etc)
Based on true events Merda, vau flipar encara pendent 3 meses
30,000 are reported missing in Australia every year. 90% are found within a month. Some are never seen again. mmmm nota bene per mai tard: causir una autra destinacion qu'Australia per mas vacanças
Lo film comença coma un road movie , lo viatge de 3 joves (1 australian tras que bèu e 2 anglesas... que son plan polidas tanben), e lo "road movie" dura un pauc: s'i veson de païsatges australians (mas ont son los kangorons?) e ieu me disiái de longa que i anava aver una cagada de las gròssas. Perque mostrar 3 joves polits, uroses, intelligents, equilibrats, patin cofin e qu'al cap de 5 minutas los aimam ja, akò vòl dire que lor va arribar de malurs grèus grèus grèus.
Vos passi los detalhs de l'istòria. Lo malur grèu es que tòmban sus un serial killer killaire de toristas... Lo tip tortura las femnas pendent de meses e crucifica los òmes qu'acaban manjats per de pitbulls acarnassits. Se veson pas gaire de detalhs nimai de sang, tot es dins la tension psicologica. Me cagavi dessús, aviái lo baticòr. E de longa me disiái , "bon vau sortir" e finalament sortiguèri pas qu'ai de principis ieu mossur, sortissi pas al mièg d'un film, emai me faguèsse cagar... (dessús). Puèi me consolavi, me disiái que "happy end".
Mèfi, Spoiler, levat que i aguèt pas de Happy End, las 2 nenetas creban, lo polit australian se sauva mas pensan qu'es el a tuadas las filhas, e lo serial killer contunha de serialkillar...
Sortiguèri d'akò completament traumatisada. Lo paranormal me fa paur mas me traumatisa pas. Mas quand es un film que parla de l'orror de l'èsser uman, ben me cagui dessús.
Pasmens, ne sortiguèri contenta, perque trobèri qu'èra un bon film! Lo debanament de l'istòria es plan menat, los imatges dels païsatges plan polits, lo biais de filmar m'agrada (dins lo genre de The Blairwitch project). Vau un pauc anar veire quauques films d'orror qu'ai dins ma colleccion...
De veire s'aimatz lo genre.
Nhònhòtas, demoratz a l'ostau :)
Lo sit oficial: wolfcreekthemovie.com
Lo detalh del film donat per Wikipèdia
Lo trailer (se vos cagatz dessús, vos caldrà pas venir plorar... )
Classificacionatge:
cinema
dissabte, 12 d’agost del 2006
divendres, 11 d’agost del 2006
Es mai mòrt
Aquesta nuòch, ai somiat de mon paire. Tornava a l'ostal amb d'amics. Èra pas mòrt. Èra sonque partit, nos aviá sonque abandonats per far sa vida amb una Chinesa en Provença e aviá agut un pichon. Èra dins la cort de l'ostal a beure un pastagàs amb los collègas.
Ieu sabiái qu'èra akí, amb de sentiments plan partejats: urosa que siaguèsse pas mòrt e plena de rancur per totas aquestas annadas sens el. Me sarravi, amagada darrièr las parets o los arbres per lo poder veire. El sabiá qu'èri esconduda e me cercava. Me trobava pas, que lo fugissiái. Tornèri montar a l'ostal, incapabla de li sautar dins los braces. El partiguèt. Telefonèri sus son portable per li dire de tornar, de partir pas tornarmai, mas èra la messatjariá.
Partit tornarmai, mai mòrt...
Sentiment amarg quand me remembri aqueste sòmi, al mens soi contenta de l'aver vist e ausit... emai siaguèsse sonque un sòmi...
Sens parlar de la curiositat, perque aqueste sòmi? Dempuòi qualques annadas, sòmii de mon paire regularament, genre un còp cada dos meses. E totjorn la meteissa impression: bonur, tristum, incompreneson, lagremas que venon banhar mon somriure.
Òu, lo Vièlh, se siás en Provença amb una Chinesa, pòdes tornar, ai tot plen de causas de te contar.
Ieu sabiái qu'èra akí, amb de sentiments plan partejats: urosa que siaguèsse pas mòrt e plena de rancur per totas aquestas annadas sens el. Me sarravi, amagada darrièr las parets o los arbres per lo poder veire. El sabiá qu'èri esconduda e me cercava. Me trobava pas, que lo fugissiái. Tornèri montar a l'ostal, incapabla de li sautar dins los braces. El partiguèt. Telefonèri sus son portable per li dire de tornar, de partir pas tornarmai, mas èra la messatjariá.
Partit tornarmai, mai mòrt...
Sentiment amarg quand me remembri aqueste sòmi, al mens soi contenta de l'aver vist e ausit... emai siaguèsse sonque un sòmi...
Sens parlar de la curiositat, perque aqueste sòmi? Dempuòi qualques annadas, sòmii de mon paire regularament, genre un còp cada dos meses. E totjorn la meteissa impression: bonur, tristum, incompreneson, lagremas que venon banhar mon somriure.
Òu, lo Vièlh, se siás en Provença amb una Chinesa, pòdes tornar, ai tot plen de causas de te contar.
Classificacionatge:
mon paire
dijous, 10 d’agost del 2006
Subscriure's a:
Missatges (Atom)