dissabte, 30 de juny del 2007

Persepolis

Divendres anèri veire Persepolis


Dirai pas qu'una causa: ANATZ-I




Ligams:
- lo sit MySpace de Persepolis
- un sit non oficial




La videoneta que va ben:



(o cal pas dire, mas soi fan de la cançon de Rocky....)


E per los que vòlon crompar la BD (tras que bona!!!)






Lo TamTam ne parla, akò se passa akí



.

Restaurant Libanés - Montpelhièr

Amb MonAmorósMaiContent, La Jefa e Notrami, anèrem a un restaurant libanés a Montpelhièr, lo restaurant Al Manara, 4, carrièra clos René (pròche de la gara). Ieu çò qu'aimi es de tastar un pauc tot e de partatjar amb la taula tota e an una formula "plats per 2 ,3 o 4 personas" que i a un vintenat de plats. Tarrible.







Vos daissi badar.... e devinhar!



.

divendres, 29 de juny del 2007

Irina Palm


Irina Palm, a l'ora qu'anèri al cine, demorava pas qu'aquò de veire.
Akò me geinava pas, que Marianne FAithfull es quauqu'un per ieu, un nom, un morre, una votz, dins la meteissa casa que Janis Joplin o Patti Smith.



DE PAS LEGIR SE VOLÈTZ VEIRE LO FILM.

Es l'istòria d'una dòna que son felen es a morir e per pagar un tractament lor cal de sòus. E segur, vist son atge, vista sa non formacion, tròba pas de trabalh. Òc, es un pauc coma dins totes los films angleses, "la societat a de problèmas", crisi, caumatge, misèria, eça, levat qu'aquí es plan. Doncas, la nòstra paura Maggie passa davant una veirina que i es marcat "Cercam d'ostessas, bona paga". Alara, ela dintra. Lo patron, un iogoslav, li explica çò que vòl dire "ostessa"... Scèna d'antologia...

- Ostessa, akò's un eufemism. Sabètz de qu'es aquò un eufemism?

- Non

- Ieu tampauc sabiái pas, puèi mon avocat m'o expliquèt. Un eufemism, es quand dises un mot per un autre mot. Per exemple, akí, lo mot "ostessa" vòl dire "puta".

(...)

Puèi la question que tua: sabètz segar un òme?





De moments d'umor tarribles:
- quand la jovenòta que fa ja lo trabalh li explica cossí faire amb un aire completament indiferent
- quand arriba dins son cafocha amb sa blòda de l'ostal, lo cafè, las pantoflas
- quand legís las revistas people quand sega
- las lengas de pelha del vilatge que son filmadas d'un biais....
- quand a lo coide que li fa mal, e que li dison qu'a un "penis elbow" ( ne risi encara... de tornar plaçar dins lo fuòc de l'accion oaf oaf oaf)



Es un film qu'aviá totes los ingredients per èsser una merdassa digna de Voici, podiá tombar dins lo melodrama voyeur e ben non, es un plaser d'umor e sensibilitat.




dijous, 28 de juny del 2007

Participacion de l' André :)

Coma aqueste blòg es interactiu, l'André me manda akò....




Es quicòm qu'anariá plan dins ton blòg mas pensi que la coneisses…
Vaquí una istòria per ton blòg ; una amiga me l’a enviada e l’ai revirada en occitan ; solide que deu i aver pecas mas las corregiràs… Me sembla qu’en occitan en autan bona coma en francés



ANIVERSARI

Èra mon aniversari. Veniái d’aver 40 ans.
Aquel matin, un còp levada, rejonhèri mon òme qu’èra en tren de dejunar. Pensavi que me diriá : « Happy birthday, my darling », mas diguèt pas res…
Me pensèri in petto : « Es aqueste arlèri que t’ameritas ? »
Contunhèri pr’aquò de pantaissar… « Los dròlles, eles, se’n sovendràn »
Quand se son levats, diguèron pas res tanpauc…

Macada, me n’anèri al trabalh mas quand arribèri al burèu, mon estagiari me lancèt :« Happy Birthday, Madam ! »

Fin finala, qiualqu’un se n’èra sovengut.
Trabalhèri fins a miègjorn, ora quand l’estagiari dintrèt dins mon burèu e me diguèt : « Sabètz, Madama, fa bèl temps e es vòstre aniversari. Poiriam anar manjar amassa. Ieu e vos sonque. Que ne pensatz ? »
Trobèri qu’èra una idèa bona e partiguèrem.

Prenguèrem de bon temps. En se’n tornant, me suggeriguèt : « Madama, es una jornada tan polida que nos deuriam passar de tornar al trabalh. Podèm anar a mon apartament e prene un petit quicòm per nos rafresquir.
Anèrem donc en çò sieu e mentre que chimavi un Martini, me diguèt : « S’aquò vos desrengue pas, vau anar dins ma cambra metre una tenguda mai decontractada.
Respondeguèri : « No problem… botaz-vos a vòstre aise ! »
Cinc minutas passèron e tornèt de sa cambra amb una còca enòrma… e, darrièr el, mon òme, mos dròlles, amigas e collègas.
Tot aquel monde cantava : « Happy birthday ».
E ieu… èri plantada aquí… sens sosten, sens culòta, setuda sul canapè del salon !

Es per aquò qu’ai totjorn dich : « Los estagiaris son bota-mèrda !




.

Lo pont del Diable

Menèri MonAmorósMaiContent a Sant Guilhèm dau Desert...
Pausa fotografica al Pont dau Diable:

MeMania

La Trappola me fa passar una cadena.

zo!

1. Recomana'm un bloc en català.
- ben lo de la Trappola plan segur, mas mèfi es un blòg intelligent
Ai pas gaire de temps per me passejar sus la catosfera... que m'interessa pasmens, que m'interessa. Ai, quin malastre...

1 bis. Recomana'm un bloc en occità:

- Lo Joan Peiroton perque es completament caluc çò k met sus son blòg e ieu aimi plan lo mond un pauc caluc.

- Lou TamTam perque es mon amic e que l'aimi e que fa de fotos polidas... Fa un brieu que nos metes pas de fotos fanton. (en occitan e en francés)

2. Recomana'm un bloc en un altre idioma
Boulet
Soph'
perque aimi los dessenhs, aimi la BD e perque me fan petar de rire.


3. Recomana'm un apunt (post) d'especial interès.
Sai pas...
Benlèu aqueste... Ben, soi narcissica, e alara?

4. Recomana'm un web.
La Boite à images , vos disi pas res, vos daissi anar faire un torn.

5. Recomana'm una eina d'Internet.
Radio Blog CLub per escotar las cançons que volèm
Google Lengas per revirar, es un traductor automatic, mas es plan practic de còps :)


6. Recomana'm un vídeo.
pfff sai pas.... N'agachi tantas...

7. Recomana'm un Audio.
Je Vous Salue Marie de Georges Brassens




Mandi lo dakòs a:
- TamTam, qu'aima las cadenas. Dechaine toi mon gars ;)
(aimi plan aquelas expressions a la con)

- Lo Grelh del Coderc



e n'aprofiechi per grandmercejar la Trappola per la cadena e per çò que ditz de mon blòg :) Moltes gràcccccciessssss


IMPORTANT (Nota d'en Marcús): Per tal de centralitzar TOTES les recomanacions, crec que pot ser útil que envieu un mail a markusrv@icab.cat amb l'enllaç de les respostes, i les aniré penjant en aquest apunt. Per no perdre el fil.

lo dire e lo faire o Descartes, MonAmorós e ieu

MonAmorósMaiContent es un paucparla.
Tant melhor me diretz que parli per 4 ieu. Mas quand meme. Ieu, akò me geina que parlèsse pas. Subretot que pensa lo tip, siaguèsse un colhon, rai, mas n'es pas un, mila dieus!
Pomponeta ditz qu'es "interior" ... Akò rai qu'es un òme qu'aima d'èsser al dintre de ( *****CENSURAT******)
"interior", te'n fotriái ieu d'interioritat...

Alara coma es de longa a pensar, li demandi de me contar un pauc. Perque bon, de tant parlar, acabi qu'ai pas mai res de dire ieu!
E non lo tipe ditz pas res.
Alara coma quand m'expliqui, o fau en castelhan, akò donèt kikòm coma....
- Yo cuando pienso pues voy y lo digo.0 Unos piensan luego son, pues yo pienso, luego lo digo.
K si kieres te lo digo en latín:
Cogito ergo sum
Cogito ergo dico.


Akò lo faguèt pas rire.


Soi una incompresa.



.

Boucherie Charcuterie e plantas dins la veirina






.

dimarts, 26 de juny del 2007

La Vita è bella

Dissabte, decidissi d'anar veire la Talvera a Sant Ipolit dau fòrt.
Sant Ipolit dau Fòrt, i sabi anar, cal passar per Ganges, puèi virar quand i a lo panèu Sant Ipo.
Mas coma soi una paura pichòta que patís d'una manca de fisança completa, demandi a la Jefa cossí se fa per anar a SAnt Ipo. Auriái pogut demandar a Mappy o ViaMichelin, rai, mas non, ieu, demandèri a la Jefa perque cal plan que las amigas serviguèsson de quora en quora. La Jefa t'agacha la mapa, e m'explica. Alara, cal saber una causa: ieu s'escrivi pas çò que m'explican, e coma s'aguèsse pas res escotat. Ai una memòria visuala, es aital. (enfin, se n'ai una de memòria, qu'avetz lo drech de ne dobtar...).
Doncas compreni pas res a çò que me compta, levat que me cal passar per Sant Matieu de Trevièrs. Cap problema, i sabi anar. Puèi me pensi "Sant Ipo" serà plan indicat!
Te cresi!
A Sant Matieu, i aviá pas ges d'indicas...

E mercés a las indicas telefonico-GPS de la Jefa, m'anèri perdre dins una montanha, que sabiái quitament pas que n'i aviá una de montanha a aqueste endrech!


Levat qu'èri pas sola dins la CAgona...
I aviá MonAmorósMaiContent!
K lo paure d'el se mangèt mai de veitura aqueste ser que çò k ne faguèt per venir de Catalonha.

Li expliki que se cal pas faire de lagui, que me perdi totjorn.
El, en bon mascle qu'es, demanda s'ai pas una mapa dins la veitura.
Of course not!!
De tot biais, eriam sus un caminòl enquitranat que i devon passar las cabras, los randonejaires ... e ma Cagona e que deu pas èsser marcat sus las mapas... Urosament, crosèrem pas de veituras, que la rota èra estrechona.

MonAmorósMaiContent es un òme intelligent que pausa de questions intelligentas:
- Mas, se n'as pas de mapas, cossí fas quand te perdes?
- Ben, demandi al mond pardi!
- Rai, mas aquí, ara per exemple, a qual demandas? ( amb lo ton que voliá dire: colhona, vesèm pas degun dempuèi 20 minutas!)

E akí, dins la corba , te vesi un parelh, un òme e una femna, que passejavan. Oaf oaf oaf

- Ben , a aqueles d'aquí per exemple!!!!!


MonAmorósMaiContent ne demorèt bocabadat.

Deu pensar ara qu'ai de poders estranhs o que Dieu m'obesís... E dempuèi akò, gausa pas mai me contrariar. òm sap pas jamai....



De còps que i a, m'aimi....




niark niark niark.




.



dijous, 21 de juny del 2007

pels òmes....

Mascles, aki una videoneta que vos farà plaser ;)))






.

dimarts, 19 de juny del 2007

Oaf oaf oaf

L'escacalàs del jorn es aqueste jòc con-con-con que me fa petar de rire!

(clicatz per jogar)


Mos punts: 108.

Kant fasètz vosautres?



.

Solelh






.

dilluns, 18 de juny del 2007

Mal al cuol....

Lo blòg de Frantico Nico Shark dubert l'endeman de las presidencialas, es pas mai accessible... i legissèm error/gouv/rg/halt.htm


Arrêt sur Images
la soleta emission televisuala que criticava la television e son biais de faire desapareis.


Bienvenue à tous...




.

Retorn de cap de setmana

Vakí soi tornada de ma dimenjada amorosa!
Aviatz paur que tornèsse pas , e?!?!

Ben, soi tornada! E soi tornada tras que contenta ;)

La bona novèla dins l'istòria es qu'ai trobat un amorós que ne soi amorosa grèu (mas chhhhhhhuuutttttt li cal pas dire, el o sap pas).


Li cal trobar un escais a aqueste òme!
Alara, l'amorós novel serà MonAmorósMaiContent, poiriái apondre Quem'AimaeQuel'Aimi, mas francament, seriá tròp long, cal pas desconar.

Alara, amb MonAmorósMaiContent, ai passat una dimenjada meravilhosa...
Ja, trobar quauqu'un que me supòrta 3 jorns a de reng, es meravilhós (me li cal donar una medalla a aqueste òme)



MonAmorósMaiContent me faguèt montar al setèn cèl, agachatz un pauc la polida vista qu'avèm amont del setèn cèl ;)




E lo ser, per asard e per astre, veguèrem un concert de la Companyia Electrica Dharma...
La Dharma, pels 4 gavaches del lectorat, es un grop emblematic catalan, es un pauc coma Pink Floyd qué.
Totes dos aimam fòrça la Dharma, e ne cresiam pas nòstres uèlhs ni nòstras aurelhas de los aver aquí davant.
N'èri de contenta!!!!!


Una videoneta:
(aqueste tròòòòòòòòòòòççççç)

dijous, 14 de juny del 2007

Tancat.








"Fermé jusqu'à la fin des jours

Pour cause d'amour "

Georges Brassens, Embrasse les Tous









De fach,
es sonque per 3 jorns...



.

dimecres, 13 de juny del 2007

Identificacion del jorn

Soph' a fach un strip (pas tease) d'un quicòm que m'arribèt...
Mòrta de rire
es akí:

Soph' e lo tibanèl


Aquela d'akí me farà crebar de rire :)



.

Pomponeta e sa banasta


JÒC-Concors: de qué i a dins la banasta de la Pomponeta????



.

dimarts, 12 de juny del 2007

Blogariá: cadena bloguesca (1)

Lo Grelh del Coderc me fa passar una cadena...
Anem zo, i vau...

4 libres de ma joinessa:

Legissiái fòrça quand èri pichòta. Mas qué? Me'n soveni pas gaire finalament. Sabi que legissiái. De longa... Embarrada dins ma cambra, sus mon lièch. Finala, lo biais a pas gaire cambiat.

- Oui-Oui, l'integrala, amb son collèga Potiron, son taxi jaune e son gos que me soveni pas de son nom.
- Tout l'Univers, l'enciclopèdia, que legissiái lo ser dins mon lièch. Aimavi de legir las fichas suls païses. E ara, soi nullassa en geografia...
- Asterix, l'integrala.
- De contes, libres de contes per enfants qu'aimavi de legir e tornar legir.
De fach, aviái pas gaire de libres, alara tornavi legir los qu'aviái.

4 escrivans que legirai encara e encara

- Florian Vernet ( l'òbra tota)

- Juan José Millás (l'òbra tota)

- Albert Camus (La Chute)

- Fredo Mistral (l'òbra tota)

4 escrivans que legirai pas mai:

Es pas mon biais de prene de decisions tant radicalas... Perqué un libre que te tomba de las mans a una epòca ,akò's, per ieu, pas definitiu.

4 libres que prendriái sus una iscla deserta:

- la guia telefonica per telefonar al mond per que me venguèsson quèrre! ( la responsa de blonda ;) )

- la Bíblia, o lo Coran, o lo Libre dels Mòrts Tibetans, o los 3

- Max Roqueta l'integrala, per me sovenir del país.

- Lo Tresor dou Felibrige

- Le Petit Robert dels noms comuns e dels noms pròpres.

Akò fa de qué s'ocupar :P

De tot biais, compti pas partir sus una iscla deserta...


4 livres del molon que m'espèra....

- Que Dalle! de Florian vernet, tre qu'aurai acabat j@rdindelasdelicias.com.

- Histoire Universelle de Marseille, d'Alèssi dell'Umbria

- un de James Ellroy que me soveni pas lo títol

- El comte Arnau de Josep M de Sagarra



Ne meti pas que quatre.... que lo molon de libres qu'espèran que los legiguèsse pesa mai que ieu....



Passi la cadena a:

- TAM qu'es un grand legeire e qu'a bon gost...

- K puèi que parla sovent de sas lecturas

- DigaJanós que nos dirà, ne soi segura, de causas intelligentas que coneissèm pas.

- Lo Peiroton quand tornarà de Finlàndia ;)


Vakí!


.

dilluns, 11 de juny del 2007

Si j'étais la mouette du lampadaire...

La puta , aqueste matin, te fotiá un oai....











Lo títol fa referéncia a la cançon Lo Gavian, tirada del 1er album de Moussu T.
S'avètz d'astre, la podètz escotar la cançon ara akí:

Moussu T, Lo gavian

o benlèu akí.




.

Trailer

Passèri la tantossada del Dimenge a la fèsta de la Poncha...
Encara quauques fòtos de faire e vos ne parlarai....
Per l'espèra, una fòto de pè, que fasiá un brieu que n'i aviá pas ;)


Bleue comme une orange....

Mapa panada al Monde.


Ben ieu, akò me fa mal al cuol.



.

diumenge, 10 de juny del 2007

Sex Bomb, sex bomb, i'm a sex bomb

Ier
un òme me ten la pòrta... Dialòg:

- merci
- oh de rien, ça fait toujours plaisir de tenir la porte à une jolie jeune femme
(la polida en question, akò's ieu!!)
Alara, coma ai pas la costuma, risi, e respondi
- Ah ben merci!
Mas lo tip aviá pas acabat... Pensatz plan!
- Oh, mais c'est que de nos jours, la galanterie se perd (ieu disi pas res). Y a que les vieux cons comme moi pour être encore un peu galant.
Alara, ieu cerquèri una paraula genta de li dire...
- Oh, con, peut être, mais vieux... vous exagérez! (akò's un compliment made in Melania)
- Mais je n'ai plus 20 ans vous savez.
- Mais moi non plus!
- Ah ben on dirait pas, çò diguèt en m'agachant de cap a cima de popa drecha a popa esquèrra





.

divendres, 8 de juny del 2007

Cerca Google del Jorn...

Uèi quauqu'un piquèt dins google "Mistral le nègre des Felibres" e arribèt sus mon blòg!

Mistral , negre?
E perqué pas una femna tant que i sètz?


deuriái far un pòst titolat "mistral, un gay entre los Felibres", akò me fariá venir tot plen de mond...




Aaaaaaaaaaa, mon paure Fredo, çò que nos cal endurar...

dimecres, 6 de juny del 2007

Uèi, una BD de Cha, quicòm que m'i reconeissi del tot
oaf oaf oaf
es akí:

La Talvera a Gaillac

Akesta dimenjada, anèri a Galhac, dins Tarn, per anar a un concert de la Talvera.
Ieu, o sabètz, la Talvera ne soi FAN FAN FAN.
E akò me geina pas brica de los veire e de dançar cada dimenjada. Perque, ieu, quand aimi, compti pas.

Alara, èra the balèti serada de Galhac e de l'Albigés. Sas, akò dançava! e puslèu plan! Mas akò risiá pas gaire, te fasián lo morre akeste mond. Cadun dança amb SA femna e pas la del vesin. Cadun dança amb SON òme e pas lo del vesin. Boooo, èra pas gaire convivial. Es lo primièr còp qu'ai aquesta impression dins un balèti.
Akò sentissiá lo talhièr de danças, sas que se t'enganas o que deliras un pauc lo mond te mòstran las dents.
Bon vos passi los detalhs. Mas dançar es per se regalar, pas per veire se foguères un bon escolan del talhièr!

Akí una video amb doas borrèias
Una video qu'es encara mercés a l'Anpoluta que l'avèm. Alara, avètz lo drech de dire qu'es mal filmat que soi ieu que filmèri (d'aquí los zoms suls pès oaf oaf oaf).
Bon, me cal pas dire de conariás sus l'Anpoluta perque me diguèt que legissiá lo blòg, mas daissa pas jamai de comentaris la puta!




.

dimarts, 5 de juny del 2007

OAI STAR

Kand los franchimands e una bobobritanica fan akò, Oai Star fan akò:
soi faaaaaaaaaaan d'akesta version :)






Pel plaser:




Ligams:
- lo sit internet: oaistar.fr

Cranc

Per los 4 que coneisson pas encara!

Akò me fa rire

oaf oaf oaf



Akò's una comuna que sap comunicar!


Fòtos presas a Puèchserguièr, perqué Puèchserguièr es un país de golamàs!



.

Seta, Seta, akí Seta (10)





.

Replica del jorn

De còps que i a, disi de causas que , sortidas del context, vòlon pas res dire....

"se tu siás un caval, alara, te cal una elefanta"


jòc-concors: de qué parlavi?




.

Blogariá: Ich bin ein Londonian

En passant per TarVal, una conariá de mai...

You Belong in London

A little old fashioned, and a little modern.
A little traditional, and a little bit punk rock.
A unique soul like you needs a city that offers everything.
No wonder you and London will get along so well.

Akò fa avançar lo schmilblik, trobatz pas?

Vos poiriái contar cossí conflèri mos parents quand aviái 13 ans per que me mandèsson en sejorn linguistic en Anglaterra... E m'i mandèron pas jamai!. Li ai pas encara perdonat a ma maire!


.

Restaurant Fonzes Sant Guilhèm dau Desert


Tras que bon,
Terrassa que dona sus Erau (lo flume!).


Jòc-concors: de qué i a dins ma sièta?



.

dilluns, 4 de juny del 2007

diluns de matin

"...y sólo en aquel instante me di cuenta de que aquello ya era irreversible, de que a partir de ese momento ya sólo me quedaría recordar cómo era el tono de su voz, de qué manera sus gestos, sus palabras o sus silencios se grababan en las retinas de la interpretación ajena y dejaban algo escrito en la involuntaria memoria de los otros, memoria al que tendríamos que recurrir desde entonces para revivir a quien no estaba."
tirat de Un milagrio en equilibrio de Lucía Etxebarria


En legir aqueste passatge, me remembrèri coma, pauc de temps aprèp la mòrt de mon paire, aviái doblidada sa votz. Akò me trebolèt fòrça, cossí se pòt doblidar la votz de son paire?
Puèi, finalament, me trachèri qu'aviái tot doblidat: sa votz, mas tanben sa nolor e son rire.
Capitèri de tornar trobar lo son de sa votz, de tornar trobar sa nolor... e ara soi a far trabalhar la mementa per tornar ausir son rire.
Per los gestes e los mots, "lo dire e lo faire", akò l'ai pas doblidat. Si, de còps que i a, d'expressions que disiá, e qu'aviái doblidadas. De còps las crosi dins un libre o mon fraire las sortís. E a un gost de magdalena.



Me fa pensar que me cal pensar d'anar veire sos parents del vièlh.


.

dissabte, 2 de juny del 2007

Lewis Trondheim a la Comedia dau LIbre

:
A Montpelhièr, per 3 jorns, i a la Comedia dau Libre.
La Comedia dau libre, l'infèrn. Ieu i vau pas jamai, sequenon i daissi la mesada...
Ièr, la bela-valenta-pas-mai-jovenòta me faguèt un flanbi per que i anèsse, donc i anèri.

E, a l'espasci Benda Dessenhada, i aviá Lewis TRondheim, qu'aimi fòrça çò que fa.
Crompèri son darrièr libre:

E me faguèt una dedicaça:



Se quauqu'un capita de legir çò qu'es escrich mercés d'o dire. :-D




Ligams:
- lo blòg de Trondheim
- la Comedia dau Libre


.

divendres, 1 de juny del 2007

Desèrt





Jòc-concors: ont es akò?

MSN, KKJ e ieu

Crompèri a IKEA un burèu e una caissa sus ròdas amb de tiradors... Sus MSN aviái marcat "cherche homme musclé, drôle et intelligent pour monter mes meubles IKEA".


Pasmens, aviái pas marcat "barjacaire"....




.