dimarts, 30 de setembre del 2008

Cronica setòria

Quand l'ajustaire gròs se manja 45 muscles farcits pagats per la Comuna, quand monta sus la tintèina e que, coma akò bolega, raca tot dins lo canal e que los gavians arriban en fòrça per reciclar los 45 muscles farcits, e ben, los setòris, qu'inventèron la parabòla abans lo Cristo, a l'ajustaire gròs, li dison "lo chalut".

dilluns, 29 de setembre del 2008

Lo Clip de Mauresca

LO CLIP DE MAUREEEEEEESCA





Putan, es lo primièr còp que vesi Chab inmobil LOL
De k ne pensatz? Son sexis en costard :)
Mas m'esperavi pas a akò.
Sabètz kal es lo realisator?

Viatge

Ma maire garda la gosseta de son amiga qu'es partida en viatge en Tunisia per doas setmanas.
Lo 19en jorn, ma maire comença de se far de lagui d'aver pas de nòvas.

- Tant ben tornarà dins la sota!
- ???
- Perque n'i a un al vilatge, e ben partiguèt en viatge a la Reunion, e ben es dins la sota que tornèt al vilatge!


.

dijous, 25 de setembre del 2008

La Mar grana e dangierosa

Un legeire dau blòg que per gardar son anonimat li direm Albatòr aguèt un accident qu'auriá pogut èsser grèu.
Cabussèt dins las ondas de la Mar Grana a Biarritz. Anèt potonejar las ròcas, 20 punts de sutura sus la cara. Tot aquò en "zòna de banh", sens un panèu que diguèsse "atencion ton morre, pìchòt, i a tot plen de ròcas empr'aquí". Es pas lo primièr. De qu'espèra la comuna de Biarritz per que siague lo darrièr?!?! Espèran que n'i aja un que se cope unas vertebras?

Albatòr, un brave poton e quitament amb las cicatrises de'n pertot sus la cara siás beròi e t'aimi!

Pels autres, s'anatz faire de surf o de plofs a la Mar Grana, mèfi a las ròcas!


.

dilluns, 22 de setembre del 2008

dissabte, 20 de setembre del 2008

Victòria


Granmercegi publicament:
- MonAmorósMaiContent qu'aguèt la paciéncia de me corregir cada deca, cada barbarisme, cada conariá (bon, de fach, o fa encara, corregir la question pausada es un biais per i respondre pas)
- La Marieta que m'oferiguèt de libres, que me motivèt, que me mandèt cagar, que me botèt un brave còp de pè al cuol en me dire que mon nivèl èra pas sufisent e que me caliá trabalhar.
- Victor e Jòrdi los examinators, me languissi de saber la nòta que me metèron... (vos teni al fial!)

:)

dilluns, 15 de setembre del 2008

Present (?)

LaJefa e La Pomponeta me faguèron un present per mon aniversari:



Sai pas tròp cossí o prene.



:P


.

diumenge, 14 de setembre del 2008

"o o"

Ai aquesta cançon dins lo cap:

La lebrèta


especiala dedicaça a LaJefa e LaBelaValenta

dissabte, 13 de setembre del 2008

AméliMela

Lo Camel me ditz que lo Joan dau Peiroton a escrich sul forum Occitània :
Aimi pas l'Ameli, aimi la Mela


Non, pas de demanda de maridatge per ara, que dieu e lo papa a Lorda me'n garden!

Per la pena, vos meti una cançon de Bobby Lapointe qu'es de Pesenàs e que vos ai benlèu ja mesa, es Méli Mélodie.
Enjoy




dijous, 11 de setembre del 2008

Estrangièr dins son país

M'agradariá de contunhar los tèmas sus las vacanças dins las Valadas mas ai pas gaire de temps per ara. Caldrà esperar un pauketon. Los tèmas de venir son pas "ont caguèrem?" Pomponeta (i pensèri mas las annadas de catekisme me n'empachan) mas una presentacion de cada valada que traversèrem.

Alara, per ara, un moment de sociologia valadina.
Al mes d'agost, per las valadas, vesètz tot plen de veituras "francesas" matriculadas 06, 13, 75, 92 o 93. Akò m'estonava de veire tantes toristas franceses! Alara ne parlèri al Dario " e de qué fan totes aquestes franceses?" e lo Dario m'explikèt. Son de mond que son pas toristas del tot. Son d'emigrats, o de filhs d'emigrats, o de felens d'emigrats qu'an gardat l'ostal de familha e i van per las vacanças. Tanben vesètz de mond que demòran dins la banlèga de Turin, eles tanben son d'emigrats, o de filhs d'emigrats, o de felens d'emigrats qu'an gardat l'ostal de familha e i van per las vacanças. E per un mes dins l'annada, l'estiu, los vilatjòts tòrnan trobar sa populacion...


E quand los emigrats tòrnan al país, e ben pòrtan un pauc d'aquesta cultura novèla qu'es venguda sieuna, per l'ilustrar, un poèma de Masino Anghilante, de San Peyre-Val Varacha:



Gauloises e pernod, gitanes e pastìs

Se trouben tuchi s'la piaso,
la diamenjo, lou matin,
mes d'aoust, mes de repos,
sen coumpanhoun,
sen tuchi amìs:
gauloises e pernod, gitanes e pastìs

Devizen a nosto modo
bou en baroun de: "merd'alor"
de "mondieu", "didon" e "pr't tampìs"
per nous vai ben, parlen coum'acò:
gitanes e pastìs, gauloises e pernod.

Pei anen banhà parolo,
entren que i freme fan marchà,
n'emporto 'nté: bar ou bistrò
ou din en viei oste dal paìs:
gauloises e pernod, gitanes e pastìs.

Nous fazen dou-cat tournade,
sa depoenbt que tanti sen,
de mla grandeur dal gro Parìs
nous devizen e dal vite metrò:
gitanes e pastìs, gauloises e pernod.

De viture sen ben pràtic:
de Peugeot, de Citroën,
de Sincà e de Renault,
descouren d'acò e ben 'n estìs:
gauloises e pernod, gitanes e pastìs.

Se chamen a la fransezo:
'nte Tounhot la fai Antoine,
e Louis lei per Luis,
Jouaninot la fai Jeannot:
gitanes e pastìs, gauloises e pernod.


NB: È il tipico, consueto ritrovarsi dei nostri emigrati en vacanza, (la maggioranza da Parigi) solitamente in agosto; la domenica mattina sulla piazza principale del paese (San Peyre) per l'amichevole chiacchiereta con il seguito di (abbondanti) bevute e fumate.

Masino Anghilante, Chantominà, Ousitanio Vivo, 2003

dilluns, 8 de setembre del 2008

Las Valadas (4): E de qué manjam?

Amb l'AmorósMaiContent, picanikèrem. Al picanica, i aviá totjorn de pasta amb la salsa barilla. Es mon Amorós que fasiá la cosina:

Ieu, fasiái la vaissèla:
Quina organizacion, isn't it?


Anèrem quand meme al restaurant.
Mangèrem a:
- La DAma Jano a Edmont (Demonte sus la mapa), tras que bon e pas car.
- La Velhà a Ostana, tras tras que bon.
- La Polenteria de La Chanal, bon + aperitiu e digestiu ofèrts!
- Una pizzeria a Limon ( Limone Piemonte), tras que bona, e 5€ la pizza... :)
e tanben a l'ostal de l'Inès, cosina plan l'Inès :)

diumenge, 7 de setembre del 2008

Iscla




Ai mes en fons d'ecran una fòto raubada al mèstre de Pibola.

Ma maire: - ont es aquò?

Ieu: - Es una fòto de l'iscla de Pascas.

Ma maire: - a òc, l'iscla de Pascas, en Bretanha!

dissabte, 6 de setembre del 2008

Las Valadas (3): Ont dormissèm?

Lo tèma d'uèi: lo tibanèl. MonAmorósMaiContent faguèt de fòtos de totes los endreches ont dormiguèrem. Ne trobaretz aquí d'unas. Faguèrem de camping a la sauvatja e ensajaviam de dormir dins d'endreches discrets e polits (o capitèrem pas a cada còp).
Dormiguèrem pròche de Manòsca, al còl de la Lombarda (2300 m.), a Chastelmanh, a Elva, a Ostana (en cò del conse!), al còl de l'Anhel (2500m), dins la Vala Grande, valada pichona dins la Val Vermenhana, puèi a Sospel e a Perillós dins Corbièras.


1èra nuèch, just aprèp aver passat lo còl de la Lombarda, un polit endrech, ont i a pas de civilitzacion, aguèrem freeeeeeeeeg, ieu, tre 7 oras me tanquèri dins lo tibanèl amb un libre de tant que pelava! (Val Estura)


Chastelmanh, pròche del riu Grana,
e nos lavèrem dins lo riu! (Val Grana)



Pròche d'Elva (val Maira)
sus la rota de SAmpeyre. La nèbla montava, e trobèrem lo luòc en urgéncia. Eriam dabans un tropèl de vacas e charrèrem amb los païsans que venguèron mólzer. Es nòstre melhor sovenir aquesta nuèch passada sul teulat del mond! (ne veiretz mai de fòtos lèu)



Lo camping municipal de Sospel
lo famós camping del famós asagatge...


A Perillós, comuna d'Òpol, frontièra Occitània / Catalunya.


Aprèp "ont dormissèm", me caldrà vos explicar "cossí nos instalam e cossí dormissèm..."

un de mai!

Uèi, ai 28 ans!


.

divendres, 5 de setembre del 2008

Las Valadas (2): Benvenguts en Occitània!

Lo tèma d'uèi "benvenguts en Occitània"... las ai pas mesas totas las fòtos, n'i aviá tròp! Las 8 primièras fòtos son de MonAmorósMaiContent


1er vilatge aprèp la "frontièra"
un drapèu davant un ostal a PratLòng (Pratolungo sus la mapa)





L'ostalariá d'Elva

Mapa a la dintrada de la polenteria
Giacomo di Pietro a La Chanal (Chianale sus la mapa)



Panèu informatiu just abans (o just aprèp, akò depend)
del còl de l'Anhèl


La bandairòla qu'anóncia la caminada Occitània a Pè
a Vinai, 1er vila de la caminada. Sabètz ont ne son?

A Aizon (Aisone sus la mapa)

Restaurant La Reino Jano a Edmont (Demonte), tras k bon e pas car!


La Comuna de Chastelmanh ( Castelmagno sus la mapa)


A Chastelmanh
A Chastelmanh

Comuna d'Elva, val Maira


.

dimecres, 3 de setembre del 2008

Las Valadas (1)

Seriá benlèu l'ora que vos contèsse las vacanças dins las Valadas Occitanas de Piemont.
Ai decidit de vos mostrar las fòtos per tèma.
Tèma d'uèi: l'Auchan a Coni (Cuneo sus la mapa). Pas grand causa de veire me diretz que a Coni se parla pas occitan. Mas ieu voliái anar dins un supermercat en Itàlia. Puèi quand fas de camping salvatge, te cal plan trobar un endrech per cagar:


La paaaaaaaaasta! Galerèri per poder faire la fòto sens tròp de monde!


Lach occitan! Val Estura, primièra valada visitada!




.

dilluns, 1 de setembre del 2008

Clap clap clap al camping


En tornant de las Valadas -òc, comenci l'istòria per la fin, passèrem la nuòch dins un camping municipal en Provença nauta. Aprèp una setmana de vida dins lo salvatge montanhòl, akò fasiá estranh de dormir amb de mond a l'entorn. Puèi, akò èra la primièra nuòch dins un camping amb Monamorósmaicontent, e los primièrs còps, los cal festejar.
Arribam de nuòch, a 10 oras passadas. Installam lo tibanèl e tot lo bordèl per dormir. Lums apagats. Tot lo monde dormís dins lo camping. Totes? Non!

Ausissi un clap-clap-clap. Sabètz aqueste clap clap clap que fan las cuèissas de l'òme contra lo cuol de la femna en posicion lebreta violenta (cossí se ditz lebreta en occitan? a, e cossí se ditz en catalan? perque monAmorós o sap pas cossí se ditz, dau còp, quand ne parlam, disèm "coma los gosses" e i a un kikòm k m'agrada pas gaire dins aquesta expression lol).

Alara, ieu que t'ausissi lo clap clap clap, amb totas mas annadas de catekisme me disi "quand meme lo mond, an pas vergonha, poirián bicar sens faire tant de bruch" e amb totas mas annadas de sociologia activa me disi "akò son los Angleses de la mòto a costat del campingcar" e amb totas mas annadas d'activitat sexuala me disi "cool, akí podèm bicar e faire de bruch, deu èsser lo Cap d'Agde de Provença Nauta".
Bon, vos fau pas un dessenh. Resumirai en 3 mots: "crac, boum, hue" qu'es una expression que m'agrada fòrça. Mas amb la banda sonòra, coma au cinèma. E lo clap clap clap que durava, que durava, e ieu amb mas annadas d'experiencia sexuala, me disiái "putan, dura lo tipe" e amb mas annadas d'experiéncia sexuala me disiái "akò es d'excitacion mutuala", e akeste con d'amorósmaicontent que disiá pas res, li agrada pas de parlar-enfin, ieu parlavi pas, pensavi, òc perque la femna es un animal que pòt pensar pendent l'acte sexual, o sabiatz akò?
L'endeman de matin, akò te fa vergonha de sortir del tibanèl. Ausisses los Alemands que son a dejunar sus la taula, ausisses los franchimands e sos 4 dròlles+lo pepin que son a plegar (a merda, i aviá d'enfants?). E te dises "ba, los angleses amb sa lebreta sifredesca an fach pièger".

E sortisses del tibanèl, lo pijamà ròse garrèl, lo cap dins lo cuol mas convençuda que siás oversexy, d'akò, amb mas annadas d'experiéncia de psicologia, ne disi "lo sindròme postcoïtal".

E akí, ausisses encara lo clap clap clap del parelh anglés. Èèèèèèh?
Vas veire del costat del tibanèl del parelh anglés, que finalament , es pas un parelh mas un hooligan alemand qu'a una mòto anglesa. pffff.
QUID?
Vira que viraràs...

Lo clap clap clap que durèt tota la nuòch, akò èra l'asagatge automatic de l'estadi de fotbòl.


.

Un còp èra un romieu amb son ase

Se vos disi qu'aqueste cabord òme es a mon ostal, me cresetz?