dimarts, 20 de desembre del 2005

Mélanie, pas Magalie, OK?

Tòrni remembrar: ai pas la tele e l'agachi pas jamai e mai quand soi en cò d'una persona telefaga.... Supòrti pas la television, OK?

Perqué cada persona que me parla me demanda, risolet als pòts: "As vist, es Magalie qu'a ganhat?"????????' Los dos primièrs còps, faguèri un "Eeeeeeeeeeeeeeeeeeeeeee? De que dises? " pas brica intelligent. E de m'agachar "Ben, òòòòòòòòòc, Magalie! Qu'a ganhat la StarAc!!!!!!'" (genre Ròòòòòòòò, sès a l'oèst uèi??). A òc, i a un StarAc, super! I a una dròlla que se ditz Magalie, super tornarmai! (Ieu soi pas contrarianta).
E aquí ven l'explica:
- Ben, la Magalie, pecairòta, es un pauc ..... sas, un pauc....
- Un pauc qué????
Pichon gèst explicatiu de l'interlocutor, e ieu, pietat cristiana te granmercegi, completi
- Gròssa?
- Vaquí, fòrta, redonda ( vos fau pas tota la tièra dels sinonims)
- E alara??
- Ben, a ganhat StarAc!

Mas ieu me'n bati qu'una gròssa agèsse ganhat que que siá a la tele!!!

Alara, arrestatz de me parlar de MAgalie la gròssa qu'a ganhat StarAC.
Es que quauqu'un conflèt la dicha Magalie quand aguèri lo KPES? "E, Magalie, i a una gròssa que capitèt lo KPES" .

O tòrni: los gròsses sèm pas solidaris entre nosautres. Ieu soi solidària amb los magrostels perque los pòdi raubar sa part. Magalie me demandariá la meuna. Pas benef'!!!





Sembla que romegui prigond, rai.
Mas soi super contenta perque fuck las blondas magras de TF1.
of, of, of, of.

dilluns, 19 de desembre del 2005

un jorn serà la Valise e podrai pas respondre...

Mon telefon sona pas jamai.
Ièr sonèt un còp.
Uèi sonèt un còp.

Ièr: una neneta, Melle Bousquet, o quicòm coma aquò, que me demanda se soi ja estada abonada a Canal. Responsa: "heuuuuuuuu, agachi pas la tele". La neneta es demorada un pauc sens votz. E s'acabèt aquí nòstra conversacion. Alara sai pas, mas pensi que se pensèt la neneta qu'aquò èra una excusa per dire de pas escotar sas proposicions d'ofèrta remirabla... Ben es vertat, fau partida dels 5% de franceses qu'an pas la tele. Ai lo drech non??

Uèi: una neneta de Teledoç que me demanda se coneissi l'ofèrta de Teledoç... "soi JA abonada a Teledoç" , Ops. Aquí de mond plan entressenhats....

E cada còp se presentan e te dison son nom e son pichon nom. SAbèm totes qu'aquò son de noms falses. Alara perque prenom totjorn de noms plats, corrents genre "Marie Martin" o "Jean Pérez". Trabalhèsse dins aquò, prendriái un nom completament rocknroll!!!

E trabalhèsse dins aquò, agachariái melhor los dorsièrs...




Benlèu pas, que son pagats una misèria... per que lo mond los mandèsson cagar. Mas ieu los fau rire normalament los teleoperadors, e òc dragui grèu grèu lo teleoperador....

Fau çò que pòdi!!

Mos pès... 2

O aviái promés, aquí las avètz:


Non, akò's pas la garriga, sabi plan...





Suls luòcs del crimi..



Ben dins mon país, de castanhas, n'i a pas!


Lo lavador
(es necite precisar que manquèri de me copar lo morre per far la fòto? )


Puta de país que i gela...

Fòtos presas pendent una passejada entre Deganhac, RAmpós e Lavercantièra

diumenge, 11 de desembre del 2005

galejada...

Cossí se ditz en latin GAI SABER??




Responsa: HOMO SAPIENS


ouaf ouaf ouaf ouaf
E òc es meuna, la trobèri un brieu fa e ma fa totjorn rire...
Ben òc, soi MON bon public...

dimecres, 7 de desembre del 2005

De la vida dels autres...

Sètz benlèu aquí o amics lectors per agachar cossí va ma vida. Vos rasseguri: va mal. Sequenon , perque escriure sa vida? Las pichòtas filhas quand escrivon son jornal es per contar sos malurs pas per li escriure coma la vida es polida. Ben un blòg es un pauc parièr.

Enfin, es çò que cresiái. Perque Blogspot-ki-dépote- a una fonccion bona de las bonas: amont d'aquesta pagina i a un boton "Next Blog" (non i cliquètz pas encara!!! ) que vos fa arrivar a l'asard Baltazar sus un blòg desconegut que dintrarà ara dins vòstra vida. E ai d'avoar qu'es un sistèma que m'agrada fòrça. Pòdi passar una bona part de la nuèch a agachar la vida dels autres...

E ben, brave mond, vos vau anonciar una nòva de las bèlas: i a de mond uroses!!!! Agachatz aquesta femna que ditz: I'm an incredibly happy married woman, wife and mother. I'm blessed with great friends and a wonderful family. I work at a job I absolutely love. I have a fascinating and challenging hobby raising angora rabbits. Rai, a 42 ans aimar los lapinòts, emai siaguèsson angoràs, es lo punt mai naut del bonur... Seguirai pas la lectura de son blòg que marca dins sos centres d'interests "J*esus" m oh my gode... Me confessi: ai agachat las fòtos dels lapinòts... Oaf oaf oaf.
Mas n'i a d'autras que dison tranquilament "Soi urosa, agachatz coma ma vida es polida". Tè, prendrem l'exemple de Crystal (ja, en cò meu aquò's un nom de chivau e pas de filha polida mas bon, akò's pas sa fauta...) que nos anóncia que "I'm married to a wonderful guy...just had our 4 year anniversary. No kids. I'm going to be 24 in about a week. I have 5 dogs, 2 cats, 6 horses, one cow and one fish. My goal is to pay off my cars and build a house within 5 years and to have our 1st child within 2 years after that." Puta, akò's de planificacion!!Entre las fòtos de las veituras e de sos animals (avètz vista quina lista???? ), òm compren que siá urosa... es una imbecila urosa. Of, encara un blòg que legirai pas...

De fach, i a un blòg que preniái de "plaser" a legir èra lo d'una naughty girl, mas tampèt, quina misèria! La neneta i contava sas istòrias sexualas, amb detalhs e tot e aquò èra plan escrich, enfin akò m'agradava. Mas benlèu o cal pas dire trop fòrt. bon ben a arrestat. Perqué? I voldriatz pas demandar de ma part que ieu soi vergonhosa? Ai d'idèias çaquelà: son super amant l'a daissada (oaf oaf oafi), a pas mai d'idèas de posicions/preliminaris/endrech eça, bica encara mai qu'abans e vait'en a la vinha per escriure lo blòg... Se me podètz ajudar a resòlre mos dobtes, aquò m'ajudariá per dormir.

I a de mond que son uroses e qu'an d'umor que son benlèu pas tant colhons coma los autres. N'i a que me fan rire coma lo títol d'aqueste, "Bored Housewife" lo resson amb la sèria televisuala tant bona pòt èsser sonque prevision de qualitat... Bon, rai , ai pas legit perque soi pas pro bona en anglés e m'alassi lèu, doncas los que sètz baleses en anglés me contaretz... Avètz vistas las fòtos de sas popas??? Quina s....... Mas ieu soi brava, o farai pas, cal pas desconar ! (Mercés Melanizetofre!)

Blogspot nos fa descobrir de causas segurament interessantas mas que comprenem pas, fa pas res es totjorn polit de legir de caractèrs seguits d'autres caractèrs
mas mèfi n'i a que fan paur(ieu pensavi qu'èra un dakòs de StarWars mas me sembla que me soi enganada... )
I a los que fan rire e qu'agacham coma agacham un gos en trin de cagar quand i arriba pas : los suportaires d'un espòrt que compreni pas las règlas del jòc.... Se una bona anma me las vòl explicar...

I a los que nos aprenon de causas e lor agradariá d'esser legits per tot plen de mond per justament salvar lo mond. Alternatiu irreverent e sai pas que mai, s'anóncia plan , non?

I a tanben los episòdis genre "Martina a la bòria", levat qu'aquí es Mike and Nancy (de sex! de sex! de sex!) en America del Sud. Benlèu ne faràn un film, es pas mai con de viatjar amb un blòg que amb una motocicleta...

Bon m'anatz dire que fariái melhor d'escriure de pòsts melhors que non pas de legirde conariás que compreni pas.
Zo, per lo plaser per que i a de conariás que compreni e que son pas de conariás! .


dilluns, 5 de desembre del 2005

Mos pès...



Vos prometi de faire una fòto de mos pès cada còp que farai mai de 10 fòtos dins un endrech...

Païsatges alpencs






Un grand mercé a Carina que me convidèt dins aqueste país plan polit.

Arbre negre , ridèu blanc


Un pauc d'art al mitan de mas conariás....

dimarts, 29 de novembre del 2005

Dels vilatges florits....

Quand l'Educ Nacionala me mandèt aquí, me poguèri pas empachar de rire quand passèri lo limit d'Òlt: "Le Lot, une surprise à chaque pas"... Aquò n'es un d'eslogan! E çò pièger aquí dedins es qu'es vertat. Aquò te fa marchar pas parièr mas òm s'i acostuma.
Suspresa nº1: un monument istoric a cada panèu. Akò's una bona suspresa, rai...
Suspresa nº2: de vilatges florits ne vòs aquí n'as. Tè, akò existís pas en cò mieu. Sabiái quitament pas qu'existissiá un daquòs NACIONAL per metre un panèu a la dintrada del vilatge per dire que, aquí, lo mond plantan de flors e qu'aquestas flors florisson (precisi, perque ieu planti mas akò florís pas jamai). Total respect.
Bon, d'unes ciutadins-lenga-de-pelha diràn qu'aquò's normal, que lo mond d'aquí son del país, son d'agricultors, etc. Pasmens, pensatz un pauc: los agricultors plantan per manjar e non pas per faire polit. Mas aquò, un ciutadin lambda i pòt pas pensar, rai. Mas MEFI, paure ciutadin. Tot lo monde pòt aver un panèu "vilatge florit" a la dintrada de son bled: çò important es lo nombre de pichòtas fuèlhas sul panèu. Un pauc coma las estèlas per una ostalariá se volètz...

N'èri demorada a l'idèa que tot lo mond aquí èran de la familha de Nicolas le Jardinier. E aqueste matin aguèri l'explica vertadièra...

Non, es pas una tissa de familha. Non, an pas una prima de la Comuna per florir ostals balcons o corts. Non son pas los aucèls que pòrtan de granas d'Olanda.
La causa de tot aquò es LO COLLÈGI.

M'expliqui benlèu?
"Los-collègis-an-pas-de-sòus-patin-cofin", alara, i a un quicòm que sabi pas exactament a de que servís mas qu'existís qu'es lo FSE, fogal socio educatiu... E ben aqueste mond per far de sòus vendon pas de pains au chocolat coma dins los collègis del país baissòl, non, vendon de FLORS. Fan un trafic vertadièr de flors vengudas d'Olanda per se ganhar tot plen de sòus.
Lo pièger es que son los pichòts los revendeires. Puèi los consomeires aquò's lo pairin, lo vesin, la vesina, la vesina de l'oncle "OOoooooooo, i a lo pichon qu'a portat un papièr de l'escòla per crompar de flors. Ne li caldrà crompar!" , genre aurà de nòtas melhoras lo pichon...

Conclusion:
a) i a una pèça al collègi reservada a l'estoquatge dels cartons plens de bulbs de flors
b) una professora, una documentalista e autres motivats semblan de magasinièrs floristas
c) de panèus Vilatge Florit per tot lo país.

CQFD


dilluns, 28 de novembre del 2005

Encara un dever per l'IUFM

nos demandèron una redaccion sus una nuèch discoteca + descripcion del repais del dimenge. Ieu, i vau pas en discoteca e lo dimenge, mangi pas es Sabbat ...


Celebration. Kool & the Gang comença. I a pas de dobtes, es melhor que Alexandrie. Mas ieu la coneissi pas la coregrafia de Celebration, fa pas res, improvisi, que me pagan per aquò far. Mon primièr ser. Me donèron aqueste vespre lo costum e las sabatas. Çò mai dificil foguèt de gardar l'equilibri suls pilòtis. Sembli una drag-queen. Fa pas res, aquò paga plan. De tot biais, jocada sus una plataforma d'un metre cairat a 1,50 m. del sòl, aquò t'ajuda a trobar l'equilibri necessari. Ara, jògui amb la barra. Fa caud aquí dedins. Lo fum dels fumaires, la susor dels dançaires, la calor umana (res de veire amb Maire Teresa, o cal pas tot confondre). Ieu tanben susi, ai caud. Pegar mon còs a la barra, montar-davalar lo long d'aquesta barra dura me fa de ben, l'acièr es freg.... e dur. Ma lenga. Lequi la barra. A pas cap de sabor. Sabi que m'agachan: los clients, segur, mas tanben los patrons. When a man loves a woman, caldrà faire langorós. La barra, la potonegi, l'alisi, la lequi coma se foguèsse mon amant. Es coma un gòd mas en mai long e sens vibrador. Ara me soi presa al jòc. Mon tapa-pecat ròse es tot banhat. Resulta de la dança o de mon gòd gargantuesc, sai pas. Sexual Healing. Ò, my God, qu'aquò's bon de dançar contra un amant que n'es pas un. M'entortolhi contra ma barra. Quiti lo sosten ròse. Sentissi lo freg de mon amant regde entre mas popas. Un conàs es montat sus ma platafòrma e me ven separar de mon amant d'acièr. Mèrda. An pas lo drech de montar sus la platafòrma. Te l'aganti per la camisa e monti-davali lo long de son còs. Demòri un pauc mai de temps pròche de la bragueta. Aquò se confla, me lèvi, recuoli, e te li foti un còp de pè amb mos pilòtis. Tomba, sos amics lo recepcionan e m'aplaudisson. Saturday Night Fever, l'ai agantada. Soi la reina de la serada, lo public es amb ieu, los òmes me badan e pican de las mans, quitament las femnas me badan. Tòrni a ma barra, que God save the queen, es plan conegut; i tòrni per una dança mai ritmada, fau la Britney Spears, One more time, òc, es aquò, encara un còp. Un tipe m'escampa sa carvata: super accessòri per jogar amb mon Gòd. Las musicas se seguisson, las caras de dejós la platafòrma càmbian. 5 oras del matin, la musica s'arrèsta. Tòrni davalar de mon Paradise Circus. Davali de la platafòrma. Vau al vestiari. Desmaquilhatge. Docha, cauda e longassa. Levis, Adidas, camisòt. Son 6 oras. Aganti lo 1er bus de la jornada. Tot plen de barras d'acièr aquí tanben... Non, soi pas mai sus ma plataforma. Pasmens.... 6.30. Mon lièch plan mofle. 14.00, dubrissi un uèlh. Me lèvi. Escampar l'aiga. Direccion lo frigò. De que i a dedins? Uèi serà iogort a la vanilha amb de cambajon, sens pan que la fornariá es tampada. Dimenge tantòst. Me'n vau al joc cap a 18.00, per me melhor jocar totara.


I a tot plen de jòcs de mots dedins, e se fa pas rire, es normal , ai un umor de colha. Quò's segur, me validaràn pas mon annada...