dimecres, 8 de febrer del 2017

Tròç de vida 022

Sus la fòto de blablacarreja, es blonda.
Te manda quatre messatges perque tròba pas l'auto.
Còpii-pegui lo sms ja mandats tres còps: lo pichon parcatge pròche de la sortida Centre del Món en fàcia la gara dels busses.

Avèm una campiona del mond.

Demòra a Barcelona. 
Es comerciala.
Es parisenca.
Vend de produches cosmetics dins las farmaciás. 

Trabalha a Barcelona Barcelona e a d'astre, perque abans trabalhava a Lérida
A un veicul de foncion. 
En mai de far de prospeccion per vendre sa mèr(ç)(d)a, li cal motivar los farmacians per ne vendre mai, "que se ne vendon mai, me'n crompan mai". Ah ah ah.

Lleida.
- Non mas a Lérida, i parlan fòrça catalan.
- Ben normal. E a Barcelona tanben. 
- ...
- Sas, aquò se pòt estudiar lo catalan. 
- ...
- Es pas gaire complicat per un francofòn.
- Non mas lo catalan lo compreni e ieu parli ja fòrça plan castellanò. E a aprene una autra lenga, serà pas lo catalan.

A la pausa, aprenèm qu'es diplomada d'una escòla de comerci privada que còsta un ronhon.
Parce qu'elle le vaut bien.



dilluns, 6 de febrer del 2017

Escherichia coli

Aira de servici de l'autorota. 
Comuns. 
La fusta fina que dessepara una cabina de l'autra. 
Aquesta fusta fina que tòca pas lo sòl. 
Aquesta fusta fina que tòca pas ennaut. 

L'intimitat es visuala. 

La pòrta d'a costat se dubrís lèu.

Las bralhas que tomban.

Lo bombardament comença.
Als abrics, amics!

Peta, peteja, petarra, petareja.
Tapa-te las aurelhas, tapa-te lo nas, tanca los uèlhs.

Aquò sortís d'ara d'ara.
As paur qu'aquò te giscle dessús.

Los grands bombardaments sens las sirenas.
N'as los budèls que te fan mal. 

Lo grand vuèg interintestinal 

             Lo bruch. E l'odor.

L'intimitat es visuala. 

Davant l'aiguièr. 
Sortís. 
Pimparèla. 
S'agacha dins lo miralh.
Fièra.
Se penchena. 
Se tòrna penchenar.
Se gomina lo pel de sas bacterias fecalas.
Las lunetas de solelh, las met en plaça.

L'intimitat es visuala.