Dissabte a Rodés, poiriái cargar un panèu que diriá "Cal pas cargar las caucetas amb de sandalas, daissem aquò als franchimands e als alemands!"
"L'occitan a l'escòla ensenha als dròlles que amb de sandalas, cal pas cargar las caucetas "
"L'Abbé Bessou is watching you! Cargues pas las caucetas amb las sandalas Mila Dieus".
Espèri vòstras contribucions, eslogans o dessenhs.
La melhora serà estampada e afichada dissabte.
dijous, 18 d’abril del 2013
dimecres, 17 d’abril del 2013
M'o cal tornar dire?
Amb lo mes d'abrial, las primièras calors e la dicha famosa, es lo grand retorn dels eretges : los que cargan las caucetas amb de sandalas.
Ne vegèri un ièr.
Tuatz-los totes, mandarem sas sandalas a Handicap Internacional.
Ne vegèri un ièr.
Tuatz-los totes, mandarem sas sandalas a Handicap Internacional.
dimarts, 16 d’abril del 2013
Cauçaduras, las quifi!
Oooooo, las vòli, las vòli, las vòli!!!
E lo solet endrech qu'ai trobat per las crompar, es aquí, la mèrda!
dilluns, 15 d’abril del 2013
La musica classica pels nullasses
Amb la carta de la mediatèca, ai accés a tot lo contengut de Medici.tv.
I a una emission qu'explica la musica classica als enfants, soi fan fan fan :
Zygel : Ravel, Boléro on medici.tv.
Lo Bolero de Ravel espepissat e explicat.
Passionant.
I a una emission qu'explica la musica classica als enfants, soi fan fan fan :
Zygel : Ravel, Boléro on medici.tv.
Lo Bolero de Ravel espepissat e explicat.
Passionant.
divendres, 12 d’abril del 2013
Ai capitat!
Lo tren de retorn, quicòm coma nòu
oras.
Assetada.
Calada dins mon canton per associals.
I a plan de mond.
Pas a ne petar, mas pro de mond e pas
pro de plaças.
Dins mon canton dels associals, un
parelh, jove, ven s'assetar pel sòl a costat de ieu.
Ela, cagolassa que se la peta amb sas
botassas, que deu faire d'estudis de drech o de finanças, charra de
contunh. Parla que parlaràs : a sa trèva de tipe, a sa mamà,
a sa tanta Agata, al telefonet.
L'ausissi a travès los escotaires de
l'Ipòd.
A una votz grèva de fumaira.
Deu èsser dau genre a fumar,
a virar lo cap en tibant lo menton en se passant la man dins lo pèl.
Parla fòrt.
M'emmèrda.
Que parle a son tipe, a sa maire o al
papa, rai, mas o poiriá far d'un biais mai … discret?
O al mens faire semblant.
La femna assetada davant ieu davala.
Trenta segondas aprèp, la conassa se
lèva. Me parla en m'agachant drech dins los uèlhs - maaaa, coma n'a
de grands d'uèlhs ! - en me demandant, plan aimabla, se pòdi
anar sus un autre sèti per lor daissar la plaça a ela e a sa trèva.
M'anavi levar. A racacòr.
Inercia d'unas paternas tròp
pesugas ?
Signe de la man, votz rauca montada de
la caforna budelica : « Avètz dos sètis de liures,
alai »
Ai capitat de dire non.
Blanqueta !
dijous, 11 d’abril del 2013
Tròp seriosa!
Ièr de ser, gausèri dire de NON a un convit del vesin per veire LO rescontre Barça-PSG.
Mas èra pas lo vesin monoboxer. N'es un autre que sabi pas de qué carga el jos sas cauças nimesencas.
De qué? I auriá un autre vesin que benlèu i auriá mejan?!
E ben òc ;)
Mas podiái pas ièr de ser, que uèi, i a escòla.
Çò pièger, fin finala, es que poguèri pas veire lo balon.
dimarts, 9 d’abril del 2013
Publicacion de pas mancar! (en mòde fan )
Crebèt l'uòu la setmana passada! Es lo darrièr libre de Florian Vernet.
E l'avètz pas encara? Mas de qu'esperatz?!?
La cubèrta m'agraaaaaaaaaaada!
Ieu l'aurai dimenge. E me trigan las vacanças per i cabussar dedins!
dilluns, 8 d’abril del 2013
divendres, 5 d’abril del 2013
dimecres, 3 d’abril del 2013
Problèma de la literatura occitana
Digatz-me que soi pas la sola a trobar aquò cagant de dever prene lo cotèl per legir los libres de las Edicions deu Chamin de Sant-Jaume.
Crompas un libre e quand lo vòles legir, aviás doblidat que caliá copar las paginas e bim te passas mièja-ora a las descopar!
E ben ieu, aquò me quita l'enveja de legir, ten.
E quand l'enveja tòrna, tombi totjorn sus una pagina qu'ai pas descopada. E zo, lèva-te, vai-te'n quèrre lo cotèl, copa e de la ràbia, comanda-te una kindle sus amazon.
E quand lo libre que siás a escotelar se titola "J'ai refermé mon couteau", clarament, se foton de tu.
Qu'aguèsson pas un sit internet las Edicions deu Chamin de Sant-Jaume, rai, mas, puta de Dieu, que qualqu'un me comercialize sos libres JA descopats !
dimarts, 2 d’abril del 2013
Es la prima!
Es la prima! L'ivèrn es acabat!
Cossí o sabi?
Es pas mai un boxèr que i a sus la còrda del vesin mas un eslip.
"Quand vesi l'eslip mover
del vent sus la còrda..."
Cossí o sabi?
Es pas mai un boxèr que i a sus la còrda del vesin mas un eslip.
"Quand vesi l'eslip mover
del vent sus la còrda..."
Subscriure's a:
Missatges (Atom)