dilluns, 19 de gener del 2009

un pauc de musica

Lo Pèire de la Sauma me mandèt akò:


m'agraaaaaaaaaaaaaaaaaaaaaaaada


(puèi lo cantaire, ne fariái plan mon dimenge ieu...)

diumenge, 18 de gener del 2009

un pauc d'optimisme

Lo que vos ne parlavi l'autre jorn, aquí l'avètz:


Se ditz Abel, demòra a Ardalhès, a costat de Valarauga, e es mon papet.

diumenge, 11 de gener del 2009

las bolas!

Ièr, anèri veire mos avis.
I vau pas gaire los veire. Pas que n'agèsse pas enveja. Sabi pas anar veire lo mond per plaser, anar dire bonjorn, passar per beure un còp, o sabi pas faire. Vau veire lo mond s'an besonh de ieu o se se crosam per asard "òu kora venes? e ben, sai pas, ten dissabte!" e vakí. Alara, planificar d'anar veire los grands, o sabi pas faire. Aquò fa que los vesi pas gaire pauròts.
Pasmens, a cada còp, i soi plan contenta d'i anar. Demòran en Cevenas, pròche de Valarauga. La rota per i anar es tras que polida, seguís Erau (lo flume) puèi aprèp ven estrechona e monta dins la montanha e torna e vira... m'agrada dempuèi que soi pichonèla :), i pòdi pas res :)

Mon papet quand ne parli, disi de longa que quand parla i a 3 mots d'occitan e un mot de francés e qu'aquò me fa plan rire perque mescla tot. Quand un torista demanda son camin, es el que li explica e veiriatz la cara d'esfòrç de compreneson que fa lo torista per comprene las explicacions de l'autoctòn... e la mameta de romegar "e te li cal explicar tu? que metes un mot de patoès cada 2 mots. Arribarà pas jamai aqueste paure alemand/soís/parisenc (rayer la mention inutile)" "mas a comprés, li ai plan explicat".

Alara, cada còp que los vau veire, me regali de l'escotar mon papet parlar, renar, rondinar, repapiar.

Aquò èra abans.

Perque ara, mon papet es vièlh.
Parla pas mai.

Es lo mai vièlh dau vilatge. Son totes mòrts los autres

Abans passejavan, los vièlhs. Anavan fins al temple, que i a un banc dabans lo temple per s'i assetar dessús. Non, dins lo temple i dintravan pas, es comunista mon papet, a sa carta dau partit dempuèi... alara, te pensas plan que lo temple, es aquí per faire d'ombra l'estiu e basta.
S'i assetavan sul banc e i esperavan los autres vièlhs dau vilatge que passejavan tanben. E aquò charrava, d'un de l'autre, del dròlle partit a Montpelhièr, de la dròlla partida a Marselha, dels felens, los que son aquí, los que son per arribar, los noms, la color dels uèlhs, la darrièra conariá, la darrièra frasa.

Ara mon papet, a pas degun mai per parlar.
Alara, agacha la television. Aquela "puta d'otís" que, abans, l'alucava pas jamai.
Ara a una television grand ecran modèrna, amb un aparelh per la television numerica terrestra e una telecomanda que marcha.

Ara mon papet parla pas mai amb los autres vièlhs, los que jogavan a la petanca dins la sola carrièra dau vilatge qu'es ni una còsta ni una penda.
Parla amb sas dròllas que demòran pas luènh, parla amb la femna que ven faire lo netitge ("quana colha aquela!"), parla amb los hippies venguts s'installar, parla amb çò que pòt.
Alara, entre la television e aqueste mond, e ben mon papet, ara, parla plan francés.
De mots d'occitan ne bota pas mai quand parla francés. Fa pas mai de frasas totas en occitan coma o fasiá abans. Abans parlava, d'aise, e compreniá lo que podiá "il comprend pas le patois? e ben a pas que de l'aprene, sequenon, qu'ane al nòrd, ils parlent bien français alai, al nòrd!".
E ben ara, non, parla pas mai patoès mon papet.

Non, lo vielhum, la solesa, aquò li a fach aprene lo francés melhor que l'escòla.


Sabiái pas qu'a 89 ans se podiá faire una substitucion linguistica.


dilluns, 5 de gener del 2009

Resolucions? DTC!

Cada annada, vos fau lo còp,a la debuta de de genièr, vos parli de mas resolucions... Per 2008, n'i aviá una que tenguèri una setmana, per 2007, n'i aviá una tropelada...e ... ben vakí.
Alara per ongan, pas de resolucions que tendrai pas.
Per 2009:
- contunharai d'èsser bordelica a mon ostal, dins ma veitura e pas tròp dins mon cap
- riurai de longa, encara e totjorn
- contunharai d'èsser a la borra
- contunharai de pensar 50 conariás per segonda
- contunharai d'èsser amorosa
- contunharai de pensar que Facebook es una conariá mai gròssa que ieu
- farai de cagadors secs
- pensarai que los cons son cons e qu'es daumatge per eles
- ensajarai de gardar ma zenitud contra la conariá ambienta
- contunharai de parlar amb lo mond e d'ensajar de lor faire de ben
- passarai mens de temps sus l'ordenador
- passejarai
- me trobarai
- educarai mos dos rotweilers, totjorn e encara
- escotarai La Talvera

e ensajarai d'èsser urosa.


D'idèas de mai?

Bona annada a totes, legeires, granmercés d'èsser aquí, e un brave potonàs ( o dos o tres) a los que daissan de comentaris!


.

diumenge, 4 de gener del 2009

Lo Cossin Petaire

A la demanda generala de 8 vòts que son los 8 de Mossur Quequejaire, vos fau un jòc musical al cossin petaire. Aurelhas sensiblas, cliquetz pas.

Un primièr ensag aisit, 4 cançons conegudas de trobar.




1- Joan Petit que dança, trobat per Quequejaire
2- L'aiga de Ròcha, trobat per La Vièlha
3- Coupo Santo, trobat per Quequejaire
4- tant que farem aital, trobat per la Vièlha

Òsca a la Vièlha e al Quequejaire!
Joan Deu Peiroton, as mancat de pas gaire lo faidiment per insoléncia :)
Merike, coneissi pas de cançons suedesas, mas plan ensajat :)

Ai pas acabat!

- tega-la aquesta coma n'es de polidassa.
- òc, a lo cuol coma la pòrta d'Ais e de popas que farián complexar una vaca d'aubrac, pff!
- la prendriái plan en autostop!
- de qu'es coma posicion "autostop"?
...
....
es lo det gròs dins la pachòla??


.

Istòria de plan contunhar l'annada

- E lo capelan èra negre?
- Non, pas aqueste.
- A, ara son totes negres los capelans.
- Òc, o son negres o son de l'Est
- RAi... un pauc coma las putas finalament.

Aprèp aver pensat un moment...

- N'i a pas de putas chinesas.
- A ben non.


Pas de puta chinesa, pas de pipa cantonesa!

dissabte, 3 de gener del 2009

istòria de plan començar l'annada

- E tu t'agrada lo sexe anal?
- ieu ai sexe anal + .
- a òc, mas cal pagar.


.

dijous, 1 de gener del 2009

BONA ANNADA

Bona annada plan granada e plan acompanhada!


.