divendres, 30 de novembre del 2007

Browser

La BelaValenta a un problèma amb son navegator internet. Normal, utiliza lo dakòs de wanadoo... Li disi de cmabair de navegator, que marcharà melhor...
Of course, li installèri Firefox
e la question que tua:
Mozilla , es un explorator?
uhuhuhuhuhu


.

dijous, 29 de novembre del 2007

Homenatge a Teresa

ai trobat akò sus mon disc dur,
aimi melhor la version de Comelade e Miquel Gil


boomp3.com
L'Homenatge a Teresa per Toti Soler a la guitara e sai pas kal que canta...

Especiala dedicaça pel Deltamar ;)

Comelade, encara una idèa geniala

Ai un pauc la canha d'escriure, alara, anatz legir akò


boomp3.com
especiala dedicaça al Pèire de la Sauma!

dimecres, 28 de novembre del 2007

Lo rei del condon: faire un polit present a Nadal




Soi fan!!!

Lo sit internet de visitar: leroidelacapote.com
I trobaretz de qué faire un present util e original per Nadal.

Òc, me podètz granmercejar!


.

Una rubrica de mai: Nadal!

Una rubrica de mai
"Nadal"... òc, per un còp un dakòs pas complicat, pas un jòc de mots poirrits que me fa rire pas qu'a ieu, mas un dakòs aisit: mos conselhs e mas idèas pels presents de Nadal.
O cal dire, Nadal , es cagant que ne pòt pas mai... Cal faire de presents, mas sabèm pas de qué, alara , vakí, amb mon blogueton, vos vòli ajudar, e vos vau donar d'idèas originalas.

Pas la pena de vos dire de vos esperar a çò pièger.... niark niark niark...


.

dimarts, 27 de novembre del 2007

BON ANIVERSARI LA JEFA!

Uèi es l'aniversari de laJefa!

BON ANIVERSARI!
E LONGAMAI!






Li ai daissat un messatge sus son telefonet que i canti la cançon...
e aquela colhassa me telefona e me fa:
- Siás tu que m'as daissat lo messatge cantat?
- Ben òc! qual vòls que siague, m'as pas reconeguda!
- A ben, auriái degut, es completament fals.

Quina salòpa, poirà córrer per l'aver son present.
Òu!

:-DDDD

.

wally ... volèm rire al país :)

vos aviái ja parlat de wally...


petada de rire lo primièr còp...
e lo 2nd, e lo 3en, e eça



akò's subreplan fach:

oaf oaf oaf

Quand siás professor, ne legisses de bonas...

Es una critica de la societat perque nos mòstra la realitat de la societat. Nos mòstra que i a tròp de crimis que son maluroses e que de còps i a pas de rasons. Tuar una femna e la descopar es òrre, subretot quand i a pas de rasons valablas.




Ieu disi qu'ai una influéncia marridassa sus mos escolans!


.

dilluns, 26 de novembre del 2007

Quand la Pomponeta e LaJefa prenon lo micro...

Quand monti dins la cambra e que daissi la makina sus la taula de la cosina, LaJefa e Pomponeta fan akò:

boomp3.com

la primièra cançon es Parla-me
las doas autras son tiradas del disc Turbo Balèti del grop Du Bartàs
akò cambia de Sapho

diumenge, 25 de novembre del 2007

Novembre 2005 - Novembre 2007

NOVEMBRE DE 2005 - NOVEMBRE DE 2007
2 ans!


Perque comencèri lo blòg...
Èri mutada al Far West.
Akò m'agradava. Mas èri sola.
Passavi ma vida sus internet.
Me passejavi de blòg en blòg.
Aviái l'impression d'aver de causas de contar al mond entièr... Lo mond entièr se'n brandava , mas bon, akò o sabiái pas... O aguèsse sachut...enfin, es una autra istòria.

Nasquèt lo blòg.

L'escomesa:
- metre quicòm en linha cada jorn
- èsser la referéncia bloguesca
òc, de còps que i a me la peti grèu.

E 2 ans aprèp?
Lo blòg a sa plaça dins ma vida, benlèu ne desapareisserà lèu, benlèu pas.
Regreti d'aver perdut mon anonimat. M'autocensuri sovent, e akò m'agrada pas brica. Es mon sol regret. Es ma fauta. Error de joinessa. Saber que d'unes me legisson e sabon qual soi... ben non, vòli pas... De còps, me disi que deuriái dubrir un autre blòg, mas aqueste m'agrada :) alara o fau pas.

De còps me disi qu'ai tot plen de lectors que soi una star del web system, quand de mond dins la carrièra a Estivada me dison "as pas un blòg tu?", me sentissi orgulhosa... e tota moqueta. E de còps que i a agachi las estadisticas e tòrni sus Terra, non, arresta-te de t'enganar l'ego...
Lo blòg es bon per l'ego. Vòstre ego es content, se la peta, confla, dau tant que confla de còps ne peta, urosament que peta. Perque cal arrestar de somiar. Sèm pas res dins aqueste mond e perque avèm un blòg un pauc legit, se poiriam pensar "que..." ben non. Se deman desapareissi, dins 2 jorns m'auretz oblidada (ok, levat la Jefa e Pomponeta que deuràn recaptar ma cambra las pauras d'elas...) Lo blòg es una de las causas que me fa relativisar. Sai pas tròp cossí ni perqué mas es un fach.

Lo mes de novembre es un mes de merda. Cal dire las causas coma son.
Es pas per res se comencèri lo blòg en novembre.
Perqué? me demandaretz: a qué servís un blòg????
a s'estalviar una psicoterapia.
ne soi convençuda.
es un exultòri psicologic (akò vòl dire kikòm o soi la soleta de comprene çò k disi?)
Es lo solet biais qu'ai per exprimir ma conariá pregonda.
Es per akò que disi pas de causas intelligentas, saberudas, sensiblas o esteticas coma o fan d'autres que n'avètz la tièra dins la colona dels ligams.
e encara , ara que m'autocensuri, es pas mai l'exultòri qu'èra, ba, fa pas res, compensarai d'un autre biais (non , pas dins la luxura, lo vici e lo bicatge intensiu).


Finala, soi contenta de l'aver mon blòg!
A trobat sa plaça dins ma vida, ai capitat de li faire una plaça sens que la prenga tota coma èra lo cas a la tota debuta (pfff, ne parlavi de longa!) e ma fista, la vida es pro polida!
Alara...
fai tirar per un brieu encara!



Remember...
- lo primièr text qu'i observavi la vida...
- la primièra fòto de pè e la promessa de ne prene d'autras...
- lo primièr text de mas aventuras... Bridget inside!
- la debuta de l'erotism



.

Fan de Youtube / Star Wars: trailer del tèma que ven!



Star Wars parlarà de... parlarà de... ?




se n'i a que comprenon pas l'anglés, digatz-o e vos escriurai lo dialòg...

dissabte, 24 de novembre del 2007

Avairon te fa petar lo son!

L'Ivond'Avairon me manda per mail akò:


Le 4P d'Avairon, soi faaaaaaaaaaan!!
Ne vòli encara!

D'unes compararàn akò a Kamini e son MarlyGomont, mas tròbi akò plan plan melhor!


Lo sit Space: myspace.com/le4p

Mercés Ivon! :)


.

divendres, 23 de novembre del 2007

La Meteo Montpelhierenca

A França 3 montpelhièr, per la meteo, la venon faire de benevòls d'associacions que venon faire la promocion de sas activitats, de son actualitat o autre. Ieu me regali de l'agachar la meteo de frança 3 montpelhièr perque son totjorn de mongolians que la fan: sabon pas parlar, se sabon pas téner, sabon pas legir lo promptaire, e poiriái contunhar la lista, a e en mai son laidasses...
E sul fòrum d'Occitània, trobèri la meteo de França 3 montpelhièr facha per dos òmes plan polits que parlan plan e que cantan plan....:



mercés a Aura per la video!

dijous, 22 de novembre del 2007

Massilia Sound System

trobat sul blòg de Tam :


soi fan fan fan.




Anèri al concert que faguèron Massilia a Besièrs quauques setmanas fa...
Baaaaa, aviái oblidat coma akò m'agrada! Es bon bon bon
Una primièra part que i faguèron de títols del disc novèl Òai e Libertat e una segonda part post-pastagàs amb las cançons mai conegudas (Commando Fada eça). Un grand moment.


Anem, zo un pichon MP3 tirat de Òai e libertat (que vos cal anar crompar!), Lo Grand Tramblament
boomp3.com



E puèi, Le Dimanche aux Goudes que l'escoti de longa...
boomp3.com



Avètz d'autras mp3 d'escotar sus lo Space de MassiliaSoundSystem







.

dimecres, 21 de novembre del 2007

Star Wars: lo Kamasutra

tant que participatz pas a la rubrica Star Wars, ieu disi pas res...

mas coma soi plan brava, una video que farà l'unanimitat...



akò m'a plan desrevelhada aqueste matin...



.

dimarts, 20 de novembre del 2007

80's magdalena

Ieu aimi d'anar amb MonAmorósMaiContent me passejar dins lo carrefour gròs que i a pròche de son ostal. 2 estancis. De qué manjar e beure per 50 ans.
Akò m'agrada de me passejar dins los supermercats catalans, perque son plan diferents dels nòstres. I trobam de causas que trobam pas akí: lo queso manchego (poiriái vendre ma maire per un entrepan de queso manchego... y amb tomàquet eh!), las galletas maria (akò m'agrada pas, mas lo nom m'amusa), de yogorts completament diferents, quitament los produches per netejar son diferents, lo primièr còp que veguèri Don Limpio mankèri de ne petar de rire. E lo dakòs que ne crompi cada còp: de pan torrat amb d'alh e de jolvert, akò's lo mal. 50 cents lo saket. Es lo mal. De pans a l'alh amb de salcissas al polet e que dequeso manchego, e soi la femna mai urosa del mond... Sabi, soi de bon contentar. Compreni pas que i aguèsse pas mai d'òmes per se voler maridar amb ieu....
Brèu.
Se passsejam , e anam a las begudas per crompar ma dòsi de Còca-Còla setmanièra jornalièra... e dins lo CarrefourCatalan de MonAmorósMaiContent crompi totjorn una caneta d'un kikòm que coneissi pas... amb l'excusa de "ten, akò o tastarai" e a l'ostal es totjorn parièr " ba, es pas boooooon" e MonAmorós ritz tendrament (sembla un album de Martine ma vida, non?...)

Puèi, quand èri a fintar quina beguda novèla podiái tastar, te vesi AKÒ:

e brami "aaaaaaaaaaaaaa, de taaaaaaaaaaaaaaaaaaaaaaaaaaaaaang".
E comenci de rire. Vos disi pas lo morre de MonAmorósMaiContent qu'el es d'un calm britanic e qu'a l'electrocardiogram d'Anibal Lecter e per lo suspréner, lo faire petar de rire, de paur o de que qué sia, se cal levar matin.
Puèi , akí las replicas que tuan...
"mas n'avètz encara d'akò?!?!?! òu en França akò se tròba pas mai dempuèi 20 ans!"
Magdalena efièch:
Ne fasiam amb mon fraire quand eriam pichòts. Metiam lo tang dins una garrafa roga Tupperware... Aaaaa... Tupperware, poiriái faire un blòg tot sus Tuperware... e pas la pena de rire, perque avèm totes una maire que, un jorn, anèt a un acamp Tupperware, e pièger, avèm totes una maire que, un jorn, organizèt a l'ostal un acamp Tupperware...
Doncas, amb lo fraire, fasiam lo tang dins lo pegal roge Tupperware que, coma sus internet se tròba de tot, l'ai trobat , es akeste:es en venda sus Ebay per 4$... plan mens car que nòu, o vos disi....

E eriam los mai uroses del mond, beviam akò coma las vièlhas de la glèisa te bevon lo vin a la comunion... Èra la jòia de la setmana faire lo tang. Lo crompaviam al Leclerc de Frontinhan qu'un jorn cramèt (aviái 11 ans), e, paf, acabat lo Tang.


20 ans mai tard, ne tòrni trobar.
"òooo, ne vau préner, ne beurem amb La Jefa e Pomponeta!"

Arribi a l'ostal e lor disi a las doas: "Agachaaaaaaaaaatz çò qu'ai compraaaaaaaaaat!"
Se vei qu'a l'ostal de la Pomponeta e a l'ostal de la Jefa, bevián pas tant de Tang coma al meu...
Mas ieu me'n chauti, me'n cal plan mai per me descoratjar...
e un dimenge que la Jefa i èra pas, amb la Pomponeta faguèrem lo Tang.
Lo problèma es qu'aviam pas lo pichièr roge Tupperware e lo faguèrem dins una botelha de plastic Alet .
Esperèrem lo retorn de La jefa que se cal morir, morirem totas.
E beguèrem lo tang per acompanhar una còca que faguèt la Pomponeta.

Moralitat:
lo tang es pas bon, lo tang es quimic, lo tang es chernobilian.

Question:
Quinas son las sequèlas del tang sus mas cervèlas?







dilluns, 19 de novembre del 2007

Quand Pomponeta pren lo micro

Pomponeta es fan de Sapho (la cantaira).
E quand rauba lo micro , akò dona akò:

boomp3.com

Alara, ieu i devi pas res compréner a la poesia de Sapho perque akò me fa petar de rire.
Òc , la colha que s'escacalassa de longa, akò's ieu.
Assumissi

Ligams

Dins los ligams ai apondut dos blògs:








Un jorn t'i tornaràs far

Des dels Alfacs


Anatz-i faire un torn, e s'akò vos agrada, daissatz-lor un messatge! Quand avèm un blòg, los comentaris, ako's çò que nos ditz que sèm legits, akò fa totjorn plaser!


LONGAMAI A TOTES DOS!!!


.

divendres, 16 de novembre del 2007

Nathaliiiiiiiiiiiiiie



i a de conariás las vesi 50 còps seguits, e 50 còps me fan rire.
Nathalie mon amour des JmJ ne fa partida!

Iturria


Michel Iturria es un dessenhator basc conegut per sos Rubipèdes e sos dessenhs dins Sud Ouest.
L'imatge çai-jos fa la cuberta del libre L'identité occitane, réflexions théoriques et expériences ... es un dessenh qu'aimi fòrça...


Çai-sota una entrevista trobada dins la Setmana, desencusatz la qualitat marrida de l'escanerizacion. Clicatz suls imatjòts per poder legir.



dijous, 15 de novembre del 2007

Sindròm Orangina, segond del nom



lo primièr sindròm orangina èra akí.

entrevista del Dalfin

Sergio Berardo que parla pendent quasi mièg-ora
La colha que lo bada, akò's ieu.

Parla de lsa valadas, d'occitània, de politica, de musica, d'escritura...

boomp3.com

Entrevista facha i a 2, 3 o 4 ans (me soveni pas, ai pas de marcas espacio-temporalas) a Sant Flor.

Cançon

Lo Pèire de la Sauma me mandèt akò... e coma es una cançon polida que la votz de Miquel Gil m'agrada e que del Comelade ne soi fan fan fan... akí l'avètz!



las paraulas:





Com un record d'infantesa
sempre recordaré
a la Teresa,
ballant el vals.

Potser fou l'últim fet
amb algú que estimés
abans que un bombardeig
la tornés boja.

Tots els xiquets la seguíem
i en un solar apartat
ens instruíem
al seu voltant.

Mig descabellonada
ens mostrava les cuixes
i ens donava lliçons
d'anatomia.

Ella ens va dir d'on veníem.
I que els reis de l'Orient
no existien.
Ni llops ni esperits.


Ens parlava de l'amor
com la cosa més preciosa
i bonica.
Sense pecats.

Ens ensenyà a ballar
a cantar i a estimar.
D'això ella era
la que més sabia.

Amb una floreta al seu cap
i un mocador negre al coll
i faldes llargues
i un cigarret.

Vas ser la riota dels grans,
i la mestra més volguda.
dels infants.

Ara de gran comprenc
tot el que per tu sent
i et llence un homenatge
als quatre vents.

Com un record d'infantesa
sempre et recordaré a tu,
Teresa,
ballant el vals.


e se per un jorn akò me peta de faire un jòc cultural, la cançon es d'Ovidi Montllor, un cantautor valencian, un de la nòva cançon catalana.






Question del jorn: cossí fasián lo mond abans, quand YouTube e Wikipedia existissián pas??????


.

dimecres, 14 de novembre del 2007

LO JÒC MUSICAL - nº 4

Fai tirar Mariuuuuuuuuuuus!!!!

boomp3.com

1- Britney Spears - Baby one more time trobat pel Guilhèm

2- Django Reinhardt - Nuages trobat per L'Òmi

3- Daddy Yankee - Gasolina trobat per la Marieta e lo Pèire de la Sauma ( mas quiiiiiiiina cultura!)

4- 16 horsepower I've seen what i saw

5- Zucchero - Baila Morena trobat per la Marieta e lo Pèire de la Sauma

6- La Cosconilha - Branle du rat

7- Lordi - Hardrock Allelujah

8- Mecano - Mujer contra Mujer trobat per la Marieta e lo Pèire de la Sauma

9- Claude Nougaro - Toulouse trobat pel Guilhèm

10- Generic de The Muppet Show trobat pel Quequejaire

11- L'art à Tatouille - La rouquette trobat per la Blonda

12- Georges Brassens - Les Casseuses trobat per l'Òmi

13- Regg'lyss - Mets de l'huile trobat pel Guilhèm

14- Eminem - Lose Yourself trobat pel Guilhèm

15- Nadau - Boha e Guitarra trobat pel Guilhèm

16- Karen Cheryl - Tchoo tchoo

17- BO Jean de Florette torbat per la Blonda - La forza del Destino de Giuseppe Verdi trobat per la Blonda

18- Saez - La Prière

19- Olivia Ruiz - La femme chocolat trobat pel Guilhèm

20- Enrique Morente - Pequeño vals vienés trobat per la Marieta e lo Pèire de la Sauma


tòrni dire la reglòta: un punt se trobatz la posicion l'artista lo títol de la cançon

La marca actuala:
Marieta e Lo Peire de la Sauma: 19 punts
Lo Guilhèm: 16 punts
Pomponeta e La Jefa: 11 punts
Quequejaire: 11 punts
Aura: 6 punts
Joan deu Peiroton: 3 punts
L'òmi : 3 punts
La Blonda: 3 punts
Alan: 1 punt



La marca abans lo jòc musical nº4:
Marieta e Lo Peire de la Sauma: 15 punts
Pomponeta e La Jefa: 11 punts
Quequejaire: 10 punts
Lo Guilhèm: 10 punts
Aura: 6 punts
Joan deu Peiroton: 3 punts
Alan: 1 punt
L'òmi : 1 punt

Mon blòg dona d'idèas...

Lo Velhardon me manda un mail:

Cara dòna Chedanslejardin,


- Monsieur et Madame Enfant ont deux filles, comment les appellent-ils?
Hélène et Ludivine
Puisque Hélène et Ludivine Enfant (Il est né le divin enfant).

- David Bowie et Lady Di ont deux fils, comment s'appellent ils ?
Kent et Alain,
Puisque Bowie Kent et Alain Di...." (Bon week end et à lundi!)


espetada de rire la melania of course...

me'n manda un autre:
Cara Dòna Troprénitroloin (es ton blòg que me dona d'idèas conas),



Non, mas òu, serà encara ma fauta!

Fan de Youtube (2)

Aprèp la còrnamusa, Star Wars al banjo...



Totjorn al banjo, la musiqueta de SuperMario...



Yoube ne soi fan, i trobam QUÉ QUE SIÁ!

.

dimarts, 13 de novembre del 2007

Fan de Youtube (1)



Dark Vador que jòga de cornamusa, akò me fa la jornada!

(e s'escotatz plan, ausiretz que i a un gos qu'udola lo paure d'el...)

dilluns, 12 de novembre del 2007

Quartier du Soufre Frontinhan

A Frontinhan, i a un barri que son de frichas industrialas, qu'un còp èra foguèron una fabrica de sofre. Es ara una font pels -GRAF- : los grafaires que tenon de parets a bodre per s'exprimir e los fotografs qu'an una arquitectura variada e de jòcs de lutz fabuloses.

Ieu i anèri un pauc per asard, qu'aquestas ronhas industrialas, las vesi dempuèi que soi pichoneta... E ai pas qu'una enveja: aver lo temps d'i anar perdre 2 o 3 jorns per faire de fòtos... e de faire biscar MonAmorósMaiContent ;)

Quauques grafs e quauques fòtos del dakòs, pas gaire representativas qu' es gigantàs!:




















diumenge, 11 de novembre del 2007

De l'uèlh del lichi o Quand Pomponeta nos convida al restaurant

L'autre jorn, akò li petèt, Pomponeta nos convidèt al restaurant.

Coma o auretz remarcat, akò èra un restaurant chinés "le mandarin" (original coma nom per un restaurant chinés, isn't it?), carrièra Pierre Sémard, carrièra dels arabs, de las putas, dels sex shops, carrièra populara que s'i pòdon veire s'avètz d'astre des chiens chics.



Passèri lo repais que me sentissiái espinchada per aqueste porquet chinés....
E lo dessert:
E aquela colha de Pomponeta, te conta sa teoria del lichi. (li aviái pas res demandat ieu)
Lo lichi , ben...
es coma se mangèsses un uèlh.

E ben sabètz qué???

ES VERAI!

Manjatz un lichi , e veiretz, semba un uèlh, es visquós, es globulós...
es uelhós finalament.


MERCÉEEEEEEEE Pomponeeeeeeeeta!


.

Dissabte 1 ora Seta

Dissabte, anèrem amb la Jefa e Pomponeta a la piscina. Perque cal que me melhore...

Puèi, volguèri anar a la librariá... Mas per arribar a la librariá ne faguèrem de camin!
Quauques fòtos de las faciadas vistas...


Aviái ja parlat de faciadas setòrias aquí.

dissabte, 10 de novembre del 2007

Se los astres o dison

La Jefa a lo libràs de Cristinassa AStro 2007. Dedins i a tota ta vida per 2007.

Verge - Novembre (p.315):
"... et parfois une tendance à se complaire dans une forme de souffrance à cause d'un partenaire auquel vous êtes attaché malgré vous; vous ne contrôlez pas la relation, et c'est là tout le problème! Vénus occupera la sensuelle Balance après le 8, et il y aura un net retour au calme, à la sérénité et à l'équilibre. Vous chercherez à retrouver un terrain d'entente avec votre partenaire, ou à rencontrer un célibataire ayant les mêmes goûts que vous. Utilisez Internet si vous n'y arrivez pas par les voies 'normales'... "

Los oroscòpis es lo Mal.


Akò me ramenta una pagina de Mujeres Alteradas de Maitena (ne soi fan!):


(clicatz sus l'imatge per poder legir...)



dijous, 8 de novembre del 2007

grrrr

me cal arrestar descotar akò


que me deprimís grèu!

Reclama!

de las marcas e de la còca-còla

Coma de costuma, dins la Boite a Images , i tròbi de qué venir un pauc mens colha....



Anatz veire, es akí!


.

dimecres, 7 de novembre del 2007

dimarts, 6 de novembre del 2007

Clapassièrs!

Sul blòg de Moussu Trondheim, la nòta 238,
http://www.lewistrondheim.com/blog/
i vesèm lo pizzaiolo de Figairòlas.
Sabiái pas qu'èra encara dubèrt... Coma Trondheim fa un brieu qu'i vau pas.
Akò fa estranh de lo veire dessenhat!

Aimi plan sus son blòg de reconéisser los luòcs montpelhierencs!

(e òc! demòra a montpelhièr lo tipe)

dilluns, 5 de novembre del 2007

LO JÒC MUSICAL - nº 3

Akí lo jòc musical nº3 esperat per totes!

Bona escota!
e bon coratge...
(anatz pas plorar, los extraches son longasses.)
18 cançons de trobar.

Per marcar lo punt:
-posicion de la cançon
- artista
- títol
per las BO/ soundtrack /generic , lo títol del film/la seria basta!

1- Generic de Sensación de Vivir (Beverly Hills 90210) trobat per la Marieta e lo Peire de la Sauma

2-La Oreja de Van Gogh - Dicen que dicen trobat per la Marieta e lo Peire de la Sauma

3- Claude Sicre & Daniel Loddo - Lo Babau from Batèstas e Cantariás, putain, révisez vos classiques! :P

4- Tonino Carotone - Me cago en el amor trobat per la Marieta e lo Peire de la Sauma

5- Fabulous Trobadors - Anam cantar trobat per Aura

6- Georges Brassens - La Traitresse trobat per Aura

7- Sol i Serena - La gata i el belitre trobat per Joan Deu Peiroton

8- Massilia Sound System - Lo Grand Tramblament trobat per Aura

9- Serge Gainsbourg - Jane Birkin - Je t'aime moi non plus trobat per Pomponeta

10- Joaquin Sabina - Calle Melancolia trobat per la Marieta e lo Peire de la Sauma

11- Metallica - Enter Sandman trobat pel Guilhèm

12- Musica de La vida es polida La Vida es Bella La Vita è bella trobat per la Marieta e lo Peire de la Sauma

13- Dalida - Gigi L'Amoroso trobat per Pomponeta

14- Gerard Jacquet & Pascal Comelade Les nenes maques.(Pop Songs del Rosselló) trobat per la Marieta e lo Peire de la Sauma

15- Gianmaria Testa - Le traiettore delle montgolfiere

16- Patric - Tuam los pòrcs deman trobat pel Quequejaire

17- Tralala - L'òme pichon trobat pel Guilhèm

18- Hubert Felix Thiéfaine - La cancoillote trobat per la Marieta e loPeire de la Sauma


La marca actuala:
Marieta e Lo Peire de la Sauma: 15 punts
Pomponeta e La Jefa: 11 punts
Quequejaire: 10 punts
Lo Guilhèm: 10 punts
Aura: 6 punts
Joan deu Peiroton: 3 punts
Alan: 1 punt
L'òmi : 1 punt


La marca abans lo jòc musical nº3:
Pomponeta e La Jefa: 9 punts
Quequejaire: 9 punts
Lo Guilhèm: 8 punts
Marieta e Lo Peire de la Sauma: 8 punts
Aura: 3 punts
Joan deu Peiroton: 2 punts
Alan: 1 punt
L'òmi : 1 punt


.

una rubrica de mai: Star Wars

Star Wars
serà la rubrica que i parlarem de sex
de sex pur e dur,
mai que mai dur quand meme
una rubrica conselhs e bons plans.

Perqué Star Wars?
Perque
lo Senhor dels Anels es una trilogia
e Star Wars es una sexologia.


Es una rubrica falocratica, ginecratica e democratica, alara, donatz vòstre vejaire dins los comentaris.
La question del million:
Volètz per començar
un dakòs de "causas porcassièras per li faire a un òme"
o
un dakòs de "causas porcassièras per li faire a una femna"?



S'anam regalar, garris, o vos disi!!!


.

Jòc musical nº3

Dins pas gaire ,metrai en linha lo jòc musical nº3 :)

Avètz la correccion (ò, lo mot de pròf!) del jòc musical nº2

La marca:

Pomponeta e La Jefa: 9 punts
Quequejaire: 9 punts
Lo Guilhèm: 8 punts
Marieta e Lo Peire de la Sauma: 8 punts
Aura: 3 punts
Joan deu Peiroton: 2 punts
Alan: 1 punt
L'òmi : 1 punt




lo joc musical nº3 serà pas tant occitanofòn coma los autres...

seguissètz lo RSS!!

Salins de Frontinhan

Amb la Marieta e lo Peire de la Sauma anèrem passejar per las salinas de Frontinhan.
Las Salinas que s'i fasiá de sal fins a las annadas 70
(auriam pogut cantar tanben Los Saunièrs de la salina occitaaaaaaaaans sens o sabeeeeeer....)
Ara es una zòna protegida proprietat, me sembla, del Conservatòri del Litoral un dakòs dins lo genre.

Es un espaci grand que s'i veson las estructuras de l'expleitacion de la sal, enfin çò que ne demòra.... Tot es arroinat...


Es plan daumatge de veire los bastiments dins aqueste estat. La Marieta ditz que ne poirián faire una "escòla de natura" pels dròlles que los enfants i vendrián per descubrir la palun, la flòra, la fauna, manjar d'engana, caçar lo becarut, o autre... E ieu soi d'acòrdi amb ela (de tot biais, levat pel moniato, soi totjorn d'acòrdi amb la Marieta!)

E la fòto qu'esperatz totes:
Lo Peire de la Sauma, la Marieta e ieu!



.