dissabte, 20 d’octubre del 2007

dimenjada inondada

MonAmorósMaiContent me convidèt la dimenjada passada sus la Còsta Brava (l'aimi aqueste òme!).
Vakí kaukes fòtos... E es lo grand retorn de las fòtos de pès! (akò vos mancava , non?)



Passèrem un brave moment sus la platja. MonAmorósMaiContent fasiá de fòtos e ieu me passejavi, anavi de ròcas en ròcas, fintavi çò que podiái escaladar... Los que me coneisson s'o imaginan pas, mas sota mos aires de vaca elefantesca, soi una cabra, e m'agrada de passar de'n pertot, de montar pels arbres, per las ròcas, per las parets, de'n pertot ( lo problèma es que, soi coma los gats, sabi pas davalar...mas ne parlarem un autre jorn).

Fasiá caud, 30º, l'aiga èra clara.
L'Amorós n'aviá per de plombas.
"Fau un plof?" que me disi , "plan segur" me respondi
Of course, aviái pas lo vestit de banh.
"Me'n chauti". Me meti dins las ròcas, te lèvi lo camisòt, te levi lo pantacort, e zo, bralhas e sosten ( que per un còp tot èra de la meteissa color... negres, pels curioses...), e PLOF.
E comenci de nadar, e nada que nadaràs, te vau veire MonAmorós que fasiá plan mièg-ora que m'aviá pas vista ( te creses que se fariá de lagui lo tipe?) e que me vei arribar per la mar en nadant... el que se pensava que sabiái pas nadar... me pren en fòto genre "una balena s'apròcha de la còsta brava, sortís de l'aiga e fa un poton a son Amorós" lo primièr que ditz "Cal salvar Willy" morflarà. Tòrni a l'aiga, per tornar a mos afars, qu'èran luènh, e que voliái pas passar per la platja , akò marcava mal amb ma bralha de dentèla negra (mèfi de pas prene una ereccion dins l'uèlh). Agachatz un pauc tot çò que nadèri:
(Laure Manaudou, sors de ce corps!)
Vesètz la ròca gròssa que i a sus la drecha?
E ben i montèri dessús. E, foguèt plan malaisit... Entre las èrsas, k'akò resquilha, me nikèri un genolh (me'n nikèri ja un abans... urosament qu'ai pas que dos genolhs...), me nikèri un det, mas me faguèri pas mal ( a despart d'akò vòli dire). Un còp amont de la ròca gròssa, comenci de cridar mon Amorós, per que me prenga en fòto. Òu, es pas cada jorn que i vau ieu tant luènh de la platja, al mitan de las ròcas! E crida que cridaràs l'Amorós
"Amoróooooooooos" pas res
"AMORóS" pas res
"AMOOOOOOOOOROOOOOOOOOOOOóS" pas res
e aital pendent 10 minutas.
enfin "pas res", es un biais de dire, perque TOTA la platja m'agachèt, quitament de mond me saludèron de la man, soi segura que n'i a que me prenguèron en fòto e tot.
E MonAmorósMaiContent contunhava de faire de fòtos de las ròcas , las que i èri pas dessús, of course....
Doncas, ara es oficial, pòdi crebar la boca dobèrta en lo cridant, se lo tip es amb son aparelh, m'ausís pas.


Al cap d'un brieu, n'aguèri mon confle de bramar coma un pòrc que tuan quilhada sus ma ròca (urosament que lo ridicul tua pas, o vos disi...). cabussèri e tornèri a la ròca que i aviái daissats los afars. M'i pausèri per secar, sens doblidar de me prene per una sirena tras que sexy, perque de còps que i a fa de ben d'èsser una sirena sexy e non pas un ton o una balena.... akò càmbia qué!

Mos afars on the ròcs
(pas res de veire amb una pipa on the rocks)


Puèi daissèrem la platja del golfet
per anar ... ont? me soveni pas del nom, a si, kikòm coma Venècia, brèu, akí:E dins aquestas calancas solelhadas, i aviá pas degun. Sonque MonAmorós e ieu...
Auriam pogut far l'amor salvatges coma Robinson e Divendres...
e vos auriái contat...
mas non
1- las ròcas te craman lo cuol, e son pas lissas e te fan mal al cuol (un cuol es un quiconet de delicat dònas e sénhers, vos o cal saber)
2- los batèus que passan te veson (mas nooooooooooooooooooooooon)
3- "dins l'aiga? freja coma es? mas siás caluga!"

e faguèri lo segond plof de la jornada.


Un granmercé a MonAmorósMaiContent per aquesta dimenjada!
Messatge privat per MonAmorós: un nem es diu un nem i prou, això en diuen un manlleu linguístic i la propera vegada que no m'acceptes "nem" al Scrabble ja no et menjo el teu de nem m’hauràs d’invitar a un xinés, no, a un morro, que m’agraden més.

Pels autres, vos daissi fantasmar sul títol ;)


.

8 comentaris:

  1. Home, això és a casa meu. Quina gràcia.

    ResponElimina
  2. Per cert, les roques de Venècia són entre Llafranc i Calella, al nord. Per la foto, sembla que éreu al sud, entre Calella i el Golfet. Així que devíeu ser prop de la Banyera de la Russa.

    Si cerqueu algun lloc per fer amoretes, podeu anar una mica més al sud encara (és facil anar-hi a peu) i arribar-vos fins al Crit (si no teniu por de clavar-vos alguna pedrota a l'esquena) o les tres platges següents, que són de sorra. No hi sol haver mai ningú en aquesta època i són magnífiques.

    Apa, salut i a disfrutar. Records des de l'Helvècia.

    ResponElimina
  3. Mercés Marc per las indicas!

    Te pòdi pas dire s'eriam al nord o al sud de Calella o Llafranc que me daissèri menar per l'Amorós. Me sembla quand meme qu'eriam al Nord de calella... mas se dises qu'eriam al sud, te cresi que coneissi mon non sens de l'orientacion :P

    Nòti l'adreiça pel còp que ven :)

    ResponElimina
  4. Dejà, la fòto de Calella (e deu pè, magnific!) es estat presa deu sud estant. Etz passats per quauques tunels de teula de bastir, vertat? Doncas, lo sud. N'etz pas anats dinc a la platja au cap deu camin?

    ResponElimina
  5. JdP >> mmm, passèrem per d'unes tunelons, rai. La platja au cap deu camin? Sai pas!
    Marc e JdP >> akò se vei que sètz plan d'òmes totes dos ... ieu soi una femna, lo nòrd, lo sud, qué te sabi ieu!!!

    ResponElimina
  6. fantasmar un "divendres" en dejos negres, que se fariá passar per una balena, un ton e mai una serena o un willy ( aqueste devia aver de problèemas de psy...) Robinson èra sol sus l'isla dempuèi un brave briu, pecaire!!
    imaginar una mela qu'avem vist sonque lo pè que sembla pas brica a una coga de peis( per la serena) ièu ai de mal. la fòto de femna nusa benlèu per lo còp que ven, per rivalisar amb los rugbymen
    la femna nusa? mela? non Laure Manaudou, saique!

    ResponElimina
  7. Dens mon diccionari francés-catalan, un nem en francés que's vira en nem en catalan. Qu'ei plan la pròva que catalan e francés, qu'ei tot parièr.

    ResponElimina
  8. D'alhors, podes comparar, coma dises las terras agricolas son magnificas en catalan? Parièr com en francès, levada una t qui s'ei perduda sabem pas on. Qu'ei per aquo que los catalans an botat un accent sus la o de son, per pas desbrombar de la t, que la son totjorn a cercar (puta de teclat que'm vou pas hicar los accents).
    Dr JP

    ResponElimina

Mercé :)