La prima del Païsan

M'agrada aquela cançon, es del disc de Laurent Cavalié, Soli solet. (12€ en cò de Sirventès)

La musica es de Laurent CAvalié e las paraulas de Claudi Alranq:

La Prima del païsan

De matin, la garriga a sautat de la prima,

e pels botons de vinha m'a chavirat d'ulhons.

Ieu, soi un pauc timid, a fach nevar las flors

de la blanca albespina e del pesseguièr ros.

S'es passejada nusa entre mos dets curioses,

e sus ma boca rusca, a fach petar l'amor.

Es un bonur de simple, un paure bonur meu,

que lo mond de la vila voldriá que siaguèsse seu.