diumenge, 8 de juliol del 2012

Soi una STAR

O aviatz remarcat un pauqueton, dempuèi quauques jorns, m'i cresi un pauc, fau la quèca.
Mas ai una bona rason : i a agut un article dels bèls sus mon blòg dins La Setmana. Es la consecracion. Es ma palma d'aur a ieu. 
Tomba plan, es la sason de las sortir las palmas! (musiqueta "galejada poirida" please!).

L'article, es dins lo nº 874, pagina 9, lo vau metre jos veire e lo penjar sus la paret del lièch, aital lo veirai quand farai l'amor.
Se lo vòls legir, pòs telefonar a mon secretari per aver un rendètz-vos per visitar ma cambra, sequenon, lo pòs legir en linha. E se siás abonat a la Setmana, auràs lo plaser d'ausir ma votz. Me soveni pas quinas conariás diguèri, mas ai una excusa : me desrevelhavi. 
E pièger, se siás gascon o tolosan, me pòs ausir a la ràdio.
Granmercegi Aura per aquel article que tot lo mond a qualificat d'"excellent". Lo melhor article de La Setmana dempuèi d'annadas, en tota objectivitat plan segur.
Ara, lo discors, coma per la Palma (la del festenal, pas l'audenca!):
Thank you, oè! My wife I love you 
Plan mercés a totes vosautres legeires, anonims o pas, comentators o muts, istorics qu'eriatz ja aquí en novembre de 2005 o legeires recents, que vòstras visitas regularas m'encoratjan a bloguejar. 
Plan mercés als amics e amigas que me felicitan, que me dison quand aquò truca e que me permeton d'avançar, que siá pel blòg o per la rèsta. 
Aqueste blòg es una peiròta de la preséncia de l'occitan sus la tela, en esperant que venga mai bèla encara. Anem legir, comentar, encoratjar los autres blogaires : lo monta-mametas, l'Andrieulo Tam, la Rapieta, lo Joanla Fadarèla, l'Alan e los autres (cf tièra a drecha). Legiscam en linha e comentem La Setmana, lo Jornalet, Aquò d'Aquí.

E aquí, cadun me fa una standing ovation davant son ordenador.

6 comentaris:

  1. La Marylin del Blòg
    la Mata-hari de la tela
    L'Emmanuelle de l'Internet…

    ResponElimina
  2. E lo libre que sèm totis a esperar, es per quand????

    ResponElimina
  3. Ha ha, Joan, per o saupre, te cal legir l'article de La Setmana, i a la responsa dedins !

    ResponElimina
  4. Peiroton
    Per sortir, sortirà mas avèm agut qualques problèmas amb l'editor occitan e, pel moment, es encara l'Arlatenca.
    Voliam cambiar cambiar lo títol benlèu e l'apelar "La desirada" mas es dejà pres pel nom d'un roman de Jean-François Deniau…

    ResponElimina
  5. Aura: la coneissi, la responsa que es dins la Setmana, figura-te. Mas pòdi totjorn insistir, aquò còsta pas res, e de còps que i a, i a de miracles que te càmbian la vida.

    Anonim: aquò me fa pensar a un autre títol que sèm tanben a esperar, un diccionari de locucions occitanas o quicòm aital. Deu far partida de la meteissa colleccion. Ai mes los sòus a la caissa d'estalvi per lo m'ofrir, aqueste. Amb los interesses que son a s'acumular, me poirai crompar los dos, finala :-)

    ResponElimina
  6. Lèu un novèl títol per lo blòg : "Ma vida d'estar" ! Bravissima, Mèla, siam plan uroses de te poder legir !

    ResponElimina

Mercé :)