dimarts, 29 de desembre del 2015

E de nòvas del vesin, ne volètz ?

Vos sovenètz de mon vesin que ne vos parlèri tant

Sabètz lo qu'a un eslip e un pijama vèrd afrós? 


E ben figuratz-vos que las causas an cambiat! 

Los eslips, los vesi pas mai. 
O a quitat de ne cargar o los amaga plan sus la còrda per pas que los vegèsse. (aquò's viciós!)

Per lo pijama, e ben lo pijama vèrd a de-sa-pa-re-gut
Tòrni dire:  pijama vèrd de-sa-pa-re-gut.

Aquò's un drama per ieu.

L'a remplaçat. 

Ara sus la còrda, te vesi secar un polit pijama normal, negre. 


Quand vesi secar la bugada del vesin, vos disi pas la decepcion a cada còp.



Dau còp, me pausi de questions... per explicar aqueles cambiaments...
Primièra teoria: legís mon blòg.
Segonda teoria: ai desparlat, un moment d'inatencion, e bim, li diguèri.
Tresena teoria: a remarcat mon agach de caçaire tucle sus sa còrda e se mesfisa.


Sèm pas dins un libre de Ganhaire, mas seguirem l'afar !


2 comentaris:

  1. Benlèu es vengut corsari? Que se trapan pas las moscas ame de vinagre . Mas benlèu i cal far lo cop de las braietas multicoloras ,per li mostrar que sèm dins un païs liure e veirètz que tornarà estirar sa bugada fluo qu'es pas tant estranha qu'aquo. Non? . Seriosament a degut legir lo blog e aqui: ai ai ai .... Atencion se torna (te ai perdut los titolets!!!) legir lo blog ara, va se venjar, va penjar lo pijama negre al tudèl d'escapament de la vostra veitura, o que te sabi ièu.... Coratge.

    ResponElimina
  2. Enfins ! Era pas trop lèu ! Tot lo temps que me demandavi ont èra passat lo vesin : amorós ? partit ? escanat ? vergonhós ? A mon vejaire, lo tipe legís ton blòg... Figura-te que veni de passar dos jorns en cò de la familha Racochòt (lo que fa dessenhs per Macarèl) e un pichon agèt "Docteur Maboul" coma present ; ai contat ton istòria e avèm pas plorat ! Que l'an que ven siá pas afrós coma lo que ven de s'acabar... Qué dire de mai ?

    ResponElimina

Mercé :)