dilluns, 6 de juny del 2016

Tròç de vida 021

Soi sola amb el dins l'auto per davalar a Barcelona. 
Tres oras de viatge. 

Es un tipe que, foguèsse polit, seriá lo marit ideal tirat d'una reclama americana.

Son GPS lo menarà cap a l'adreiça de son airbnb (lo tugaire de Barcelona) e mon uèlh aluserpit d'anciana barcelonina li trobarà una plaça per daissar l'auto.
Partirai prene lo metro a l'Arc de Triomf, passarai entre lo monde vengut rabalar e espepissar los libres per la Sant Jòrdi. 

Lo metro de la linha 1 es plen, daissi passar una rama, doas ramas... la tresena arriba, clafida coma un uòu, me disi que seràn totas coma aquò fins a tard uèi e coma cada jorn. 
Sèm dissabte, son 11h30. 
Me cunhi contra la pòrta amb ma valisòta. M'agrada pas d'aver una valisa, sembli una guiri, l'expression mespresosa qu'an los Catalans per designar los toristas. Sabètz, aquel alemand roge cremat pel solelh amb las caucetas dins las sandalas? O aquel francés ufanós que-o-sap-tot-e-que-mespresa-lo-mond-del-país?

Davalan coma un sol òme a Plaça Catalunya.

La rama es vuèja, m'asseti.

E me ramenti coma m'agrada de mens en mens Barcelona.



4 comentaris:

  1. E me ramenti coma m'agrada de mens en mens Barcelona --> València is the new Barcelona :-)

    ResponElimina
  2. Oi ! Lo moral i es pas, pichona ! Te daisses pas anar... Que leu Total Festum va començar...

    ResponElimina
  3. Barcelona. Quau t'a vist e quau te vei...

    ResponElimina
  4. Joan-Pèire27/8/16 1:29

    Adissiatz, anetz pas pensar que me soi enganat. Aquel pòst pòt semblar fòrasubjècte , e pasmens...
    Jà fa de ben de saupre que nòstres vesins son pas tant colhas coma nosautres e que pòdon pensar d’un biais intelligent e apasimat.
    Mas cal dire tanben que coneisson una menaça encara mai òrra que lo burkini e qu’es … (veire lo darrièr paragraf)
    http://blocs.mesvilaweb.cat/martainsa/?p=255278

    ResponElimina

Mercé :)