Per fugir lo calimàs, anatz dins un cinèma climatizat veire lo film El Olivo. Un film intelligent, sensible, fin, pas maniquean, que plorèri de longa e ne sortiguèri ben urosa d'i èsser anada. Un film que te recentra sus ta condicion umana.
Sortit en Mai en Espanha,sortit en Julhet en França
S'avètz agachat las vidèos, avètz comprés que parla de la venda dels olivièrs millenaris valencians e catalans per los anar far veire de'n pertot dins lo mond.
Tot un patrimòni vendut.
I a una peticion aquí dessús : La peticion contra l'expoliacion dels olius millenaris.
De qué soscar...
L'endeman, anèri veire l'oliu vièlh que i a a un vintenat de quilomètres de l'ostal.
Manquèri de plorar en veire que l'avián pas podat e qu'èra pas gaire entretengut, mas rai, el es totjorn aquí :)
As plan rason ! Figura-te que, per festejar ma retirada, mos amics avián pel cap de m'ofrir un oliu. Diguèri fòrt e mòrt que ne voliái pas per las rasons que dises. E ben, non, aqueles caparruts n'an trapat un que poguèri pas refusar e que, dempuèi, se plai dins mon jardin. Cal dire qu'èra un jovenòt que vendrà millenari a Carcassona... Qui sap ?
ResponEliminaDe qu'as pensat de l'Estivada d'ongan ???