dilluns, 6 de febrer del 2017

Escherichia coli

Aira de servici de l'autorota. 
Comuns. 
La fusta fina que dessepara una cabina de l'autra. 
Aquesta fusta fina que tòca pas lo sòl. 
Aquesta fusta fina que tòca pas ennaut. 

L'intimitat es visuala. 

La pòrta d'a costat se dubrís lèu.

Las bralhas que tomban.

Lo bombardament comença.
Als abrics, amics!

Peta, peteja, petarra, petareja.
Tapa-te las aurelhas, tapa-te lo nas, tanca los uèlhs.

Aquò sortís d'ara d'ara.
As paur qu'aquò te giscle dessús.

Los grands bombardaments sens las sirenas.
N'as los budèls que te fan mal. 

Lo grand vuèg interintestinal 

             Lo bruch. E l'odor.

L'intimitat es visuala. 

Davant l'aiguièr. 
Sortís. 
Pimparèla. 
S'agacha dins lo miralh.
Fièra.
Se penchena. 
Se tòrna penchenar.
Se gomina lo pel de sas bacterias fecalas.
Las lunetas de solelh, las met en plaça.

L'intimitat es visuala. 

1 comentari:

  1. Ara compreni lo cossí del perqué de la ventarrassa qu'avèm aguda dins Aude d'aquesta passa ! Mercé Mela-meteò !

    ResponElimina

Mercé :)