dimarts, 1 d’agost de 2017

Programa bloguesc de las vacanças

"Programa bloguesc de las vacanças" Mèfi, aquò vòl pas dire que lo vau respectar ;) Que o sabètz, anóncii, e aprèp, fau pas res.

Alara, per las vacanças, ai previst de vos metre una fòto cada dètz mila passes dins la seria començada "10000 passes per...". Çò que deuriá far una fòto per jorn. Mas sabi pas se trobarai un internet corrècte, wifi o 4G, cada jorn. 
Aprèp, vau ensajar de tornar far l'experiéncia del quasernet de vacanças. Sabi pas s'aquò vos agradèt als legeires, benlèu aquò vos conflèt un pauc, mas per ieu, un an aprèp, aquò me fa de cranes sovenirs. 
O disi sovent, lo blòg es ma memòria, es la memòria d'una part de ma vida, i deuriái escriure mai sovent ! 
Per Nadal, una amiga de ma maire que l'apelarem Cantal, emai siaguèsse de Sant Aunès, m'ofriguèt un polit quasèrn amb de fuèlhs diferents, d'unes amb de linhas e d'autres de dessenh. Benlèu que poiriái far de dessenhs tanben ! 



Doncas, farai coma las vacanças de l'an passat: pas d'internet ! 

Mas de vacanças amb un pauc d'internet per bloguejar e per las responsabilitats associativas estivalas...

A, un pauc mai e doblidavi ! I aurà una suspresa ! 

Demoratz brancats ;)