dimarts, 26 de febrer de 2019

Revelh reglat a 3h del matin

372 jorns fa, prenguèri lo TGV a 4h30 del matin per anar dins un país desconegut per rescontrar un òme desconegut. 

Aviam charrat sus internet. 

"pòs venir se vòs" 
"es una convidacion oficiala?" 
"òc". 

La causa se pleguèt en una minuta. 
Trobar un trauquet dins mon agenda plena. 
Trobar de bilhetas pas tròp caras. 
E partir.

Quand i pensi, me trachi del baujum de l'afar. 

Aviái besonh de cambiar. 
De cambiar d'aire. 
De cambiar çò qu'anava pas dins ma vida. 
De trapar la solucion. 
D'assanir tot aquò. 

O sabiái pas, n'aviái pas consciéncia, mas se o faguèri, es que o caliá far. 

E dempuèi ? 

E ben tot va plan ! 

E saique lo regreti pas mon baujum  ! 

Ai rescontrat l'òme que me caliá.

Me dison qu'ai ganhat en serenitat. 
Ieu me sentissi subreplan e benurosa de cap a cima. 
E el tanben ! 

Ma vida es plena d'amor e de pampalhetas. 

Tot plen d'amor e de pampalhetas sus tu, amic legeire! 


2 comentaris:

Anònim ha dit...

Lo baujum serià de pas viure segond lo baujum ;-) Urosa per tu. Lo poton !

Sylvie Berger ha dit...

Vesi sonqu'ara que mon comentari foguèt publicat coma anònim... saique non l'es pas ! Lo poton !