La debuta de l'alcolisme, primièra partida

Concèrt de la Talvera.
Danci.
Danci fòrça.
Ai set.
Ai bravament set.
Pas d'aiga.
Pas de còcacòla.
Pas de chuc de frucha.
Pas que de cervesa.
Rai! Beurai de cervesa!
Primièra glopada, mmmm, aquò m'agrada!
La bevi tota.


E gausèri lo convidar.



Mas manquèri de racar pendent la pòlca.

de las marcas e de la còca-còla

Coma de costuma, dins la Boite a Images , i tròbi de qué venir un pauc mens colha....



Anatz veire, es akí!


.

Al menut a l'ostal de Figura DE Gòbi

Quand Figura de Gòbi deprimís, telefona e me fa "Òu, venes beure un còp a l'ostau?"
Ieu coma soi brava que brava (de dobtes dins l'amassada?), i vau.
Mas FdG a pas encara comprés que soi alcocacolica e me prepausa totjorn de chuc-de-frucha-dau-Lidl-de-LaPeirada. Emmerda...
Alara, ieu bevi d'aiga que pica... fin finala, es coma de còca còla sens la cafeina ni la color caca.
E lo tipe me conta sas istòrias d'amor (que vos las contarai benlèu, valon lo còp! ).
E coma es malurós coma las pèiras, me convida per sopar, akò l'ocuparà un brieu.

Mas quand Figura de Gòbi te convida a sopar, as l'impression d'anar al restaurant de tant qu'es bon e polit. Gachatz-me akò:

Sopar del Divendres de Ser

Ier de ser, soparem coma de reis!
Vakí çò que preparèron La Jefa e Pomponeta:





E lo Pengabelòt aviá fach un Tiramisu tras que bon... (mas ieu m'agrada pas lo cafè! :-(((( )

Una mangiscla serada tras que bona!

E ieu de que faguèri? E ben:
- manjar
- rire
e la terralha, OF COURSE!

nota bene: beguèri pas de còcacòla

Còca Còla: reclamas!

Una reclama asiatica:




Una reclama polideta que ne soi fan!






.

Alcocacolics Anonims ©

Bonjorn!
Me dison Melania e soi alcocacolica ©.

Akò comencèt 5 o 6 ans fa.
AKò comencèt quand trabalhavi sus un ordenador una bona part de la jornada. Aviái besonh de ma dòsi de cafeïna , e coma lo cafè m'agrada pas, comencèri la còca-còla. Pas grand causa a la debuta: una caneta en debuta de tantossada, a l'ora de la prangièra. L'anavi crompar a l'especiariá de l'arab, la que barra pas jamai. Puèi ne prenguèri doas.
Passèri a la Còcacòlalight perque la cocacola normala fa grossir. Çò dison.
De doas canetas PM, apondèri la de 11.00 del matin. La que n'aviái besonh perque aviái pas dejunat.
Puèi passèri al paquet de 6 canetas, que lo beviái entre 11 oras fins a mièjanuech o 1.00. Ensajavi de lo far durar cap a l'endeman, de còps capitavi, de còps capitavi pas.

La tissa, l'aviái.

Beviái de còcacòla coma lo mond bevon son cafè, son tè, d'alcòl o d'aiga: a 11 oras, pel dinnar, per vespertinar, pel sopar, per l'aperitiu, pel digestiu.

Òc, segur, arrestèri. Tantes còps.
Perque arrestavi? perque aviái pas de sòus per ne crompar, perque aviái de taquicardia...
Arribi encara d'arrestar quand la taquicardia tòrna. Arresti un jorn, una setmana, doas o tres, un mes,puèi i tòrni.

Passèri a las còcacòlas-pas-cocacolas, las jos-marcas: la de CArrof, la de lidl, la de .... e tornèri a la còcacòla vertadièra. Es melhora. Trobatz pas?

Ai totjorn una botelha de còcacòla. E se jamai n'i a pas mai a l'ostal veni febrinèla. Mas bon, sabi dins mon inconscient pregond que i a totjorn una especiariá araba que me vendrà ma pocion.

Soi coma un ibronhàs que se servís son gòt de vin , comença quand se leva, acaba quand se colca, e acaba las botelhas unas cha las autras.
Soi coma lo beveire de cervesa qu'a totjorn sa caneta a la man.
Soi coma lo beveire de wisqui que se servís e que gaudís de sos glaçons e que te ten son discors sus la marca çò qu'es melhor, eça.
Quand vau faire las crompas, se i a una causa que doblidi pas, es la còcacòla.
Lo beveire de cervesa doblidarà pas son pack de 24 botelhas.
L'ibronhàs del canton de la carrièra doblidarà pas sas 2 botelhas de vin, l las botelhas de plastic, las de mens de 2€.
Lo rafinat del país doblidarà pas son wisqui o son martini.

Ieu, cada còp, preni un pack de 6 botelhas de CòcaCòla Light, botelha 1,5l.


Brave mond,
soi alcocacolica, ajudatz-me.







.