Per Mutatis!

Lo jorn de las resultas de las mutacions arriba e me languissi. Soi pas pacienta. Puèi me fau de lagui. M'anatz dire que i a pas de rason de se far de lagui. Pòdi èsser sonque dins un endrech plan!
Rai
Mas bon
ont serai?
Tolosa?
Montpelhièr?
Lemòtges?
Clarmont?
Bordèu?
Marselha?
Niça?
tic-tac, tic-tac.

Sabi plan qu'ai pas lo drech de me planher , los professors van totes petar dins d'endreches que son pas de tan bon viure....
Alara me planhissi pas. Non, se cal pas planhe
pasmens...
Non, non, se cal pas plànher...

E dire que serà la meteissa causa dins 15 jorns quand saurai l'acadèmia e me farai de lagui per conéisser l'establiment, las condicions de trabalh, eça.

Booooooooooooooooooooooooo




Mas dins 6 setmanas son las vacanças....



Ben òc, caliá acabar aquesta nòta sus kikòm de positiu!!

Patronimia...

Amb los 6ª, fasèm una sequéncia suls noms d'ostal, de dire que los noms d'ostal d'aquí venon de l'occitan. Avèm passadas doas sesilhas de recerca: avián una tièra de noms e devián trobar son origina, sa significacion, devián trobar tanben las variantas d'aqueste nom.
Al nom "nouguier", devián dire que significava noyer, e las variantas esperadas èran Noguier, Nougairol, etc. Una escolana dins las variantas marquèt "Nouga York"


RE-MI-RA-BLE

jòc de mots

Caca-boudin!
non, non, je préfère l'aligot-saucisse



Sorry!!!
Mas, la trobèri aqueste matin, e ne risi encara...


Me caldrà lèu-lèu escriure de causas inteligentas per ratrapar akò...


Oaf oaf oaf oaf

Aniversari 30 ans. A cambiat la situacion pels vinhairons?

Montredon
4 de Mars de 1976
Aude

Vinhairons / CRS

Moriguèron un vinhairon, Emile Pouytès e un CRS Joël le Goff.

"Montredon marque la fin d'une époque et d'un certain mode de lutte viticole traditionnellle (...) Montredon c'est ça: le seuil de l'infranchissable. On peut le passer ou pas, presque sans s'en apercevoir. C'est une dure leçon. Cela peut tenir à rien." in Jean Huilllet, De que fasèm? Un regard militant sur la viticulture, Domens, 2004

l'estanh de Thau encara barrat

An barrat tornarmai l'estanh de Thau. Perque? Se sap pas. Coma m'o diguèt mon amiga Carina, cal aver paur que Mauresca aguèsse rason

Entre aquò e nòstre estanh de Thau, la gestion que fan de nòstre país, balha lo vòmit!!









Mauresca Fracas Dub - Seta

31

Las vacanças-per-far-marchar-l'economia-montanhòla me faguèron daissar mon faidiment per quauques jorns... Macarèl quina misèria de mond en defòra d'Òlt!
La misèria, l'exclusion, la corrupcion, la pollucion...
Mas non, vòli pas parlar d'aquò!

Montpelhièr, la surdouée... mon vié!!!
(kò rima, avètz vist??)

Anèri a Montpelhier-ciutat pels besonhs d'aquò, puèi volguèri anar al centre per portar un present. (ma caritat crestiana me perdrà, o sabi plan). Normalament, Figairòlas-centre n'i a per 10 minutas! E ben t'i aviá un tapàs qu'èra pas de creire... Per las òbras de la linha 2 del tram. Bon, lo tram es fòrça polit. Òm supòrta. Òm romega genre"puta, ai quicòm mai de faire ieu, bordèl!!" mas bon, òm passa, sens repotegar un pauc sus la Policia Municipala que poiriá venir faire la circulacion e apasimar lo mond per sa preséncia....

Arribi, al cap d'un brave brieu, cap al centre, e decidissi de me rambar a l'entorn de las Halles Laissac, que i tròbi sovent de plaças.... (soi la soleta, mas ai d'astres, es pas ma fauta, es coma aquò, pas la pena de renar). Tòrni. Viri. E aquí me tròbi bloquejada per una autra veitura Play mobil.... Una Esmart... OK, playmobil de luxe me diretz....
Espèri.
Espèri.
Espèri.
Klaxons de las nombrosas veituras qu'espèran.
Alara klaxoni.

Arriba en fasent semblant de córrer un jovenòta coma n'i a tantas a Montpelhièr que dintra dins son Esmart. Of, va tornar partir. Demarra, avança en virant sec... o macarèl la R5 d'a costat....
E se tòrna arrestar, sortís lèu "2segondas" ???? Mas es de surrealisme!!! Camera amagada??
E tòrna partir. L'alu. Cal quand meme dire que lo canton Laissac es una merdassa per maniobrar en veitura, e tot lo monde se deu petaçar amb lo pichon espaci que i a. E a títol informatiu, las Esmart dintran perfièchament suls passatge-peatons (akò emmerda los peatons, mas se'n fotem). Klaxoooooooooooooons. Tot aquò per prene un croissant a la fornaría del canton.
Perque los policièrs municipals èran pas aquí a ensajar de faire que Laissac siá manobrable en luòc de fotre de PV de longa o de faire cagar los joves del plan de la Comedia??

Ieu o sabi perqué!!!

Perque sas veituras pòdon pas passar dins las carrièras de Laissac!!

Se la jòga pas american qual vòl...

e i anavi pas per asard...

Uèi, 800 qm per far Carcin-Catalonha. Aprèp la frontièra, m'arresti per metre de gasolina. Es una gasolina de pre-pagament, es a dire que cal pagar abans de se servir...

Dintri per dire que pagui amb la Carta Visa Gold made in American Express 4 estèlas... :-D . Genre, pòdi pas pagar ARA. Las vendeiras, me fan comprene qu'es OK... e me demandan quina pompa... e abans que respondèsse, una ditz:
- Usted lleva el camión?
- Mmmmm, aquí detrás del coche blanco.
Ai pas precisat, Twingogogoallezallezallez, playmobil, en avant les histoires. Avián compres qu'èri pas del camion!!


Nota bene per mai tard: Pensar a me feminizar un pauc que sembli un camionaire , ouaf ouaf ouaf

Vacanças, no job

pasmens, me cal:
- dormir
- planificar las sequéncias cap al mes de junh (se cal pas trufar)
- recaptar mon ostalet
- legir los libres qu'ai
- tornar los libres , encara en retard, encara una multa...
- classificar mos documents pedagogics (m'agrada aquesta expression)
- anar dançar
- veire los amics a Montpelhièr
- anar a Barcelona
- trabalhar lo nivel C de catalan que devi passar al mes de mai
- començar d'estudiar lo programa d'espanhòl en collègi per l'an que ven...
- faire de lagui per las mutacions
- pas despensar de moneda.
- magrir

Mission impossible, an escampat Tom Cruise per me prene a ieu :)

questionari nul

1 lo questionari que m’auriá agradat d’i respondre mas que pas degun m’envièt:

mmmm, pas degun me manda cap questionari, alara.... Doncas los que i a aquí dessus, los ai raubats sus de blogs franceses. Sequenon, m’auriá agradat de respondre a las questions dels questionaris faches pels candidats de Tournez Manège, kò’s grand!!

2 foguèsse un animal espotit sus la rota, seriái...

un eriçon, cf Wally “il ne faut pas demander de l’aide à un hérisson pour traverser la route”

3 mon dictator preferit:

mon caracter de merda!!

4 l’objecte sexual que m’agrada melhor :

la trompa d’elefant

5 ma deformacion fisica preferida:

la crampa de la boca de Dominique Lavanant dins los Bronzés 3. Mòrta de rire dins lo ciné (es çò que me ven primièr al cap, o veguèri ièr... )

6 deguèsse brutlar una veitura, seriá .....

totes los 4*4 del mond qu’an pas besonh d’un 4*4.!! 1-Contaminan. 2- Se pòdon pas rambar en vila. 3- Coma los menaires avián la costuma de menar una Twingogòla, te prenon tota la rota. Fuck los 4*4!!

7 deguèsse executar un Bisounours seriá....

Groscheri?

Bon, me cal avoar, agachavi pas los Bisounours a la television ( a l’epòca, n’aviái una), èri una filha, tant femenina, qu’agachaci Olive e Tom e Nicky Larson, èra plan mai rocok’n’roll que non pas lo necitge mais in orsland... Sequenon, los bisounours son braves, los anam pas killar. Podriam killar Gargamel melhor? O Candy? Òc, si, anam killar Candy!!!

Li 7 felibres de la lei….

Encara un questionari made in franch blogs...

7 causas que vòli far abans de morir...
- publicar quicòm
- montar un espectacle d’umor
- jogar d’acordeon o de cabreta o un autre instrument
- magrir, mas pas tròp tampauc
- aprene a cantar
- far d’autres estudis
- èsser capable de cambiar de mestièr

7 causas que las fau plan coma cal
- far rire
- romegar, rondinar, repotegar
- quequejar
- chucar.... ai pas precisat qual o qué....
- pausar de questions de blondas , lo mond sabon pas jamai se fau exprés o pas (ieu tampauc)
- me trufar del mond
- la lenga de pelha....

7 causas que sabi pas faire
- me levar quand lo revelh tinda
- la cosina
- me reténer de rire quand quauqu’un tomba
- una equacion-bilanç en quimia
- bricolejar o far que que siá sens far dins lo gacha empega’ style
- m’orientar. Lo nòrd est TOTJORN davans ieu. OK?
- estimar. Genre quants i a d’estatjants? Quants ia de quilometres? Quant de temps cal? etc

7 causas que m’atiran dins un òme
- son umor
- son agach
- son intelligéncia
- sa politessa, es a dire rire de mas conariás, emai siaguèsson pas risolièras
- sos pèls
- sos braces
- sos botelhs e sas cuèissas...


7 causas que disi sovent
- boudiiiiiiiiiii
- O putainnnnnnn
- Joderrrrrrrrrrrrrr
- Anda, Vete al mierda
- Chuis fatiguée
- Salut , ça va?
- Zo!

7 famous people que m’agradan
- Guizmo
- E.T.
- Mauri dins la serie Aquí no hay quien viva
- The crocodile Hunter (lo hunter, pas los crocodiles!! )
- ieu? Qual a dich que soi pas famosa?
- Flipper lo dalfin, Lassie lo colley, Belle dins Bela e Sebastien, JoliCoeur dins Remi sens familha ( morís al cap d’un brieu, bon dieu, qu’ai ploraaaaaaaaaat ), Demis Roussos ( es mòrt? En tot càs, ai pas plorat)
- Javier Bardem....