Lo factor es passat, tornarà pas mai passar...

Driiiiiiiiiiiiiiiiiiiiing

Respondi pas jamai, sabi qu'es pas per ieu, es pas jamai per ieu.
LaJefa brama:
- Davaaaaaaaaaaaaaala, es lo factor pels calendièrs
- a, mèfi eh, prengues pas lo modèl amb los gatonets!
- ben, vèni amb ieu, causirem ensems!

Lo factor dintra dins lo salon.
Es graaaaaaaand.
O aviái pas jamai remarcat qu'èra tant grand. Cal dire que se vei pas gaire qu'es grand quand es assetat sus la petroleta...

De calendièrs, ne sortís un ferrat de sa saqueta "la Pòsta" (La BèlaValenta ditz encara PTT... a una guèrra de retard la Bèla Valenta... Qual dins lo lectorat ditz PTT?? es sonk per me trufar un pauc) .
Agacham tot akò.
Gatonets, gatonets dins una banastas, gatonets dins una banasta amb de flors, gatonets amb un gosset, gossets que dormisson, gossets que jògan, un caval que corrís, un caval amb una banasta, un caval amb una drolleta (non, es pas ela la banasta), pintura d'un ramat de flors, pintura d'un lac, pintura d'una montanha, gatonets tornarmai, composicion florala : banc, semau, flors, bicicleta rovilhada mas pas tròp e ne passi.
Amb LaJefa, agacham , tornam agachar e pffffff, metèm de costat los mens piègers.


Los calendièrs de la Poste es l'apogèu del kitsch e del marrit gost.
me disiái sens relambi... puèi t'agachi la saketa del factor, e te'n vesi d'autres de calendièrs!

L'idèa!

Akeste òme nos vòl vendre los nulasses e se garda dins la saketa los mai polits
e akí
l'idèa:

- E amb d'òmes nuses, n'avètz?




I aguèt coma un silenci...


Long lo silenci....


e lo factor me bretoneja:

- mm, non, me n'an pas jamai demandat.





Qual me seguísper una peticion a La Poste per dire:
NON ALS GATONETS
ÒC ALS ÒMES NUSES!
ANÈM ÒC PELS ÒMES NUSES SULS CALENDIÈRS
ANÈM ÒC PELS ÒMES NUSES SULS CALENDIÈRS
ANÈM ÒC PELS ÒMES NUSES SULS CALENDIÈRS
ANÈM ÒC PELS ÒMES NUSES SULS CALENDIÈRS
.