Aquesta femna vol morir. Patis e a lo coratge de se mostrar dins los mèdias desfigurada per que sa volontat siague respectada sens aver besonh d'emigrar. E l'autre encloscat li prepausa "un nouvel avis medical". De qual se fot???
Pel mond que l'an pas encara vist, agachatz MAR ADENTRO d'Alejandro Amenabar. Es l'istoria vertadièra de Ramon Sampedro, tetraplegic que luchèt e mediatizèt sa lucha per se poder suicidar legalament e dins de condicions dignas (lucha que fracassèt...)
Per aquesta femna, e per totes los autres que son o seràn dins aquestes cases, que las lèis cambien dins nostres païses!
Mar Adentro:
Quauques extraches: (sai pas kant de temps demoraran sus youtube...)
Entrevistas de Javier Bardem e Alejandro Amenabar e subretot d'extraches del Ramon Sampedro.
Entrevista en galhèc de la k l'ajudèt a morir:
Sus internet:
- Association pour le Droit de Mourir Dignement
- La Federacion Mondiala per morir digne
Òsca pel "post"!!! Plan dit e plan sentit. I a pas res a dire de mai.
ResponEliminaBé, sabi qu'hui es pas politicament correcte ser contra l'eutanasia, mai crèsi que seriá plan perillós legalitzar-la. Em preocupariái las pressions qu'i podriái aver des de familiars o dels centres hospitalaris. De pus, i a la question de la salut mental de la persona, e de qui decidiriái (i amb quins criteris) se la persona a la capacitat per a prendre la decision.
ResponEliminaçò que compreni pas es perqué la femna - Chantal Sebire- se suicida pas : cresi qu'a tot son entendament e pensi pas que siá paralisada - mas benlèu que m'engani ?- Dins aquel cas, perqué demandar als autres d'assumir sa causida ? Se vòl morir, e es son dreit, li cal pas se descargar suls autres del passatge a l'acte : i a maites faiçons de se tuar ( lo Bruno Bettelheim ba faguèt amb una pòcha plastica : còsta pas tròp car, e en mai d'aquò, ara que son faitas amb de materials recicables, es un gèst ecologic...)Evidentament, se la femna es dins l'impossibilitat fisica de se tuar, es figa d'un autre panièr.
ResponEliminaTartina
Tartina a perfèitament rason, i aviái pas pensat...l'interés de l'acte medical, ça que la, es d'evitar la sofrença e de poder morir inconscient.
ResponElimina- Tartina: la question es pas akí, se tracha pas sonque de trobar lo suicidi mai eficaç. Es una lucha mai qu'individuala, una question de societat pas lo problèma d'una persona, kina k siá akesta persona.
ResponElimina- Timothy: rai. Mas legalitzar vol pas dire eutaniasar un cha l'autre los malauts. Seriá donar la possibilitat al mond conscients de poder causir de viure o de morir coma o vòlon.
I a doas o tres causas que me passan pel cap en legir los comentaris(vos caldrà far los ligams !) :
ResponElimina- en Anglatèrra, los qu'an passats los 75 ans son meses d'ofici a la fin de la tièra d'espèra per las operacions dins d'espitals publics,
- l'infèrn es pavat de bonas intencions : en teoria, una lei per ajudar los que vòlon morir e que ba pòdon pas far sembla una bona causa; al mens a la debuta, dins una societat que va pas tròp mal -del punt de vist social & economic- ; mas aprèp, cossí poiriá èsser interpretada una tala lei dins una societat qu'auriá faita quincanèla per ex.( amb una securitat sociala anientada), e ont lo teissut social seriá tot esquinçat - ja que las condicions de vida dels vièlhs dins d'ostals de retirada semblan las dels camps d'exterminacion ...- ?
3) Una lei de mai ?!! Ja que de leis n'avèm a bodre : pels tubaires, pels pintaires, pels fadòrlas que menan de carris, pels qu'an de carris vièlhs, pels fotaires d'emplastres als dròlles, pels qu'an de gosses - cagaires o mordaires-, de galinas- portairas potencialas de gripa aviaira- ... Ajutòri !!!