Un metòde per devenir invesible
Nani, sabi pas vertadierament coma s'es passat. Se parlava de lònga, de'n pertot, de païs envasits, fòrça luenh dei frontieras d'Eutanasiá. De pòbles somés, de repressions sauvatjas, dau silenci au mitan dau bocan dei tanks e dei bombardiers.
Siáu intrat a la Prefectura.
Ai dich - en occitan- au foncionari darrier sa veirina que voliáu protestar, ieu tanbèn.
Protestat oficialament còntra una invasion de sèt sègles. Una invasion completa, contunha e capitada de 255 000 jorns. A pas soletament levat leis uèlhs de sei dorsiers. Èri plantat aquí, parlavi, cridavi: "Vos dieu que siam estofats, negats, condemnats au silenci despuèi sèt cents ans, e que vòli protestar coma tot lo monde."
Me siáu avisat alòrs qu'èra pas sord, aquel emplegat modele. Me vesiá pas, simpletament. Èri devengut invesible, tot d'un temps. Quand parlatz occitan, a Eutanasiá, devenetz invesibles.
Tot bèn pensat, me consòli en pensant que l'i a pas soletament d'inconvenients.Florian VERNET, Miraus Escurs, IEO Edicions, 1990
dijous, 21 de maig del 2009
Un metòde per devenir invesible
Subscriure's a:
Comentaris del missatge (Atom)
E encara d'unes còps passèm al travèrs de las pòrtas e autras sens veire ren , sens rescontrar d'atòms, per dire .E sabem pas sonque se tot aquò ven de l'emplegat modèl de la respublica francholharda o de ièu?
ResponEliminasi, mas que fa mal sa legidura.
Tarrible ! ...
ResponElimina