dilluns, 23 d’abril de 2012

Diluns negre

Ièr de matin, voliái metre aquò en linha:

Segon aquesta vidèo, votarai pel Front d'Esquèrra(e tanben segon mas idèas, cal pas desconar, òu!) 


Qautre jorns abans lo primièr torn, sabiái pas se votar PS per utilitat o Front d'Esquèrra. 
Puèi, anèri al Meeting Front d'Esquèrra que i aguèt a Seta, un meeting local, sens lo candidat orator que fa levar las folas, e i sentiguèri quicòm, tot d'un còp, i cresiái. 
Tot dimenge, me prenguèri a pensar que lo candidat del Front d'Esquèrra seriá tresen e benlèu segond, qualificat per la finala, que totes aurián comprés que de cambiaments son possibles e que, plan segur, pas degun se fariá enganar per lo vuèg plen d'asirança de l'extrèma-drecha. 
E las resultas tomban : decebuda per la resulta del Front d'Esquèrra, enrabiada per la resulta dels nazis, trista per la paura Eva Joly que m'èra plan simpatica, mas contenta de veire Hollande davant l'autre conàs. 

Puèi agachi las resultas regionalas, departamentalas o municipalas: dins lo país, per aquí pròche, lo Front Nacional a fach fins a 25% o 30%. Una persona de quatre, una persona de tres, es gangrenada. Compreni pas qu'un partit que bastís son existéncia sus l'òdi pòsca batre un partit bastit a l'entorn de l'uman. 

Alara, m'interrògui. 

Quina reaccion aver amb los pròches que vòtan FN (mon conàs de fraire per lo pas citar)?
Coma ensenhaira, cossí far per que los electors qu'ai en fàcia comprengan que l'òdi e lo replec son contraproductius?




4 comentaris:

Patricia ha dit...

Soi coma tu, levat que coneissi pas degús d'oficialament FN. Ai votat Eva Joly per çò que èra ela (auriái pas votat Hulot) e soi trista pel FdG, lo vesiái ben tresen. Dins mon vilatge 30 personas an votat FN (sus 140 inscriches) es mens qu'al nacional mas aquò me fa enrabiar. Merad i es per belcòp, cresi.
Auriái pas volgut me desrevelhar dins lo Gard, aqueste matin...

manjacostel ha dit...

Mas ont anar per sortir d'aquela conaria ambianta, d'aquel pais de xenofòbas... E lo pus triste aquò's qu'es pas que la debuta... A pas començat de nazejar lo nazi , i avia encara un pauc de vergonha.. Leu va tombar e alara aurem la paur...

Mirelha ha dit...

Ieu votèri per l'Eva que parlèt clarament en favor de las lengas de França. Lo Melenchon es un jacobin de primièra que diguèt d'orrors messorguièras sul biais d'ensenhar los dròlles dins las escòlas Calandreta, Diwan, eta. Clar que d'unes "comunistas" èran pas d'acòrdi amb el mas o diguèron pas pro fòrt ! Anem, bona jornada !

Cercaval ha dit...

Solide, Eva Joly es per las lengas regionalas, mas es tanben pel MES (sabètz lo daquòs qu'impausa l'austeritat a Euròpa tota), alara sabi pas se d'aquel biais demorarà de moneda per la cultura...
Al FDG, tot es dubèrt, un espèr se lèva (e pas que per l'occitan), se parla de butar las causas, o cal far macarèl !
Amistats a totes.