A despart que la dicha Maria fariá melhor de pensar a son percors abans de voler de fascistas al poder, tròbi escandalós que se pòsca trobar quicòm coma l'expression joslinhada dins un jornal coma Libé. Banalizar aquela mena de clichés es favorizar un racisme e un mesprètz que vòlon pas dire son nom e que son de terranha per de mond qu'an agut ja tròp de vòtes al primièr torn. Es de la mena de "los arabs son de raubaires", "dins lo Sud, son de fenhants", "los negres pudisson", o "los asiatics l'an pichòta". Benlèu que lo jornalista s'es volgut venjar de las idèas pudentas de la Maria? E ben es pas una rason. O alara un biais de nos dire que los immigrats d'un còp èra son contra l'immigracion actuala? Quora l'Insop, l'ipsee o los autres faràn un sondatge sus aquò?
***
Me fa pensar a ma maire, lo jorn del primièr torn, que, sul mercat, faguèt un esclandre que manquèt de se castanhar amb una autra vièlha que disiá a qual o voliá plan ausir d'anar votar per Lepen. Ma maire li rebequèt :
- E volètz votar per Lepen, sètz pas francesa solament!Es lo dialòg que me contèron, me diguèron pas la seguida que ma maire acabèt lo raconte per un "de tot biais, es una conassa aquela".
- Si, madama, soi francesa ieu!
- Oè, t'apèlas Carmen Rodríguez, arribères d'Espanha una man davant una man darrièr e vòles votar LePen? Mas que siás colhassa ma paura.
***
Al telefòn :
- òu Mamet, votères per Melenchon?
- Non, per Hollande.
- (Decepcionada) Vertat ?
- Mas Papet votèt per Melenchon el
- Aaaa (L'onor es sauvat), e ben ieu tanben
- Ben ieu aviái tan paur que passèsse pas que votèri per el. Mas bon fin finala, plan de mond votèron per Melenchon, es plan! E deman tornarai votar Hollande, segur.
- Solide, ieu tanben votarai per el.
- Avèm ja preparadas las envolopas per deman! Cal que ganhe, òu. N'i a pro d'aquela drechassa.
La telefonada que me botèt de bona umor :)
Ma familha que demòra dins Gard fa pas partida dels mai de 30% que votèron pel front nacional. Of!
Per contra, dempuèi lo primièr torn, parli pas mai a mon fraire.
Completament d'accòrdi !!!!! 'quò que m'arribèt a la terrassa d'un cafè a Tolosa prèp de la catedrala Sant Estiena , qu'esperavi la femna, un tipe a costat se sietèt , benlèu un libanes, un sirian, bronsat qué , que me diguèt que me calia votar per Nicolai per de qué l"autre" quitava pas de gular???E Valià pas ren!!! E li respondèri que gulavan tant fòrt l'un que l'autre...Puèi lo tipe partiguèt e aprèp arribèt una algeriana( m'o diguèt) que me diguèt encara que los arabis èran pas que de fenhants , e que tocavan lo RSA , e que cercen, torbrarian de trabalh.... Ne'n demorèri siderat, un brave moment, e que trobèri de li respondre que que los que trabalhavan , bevian pas de cafè, e se vesiam pas... La filha partiguèt..
ResponEliminaMe demandèri se l'UMP avia pas pagad de monde estrangièrs per escupir sus los estrangièrs . Curios non?.