dilluns, 15 de juliol del 2013

Ai una television!

Aviái pas agut una television mieuna dempuèi... l'an pebre! 
Me sembla que la darrièra tv qu'aguèri èra dins mon apartamenton d'estudianta ("studette" que ne disián - fa pas un pauc títol de film porno, aquò?) e vos parli d'un temps qu'èra abans l'an 2000.
Èri pas completament desconectada del mond, escotavi la ràdio cada jorn e èri de longa sus internet. Mas d'aver pas de television, sembla que vos fa plan malurosa. En tot cas, es çò que se diguèt l'òme de ma maire que me'n faguèt present d'una. Me la branquèt e tot per veire se marchava plan coma cal e se mon antena sul teulat èra encara bona. 
Marcha.
Aquò èra divendres.
Dau còp, lo ser, agachèri las informacions. 
E vegèri aquela catastròfa ferroviària a Bretigny.
E aquí los imatges de contunh, lo fèrre tòrt, los bastiments e los wagons petats, los pompièrs, los nafrats, l'apocalipsi.
Me prenguèt una ànsia òrra, a l'encòp pivelada e traumatizada per çò qu'èri a veire. 
Aviái doblidat la fòrça dels imatges. Aquel gaudre visual que t'envasís los uèlhs e lo cap e que i pòdes pas res faire. A despart d'apuejar sul boton roge. Es çò que faguèri.
Dempuèi divendres de ser, ai una television atudada.

5 comentaris:

  1. Monsur Mamado15/7/13 11:05

    ADiu, te fau jetar~gietar imediatament 'quela televicon. Es la pus granda saloperia que siàia~sià. Tu vas 'chabar per pus legir, pus veire de monde, t'embarrar chas te mai daus anti-despressors...
    Fot (?) me quò-d'aquí per la fenestra e vista, per 'na televicon esbolhada, i a dietz princes charmor~mant~s que tintimbalan a la pòrta.

    Monsur Mamado

    ResponElimina
  2. Aura Séguier15/7/13 21:05

    Après, s'es un vièlh modèle, pòt èstre utile per i pausar causas dessús. Ieu i empilavi de libres...

    ResponElimina
  3. Mamadó: Mas totas aquelas annadas qu'èri sens television, ont èran los princes charmants????


    Aura: Es flama nòva! Magra coma un top model !

    ResponElimina
  4. Monsur Mamadó mai un accent16/7/13 8:23

    Ilhs iò sabian beleu quitament pas que tu avias pas la televicon. Es de iò cridar per delai las ridelas « ai 'na televicon » MAI de l'esbolhar « e l'ai esbolhada » que los fai eisir dins un vargier o sautar dins la rua.

    Coma totas las operaci's magicas, be, es magica.

    ResponElimina

Mercé :)