dilluns, 25 de novembre de 2013

Novembre de 2005 - Novembre de 2013 e sèm encara aquí !

Un pauc mai e me caliá prene la maquina de carcular! 

8 ans! 

Qual i auriá cregut? 

E vaquí, balin-balan, sèm encara aquí :)


Bon anniversari al blòg, a son autora e als legeires e comentators! 

E un brave mercès a totes :)


8 ans.
Es long 8 ans.

I cresi quasiment pas.

E cresi pas al succès del blòg. 
Als messatges que pòdi recebre. 
Al mond que me butan a i tornar quand daissi pissar.
A tot çò qu'ai pogut escriure en uèch ans! D'unas causas quand las tòrni legir, me trachi qu'aviái doblidat que las aviái escrichas o viscudas.
Al mond que me dison dins la vida vertadièra "Melanie? Melanie.. Zetofré? La del blòg?" 
Si, vos prometi qu'aquò m'arriba! Pas cada jorn, aquò rai, mas m'arribèt encara la setmana passada! Lo problèma es que m'arriba SONQUE amb de femnas. Èra frisada aquel còp.


E sabètz qué?

L'autre jorn, recebèri una letra d'escolans!
Que sa professora lor faguèt estudiar de tèxtes de mon blòg! 
Te deguèt far una censura, pecaira! Quina idèa tanben de far estudiar qué que siá a de dròlles!


E dins sa letra, los pichons me demandan se me pòdon rescontrar.


Lor ai respondut de òc, plan segur.

Mas de qué lor vau contar? 
De qué me van demandar?
Cossí se passarà?

Es lo primièr còp que vau rescontrar de legeires. 
En mai d'aquò son pas de legeires normals, son de legeires forçats, pecairòts.
Sabi pas tròp se saurai faire.
Veirem ben!


E garris! M'ES TÚ DIAN dins las escòlas! 


Es pas la debuta de la glòria aquò?!?



4 comentaris:

Anònim ha dit...

Bon aniversari lo blòg !
E mercès a tu, Melania, per cada còp que vesi dins la tièra dels messatges "Ma vida amb ieu", qu'aquò ja me dona lo risolet !

Christelle

Anònim ha dit...

DUbra 'na botelha e que quò duresse 100 ans de mai

Anònim ha dit...

Bon aniversari e merce plan per tot aquela polida escritura, fa lontemps que te legissi e a cada cop es un plaser. E mai ara que soi pas mai dins Occitania ( e oc n'ia que vivon al dessus de lyon.. ;)) aimi totjorn te legir! Osca,Melania!

Anònim ha dit...

Òsca e mercés !!!