dimecres, 1 de gener de 2014

Bona annada!



Bona annada, plan granada e plan paupada a totes los legeires d'aquel blòg :)



2014, serà l'annada :

- de la poncha!

- que saurem se viurai mai vièlha que lo Cristo o pas. Tant que me crucifican pas, tot me conven.

- del centenari de la mòrt de Fredo Mistral. Seriá l'escasença benlèu de legir o de tornar legir son òbra. 'fant!, seriá una resolucion que tuga aquò : legir tota l'òbra de Mistral al fial de 2014. (que la podètz telecargar aquí, es completament legal, fa 100 ans qu'es mòrt lo tipe!)

- del centenari de la debuta de la Primièra Guèrra Mondiala, qu'a pas res de veire amb lo ponch precedent mas que n'ausirem parlar plan mai!

- de l'independéncia de Catalonha, que per que pòsca veire aquò, me caldrà viure mai que lo Cristo. Eloïm, me meti de genolhons, mas daissa-me viure fins a la fin de novembre, los jòcs olimpics russes, la copa de balon brasileira, me'n brandi, mas l'Istòria qu'es a s'escriure, i vòli èsser!

- de la tresena edicion d'Escala a Seta, del 18 al 21 d'abrial, qu'espèri aquò amb impaciéncia! The question is jogarai sus un batelàs? (n'ai ja parlat sul blòg!)

- del Congrès de l'AIEO a Lhèida. L'Aieo es l'Associacion dels Intelectuals Emmerdaires Onanistas, e coma me reconeissi plan dins dos dels critèris, ai ja reservada l'ostalariá.  


E tu, brave legeire, qué faràs?



3 comentaris:

carine ha dit...

Bona annada plan granada e contunha d' escriure. fa plàser de legir

Anònim ha dit...

E lo vesin, i es pas lo vesin dins ta tièra !?
Bona annada a tu !

Christelle

Anònim ha dit...

Que 2014 viguesse s’espelir quò que l’an partant se servet de far…