Vaquí.
Lo candidat de la drecha extrèma a ganhat.
E passa amb de resultas encara melhoras qu'al primièr torn.
Patirem un conse d'extrema drecha, que vòl netejar la vila de sos paures e de sos arabes, qu'es per lo restabliment de la pena de mòrt e contra l'omosexualitat e que vòl una escòla per los que se la podràn pagar.
Un elector sus dos crei en sas valors o a pas sachut veire lo mal o li avèm pas plan explicat.
Una persona sus doas de las que crosi es colpabla d'aquela malafacha electorala.
La suspicion generala. L'orror. Ai passada la setmana a agachar lo mond sul cai de la gara en me dire "e el?", "e ela?". E me disi que coma ieu que soi a sospechar de totas e de totes e de tot, lo mond benlèu me sospechan de far partida de la fòrça escura qu'a votat extrema drecha.
Alara concretament, de qué fasèm?
A despart de plorar sus lo blòg e de s'anar penjar... ?
Ben, ai decidit de m'investir politicament. Sabi pas tròp cossí me vau organizar per poder resistir d'un biais intelligent a la bomba maurèla, ni cossí farai per poder assistir als acamps, ni tot plen de causas, mas me disi que podèm pas desaparèisser.
Doncas, per totes los que me pausan la question: non, partirai pas !
Nos cal subretot pas daissar la plaça als fascistas, serián tròp contents, cal ocupar la ciutat e mostrar que òc, a Besièrs, i a de personas umanistas, òc, i a d'intellectuals d'esquèrra, òc, i a de militants d'esquèrra, òc i a una esquèrra viva.
"Passaràn pas" que disiam.
Son passats, aquò rai, mas CREBAREM PAS!
Totas mas pensadas per te ! As rason de te pas laissar far !
ResponEliminaMas totparier, qu'es pas un elector sus 2 nimai un abitant sus dos, qu'a votat per Ménard. Qu'es un elector sus 3 adonc un abitant sus 5 (a pu pres). Una minoritat, desjà tròp nombrosa, sem plan d'acòrd. Mas una minoritat totparier. E son tant nombros los qu'an pas votat a Besiers que los qu'an votat Ménard. A pus pres 15 000 personas. 15 000 qu'an decidat de balhar la vila a un faf e 15 000 qu'an decidat de laissar far.
Avem de trabalhar dins las doas direcions : per que la gent compren que lo FN es pas una solucion e per que la gent compren que votar pòt esser una solucion. Sabe pas çò qu'es lo mai aisat ...
Bon coratge, e plen plen plen plen de potons
Resistencia! Osca!! se calcun o pot far es plan tu Melania!!!
ResponEliminaAdieu ,
ResponEliminaSoi tant triste coma tu. Mas fin finala me disi qu'es la luta finala. Quand vesi los socialistes me disi que soi pas, que pòdi pas èstre d'aquela mena .
Fabius , Moscovici, Sapin que vòls me donan lo vomit.
Doncas , esperi plan que lo PS va tombar dejos lo 10 del cent a las eleccions europeencas .
Que vòls Nicolaï Sarkosy te disia qu'èra normal que lo ric sia ric. Lo socialiste te ditz que li cal donar mai , al ric , per que sia content de viure aici ...
Que vòls .
Per ieu s'agis de ne finir ambe lo socialisme franchimand .
E jamai , jamai , jamai , jamai pus de la vida votarai utile per sauvar un socialiste de sa merda de jauna....