dimarts, 30 de desembre del 2014

MMXIV (2)

L'autre cambiament màger de ma vida en 2014 es l'alimentacion.
Fasiá ja un moment qu'anavi pas mai dins los ipermercats ni tot çò qu'es temple de la consomacion. Començavi ja d'anar plan mens al supermercat e ara i vau un còp cada tres meses per crompar de papièr igienic.
Aviái ja començat de manjar local. Puèi agachèri aquesta vidèo:


D'aquí a començat lo grand cambiament, qu'es pas encara acabat. 
Pendent quauques setmanas, mangèri coma o ditz la femna. Tot anava fòrça plan, mas lo problèma es qu'ai pas d'imaginacion e soi pas cosinièra, del còp, capitèri pas de variar las causas e al cap d'un moment, m'emmerdavi. Tornèri a una alimentacion mai "comuna" amb quauques cambiaments radicals...

Un dejunar de cinc fruchas, cada matin.
De granas
Alimentacion biologica, mai que mai locala. S'es pas biologica, pel mens que siá locala. S'es pas locala, pel mens que siá biologica. 
Pas gaire de carn a l'ostal. Dins una amira de mutacion cap al vegeterianisme, mangi pauc de carn a l'ostal. Ne mangi encara perque aquò m'agrada e que ne cal bravament de volontat per cambiar tantas annadas de consum. E m'o cal plan avoar, soi una manjaira, una chapaira e la carn grasilhada m'agrada. Mas los reportatges sus las expleitacions agrico-industrialas me fan bravament soscar sus lo patiment d'èssers vius per mon golarditge.
(mèfi, aquò fa plorar!)




La dralha, contunharai de la seguir e veirem fin 2015 ont ne soi.

Το φάρμακό σου να είναι η τροφή σου

2 comentaris:

  1. Òsca. Ieu tanben ai cambiada mon alimentacion e sabi plan qu'es de dòl far e, mai que mai, de dòl contunhar e pas gaire evident sus la durada.

    Bon, per çò local, cal pas desconar que quand abitas en Illa de França es simplament impossible, mès crompi un maxímum de produits bio.

    La carn me manca pas; pel peish e pel cauquilhum es malaisit de resistir ja que soi italian, mès entrò auèi ai pas tròp mal capitat.

    ResponElimina
  2. Çò embestiant es que manjar biò a un prètz que tot lo mond se pòt pas pagar, ailàs ! Manjar local m'agrada mai car, los produches biò (consèrvas, granas, òli...) venon sovent de luènh (Alemanha e mai naut tanben) e es pas bon per l'aire que respiram... I a produches biò (consèrvas de tofu per exemple) que venon de Tarn. O alara te cal far ton òrt !!!!! Mangi de fetge fras (local çaquelà !) un còp l'an e ensagi de gaitar pas las orrors que nos mandas. Ba sabi, es pas la pena de me far plorar.... Que l'annada 2015 te siá doça e pas tròp "radicala" !

    ResponElimina

Mercé :)