Anètz pas mai a Rodés al mes de julhet, anatz puslèu a Pau al mes d'agost pel festenal Hestiv'Òc! Es mon conselh de l'annada!
Ongan, la programacion musicala èra chanuda! De l'auçada de çò que poguèt èsser Estivada dins sas annadas bèlas. E puta, que s'i manja plan!
Aquí dejós
- fòto del concert d'Aqueles, perque Gileta n'es subrefan - a bon gost lo tipe! a la plaça del quiòsque. Quin chale!
- Lo Bal del Lop amb l'incontornable Guillaume Lopez, istòria de dançar una escotisha amb Gileta e de se ridiculizar en ensajar los sauts bearneses jos las consignas de l'Audenca Exiliada, mercés a ela!!!
- lo boys band talentuós : lo Còr de la Plana, fasiá moment que los aviái pas vistes e soi totjorn tan fan !
Faguèri pas de fòtos, mas i èri, lo concèrt de Mauresca , lo podètz veire sus Octele.
Respect a la Police Occitane de Proximitat per sa presa de paraula pendent lo Bal del Lop.
Vegèri pas tot, luènh d'aquí e de fach e malurosament, i passèrem pas gaire de temps a Hestiv'Òc... E benlèu ben qu'i tornarai l'an que ven...
Es un succès popular, lo public es mai que mai de mond del país. E es ben agradiu de se passar dins un festenal etiquetat occitan sens i conéisser pas degun.
e perqué cal pas mai anar a Rodés?
ResponEliminaÒm pòt benlèu far los dos, non ?
ResponEliminaSegur que se pòt far los dos ;)
ResponEliminaDe fach, cadun fa coma vòl :D
Perqué disi que cal anar a Pau puslèu qu'a Rodés? > Estivada es pas mai qu'un paure rebat de çò que foguèt. E me sembla que los lengadocians avèm pas jamai considerat aquel crane festenal de Pau... ara que l'Estivada es çò qu'es, benlèu poiriam anar far un torn per Bearn.
Enfin, pas d'injonccion, tot aquò èra per far de reclama a Hestiv'òc :)
> Estivada es pas mai qu'un paure rebat de çò que foguèt.
ResponEliminaVictima de sa capitada?
diriái puslèu victima de la municipalitat, entre incompeténcia e marridafe...
ResponElimina